Cow Bean (荃灣廣場) (已結業)

媽媽每每經過呢間餐廳都話好想試, 不過見到條長長人龍就走, 咁啱我哋早早就喺附近行完街,而餐廳 5:30pm 就開始做晚市, 我哋排第3張枱, 就早 d 食晚餐啦! 母女倆偏好肉眼扒, 澳洲扒又正在做特價, 好抵食! 加 $29 有薯條, 沙律同飲品! 冰滴咖啡唔駛再另外加錢, 味道幾好, 糖奶無得增多減少, 於我喜飲齋啡既人是可接受的! 必試! 薯條香脆肥肥的, 野菜沙律新鮮爽脆, 醬汁剛好唔會水汪汪! 牛扒肉質軟嫩 (圖為300g, 都有牛肉味, 略嫌鐵板唔夠熱! 洋蔥無味唔甜唔辣! 加 $29 有帆立貝2隻, 凍帆立貝大大粒, 肉好厚! 醬汁似日式燒汁, 甜甜的! 註: 醬汁好茶餐廳…餐廳給每位客人圍裙, 讚! 

行過荃灣廣場，每次都會比門口一陣好香既鐵板味所吸引到。原來就係cow bean，今晚，我終於忍唔住入左去要試一下佢究竟係何方神聖！入到餐廳，店員就同我呢個排要一百九十八元，仲要所剩無幾，極度推薦我去點，我諗左一陣，到最後就真係點左。當然，又真係好食的。唔單止咁，係我點完之後，跟住有個客再想點，就已經無得點，原來我點呢客套餐，已經係當晚最後一個啦。我果然好好彩。塊排食落去唔硬，加埋D汁，簡直一流。果然貴野係唔同D。同場加映一排炒麵，都幾好食，夠香口，大家如果經過荃灣廣場，記得去試呀。

一直都好鍾意食pepper lunch呢d鐵板牛今日見到呢到新開左一間,梗係要黎食啦入到黎見到D靚牛擺晒係到,已經夠晒吸引澳洲M7和牛我就最鍾意食特別野,見到有呢D靚野就梗係叫睇下鐵板真係熱辣辣,出晒煙店員話塊牛上果陣係4成熟要將佢燒到你覺得OK既熟度之後就切開佢,再淋汁上去睇下幾厚食落去好軟淋淋仲肉味好濃仲要有好多配菜又有粟米又有菇,正鐵板櫻花蝦元貝炒飯睇下滿滿既櫻花蝦令成個飯好有海鮮香元貝都唔少,而且都幾新鮮撈埋個玉子就更香,個汁都好惹味食個M7和牛,又有海鮮炒飯咁先3舊水唔洗,抵食

之前其實都po過呢間但另一粒花花子係都要自己都去試一次🙆‍♀️🙆‍♀️然後發現呢間牛扒真係令人又愛又恨😣點解咁講呢？睇埋落去先/首先店鋪坐得幾舒服不過好多時隔離枱會有鐵板上啲煙味就會好勁🤧🤧/我地今次嗌左一個貴啲一個平啲嘅諗住試下有幾咩分別首先圖中嘅係澳洲肉眼300g 💲118睇落好似大大舊唔錯🥩叫左五成熟 但都係唔掂又鞋又un 成舊勁cheap嘅豬扒咁🤮🤮切個下已經心知不妙 估唔到真係可以咁難食！真係唔知本身舊牛差 定係煎個個人嘅技術差😪好心咁難食真係唔好攞出黎比人食啦真係$10都唔會食 完全浪費左一餐/而另一個貴啲嘅係美國肉眼300g💲158價錢就唔係差太多 但好食超級多😳😳肉質有口感得黎又嫩滑呢舊扒非常值得回頭再食❤️自己買塊同質素嘅番屋企煎都無咁抵啦/但因為覺得澳洲個舊太呃錢所有下次會唔會再黎食過 要再考慮下😠提醒大家千祈唔好貪平 要嗌就嗌美國肉眼👍/荃灣廣場 - Cow bean#Hanako_荃灣🌻#Hanako_西餐🌸

家下出街据塊靚扒閒閒地都要過百，最近發現到有平扒食，而且質素又唔差，#澳洲西冷牛扒 $76，生熟程度睇自己想要幾熟就擺幾耐，高汁嘅牛扒，肉質都幾嫩，肉汁都鎖緊肉質入面，有得揀黑椒汁、蒜蓉汁或燒汁分開一杯自己落，最緊要係有一塊熱辣辣嘅鐵板，又抵食，條女實唔會詐形的嗎，比多 20 皮唔能 jar jar 聲 🤤-Cow Bean by Pokka Café荃灣荃灣廣場 1 樓 128-130 號舖將軍澳 TKO Gateway 東翼 1 樓 140-141 號舖太古康怡廣場南座 AEON 3 樓 L301 號舖紅磡黃埔天地 AEON Style B03 號舖

放完假之後返工，總係無乜心情做野，所以今日決定早D收工，去荃灣廣場 Cow Bean 食個早飯，因為呢度係繁忙時間，一定大排長龍，所以五點幾去幫襯，就最好啦，一入去揀左個窗口位坐，雖然出面無靚景，但係有D天然光照下都好吖，加上呢度裝修走清新自然風，感覺都好舒服。望完餐牌叫左個鐵板三文魚炒飯，加杯朝日啤酒。好快冰凍啤酒就送到，Happy Hour 即刻開始，飲左一大啖，實在透心涼。跟住鐵板三文魚炒飯又到啦，熱辣辣，賣相好吸引顏色好靚，好多三文魚仲好有光澤，蔬菜都好多，分別有椰菜、豆角、洋蔥、粟米，面頭仲有一大堆甜蛋絲，首先將D蔥花放曬上去，加埋隻溫泉蛋，再淋上燒肉汁，鐵板唧唧響既時候，已經聞倒香嘖嘖，即刻輕輕撈勻，熱辣辣食入口，好好味，軟嫩既三文魚好有鮮味，D蔬菜好新鮮，而D飯亦軟韌適中，加埋溫泉蛋令整體口感滑溜溜，燒汁亦吾會太鹹，調味啱啱好，差吾多食曬，D飯依然熱辣辣夠曬熱度，食到個胃暖笠笠，跟住飲番啖冰涼啤酒降下溫，真係又爽又滿足。食到飽飽，餐廳又出現人龍，無辦法啦，要食好野，花多少少時間都係值得既。

之前喺Facebook見到荃灣有專食牛扒嘅餐廳，放工就拉埋男朋友去一試。六點半去到都仲需要排隊～想食要預早少少去拎位。牛排餐70幾蚊起有交易，除咗茶餐廳之外，都應該幾難揾到呢個價錢既牛排！我哋加咗$29升級套餐，不過見到人哋嘅凱撒沙律好似比較吸引，麵豉湯同牛扒食落味道唔夾。佢嘅牛排分咗唔同克數，適合大家按適量order賣相幾吸引，唔會過熟，牛扒牛味唔突出，無咩驚喜。環境通風效果比較差，由於每一枱都係食緊鐵板餐，成餐飯都好煙霧離漫，枱與枱嘅距離好窄，唔算坐得舒服。食完身上油煙味頗大，下次應該唔會再黎

荃灣一直出名呢間平價牛排，今日同朋友出去聚會就想試下味道如何～夜晚七點鐘左右，外面排隊等候既人龍已經好長，令我有小小期待係咪真係咁好食～外面門口已經放左勁大塊餐牌，可以一路排隊一路諗定食乜～枱上面有教點食最好，步驟都好清晰。紐西蘭西冷牛扒〔200g〕$111 另加$29 套餐 〔沙律🥗、意粉&飲料〕西冷牛扒好厚，望上去唔似平價既牛，蒜蓉汁勁香，侍應每次上牛扒都會提醒大家，牛扒上枱係四成熟，當牛扒熟到自己想要的既熟度，就可以落醬汁～好細心。牛扒唔會好韌，但牛味唔算好出，但對得起個價錢既～另外三個餐都係叫左 紐西蘭肉眼扒〔200g〕再加$29 套餐 $129肉眼扒比較薄，肉質比較林身，帶有少少根，味道就好普通，無乜特別。不得一提既係個沙律，好味，芝麻醬口味！呢個餐叫左薯條🍟個薯條真係唔好食，好乾好乾，無味，要沾好多醬汁，好大既改善空間！4成熟上枱，等到六七成先落汁，最好味～每人都只係百幾蚊，牛扒黎講真係平，份量亦唔少，只係質量唔算高，平平地食住先都Ok！

幾次泥都見到呢間餐廳大排長龍，而且行過都聞到陣陣香味，一直都好想試下！最後，終於的起心肝去排隊食！😆入到去最入面嘅位置坐，各檯之間頗擠逼，而且有啲焗，因為個個鐵板餐都搞到好大煙，但抽風系統就麻麻。貼心之處係有塊牌仔教人食法。紐西蘭西冷牛扒($82)肉質較韌較鞋；意粉太乾身，有待改進，醬汁又唔夠拌麵食；沙律酸酸地頗開胃；蜆肉味噌湯味道較淡，普普通通，正正常常，而湯真係有一粒蜆😂澳洲肉眼扒($88)肉眼扒都係鞋口，而且肉身好硬；意粉都係好乾身。總括來說：2塊扒上檯面時香味不大，與平時行過聞到香氣有差別。而且2塊扒泥到果時都差不多十成熟了，所謂一分錢一分貨，以呢個價錢泥講，算係不過不失。不過都有點兒失望，食過一次就夠了，不會再回頭～呢啲只係純粹個人口味，可能其他人覺得呢個鐵板餐超值～

最近好受歡迎既一間餐廳 平日趁早5點零鐘都排左半個鐘(´-ι_-｀)侍應態度非常好 唔該前唔該後 落單時亦解釋上菜會係生牛扒 需按自己口味煎熟🥩/滿❤️期待自己煎唔會怕太熟啦~太天真👶！上菜時牛扒表面已經圖片顏色 但入面仲流緊血水 自己切開煎到medium時外面已經又鞋又韌 (｀(エ)´)🔥/沙律只係一堆生既菜 個杯亦太細 點都溝唔勻d汁 面頭既冇咩汁 底既就好辣 冇錯係辣！唔明點解沙律汁要咁辣...🌶️可樂唔夠凍 若然用杯+冰上會好好多/反而配菜洋蔥同粟米好甜 燒汁亦不錯意粉值得一讚 有先炒過 好香蒜味👍👍/$76/200g澳洲西冷+$29意粉沙律同可樂 另外加一埋單百零蚊 整體性價比一般 加上要排隊(´◉‿◉｀)......

同食肉獸朋友出去食飯 見佢喺荃灣廣場新開無耐 於是試吓佢嘅300g肉 價錢喺荃灣廣場來講都算平都係100左右 依家夜晚食大概要排15分鐘左右 員工都好用心去安排位置 服務唔錯不過入到去發覺啲枱都好油但好彩店員嘅服務都唔錯好用心介紹你食啲咩澳洲肉眼扒 300g老實講肉眼扒質素唔算太高 唔需要期待好好食 只係一個好普通嘅扒 不過配料有炸蒜 同粟米 為味道加咗啲分但加咗薯條就揸得好香脆幾好食佢加咗有少少泰式辣醬 唔算好食整體來講表現都係一般左右第一次食就OK但冇乜機會都唔會再嚟

平時見到成日排長龍，趁lunch time冇乜人食就試試啦因為我對食冇乜要求，係牛都會塞入口，咁我就叫最平既澳洲西冷，朋友就叫澳洲肉眼。我地都有加$29轉set，值得一讚既係汽水真係成罐，唔係一杯細細杯既，沙律係泰式醬，不過不失。薯條就要靠運氣，我個份好硬又凍，朋友既就脆卜卜，諗番起係我個份黎先，所以應該係炸完擺係到個d。上圖係200g既澳洲西冷，黎到既時候係4成熟，但切開都已經7-8成。但西冷有好多筋，真正食到既都唔知有冇80g。朋友既肉眼比較軟，所以如果想去試既朋友記得叫肉眼排。但總括黎講，肉汁唔多，洋蔥又太大塊，牛味又冇乜，唔值得排隊。

好幾次經過門口🙄呢間食店都超級多人排晒門口,啱啱今日未食飯就經過門口😋可能因為六點半未見多人所以即刻入去試一試！餐牌非常簡單三款唔同國家嘅牛選擇包括：「紐西蘭丶澳洲丶美國」🍴🥩⋯⋯雖然除咗扒類....亦有其他飯類嘅🍱但大多數入得去都會係選擇鐵板燒嘅牛扒🥩紐西蘭嘅牛扒呢都比較少見到有得食嘅所以今次特登即時叫咗個紐西蘭西冷牛扒,味道非常好👍終於明白點解咁多人會來排隊食!但其他嘅配菜就一般啊⋯⋯譬如個飯就唔夠軟綿綿同唔夠熱！整體如果對牛扒喜歡的😃都應該要試一試都非常抵食👍

今日好想食牛排 去邊度食好呢??喺荃灣廣場呢一間餐廳 ，之前聽聞唔錯， 仲要排隊先食到。今日lunch早少少黎，唔使排隊有得食。牛排分幾種，又分重量嘅。有200g同300g之分。我今次叫嘅係200g澳洲肉眼扒，仲加左薯條，沙律同飲品。等待上菜嘅時候，可以睇下佢哋煮嘢食，又或者可以望下正確食法嘅牌。上菜時，個鐵板夠哂熱。如果嫌牛排生，仲可以係鐵板度warm都夠為止。 牛排味道ok, 以呢個價錢黎講算幾好啦。其他薯條，沙律正常， 不過不失。如果要大排長龍先有得食，我相信會有其他選擇。

荃灣廣場地下有很多日系出品的餐廳， 這間牛扒餐廳經常見人龍在等候， 外表的張大型全隻牛的展示牌很搶眼。餐廳環境舒適，坐位寬敞， 有些小盆栽裝飾、木箱小酒樽擺設感覺很清新。牛扒產地分別有澳洲、紐西蘭及美國；重量亦有大小之分，有200g或300g；如想轉套餐可以另加錢$29，4選3款；或可以單獨加錢選擇1款。我們點了澳洲肉眼扒及紐西蘭西冷牛扒，1個跟餐，配炸薯條、蜆肉麵豉湯及可樂汽水。平時吃牛扒不會太講究，很難分別出牛扒哪部位的軟硬或好味程度。今次一次過嘗試兩款， 發現原來肉眼扒比西冷牛扒好吃得多! 肉眼扒質地軟熟，容易入口；相反西冷牛扒質地比較堅靭。 麵豉湯味道一般。 粗薯條非常好吃，所以單獨再叫了一客。本人覺得價錢合理，甚至比其他集團餐廳更便宜。 值得一試。