影片
特色
飲o野傾計
營業時間
星期一至日
11:00 - 20:00
以上資料只供參考, 請與餐廳確認詳情
預早兩個星期前Book "Crabtree & Evelyn The Tearoom" 都要跌入waiting list, 加上聽店員講 10/8 開始裝修, 所以唔理點都照等....(希望裝修完之後更加靚, 可以再去一次影相) 由於出面戶外張枱比人book左, 所以我地被安排左0係店入面, 不過店員好好比我地0係出面戶外枱影下相, 只要0係客人0黎到之前影完就可以, 所以影左好多好多靚相 Crabtree & Evelyn The Tearoom 既餐牌, 餐具都好靚, 好有英國氣氛, 不過我地order 茉莉花茶時, 已經無左蜜糖送啦, 只係比左個壺裝住d 蜜糖比我地....不過蜜糖真係好清甜.... 茉莉花茶好香, 環境清優, 好令人relax !!另外我地點左2sets 3 layer 既tea set !!兩人份量當中包括有兩件 x 兩款三文治 (吞拿魚 & 雞肉), 四件鬆餅, 四粒朱古力, 四件果撻, 四式酥皮餅,份量之多, 真係無辦法食得晒, 結果打包左d 果撻....講番d 食物, 三文治好均衡營養, 有生菜, 蕃茄, 青瓜.... 當中, 雞肉款式比較好味同稍濃味, 吞拿魚比較清淡!!鬆餅係提子鬆餅, 牛油味不足, 而且有點乾和硬身, 朱古力中我最鐘意有酒味果款.... (睇左我咁多篇食評之後, 我都發覺自己偏向鐘意有酒味既食品)果撻有兩款 - 什果 & 士多啤梨, 其實果撻偏甜, 建議可以減輕糖份!!四式酥餅入面 - 有菠菜批, 腸仔酥, 咖哩酥, 仲有一款食唔出... 真係唔好意思!!整體而言, 酥餅由於偏細件, 而且每款一件, 兩個女仔每人分一半試, 試完之後真係唔太感覺到咩味....寧願做成2款大酥餅 x 2件, 因為酥餅好衰既地方係如果太細件, 包既料就會少, 食既酥皮就好多, 反而食唔太到味道.... 最後, 當然埋單既時候, 店員送左d hand cream 比我地啦!!期待裝修完畢, 有機會會再光顧試下其他野食~
繼續閱讀
係網站上睇到好多食家的食評話 lee 間野黎個 hightea 好唔錯下. 決定左點都要試下. 結果落足咀頭講到佢好正咁叫幾個好友一齊黎。結果都不負眾望, 幾好幾好.是次地一行五人, 四女一男叫左2個2人份量的 tea set. 其實佢 lee 只係得 tea 食, 個 tea set 已經包含晒所有食物的種類 。我對 lee 間鋪有幾個讚1. 餐具 - Traditional English so elegant and beautiful2. 環境 - 優雅及陣陣飄來 lotion的香味 (因為佢間鋪係有買埋 product )3. waitress 姐姐 - 温文有禮和顧及客人的需要 (雖然佢要 sale product 又要同時做埋 waitress真係好忙, 但係個個都好 nice )4. 水- 無限量供應 食物味道方面就普通了一點, 但係份量又大喎.. ==> scones 雖然熱呼呼的, 但係質感略為實了些, 沒有一種牛油的香味.==> Fruit tart 一個字 "甜"==> sandwiches 冇乜點啦.==> chocolate 甜死==> pastry 似普通麵包店出品 但係如果唔係太講究食物的味道, 而又想 hea 足成個下午, lee 度真係正到......
繼續閱讀
因為星期五放半日既關係加上我既"公主病"發作, 所以預先上Openrice搵下有咩地方可以舒舒服服咁High Tea!見到呢間野既食評唔錯, 又近住在港島區既我, 加上又有野送同discount於是, 二話不說, 星期三打電話book位!!點知, 個女侍應態度不太好話: "星期六既booking去到十月, 而星期日既booking都去到十二月"唔係化!!! 我想book今個星期五咋!!! 佢話都full晒, 咁下星期五(9/2)呢?好不容易book到位!! 因為想感受下坐outdoor雀籠位, 可惜要2:30pm之前結帳!! 唯有坐另一個outdoor(無雀籠)位囉!! 到左第二日, 友人提醒我改遲些少, 因為唔知可唔可以準時放工呢!跟住打左好多次都無人接聽, 我更加唔想再同個位態度欠佳既女侍應對話....好彩, 今次接線既女侍應態度好好, 我同佢講想改時間, 佢話無問題, 但要3:30pm前結帳. (心諗2個鐘咩都食晒啦!!)終於等到個日啦....... 我地準時到達, 入到店內同佢地示意, 於是佢地安排我地坐outdoor雀籠位!!因為我已經做足功課, 知道order咩...... 所以叫左Tea Set for 2 (甘菊茶 + 玫瑰花茶)可能係lunch時間啦...... 沿路好多行人, 有d怪怪既感覺!! 唔理途人眼光....... 首先, 上餐具, 好吸引!! 因為由個茶壺, 茶杯碟, 就連餐巾到係一set!!之後, 三層既食物到達!! 呢個時候既我, 當然係做指定動作 -- 影相!! 但因為男友太餓既關係, 佢不斷問"食得未呀??"影完開始開餐啦....... (只係影左小部份)三文治, 咸點..... ok啦!!睇好多食評都有提過頂層既鬆餅好硬...... 起初都好驚...... 但摸落去暖暖的..... 搽上果醬 / 牛油, 又幾好味噃!! 雜果撻, 都係ok..... 不過, 比起美X既都差些少!!朱古力, 甜度適中玫瑰花茶+蜜糖, 聞落好香, 飲落仲有陣陣花香....之前都有食家話選擇坐outdoor要預左叫侍應有難度...... 個刻真係身同感受!! "叫天不應, 叫地不聞"揮手無數次, 先見到我地........ 可能佢都費事走幾轉, 問我有無member card同埋, 攞埋credit card.食餘既果撻+朱古力入盒, 另外有2支hand cream送!!由坐低到食飽離座, 只係用左1個小時左右!! 可能, 因為天氣頗熱啦! 唔太想坐太耐!! 老實講, 如果唔係有discount, 有hand cream送, 呢個價錢都算係偏貴!! 食物質素亦屬於一般!!** 仲有, 呢度比較適合女仔多d!! 因為, 男仔好似唔太欣賞呢d"公主"餐具啩(我男友亦是其中一位呢!!) **
繼續閱讀
這是一間booking頗full的店早5天的weekday booking都很full, 只有室外的位子容易full是因為店舖庭位較少的關係, 大概只有5張枱carbtree所有食品都是order後立即預備, 令上菜時仍然保持熱度拍了10多張照片才開動, 三文治及鹹點還是暖的, 暖的食物特別好吃三文治賣相跟味道都一般, 鹹點略勝一籌, 酥皮很鬆脆鬆餅硬身得來又帶黠香脆可口, 很鬆軟, 提子可以更足料!甜品賣相精緻吸引, 尤其strawberry那個, 當然是最後一撃!果撻的鮮果很甜, 古士份量不多不少, 雖然飽得很, 卻想n call strawberry tart!carbtree 所有staff態度都很友善, 多次為花茶加水結賬時送handcream, staff 又會熱心幫你打包吃剩的食物當我再有閒暇時間時, 會再來的, 只是不知多久才會再有這樣的日子慢慢享受
繼續閱讀
記得一年前，朋友偶然間在openrice得知Crabtree & Evelyn在灣仔新鴻基中心開了一間英式茶室，附設High Tea服務，見到餐具非常精緻，已打算一試。可惜不是因為訂不到位，就是同朋友夾不到時間，結果一年以來，都未有機會試過這個High tea。一年後的今天，大家約好了時間，並在一個月前book定位，終於可一嘗心願了。進入店內，一共有四張四人枱，裝修充滿英倫風味，室外有一個鳥籠，如果天氣清涼一點，坐在室外High Tea應該另有一番風味。我們點了一個二人英式下午茶餐，一套Tea Set加兩杯飲品，我們分別點了玫瑰花茶和薄荷茶。餐具送上，洋溢著濃厚的英倫風味，微細至餐巾紙也印滿了典型的粉紅色英倫玫瑰圖案，而每位喝花茶的朋友都會得到Crabtree and Evelyn的蜜糖一瓶，跟清香的花茶一起喝，別有一番味道。玫瑰花茶味淡，就算不加蜜糖一起，味道都不會太濃烈；薄荷茶味道較為濃烈，加上蜜糖中和味道較為易入口。主角High Tea Set上場，三層設計，最上層是四個Scone，中層是甜點，包括兩件Fruit Tart、兩件Strawberry Tart和四粒朱古力，而最下層則是咸點，包括兩件三文治和四件不同款式的酥皮卷，單看樣子也挺吸引的。論味道來說，第一層的SCONE真的很一般，外層很硬，配上牛油和士多啤利果醬和香橙果醬來吃，特別向大家推介香橙果醬，很清新!第二層的甜點水準很不錯，士多啤利撻和鮮果撻水準很好，撻皮雖然不太夠脆，但水果新鮮，配合得不錯，那幾粒朱古力特別喜歡黑朱古力那一粒，裡面充滿濃濃的朱古力，喜歡吃朱古力的人一定要試試。下層的咸點反而做到很不錯，三文治的配料雖然不算特別，但配搭起來吃感覺很清新，口感不錯。四款酥皮卷水準亦不賴，外層酥皮的牛油味很香濃，餡料味道亦算不錯，配合起來感覺好好，其SIZE弄得較小，能一口吃一個，吃起來也沒有那麼膩。我們在如此優雅的環境過了一個悠閒的下午，輕鬆寫意。最後,會附送一支小handcream，而花蜜用唔完都可以帶走。
繼續閱讀