Curry Bee

營業中

休息中

1996年開業，很早期已幫襯過，味道亦可以，沒再去的原因，選擇不多，價錢不是大眾化，可能是sogo後面租金較貴吧！今天經過此店仍在，便進了去幫襯，依舊外籍人士招呼，以咖喱為主。叫了吉列豬扒奄烈咖哩飯88元，加了10元多一杯檸檬茶但吉列豬扒較（鞋），原來奄烈飯就是加了一塊煎蛋在面，裹面是白飯，好彩白飯用的米都幾好，咖喱汁味道都可以，但是沒配料，以前有無已忘記了。但杯檸檬茶是不合格再加一合共107. 80，如果以此質素此價就貴了些。

收工即興約左朋友嚟銅鑼灣食飯，就走左入嚟Curry Bee，係世貿中心對面既地舖，以熟食為主既日式餐廳，牛乳布甸真係好出色！生薑炒豬肉晚市套餐配埋麵豉湯同白飯，仲有切絲既醃黃蘿蔔等配枓，好鐘意日式料理有咁豐富既配菜。豬肉片都幾入味，略嫌薑味唔夠出，配埋椰菜絲同少少沙律醬送飯，都幾唔錯。豬肉片炒野菜拉麵炒過既野菜配豬肉片，拉麵麵身偏淋。鹽味豬骨拉麵湯底略嫌鹽左少少，不過整體都唔錯。蟹肉沙律其實係蟹柳嚟，青瓜絲幾爽口但可以切得再幼細啲，味道中規中距。自家製北海道牛乳布甸雖然份量得好細件，但入口嫩滑，牛乳既味道好濃郁，每次食完都總會覺得唔夠喉。

🐝 Curry bee (cwb)Follow my ig @ jast.eatt for more reviews!! ♥️♥️♥️This place is honestly a hidden gem. Although it’s only a small restaurant with only one location in cwb, they serve high quality 🇯🇵Japanese food such as don, curry, and udon. My favourite is their set meal of cutlet pork 🐽katsudon with udon. Best to order when you’re extra hungry. Only $88 for two big bowls of rice and udon. It even comes with some small dishes such as radish and Hokkaido milk pudding!! 🍮The pudding is so good as w

Lunchtime唔知食咩好，一路沿住四寶食堂， 龍城冰室，壽司，行到黎呢間咖喱蜜蜂🐝見佢寫咖喱專門店，又幾多人食應該唔差掛。點知完全大失所望😭😭叫左lunch set 滑蛋豬扒飯🐷滑蛋唔見左，變左老蛋，完全冇滑同蛋汁出現，好似煎蛋咁😥豬排一望已經出事，個層炸粉好似濕左水咁冧曬，食落亦唔脆，一定擺左好耐😥烏冬普通，自己屋企煮既味道。前菜有茄子，算係成個set入面有調味又ok既食物。menu話到明有牛奶布甸，估唔到得一小片？？😑 價錢已經唔係平，又難食，仲敢收堂食加一？？

Curry Bee - 完全唔值呢個價嘅咖喱飯😟今晚喺銅鑼灣覓食，好耐無食咖哩，見到呢間餐廳專食咖哩，又開喺Jaffe Road呢啲旺位到，而且價錢都唔便，應該都有番咁上下水準嘅，所以就嗌咗個吉列豬扒奄列咖喱飯外賣，唔包任何野飲，要88蚊。嘩，番到屋企一打番，第一下已經呆咗。咁細分嘅，仲以為係啲下午茶時段嘅輕量版。食落好普通，無論咖喱定豬排都無特別，同預期落差有啲大。完全唔值$88！總結就係，又貴又細又普通！味道😋：5.5/10價錢💰：3.5/10服務💁🏻‍♂️：5/10環境🪑：6.5/10

行過呢間鋪頭都好幾次，今次終於可以試到，入到去都幾是正，日式飯堂feel，不過比較驚訝係由菲律賓人開的日式飯堂😂😂😂都幾得意價錢係銅鑼灣唔算貴，如果唔想捱貴野食，又想食下日式飯/烏冬，可以試下呢間滑蛋豬扒飯嘅豬扒炸得幾鬆軟，無雪味都無豬羶味，滑蛋都幾痴係啲豬扒度，飯係珍珠米飯，不錯👍日本蘑菇烏冬有驚喜，烏冬似打打烏冬，又無酸味，菇又有好多，不錯不錯燒八爪魚丸就一般般，同坊間的多粉漿八爪魚丸差不多煎餃子都係一般，無特別，醬汁都係無咩特別味道: 8/10味精: 7/10價錢: 8/10環境: 7/10服務: 7/10

中意食日式咖喱既，一定會聽過Curry Bee!但佢地個鋪面一D都唔起眼，如果唔係朋友介紹，完全行過左都唔知原來開係呢度! 佢地個店面比較細，入面坐得有D逼！我地八點令鐘黎食，門口竟然要排隊，但都係等一兩張枱，所以都照等，等左五分鐘左右就有位！.我地今日叫左兩個Dinner Set! 套餐會跟味噌湯、沙律，甜品(一小片牛乳布丁)同飲品! 味道都係正正常常！嗌完等左一陣就有得食 。都算快手👍🏾.📌炸日本牡蠣🦪Dinner Set $88視覺效果非常好🤭竟然仲有芝麻磨同漬蘿蔔甘有heart💕吉列蠔炸得剛剛好，金黃色! 幾新鮮,外脆內嫩,有蠔汁，唔會炸到乾哂👍🏾 白飯用左珍珠米！呢個Set幾好食，反而無人介紹過🤭.📌 吉列豬扒咖喱飯Dinner Set $98吉列豬扒幾厚身，但肉質孩，做唔到外脆內軟！但勝在炸粉唔厚！炸得幾脆身！咖哩方面，因為係日式咖喱，所以帶甜身，唔辣🌶 不過味道就好普通， 似日本超級市場現成買一盒盒既咖喱磚🥺 咖哩味偏淡！咖喱質地係偏稠身！咖喱只可以用”普通”黎形容.整體黎講，Dinner Set份量好夠，但不算好食。以呢個價錢同口碑黎講，有點失望！唔似啲人講到咁正, 咁

獨食晚餐。套餐無想食嘅飯，所以只散嗌咗一碟炸豬扒咖喱奄列飯。當日店內客人唔多，嗌完之後等一陣間就有得食 。份量很足夠。咖喱好吃，比我食晒d汁，哈哈。豬扒炸得好好，層衣無甩！至於個奄列，其實係一塊蛋皮鋪上個飯度，唔係好多蛋液流出嚟嗰種。堂食要加一，埋單$100左右。最近外賣飯盒有特價，$50就搞掂一餐，下次再試~

銅鑼灣專食咖哩嘅餐廳唔係好多，想食咖哩應該都會諗起呢度。但鋪面一d都唔起眼，如果唔係去開銅鑼灣都未必會行過黎呢個位置。由於我喺銅鑼灣返工，經同事介紹，我幫襯過呢度兩次了。侍應大部分都唔係本地人，但總有一個係識廣東話，就算唔識廣東話都唔會驚叫唔到野食！😂兩次我都係叫左咖哩烏冬套餐，再加左個小食炸魷魚鬚。咖哩湯底係最出色，吉列豬扒幾厚身，炸蝦同豬都幾脆身，而且d粉唔會好厚，加上烏冬麵都算滑，再配埋咖哩湯，係幾好食。以一碗麵黎講算少少貴，但勝在好食！薄牛肉咖哩烏冬吉列豬扒咖哩烏冬炸蝦咖哩烏冬Curry Bee地址📍: 銅鑼灣謝斐道524號地下.............................. 味道😋: ⭐️⭐️⭐️⭐️ 環境👀: ⭐️⭐️⭐️💫服務👨🏻‍🍳: ⭐️⭐️⭐️抵食💰: ⭐️⭐️⭐️💫

【牛肉奄列咖哩飯】 HKD73咖哩帶點甜，唔算辣🌶而且偏稠身，不過味道就好普通，亦都唔係好香，唔似啲人講到咁正。而且牛肉粒🐮有啲鞋，最緊要係冇乜肉味。整體黎講，個人覺得只係一個平平無奇嘅咖哩飯🍛分分鐘茶記嘅咖哩仲正。舔舔脷指數：🌕🌕🌑🌑🌑抵到爛指數：🌕🌕🌑🌑🌑(純屬個人意見👫，並不代表全香港人立場😄)

【吉烈豬扒咖哩湯鳥冬🍜】相信鍾意食咖哩🍛嘅都會識呢間 — 咖啡專門店🍛今次叫左吉列豬扒烏冬🍥 個人覺得咖哩湯底係最出色，夠曬濃夠曬稠👍🏻 不過吉烈豬扒🐷就好差，炸粉唔算厚嘅，但係做唔到外脆內軟嘅效果，因為豬扒整得唔多淋，肉質好鞋，豬扒嘅頭尾部分可以用硬黎形容😐

今日嘅選擇係咖喱飯同埋雜菜炒豬肉片套餐，咖喱係日式嘅風味，雜菜炒豬肉片亦係日式嘅風格，唔單止滿足到個肚皮，亦滿足到個心靈，已經光顧了十幾年，服務及味道始終如一，最愛就係員工無一個係香港人。喺銅鑼灣食肆林立既地方，選擇何其多，要搵一間比較唔嘈吵，坐得舒服，又好味嘅餐廳都唔容易，而呢度就可以滿足晒所有嘅要求，呢個價錢可以食到呢個質素，簡直係超值過超值，主餐加甜品加飲品連加一都只係$70-$80左右，喺茶餐廳食個頹飯加凍飲都差唔多呢個價。

🥣 吉列豬扒咖哩烏冬 HK$85豬扒幾厚身，又幾脆身，而且好在佢外面粉唔會好太厚太重，唔會好粉好擠。 佢比嘅咖哩醬好多都好夠，味道唔會好辣幾香，攞黎撈烏冬好食，幾match。

係一個三十度又悶熱既天氣入去食日式熱食時餐廳得一把風扇開住，無冷氣講真，再好食都無胃口了係街邊拮魚蛋都仲有少少風可以吹下真係...幾唔可以接受再黎，d 位又迫，佢個餐盤又大食得真係好辛苦真係...或者我下次等香港凍到得幾度時再黎吧

After walking through the flower market, it was quite late already so my husband took me to this curry restaurant to have a quick dinner. My husband ordered the curry set which includes one curry rice with udon. The pork was soft and the curry was sweet. The udon was chewy and tasted good with the sweet bean curd. Mine was curry with beef slices, the curry tend to be on the sweet side. There were a lot of beef and the texture was tender.