Cow Bean (荃灣廣場) (已結業)

今日係星期日，同朋友行完荃灣廣場，諗住早些少食飯，估唔到六點鐘經過呢間cow bean 已經排曬長龍，本來都不是太吸引，但經過門口陣陣牛扒嘅香味，令我同朋友決定加入呢個排隊行列 ！差不多等了40分鐘終於入座……我點了一個澳洲300 gram 肉眼扒， 上枱時發覺仲係好生，叫侍應再加熟一點， 侍應都很樂意! 肉質相當柔潤，小小嫩紅嘅血汁， 雖然牛肉油脂唔算好豐富，但入口牛肉味都算唔錯！我朋友點了一個貴一點嘅紐西蘭肉眼， 估唔到佢嘅肉質太實，亦沒有多大牛味，反而冇澳洲肉眼咁好味 ， 整體而言都算唔錯！但若然要等40分鐘，就有些過份了！

荃灣算是個美食天堂畫分幾個小區域幾乎走到哪裏哪裡就有美食這次娜娜就和TerrGor一如往常到荃灣Aeon和一田補完貨就到吃貨的時間cowbean應該無人不曉吧餐單組合非常豐富我選了 美國特級牛小排自選套餐組合A.白飯/意粉/炸薯條B.野菜沙律/另加$10配三文魚或巴馬火腿C.蜆肉麵豉湯D.飲品 可樂/雪碧/忌廉溝鮮奶/雪梨汁A至D自選3款都只不過是$188超值der～肉質明顯結實熱力令香氣更出眾烹飪完再放進熱滾滾的鐵板牛小排還是呈現粉紅肉質外焦內嫩入口香味濃郁很解油膩的沙律恰到好處TerrGor選了鐵板烏冬

事原朋友係網上見到有間牛扒幾扺食所以就一行5人，諗住一齊試下點知唔試由止可，一試成肚火首先未食先黎個排長龍都唔緊要食好西係需要付出代價排左半小時終於入得，但餐牌經已好多售罄排隊果陣無通知已經少少不滿又唔係好明點解同一塊肉有300g，而200g就無？！算啦我肚餓，30蚊差價我豪比你！叫左個澳洲西冷300g，108蚊水都唔包杯，升級套餐加28蚊ABCD揀3樣單加一款就12蚊，咁緊係3樣抵叫左BCD，沙律，湯，可樂目前已消費136，連加一其實已150我覺得唔緊要既，咁多人食一定有佢個人之處！等食物既時間真係比較耐，所以先講下環境我係未試過「鋸扒」要好似打扙咁款四周充滿濃烈油煙，抽風唔掂，冷氣都唔掂環境擠迫，連隔離枱啲粟米都飛到過嚟餐枱餐椅好似有層薄油咁😢唯一抵讚真係得個服務態度等左幾個字塊扒終於登場✨有樣嘢我又唔係好明，啲沙律同汽水點解唔可以分開上呢？成盤一齊攞過嚟搞到好似食快餐咁算啦，太餓試左個沙律先疏菜新鮮一般尚可，個汁酸酸甜甜幾開胃👍🏻終於到期待以久既主角切開之後5成熟都好似幾ok咁！一食落口你就知係大錯特錯估都估唔到就係煮到咁生都可以咁難食💩無乜牛肉味，肉感乾身而結實表面嚡十十，咬多

雜誌提及這間舖頭，便以嘗試的心態來，一進舖內，煙霧瀰漫，知道鋸扒也走不掉全身是味，還在研究選吃什麼時，附近客人的餐陸續上枱，同一時間倒汁，被困在油煙中，氣管一下子受不了（瀆親），不停咳嗽，但由於餐廳不供應水，手上卻只有飲淨半杯的綠茶，知道要盡快停止咳嗽，唯有喝了幾啖，讓自己氣管舒服一點，但卻被女職員制止，明白不應在其他餐廳飲食非他們售賣的東西，但我這個情況是否應該放寬一點呢，認為該位女職員有點不通情達理。算吧！既然坐下來，吃了才走吧，見雜誌吹噓得那麽利害，當餐上來時，刀子一動，枱底不平在搖晃，由於我和老公是坐在6人枱，碰著另一邊是剛入坐的3人家庭，如不理會，大家會影響大家，便跟職員要求處理，又碰著是那位女職員，只輕輕說句地面不平是這樣的，太利害了這樣的態度，又再算了吧，我老公唯有自己將厚厚的紙巾”磁”在枱底不平的地方，幸好身傍的那位先生幫忙抬起張枱。老實說，以這個價錢吃這些質素是可以的，但服務態度就有點不恭維。提示，如不想處身太煙霧瀰漫的地方，建議坐近門口位置，但座位不多。還有等餐也差不多需要半小時。

呢度太多打手，我只簡單講下個人感受：1. 等餐時間 半個鐘，當日我下午3點去，冇人龍，但都要等過半個鐘要一塊扒。2. 落單焗你揀貴扒：佢有紐西蘭同澳洲西冷，澳洲西冷平小小但冇貨，焗你揀紐西蘭西冷。3. 唔問幾成熟： 我食咁耐扒第一次有餐廳係唔問幾成熟。4. 結果塊扒全熟上咁濟 結果係食緊冇乜牛咪既全熟牛肉。5. 跟餐薯條沙津更加唔好提極少份量。總括而言：-好多西冷扒房都高質過佢，唔好見多人排你就塊食 你一定會後悔。

火熱熱的鐵板，放上優質的牛扒，烤出焦脆的表面，香味四溢，內裡卻依然夠嫰，肉汁都被鎖緊。因此入口即溶化出牛肉汁和油香。如此吸引的牛扒，在這家可以找到。店內不算少，不過座位比較多，有些許的迫刧 。    由於店是開設在商場入口旁，進去就已經可以嗅到陣陣肉香。店家主推各地牛扒的套餐，有澳洲、美國、紐西蘭的牛扒以供選擇。我和老公兩個人點選了一客鐵板美國肉眼扒和一客鐵板海膽炒飯。肉眼的口感富彈性，而且肉汁多~加29元換購了4選3款的套餐組合，要了可樂、蜆肉麵豉湯、薯條~薯條配牛扒~好幸福~套餐配有的蜆肉麵豉湯很不錯，是偏鮮甜口味的白味噌~湯料很足，有帶殼蜆，還有有很多昆布和豆腐。海膽炒飯配上半生蛋一顆各大量蔥花，之後可以見到海膽都係放在飯上面的~炒飯其實是自己調味炒~~旁邊有調料，店員會提供建議做法，自己可按喜歡的味道濃度加配，超好味~飲品方面，要了可樂和啤酒。好滿足心靈的一頓!

一坐低落單，原來全部標價都未包前菜飲品餐湯加29蚊可以四選三沙律，蜆湯，薯菜/意粉/飯，汽水甘我就揀了沙律 個汁超酸，難入口蜆湯 得一粒蜆，西餐鋸扒配面豉湯？意粉 得一細碗 男士一兩啖一定食晒😅無叫飲品。自然問待應拎兩杯水點知佢話無水供應😅😅焗人叫飲品仲問我會吾會俾9蚊買支乜乜礦泉水🙃到個扒 拎到黎同我講吾夠熟就反一反佢睇個面都熟晒。。反佢又勁易彈到d油去手所以無反，點知入面真系幾生下。。之後見到佢幫第二枱上菜時系有提塊扒得4,5成熟。。但佢無同我講😅仲要d洋葱雖然系鐵板上面，但好生😖食落口好”乸”喉嚨同埋佢唔似平時鋸扒，上完飲品再上扒，之後再比飲品佢好似大家樂大快活快餐咁，一次過出晒d野食建議拍拖咪鬼去食，去返花園，莎樂美仲要係未食晒就趕住想收走你個碟阻住佢做生意甘明明個碟仲有野，點解咁快問我係咪收得？總括。吾會有下次我寧願食返沙樂美吾試新野。

每次吃鐵板餐，最期望就是看到燒得火紅的鐵板冒著騰騰的熱氣跟吱吱發響的聲音，聲音就像呼喚著我，快快動手兼動口了。其實鐵板餐很適合大顆兒一起吃，當幾個鐡板一同上枱時，那種震撼實在令人興奮。但其實鐵板餐也很適合獨個兒享受，自己叫一個套餐也可以慢慢品嚐其中美味。而這𥚃的鐵板牛扒還提供200g/300g 重量的的牛扒供客人選擇，價錢由$76起。美國肉眼扒（$158/300g)👍👍👍👍300g 的美國肉眼扒放在火熱的鐵板上，牛扒上還放有一片牛油。香噴噴的牛扒在鐡板上發出吱吱的響聲，牛扒的生熟程度可以因應個人喜好而控制時間，如果你喜歡吃較生的牛扒，就要快快開動你的刀义了。但如果你喜歡較熟的牛扒，就可以慢慢品嚐了。牛扒還可配以黑椒汁、蒜蓉汁或燒汁給客人選擇。自選套餐組合（+$29）👍👍👍👍另加$29， 更可以自選三款組合，我們選了炸薯條、野菜沙律和韓式忌廉鮮奶。鐵板海膽炒飯（$98)👍👍👍👍鐵板海膽炒飯套餐已包括一碗麵豉湯，白飯上放了海膽，下面還放有多種什菜。吃之前可以把葱花和溫泉蛋放在飯上，淋下豉油，用匙更把所有材料拌匀，就是一個DIY的美味鐵板炒飯。黑烏龍茶（$20）👍👍👍👍Interior餐廳以

簡簡單單想食個塊扒，可以考慮去呢間西餐廳，就開喺荃灣廣場地下，以前係雪糕店嘅前身。唔係太肚餓嘅朋友，可以試吓唔同份量嘅牛扒，叫咗個200安士嘅西冷牛扒，肉質明顯結實，鐵板上有4份1的位置預留了擺放粟米和洋蔥，分量比平常多，西冷扒上面擺放香蒜片，熱力令香氣更出眾，不同啲配菜使食客進食時更有新鮮感。呢度除咗有鐵板牛扒之外，亦都有鐵板炒烏冬同埋鐵板炒飯，今日叫咗個海膽鐵板炒飯試吓，大概15分鐘店員親自遞上，餐盤上面有好多配料，包括蔥花同溫泉蛋，加少少豉油落鐵板嘅時候，濃煙冒起，香噴噴，海膽在飯中溶化，溫泉蛋亦瞬間被飯粒攪勻加上蔥花，味道更加錦上添花了，分量亦很多，大概三個人才吃得完。鐵板一直維持熱到，大概過去15分鐘後，鐵板仍然非常燙手，在寒冬中若有些鐵板炒飯，定必暖透心，大受歡迎！最後仲叫咗杯五青汁試吓，講明有益、有營養又好味嘅五青汁，可以排到腸道毒素，令身體更健康，於是毫不懷疑叫咗一杯，大概$8就為健康增值了！味道有草青味，清淡非常，但能去除剛才口中濃烈的味道。結帳大概每人$100，實在抵食！決意再和家人來吃。

先前成日都去呢間餐廳食晚飯，佢有好多唔同類型嘅西餐食物可以選擇，但係最近唔知係咪因為天氣凍左，所以將全部餐變成做鐵板餐，今日一入荃灣廣場，就已經聞到好大浸香味！令人食指大動，好想衝入去食啊。餐廳大排長龍，到食飯時間餐廳裏面並無虛席，整間餐廳香氣洋溢，感覺有點像牛扒快餐店。睇到餐牌真係令人垂涎三尺，上面有唔同類型嘅牛扒，包括食客經常點嘅西冷同肉眼扒，而且仲嚟自唔同國家，分別有澳洲、紐西蘭同美國，經過店員嘅推介，我哋決定叫咗去美國肉眼扒，大概15分鐘就送到去我嘅面前，我揀咗黑椒汁，黑椒香氣非常濃烈，而且鐵板燒都好夠熱，到啲汁落去鐵板嘅時候粟米更加熱至彈起！熱氣騰騰，霹靂啪喇，真係好誇張。肉眼扒上面擺咗一舊牛油，使肉質更滑嫩，切落去嘅時候，裏面只有四成熟，要經過鐵板再烹調才會更熟。牛扒夠厚，而且好夠牛肉味，咬口不錯，肉邊比較多脂肪，香氣四溢，大啖大啖咀嚼，令人大快朵頤。我哋今餐+$29仲會加埋罐裝柚子蜜、沙律同意粉，經濟又實惠，沙律加少少酸甜汁令人份外開胃，而且沙律菜夠新鮮，用樽裝盛載，透明易見，帶點小清新感覺。冬天一定要再嚟食啦！

放假的節奏，中午就去嘆個牛排🥩餐先，落單時我好奇點解佢吾問我幾成熟，原來佢一黎到就係5成熟，如果我想熟d就由佢係鐵板上面煎幾煎先，不過我5係太識預時間，好似生左少少😅有D煩我覺得🙈 我叫左份澳洲牛柳，再加配菜😄味道不過不失。

係cow bean 原身未全新改menu 前，黎過一次。食過意粉和龍蝦包，當時全部也很yummy。更懷念當日的龍蝦包，所以今天特意來。点知menu 100%全改晒。主打牛扒。。。諗住只有牛扒會好食，又点知。。。牛肉炒飯：難食到嘔！ 牛細粒無味，似白boil甘。內有洋葱，corns,葱花，豆角，温泉蛋。汁選了燒汁，自己加入飯撈。送歺來時waitress提点汁可能比較咸，請分2次撈試下先。我全加入撈都很淡。澳洲西冷200g:冇包飯或意粉。甘既價錢，甘既樣，值不值見人見知。來時約六成熟。冇得要求幾成熟，只可要求全熟。waitress會叫你如怕太生，自行在鐵板燙一燙去！吓！甘都得？！好心你地甘就咪鬼主打只有牛啦！牛扒大半算(林)，但不好吃，冇味，又吾夠嫩。歺冇包飲品。又冇水提供。佢會你買擴泉水。甘我就寧願比$12飲可樂。水都冇，感覺不喜歡，迫人加💲飲野甘。

14-10-2018下午約18:304個人叫了4個餐，其中兩個餐加$29元選擇(自選套餐組合)當中只有一罐可樂，到埋單後離開，一睇張單多收咗一罐$12元可樂，回去找經理討論，最後佢話費事同你嘈，比翻$12元你喇， D態度惡劣到，好似我 呃咗佢罐可樂，唔好忘記你有收加一㗎！你只比返$12元我，仲要咁嘅態度去嘅朋友記得查單。

話說上一次同同事嚟呢度食牛扒 午餐有水有圍裙感覺係好貼心嘅 但隔咗兩個禮拜再嚟嘅時候佢竟然咩都變曬 我哋入到去都好驚訝 唯一冇變嘅就係餐牌上面仲有牛扒食今次就叫咗個紐西蘭肉眼扒 200 gram 配飯 唔知今次師傅係咪因為心情靚 塊扒煎得唔錯上菜嘅時候塊扒仲有啲生 要切開之後擺喺塊鐵板上面煎多一陣先啱啱好牛扒肉質真係幾唔錯 稔得嚟又唔會好似打咗鬆肉粉咁樣 而且好有牛味 加上佢保留咗一定程度嘅油脂喺塊扒入面 再加埋佢上菜嘅時候落咗舊牛油仔喺面令 到成件事即刻昇華咗200 gram嘅牛扒配埋飯 啱啱好夠飽 又唔似食300 gram咁樣咁 肥膩下次又可以再畀多次機會佢啦

今日食飯想食間牛扒！咁啱附近有間就試下😂😂😂😂😂😂價錢不過不失啦！因為食lunch唔駛排隊算好彩嫁喇🤣牛扒幾鮮嫩，好juicy！幾好味！加埋啲栗米感覺幾好。而且牛肉好厚肉，真係可以慢慢食。其實佢側邊都有啲洋蔥可以試埋。幾清甜，我幾鍾意！😛😛😛😛因為佢係鐵板上，一上台個時已經熱辣辣好正😙個人都幾鐘意鐵板始終夠熱好啲。好怕啲嘢食凍哂！食完仲可以慢慢咁行返公司，呢間一定會回頭，唔錯！