Cupping Room Coffee Roasters

營業中

休息中

🚩Red prawns linguine紅蝦海膽醬扁意粉🍝意粉極級鹹 好似一堆海鹽嘅味除咗鹹味食唔出海膽或其他味食到中間臨尾真係頂唔順......唔知道係廚師今日失準定本身都係咁......🚩New Zealand ribeye steak 紐西蘭肉眼牛扒牛扒五成熟賣相及肉質還好 不過比較乾、無肉汁同冇乜牛肉味無gravy 問咗侍應只有mustard 差咁啲啲配菜都ok👍🏻(車厘茄、荀、薯條)🚩Backed escargot 蒜香牛油焗田螺全枱味道最正常嘅餐點👌🏻佢係main dish 配咗啲薯蓉同兩塊包薯蓉好綿滑 入口即化🥔 田螺都大隻不過冇snail tong & fork 最後要叫侍應比啲牙籤先食到 食得有啲麻煩 所以不建議約會叫呢個～🚩唔記得咗叫咩雞翼雞翼比想像中辣 又帶一點點酸食落少少似tabasco浸雞翼.....

喺counter點左杯$46咖啡，用apple pay 埋單，一坐低先見到Apple pay message收左我$99。原來$46咖啡變左小費tips，再加不知名的咖啡$53‼️問個收銀職員（兼waiter）佢唔出聲，淨係㯲個收銀機之後俾$53我，淨係話「你嘅」！唔小心唔緊要，但係一句「唔好意思」、「對唔住」都冇😤 我立刻話「你好冇禮貌，一句sorry都唔講」，佢都係冇反應🤣 後尾俾咖啡我先講「頭先唔好意思」。唉，香港餐廳生意已經咁差，都係多謝呢D服務

雖然呢間餐廳喺APM 但好多人都唔知咖啡店入邊其實有間西餐廳 蟹肉意粉好正 巴斯克蛋糕個味都好濃郁，值得一試套餐個價錢都唔算特別貴 已經試咗三次個質素都幾好 推薦大家去食呢間餐廳

同個仔去開觀塘，去到APM搵早餐食，路過呢間餐廳，個仔話要入去。佢喺電梯口附近，一眼就望到，其實好方便。薯餅好脆，煙肉好脆都唔肥，個蛋煎得好靚，感覺唔錯，係個菇細左啲，沙律菜就冇沙律汁。同個仔一齊我就飲凍朱古力，份量唔多。另外，可能10點幾冇乜人返工，佢沖咖啡區同裏面間餐廳就分開兩個地方，啲職員成日喺出邊，所以就唔係成日有職員望到我哋因為啲職員都出咗去，不過過咗11點就會有多一個職員返工，所以我相信都係我哋10點去到嗰度食嘢太早嘅問題。基本上我對呢個all day都好滿意.

係人都知香港嘅咖啡店有幾氾濫，上網見到以為唔錯諗住試吓點知又中伏。。。叫咗兩個Dinner set失望到嚇親首先講吓前菜先，焗大啡菇焗到乾晒而且又冇味煙燻三文魚沙律超級醜樣。。。識落完全冇三文魚味，啲菜不如直接比沙律醬我算去到主菜，M5牛扒都算唔錯但係個香蒜墨汁大蝦意粉就出事啦，成個意粉得個辣字，冇蒜香味冇墨汁味。但講起啲蝦先係重中之重，嗰浸雪味真係令到我以為自己喺雪櫃食緊飯。。。好明顯所有蝦就咁浸係同一盆冰水裏面解凍不過公道啲講句，啲咖啡係唔錯嘅😌成件事埋單就多謝$55x ，呢個價錢食呢啲質素嘅嘢真係搞唔掂。。。呢間嘢都係飲杯咖啡就算啦😂

行過門口見到門外以為只係賣咖啡，甜品，原來行入去入面仲有好大嘅地方係食西餐的。環境裝修簡潔，啲位都好寬敞，午飯時間都唔使等位。叫左個午市套餐，有頭盤，主菜和飲品煙三文魚蒜蓉羽衣甘藍沙律：好重蒜蓉味，羽衣甘藍好新鮮，頭盤嚟講，係一個好重口味嘅沙律。招牌忌廉雞肉意粉：呢個味嘅意粉係未食過，辣辣地，唔知點解覺得好似熱浪薯片嘅味道份量都幾多，可能因為忌廉汁，食到尾段有啲滯，係食唔晒嘅。見到好多人食甜品，我今次冇叫，下次可以試吓。

放假同屋企人出嚟食晏。之前得閒都會飲吓呢間咖啡都唔錯，要堂食意粉嗰啲要行到最入去另外一個area，私隱度高啲。今次終於可以試吓佢其他食物。午市套餐有$168同埋$188(多一個甜品)。澳洲M5和牛牛扒配薯條(套餐+$48)牛扒好好食，配我最鍾意嘅粗薯條。套餐的套餐湯係南瓜湯。另外一個套餐意粉，冇乜特別。香煎加州鱸魚配甘筍蓉同墨魚汁 (套餐+$38)個皮都好脆，都不錯，不過就細份咗少少。散叫咗個墨汁意粉，$178好食喎！燒春雞套餐 (套餐+$28) 半隻，普通味道。最後點少得咖啡！生日另外加咗個甜品好好食

🎈 建議場合：#港女打卡 #賴死唔走👤 建議人數：2人（最多可容納4人檯）【3個人食咗啲咩？】- Dirty $45- Mocha $55- Iced Matcha $55⭐⭐⭐⭐「適合行街解渴」店內裝修幾靚，店員服務好好，好nice！唯一唔好處可能係環境會比較嘈，始終係APM商場入面，人流比較多，同埋長期滿座，唔太適合一啲想搵個chill coffee shop工作嘅人，又或者係啲想傾計嘅人。個dirty嘅奶同咖啡分層唔夠明顯，如果用其他杯裝會好啲，咁先可以做到冷暖衝擊同時飲落口嘅感覺，當我飲我杯dirty個陣，佢已經變左做一杯普通嘅latte。至於Mocha就有啲太甜，味道中規中矩，主要分別係多左啲cream係面同choco係則面。作為一個忠實嘅抹茶粉, 個matcha latte簡直100分！唔會太甜而且你飲得出佢嘅抹茶粉係高質嘅，因為個抹茶味道有好深嘅層次，飲完有回甘～

今日做完gym都2:30pm，見APM周圍都係咁多人，咁啱cuppling room竟然有位，即刻入去食晏。入到去先發現原來佢Menu update左。我叫咗一份午市套餐$168-燒春雞配薯菜（+$24），包前菜同一杯嘢飲total $215。前菜係南瓜湯，普普通通。反而燒春雞真係好大隻，完全唔似春雞😂 隻雞本身已經好香迷迭香味，點埋個醬辣辣地，起正。其他配菜都好好味，薯條香脆可口。最特別係個蘑菇煮到乾身，菇味香濃，帶小小忌廉。整體而言，扺食夾大件，cafe美食來講性價比極高 😇

餐廳開張了一段時間 疫情期間晚市有任食之選擇 不過而家變了4 Course 包餐湯 前菜 主菜 飲品是日餐湯 蕃茄濃湯 清新開胃煙三文魚蒜蓉檸檬汁羽衣甘藍沙律 擺款精緻  同樣令人覺得十分開胃 肥美的煙三文魚同清新蒜蓉檸檬汁十分相輔相成香草牛油脆田螺配薯蓉 經典法國菜式 田螺以香草牛油醃製 香濃美味 伴碟的薯蓉都十分出出色 口感幼滑帶牛油香 兩者一齊食 更具風味 十分推薦經典牛肉漢堡配薯條 牛肉漢堡多汁 牛味香濃 薯條香脆 炸到十分鬆脆香蒜大蝦蕃茄意粉  有點可惜因為當日餐廳墨汁用盡了 所以轉了蕃茄汁 不過美味不減 大蝦帶有牛油蒜香 意粉清新開胃飲品因為怕飲了咖啡會失眠 所以選擇了伯爵茶 正正常常餐廳在咖啡店後方 一入到餐廳 裝潢由白色簡約風轉變為輕法國風情 環境舒服

今日約了BFF 去食 Tea ，居然排長龍要等，我們當然不想浪費時間！在觀塘 apm 游走一會，發現了一個別有洞天，寧靜又坐得舒服的新 Happy Hour 好去處 。估唔到，外面是咖啡店，入了房又是另一格局！地方不太，但也坐得舒服，光線柔和，和閨密相聚的確不錯。我哋坐低叫了一杯手工啤酒，我哋選了 Jasmine 味，都只是 $48！ 還有紅/白酒 及 Sparking Wine 選擇。如果唔飲酒，也可以選擇咖啡店的飲品 Menu 。但加收服務費。除了可以選咖啡店的甜品，我哋今次點選了 Happy Hour 小食。包括 甜薯條配柚子醬柚子醬好香好特別！法式 香蒜牛油雞翼好香蒜油味～香草牛油脆田螺配薯蓉 這個是必選！因為比較少有！田螺內的橄欖油加香草超野味！把它加在底下的薯蓉一起食可食不停啊～～提提你：Happy Hour 時段是 4pm - 8pm，目前是每天都有！！！！！放工又一好去處啊！！！！！！！

點了個set lunch, 蕃茄湯，羽衣甘藍煙三文魚沙律。羽衣甘藍有蒜蓉，芝士片，幾好味。蟹肉松露雜菇菌意粉可以接受蟹肉松露雜菇菌意粉可以接受啦有，真係有蟹肉係面，兩小團的蟹肉，整體係好食。如果個蕃茄湯d 蕃茄味多啲，鮮味d, 同埋啲湯無咁「傑」會好啲。值得一讚嘅，係個waitress, 態度好好，好helpful。 見佢地人手不足，但她依然好落力去serve。做得好好👍🏼

大部份學車都在平日下班後的晚上，吃晚飯以外也會不時找間咖啡店坐下來放鬆一下心神，這次就游走到觀塘一家本地咖啡品牌的連鎖分店，簡單來享受一杯咖啡Flat White $40（Regular）$48（Large）到訪過店家一兩次也沒有喝過店家的flat white，這次終於要來點了！毫無疑問的點了nutty口味，拉花簡潔，咖啡味濃郁卻不會過酸，入口回甘味重，而且加上牛奶的混和後更嚐到奶香，喝起來口感十分順滑易入口，奶味和咖啡味的比例非常均衡，自己是很滿意這一杯；美中不足的是杯子不太漂亮感覺不搭已經是第三次到訪這家店了，每家都有一點特色而這店就是劃分了自助區跟堂食區，我這種只嚐一杯咖啡的話可以坐在外邊找個位置靜靜享用咖啡；想跟朋友吃飯喝杯咖啡的話就到堂食區吧！很喜歡這種設定，互不影響大家到店的目的這個很好～ 自助區裝修簡潔時尚，展示著咖啡豆和工具，氣氛舒適讓人感到放鬆自在；雖然食品種類不及堂食區，不過最具人氣的芝士蛋糕，或是三文治、蛋糕等食品都一應俱全，讓客人在喝咖啡時也有其他甜點食用，感覺不錯！下次再分享一下我在店家的其他分店的探店經歷吧！

做完運動經過Cupping Room Coffee Roasters去飲杯咖啡， 店內座位簡約， 因為餐牌上有很多食物已經買完，最後揀Pastrami and Swiss 經典煙燻牛肉三文治 $108， 飲品有 Dirty 髒髒咖啡$45、House Black 經典黑咖啡 $40、 Jasmine Queen 茉莉花綠茶 $48。 📌經典煙燻牛肉三文治🍞 ～ 個人口味覺得唔好食😅， 三文治皮厚身硬掘掘， 好乾的。 📌髒髒咖啡🍵 ～ 賣相唔算靚，但整個過程由濃到淡， 在口感上嘅變化係做得到的。 📌經典黑咖啡☕ ～ 淡淡的一杯，味道完全唔夠濃郁😐， 咖啡不似預期🥺。 📌茉莉花綠茶🍹 ～ 朋友話幾好，但係我冇飲過。整體性價比不高， 下次如果我想飲咖啡🤔未必會揀這間。🏷️溫馨提示～ 整個用餐體驗均屬個人分享意見， 只作參考😊。

朋友放Break約我去觀塘區食Tea? 一開始都有啲擔心，但原來觀塘區不再只得工廠大廈，依家大街小巷都開咗不少特色休閒餐廳。我不是太熟路，所以去咗最容易找的APM商場。 APM 連住地鐵出入口，想要輕食配返杯精緻咖啡 ☕️ ，就被呢間簡潔門面嘅coffee shop吸引了。 座位闊落舒服，牆上壁畫也很有趣，雖然在室內但感覺也很寫意。咖啡選擇非常之多，還有滴漏系列。 亦可選擇手工茶或無咖啡系列。試過不少地方的cheesecake, 這款 Basque Burnt Cheesecake 也非常推薦，抹茶味，3“ 寸 Size , 內軟香濃，兩個人食份量剛好。週圍仲有好多嘢行，行街行到攰，自己一個都絕對會想返嚟飲杯咖啡輕鬆一下。