Curry Bee

營業中

休息中

10月1周街都係人，經過CURRY BEE見唔係好洗排隊就再食，因為店面比較細，平時經過都慣左要排隊，而且入面都坐得幾逼下。兩個人叫左一碗擔擔麵（$78）無額外加野同一個炸龍利魚魚柳咖哩飯餐、套餐跟味噌湯、沙律同有杏仁豆腐做甜品。擔擔麵正常水準、唔特別辣，友人要添七味粉加味😂咖哩都係日式咖哩味，雖然menu有辣椒仔🌶️logo、但其實一啲都唔辣😂炸龍利魚柳有驚喜，唔油但夠晒脆，加埋咖哩非常夾！

銅鑼灣這一間的 Curry Bee 咖喱飯，沒有預期般那樣神級的咖喱，只是一般的咖喱飯而已。咖喱味道很似日本超級市場現成買的咖喱醬，人工咖喱香料的味道。牛肉也好像是現成製品，感覺不到新鮮的味道，只有濃烈的咖喱甜味。份量卻是非常的少，套餐雖然包括甜品、湯、沙律和一碟飯，三扒兩撥就已經吃完，有點不夠飽。相反地，凍飲就非常大杯。這一杯凍檸茶其實是一杯冰凍紅茶。 雖然這鋪頭的名字是 Curry Bee，其實是一間日本便食檔。

以前黎呢間餐廳食野差不多只可以用手指指點菜或者要講英文落單。依家既waiter/waitress外國人樣，但中文都無難度。佢地會重複落單既內容，出菜又快，味道當然係咖哩既好食～～～ 炸野, 小食都無難度，full set單點都受落。得番銅鑼灣sogo後面果間好可惜～～～ 老闆娘呢幾年都少見，佢既咖哩都算係日式正宗既，每次加pickles都會俾多少少，咁又唔可以當韓式泡菜點完又點啦～～～ 食咗十幾年都保持質素，算係咁啦

今曰突然好想食咖喱，就去咗媽咪公司對面嘅Curry Bee ，見到有咖喱鳥冬，好耐無食熱呼呼的烏冬，就興奮咁入咗去。 雖然侍應生唔係香港人，但好熱心，好好人😊😊👍👍。烏冬麵好滑好軟，加上咖哩湯真係無嘢講！加埋配菜，細細啖，香甜爽囗，又唔飽，啱啱好👍。炸豬扒超級脆，肉嫩多汁，聽到肯定流口水🤤啦！ 自己從來沒食過咁好味嘅咖喱！自從我去咗知後，我就愛❤️上咗咖喱，成曰要食咖喱，所以大家都一定要去食！！！！！！！！

係地價超高既銅鑼灣，呢間咖喱飯價錢叫做可接受。$70起，叫左個咖喱豬排飯，咖喱底如果鍾意食蘑菇既朋友會覺得唔錯，好濃蘑菇味，唔鍾意蘑菇就會覺得味道怪怪。豬排不過不失，但我就覺得麻麻地。

放假想食日本野，行過銅鑼灣見到細細間“curry bee"諗住試下佢d咖哩好無食，於是叫左個牛肉咖哩lunch set。咖哩味道方面偏淡，唔辣又唔香，好在牛肉粒都有5粒；沙津有少少柚子加醬油既醬，還可以；麵豉湯應該有溝水，唔好飲；有個牛奶布丁，正常味，但唔特別；檸檬茶算大杯，同pizza hut一樣size，而且糖漿分開，算唯一合格既。整體黎講，飯餐份量夠，但不算好食。午餐加埋一85蚊，呢個價以水準黎講，份量可以但味道唔岩個人口味，有點失望；我如果想食咖哩，唔會去食第二次，若當成普通日本set lunch而又唔想逼food court，一試無妨。

必食🤩紐西蘭㗎喱牛肉片烏冬，不油膩，牛肉味juicy鮮甜.😍日式㗎喱豬扒飯，飯粒香軟，豬扒味濃厚，非常有水準.🤩此店是元祖級日本㗎喱食店，願意繼續💪🏻给力支持😇

好耐無嚟過銅鑼灣，亦都唔太喜歡嚟銅鑼灣！人超多、車超多、大廈超多、天空超細。言歸正傳！本身諗住上商業大廈試某間台灣菜，但大排長龍。唯有轉戰地舖。誤打誤撞，入咗呢度。環境：光猛企理，略嫌坐位之間空間大小。服務：有禮貌 整體OK食物：日式咖啡吉列豬扒蛋包飯好食！豬扒係即炸，香脆！咖喱汁厚薄適中。但雞蛋份量太少，而且有一點點過熟。辛辣豚肉拉麵辣度適中。拉麵有一點點過腍。八爪魚丸分量頗多，但八爪魚肉好細粒。整體算幾好。

態度惡劣，不知所謂，食都未食，入到去已經想趕人走。個唔知南亞定係印尼人嘅服務員見你講廣東話，就黑口黑面，隔離其他人客講英文，就笑晒口，呢張枱唔坐得，嗰張枱又唔坐得。把幾火，即走，垃圾舖，扮晒嘢。以前有食開喺ok嘅，最近越嚟越難食，加上經過今次以後都唔會再去⋯

行完Sogo想食日式咖哩，啱啱經過就入去試下啦。 餐廳大小適中，約可以坐30人，我在晚上九點幾去到都仲坐滿，心想食物質素應該不差掛？一坐低服務員就俾餐牌同暖水我，出面而家咁凍，好細心啊，服務態度都幾好。睇咗一陣，決定試下佢嘅吉列豬扒奄列咖哩飯。咖哩味道正宗、香濃，正正係我想要的味道，唔錯，反而係豬扒的質地太硬，炸得唔夠鬆脆(可能係放耐咗？) 。奄列係薄薄嘅一層煎蛋皮包住白飯，同我期望嘅厚蛋奄列爭少少，但整體而言都算不過不失。如果我有日又喺銅鑼灣想食咖哩飯，或者會考慮再去。

週日在銅鑼灣逛街，友人突然想吃久違了的Curry Bee咖哩飯，反正有位，二人開心地走進去。每次到Curry Bee的必食項目乃是吉列豬扒飯，今次當然不會例外。這裡的咖哩汁格外好味，甜中帶少許辣意，混著飯同吃，滋味無窮！而且味道多年不變，水準依然。吉列豬扒是如常的美味；跟餐還有一小片牛乳布丁，不怎麼樣，吃了好像沒吃。吉列豬之外另一必選是牛肉咖哩，牛肉粒大顆，為數亦不少，這個可以牛肉連同咖哩連同飯一起吃，口感更為豐富，也是十分的超讚！吃了多年，仍然會繼續。

每個星期五都和各部門同事聚餐，交流一下，我們喜歡食日本式食物先食醒胃前菜，跟住食淡淡烏冬，再食厚厚豬肉片飯，甜品加飲品豬扒上蓋滿蛋，外濕內脆，這款餐能食慾大增，又飯又麵鹽鯖魚上枱時飄逸魚香味，加少少醬汁，好滋味飲一口麵豉湯，噢，好滿足沙律醒一下胃先，濃濃甜咖哩牛肉粒蓋在白飯上，好好味視覺效果非常好👍🏻咬一口豬扒⋯⋯內軟外脆，配上白飯，絕對好香蘑菇湯汁，彈牙蕎麥麵，好清香的套餐看個碗已知辛辣，可滑的擔擔麵所有套餐奉送冷/熱咖啡或茶加自家製「北海道」牛乳布甸

Curry Bee 從前有很多間分店， 現在只剩下銅鑼灣這一家， 食完呢餐飯感覺 食物質素欠缺管理， 太求其啦，唉 😣炸雞套餐，這個炸雞炸得香脆不油膩，配菜之一椰菜絲 都算新鮮，整體不差的。這個檸檬茶嗎~ 是我見過最肉酸的檸檬茶😂😂😂 顏色混濁表示茶不新鮮的 或者茶葉本身質素低 或者 水吧沖得差， 什麼原因都好，其實可以比啲好啲嘅茶比人客吧。炸魷魚鬚，咪睇佢個樣咁靚，但係侍應哥攞過嚟嘅時候，啲油一滴滴，滴落嚟，差啲滴到個電話， 魷魚鬚唔熱，炸咗好耐，出曬油而且濕笠笠😭 忍唔住叫佢退返去，佢就將嗰個魷魚圈返炸畀我😭😭 都好，起碼熱啲 😂😂😂 唔好嘥嘢，就食曬佢啦， 不過實在浪費 魷魚圈，同埋我食嘢嘅quota 😂😂😂煎餃子~ 睇相都見到個皮穿窿 😂😂 味道是正常的係咪我又叫錯嘢食呀？隔離個豬扒飯明明好靚㗎喎 😂😂😂飢Point : 3/10#hungermarch #飢詩 #非飢詩

舖仔細細 簡單晚餐 客人食完就走 等位只需等一陣傳統日式咖哩飯 味道平均無乜特別 個人口味比較愛辣 所以要加大量七味粉咖哩豬肉奄列飯 咖哩味平均  本人愛辣自己再加左七味粉  飯唔係好夠熱  蛋好滑  但豬肉有渣比較攝牙  淑女不便吃🤣咖哩吉列豬扒奄列飯 味道平均  唔夠熱 唔夠辣  吉列鬆化唔會成舊粉都唔錯89蚊食依個感覺有啲貴都幾多選擇 有飯有烏冬有小食 女士份量 無辣度選擇 只得一種咖哩 如可加辣或有兩三種咖哩選擇會更好 可以加錢做套餐 有三款不同組合 但依個質數 依個價錢 食一次就夠了

一次偶然的經過便在這店食晚餐了.在門外見到他們有吉列咖哩餐, 亦有拉麵類, 見價錢在銅鑼灣都不算太貴.餐牌選擇尚算多.見有個餐是牛乳湯底, 有菜,肉的拉麵,配牛奶布丁和飲品,加$5 可以轉汽水.豬肉片炒野菜拉麵套餐 -- $83上面是已炒熟的雜菜加豬肉片, 拉麵彈牙,最要讚他們的牛乳湯底, 飲過幾啖,不同一般麵豉湯底, 如果不是因為有炒過的材料, 滲出油在湯底肉, 真的有些衝動好想飲晒佢!自家製牛乳布丁好香濃牛乳味, 可惜太少了, 可否多DD....加$5 換飲汽水埋單加一少費 $96.80在這最後想讚他們兩位外籍服務員的態度, 親切, 誠懇, 有笑容, 臨走還幫我拉門歡送.