Cozy Coffee

營業中

休息中

呢間到訪過冇數次嘅Cozy coffee 西貢間分店都試過好野更係再黎食啦今次試新嘢咖啡味bagel🥯裡面有煙三文魚 意大利軟芝士 石榴 牛油果 洋蔥 意想不到咁清新簡單 三文魚配軟芝士夾bagel 簡直係完美配搭雙重自選egg Benedict 雙重煙三文魚牛油果egg Benedict 係度食嘢都幾得意 望住出面唔同品種狗仔行來行去真係有衝動領養一隻返屋企

難得可以休息又想去cozy試試新野啦！今次去到發現有Christmas menu 同新嘅pet menu，上一次來都係半個月前，今次去到發現都幾多新野可以試下。不過得我自己一個食就真係食唔落太多，叫左個salmon benedict，南瓜湯同mocha。原本仲想食完試下人氣朱古力棉花waffle，但真係太飽啦……唯有下次再試。btw食物質素都有keep到，咖啡都好香好濃郁，拉花都好有心機，好開心食到間咁好嘅咖啡店。

好耐冇去cozy食野 之前去過大圍覺得麻麻地 點知今次來南豐紗廠真係好surprise 好有節日氣氛 環境好cozy 一入到去嘅時候service 都好nice 再去到order又講得好detail 野食都好好味 感覺好滿足 下次帶埋fd來食！！

週日舉行嘉年華既南豐紗廠， lunch 時段12:30未算多人， 餐廳環境闊落， 有空間俾主人帶寵物一齊坐底食野。 由於人流唔多，都唔會限時，可以休閒地嘆杯咖啡。 但週末假日冇set 。 今次試左 特選牛肉雙層芝士漢堡： 牛肉扒多汁厚身， 漢堡包面底好多芝麻， 香口。可惜薯條唔係厚切個款。帶子意式薯丸： 薯丸咸左d， 麵粉比較多， 鐘意煙靭口感既會覺得唔錯， 但我個人比較鍾意薯蓉感。 虎蝦明太子飲管粉 有櫻花蝦加強蝦味， 同明太子醬都夾， 但飲管粉同想像唔同， 比粗d 既意粉。培茶鮮奶， 培茶味比較淡。

同朋友帶狗狗黎坐下傾吓偈，坐位舒服又無限時，真係good呀👏🏻👏🏻當日會有個Special menu 我地就無叫到食物都好多選擇，但咁岩我地去係假日，唔可以跟餐，只可以單點所以會比較貴🥲而飲品種類都多👍🏻環境木色為主，很舒適卡邦尼飲管粉 $98飲管粉係中空意粉，食落好有口感。表面有一片巴馬臣芝士脆脆，好有芝士鹹香味，同溫泉蛋一齊撈意粉食，做到有掛汁效果。Flat White $42咖啡味唔算濃厚，奶泡薄身特選牛肉雙層芝士漢堡 $138漢堡扒牛肉味很濃加上芝麻包皮，搭配蔬菜,洋蔥,蕃茄和醬汁，還有半融的芝士超級讚。Passionfruit Elderflower Spritzer $56味道偏酸，還好。

chill住既午餐🥣🥣第一次去南豐紗廠用膳，朋友帶來這間cafe……環境舒適🥰🥰店鋪門口有數張檯，比室內更光猛☀️☀️。一行三人選擇是日精選，原因主菜列了是飲管粉，這個精選當中有一個主菜配飲品☕️🧋🥤南瓜🎃湯與沙津是加配，每個$20😊☺️😉變成有三樣食物✌🏻✌🏻南瓜🎃湯味道一般，主菜是香草蕃茄海鮮飲管粉，蕃茄🍅🍅味不酸😋😋有茄🍅🍅味👍🏻👍🏻也明顯是將食物放好才上碟，吃魚時不會散開，海鮮也沒有雪味😉😉比預期中理想，唯獨咖啡☕️欠佳，說明奶另上及沒有提供匙羹同糖，整體可接受。

今日黎到荃灣南豐紗廠行下，諗住坐低食lunch，揀咗間門面幾正常嘅cafe試下，見環境都寬敞乾淨。初時望menu，覺得意粉都有啲特色，120蚊左右，點知一食就知中伏首先$51一杯hazelnut ice latte, 我覺得真係冇hazelnut味…係普通latte一杯 250ml左右然後帶子gnocchi, 要$128，個薯波本身自己冇問題，加埋個汁真係唔夾，最大獲係啲帶子，佢一粒切成3 4片薄片比我，仲要係屬於偏細size，完全唔值呢個價，失望同行人仲有食burger, 不過都話個味道同用料唔值呢個價位。Overall 係唔會再試🤣淨係得門口個女侍應好nice，會介紹是日special 同個環境正路，但紗廠咁多嘢揀，建議試其他

放假搵左個地方chill下，入到去座位舒服，有bar枱、有sofa坐，夠舒服。因為肚餓所以叫左個意粉同煙三文魚牛油果醬賓尼同埋黑松露薯條併番薯條，仲有叫咗一杯熱拿鐵，好飲好食😋

今日去到荃灣南豐紗廠，呢個商場係寵物共融商場，所以在埸好多貓貓狗狗，好得意。行攰左又肚餓所以黎左COZY COFFEE SHOP食下野。黎得COFFEE SHOP，都係預左黎CHILL下，所以就揀左個ALL DAY BREAKFAST，呢個餐份量好足，個包都好好食，配埋個炒蛋腸仔同埋煙三文魚好好味。仲有叫左杯ICED CUPPUCCION，呢間餐廳用既咖啡豆都幾好，唔好話太苦OR太酸。仲有個漢堡餐，薯條炸得好香脆，個BURGER 既份量都好大，兩塊肉肉好足料。所以呢度FOR CHILL & HEA係一流。 

今次黎到荃灣南豐紗廠搵好野食😜 同屋企人黎到Cozy Coffee 個裝修好靚環境好靜☺️ 凍摩卡咖啡🍫 凍泡沫咖啡🥤兩杯都好出色 味道好濃😍 而且一杯份量都吾少 好滿足☺️帶子蟹肉意式薯丸🦀賣相好得意😍 一粒粒嘅薯丸好煙韌好有咬口😚 不過味道就一般般 吾太岩我口味🫣 但帶子好好食😋 細細粒一啖食晒 同薯丸嘅大細好似 所以望落去都有啲分吾清邊樣打邊樣🤣卡邦尼飲管粉🍝表面有一塊芝士脆片 整開之後 下面就係卡邦尼意粉😛 個醬汁濃度整得岩岩好 每一啖都黏到醬汁 好好食😍美國安格斯漢堡🍔塊安格斯牛好淋好多汁😳 一咬落口 啲汁流晒出黎❤️ 牛味好夠濃 又易咬開 好好食🤣 漢堡材料都好足 夠晒飽肚😚

因為公司好近南豐，突然間心血來潮就行咗過去呢間cafe食tea🤣🤣🤣睇咗入面啲餐廳嘅餐牌，呢間最吸引到我。平日大約2:00-3:30呢段時間，餐廳都冇乜人，設兩個用餐區 (店內及店外)，我諗如果帶咗寵物嚟應該就要坐店外?! 因為我都見唔少人帶住寵物嚟都係坐外面😍我叫咗個咖啡三文魚Bagel ($88)，加多$22試試佢杯flat white。本身好想試下個bagel係咪真係有咖啡味，點知…..係完全無嘅！不過都大個同幾好食，本身諗住輕食，點知食完好飽lol另外佢杯flat white嘅咖啡店豆飲得出都幾香幾濃，幾鍾意👍🏻👍🏻👍🏻間Cafe都幾靚，好多打卡位，算係一間文青Cafe，都值得嚟影相同試下啲嘢食🤞🏻🤞🏻

帶子意式薯丸$128Gnocchi用薯蓉同低筋麵粉搓成麵團，口感軟糯，仲有用叉壓出坑紋好掛到松露牛油汁。燒粟米食到有少少酸醋汁既味，配上車厘茄同埋青瓜，好清新。帶子切成薄片，間唔中食到d鮮味。味道好，比較少cafe做呢道意大利菜式，可以一試。特選牛肉雙層芝士漢堡$138牛肉口感紮實，有手打的感覺，好有牛肉味，而且有兩層牛肉，面包內層冇咩烘過所以濕濕地，醃黃瓜唔會太酸，令人唔想食到佢，芝士有兩層，令人滿足。店內環境開揚，有一半室內一半室外，員工好友善，見到我地帶猫入嚟，好親切咁同猫玩。仲有得買狗仔雪糕🍦。

今日下午去到還未入座時，搵左一位帶眼鏡高高瘦瘦嘅男職員問廁所位置，他非常仔細咁講解方向及位置，先加5分。我和女朋友其後再進店用餐，飲品出色、牛油果粟米多士加咗青檸味道多一種層次，雞翼都炸得唔會好乾身，又夠味。但最令我驚喜係我大頭蝦漏左支相機鏡頭就走左，一開頭嗰個眼鏡男職員拎埋支鏡衝出黎面帶笑容同我講漏左嘢，多謝你四眼哥哥，d人成日話呢一代d𡃁仔唔識禮貌同服務，夠薑就去一次呢間野搵四眼哥哥。利申80後都係做餐飲，我呢代唔見得有幾多對客真心同呢代都多西客，完

🔹️Cozy Coffee🔹️文青慢活格調咖啡店，木系裝潢，裝修佈置比較簡約，有不少的垂直植物牆及乾花，氣氛讓人放鬆心情☺️整個下午都帶著輕鬆的心情，跟朋友坐著說說笑笑談談心，慢慢享受著小餐點。期間看到小狗與小狗間互動。餐廳亦有提供寵物美食，寵物不只是陪主子到此一遊。🔹️雞胸大啡菇沙律雞胸、大啡菇、蜜餞合桃、露荀、溫泉蛋、沙律菜😖最特別的是額外配有“甜酒松露醬“不一定每個人都喜歡這獨特的配搭😖🔹️巴馬火腿賓尼迪蛋我知道看似簡單，但最關鍵的是荷蘭醬☺️我網上搜尋了一下，所謂的荷蘭醬，是以蛋黃、奶油、檸檬汁或醋、胡椒、鹽所攪拌、混煮而成的一種調味醬汁▶️吃起來口感濃稠、滑順，還帶著酸酸的滋味🔸️熱情果梳打🔸️焦糖檸檬梳打

Beer Shredded Pork Burger $118唔太啱我口味，媽咪亦話唔好食Sesame and Avocado salad $78外觀唔錯😌牛油果夠曬熟！Scallop and Crab meat Gnocchi $108見唔到蟹肉...帶子唔錯，薄薄地😬數過薯糰，有30粒～ 總共食過四次薯糰了，按薯糰本身第一第二位好食，因為煙韌✨💕但以前食過嘅醬汁太好食，呢次個醬汁似係燒粟米味 較濃，而我本身口味卻較淡。 重口味應該鍾意嘅，推介😊唔係周圍都有嘅意大利粉同飯，薯糰嚟講價錢dou ok👌🏻Tiger Prawn Bucatini $118擺盤幾靚，分量少💫飲管粉似圓柱形嘅粗身意粉蝦呈半透明，好食👍🏻Lemon and Ginger $42飲料🍋