Cyprium Cafe

營業中

休息中

#石門 #cypriumcafe it's always coffee time #牛扒 餐開始覺得無咁好食喇，因為有啲靭，牛肉味又唔算好出😅 不過其他嗰啲餐湯，沙律，燒翠肉瓜，甜品，都係好味嘅😋有fd試咗#豬扒 餐，佢地都話麻麻🤭薯角又變咗#薯條 有啲失落下次食返意粉嗰啲先😜味道: 6/10味精: 6/10價錢: 5/10環境: 7/10服務: 7/10#vinainshekmun #vinafood #fusioncusine #fusion #cafe #coffeeshop #steak #sirloin #creamysoup #fries #西冷 #牛扒 #忌廉湯 #豬扒 #porkchop #foodporn #foodie #hkfoodie #f4follow #f4f #likesforlike #l4l #l4likes

咁岩黎開呢頭，是但搵左間西餐廳食lunch。去到時唔使等位可以直入攞位坐。Lunch set 包沙律、餐湯、主菜、飲品同甜品，聽落幾抵食。點左一個牛肋條石鍋飯同一個龍脷柳配意粉。食物好快送上，但份量都偏少。沙律正常，蕃茄湯唔算好熱，牛肉幾淋有牛味，尚算不錯。煎魚配上龍蝦汁，都幾好味。意粉加左蒜片，都幾惹味，不過真係得好少…甜品係一粒朱古力蛋糕，朱古力味香濃，夠鬆軟。最後食曬成個餐都唔係好夠飽….出去再食過！

呢間餐廳啲員工一般都好後生好潮 比較cool啲但唔緊要啦 諗住支持同試吓小型Cafe 同同事嚟食lunch 好彩都唔多駛等位叫咗個 😬安格斯西冷牛扒配黑椒汁😬$108 再加一 有沙律 好香濃嘅忌廉蘑菇湯 主菜同埋有件朱古力磚塊蛋糕🍰沙律🥗都係一般無咩特別期望 喜出望外嘅係個湯真係好香蘑菇味但又唔會好糊身太黏口 由於價錢都唔貴嘅關係 當然主菜都唔會好大舊但係都有啲水準 我都頗為滿意 雖然佢明顯唔係整我要嘅五成 點都係熟啲架啦 但都依然肉質仲有嫩滑嘅感覺 最唔鍾意食well done咁 咬都咬到傻佢啲黑椒汁都足夠撈意粉食 令我好有衝勁咁食晒成份😂

因做野忙，好多日無同女女出街食飯行下街，最後去到石門，見到呢間唔使等位，睇下餐單，諗可能係貴所以無咩人食。最後我點左黑松露意大利飯，太太點左個龍利魚，女女要左個兒童餐。最先到兒童餐80蚊，有肉醬意粉無咩野，兩隻雞亦我女女食一啖就唔食因為好UN 應該炸左好耐放係度。我等左30分鐘左右，黑松露野菌意大利飯，我見唔到有黑松露，味道都唔覺有，野菌真心少，意大利飯個底好濕，真係唔係150蚊既expectation同埋得個好重既牛油定奶味，我同waiter 反映無黑松露味同好難食，佢話有架，最後我試多兩啖真係唔好食，成碟食左幾啖，我叫佢拎番走，因為好難食令願嘥錢都唔想食， 想飲杯凍檸茶，都話無，得沖個d 油子密。太太既魚塊155蚊，細過手掌加薯容好難食仲要等左好耐。我第一次覺得呃錢加難食到要出po,真係好激氣。

好少過嚟石門食嘢但係想食嘅要排20幾個 所以最後揀咗一間唔使排隊嘅Cafe🤭雖然未入去已經好衰咁講咗句 唔使排隊通常係伏但係無奈地我哋個個玩完Wakesurf都已經好攰冇晒力 個一刻只係想食飽飽 所以都照入咗去我哋點完餐之後 餐包就好快咁上咗好彩都叫做係暖嘅 但係牛油只係俾得兩嚿四個人就分唔係太夠 仲要同芝麻包唔係太夾😓第一樣上枱嘅係跟餐嘅龍蝦湯第一下飲落去 覺得自己真係冇估錯 有啲伏個湯係鹹到我淨係飲到幾啖😿好唔想浪費食物 但係真係冇辦法青檸梳打算正正常常 冇咩特別主菜到咗係鵝肝配牛扒牛扒我嗌咗五成 切開嚟睇都仲係紅紅地冇煮得過熟咗 但係就有少少鞋鵝肝來講 正正常常可惜嘅係 某啲薯條扎咗係牛扒底 即刻變到好油同唔脆口😕除翻開我個餐係$218仲未計青檸梳打要加$18同加一你話抵唔抵 我只能講 應該唔會有下次

好友生日，想响沙田食，所以我周圍八吓睇吓有乜好嘢，睇openrice d相幾吸引，最終決定試吓Cyprium Cafe,店内環境舒適，作慶祝聚會一d都唔失禮！一心打算試脆皮蜜汁燒豬手，但原來要幾日前預訂，而有d失望😢不過......都有好多其他選擇，我哋一行4人，都各自選到自己所愛😁 最終order 4個套餐 分别3羊1牛，再加個拼盤，價錢合理抵食👍期待下期😋😋

Cyprium Cafe位於石門京瑞廣場一樓餐廳係廣場入面都算大間不過下午茶餐牌選擇唔多，質素亦都麻麻地🤨最後揀左🥐粟米吞拿魚牛角酥配薯條（$48）另外半價加左杯Caramel Latte☕薯條份量小得可憐，真係得十條左右😟吞拿魚冇expect係凍既，而牛角包亦冇焗返脆😢認真唔推介😣好彩咖啡加返啲分，焦糖咖啡唔太甜👍咖啡亦算香滑，都好大杯😋朋友下午茶時間叫左Lunch set份量就多啲，不過賣相都麻麻😣/😋食物質素：4/10🍽️用餐環境：6/10💰性價比：4/10👣回頭率：4/10

時間 週五 6:00等候 ： 0 - 可能閒日，而時間太早，未見好多人燒汁羊扒 半價加配抺茶Latte $18飲品 - 有點失望，我要熱飲，上枱時候近乎室溫，接近凍的。😓😓 令抺茶香氣不足，但抺茶粉份量好合適，沒有苦味，都可以接受。 但建議熱飲溫度要注意⚠️整熱d 奶先啦羊扒- 稍等一陣….本來要5成熟，切開時，一件全熟，一件半熟，一件8成熟……明明一齊煎，點解可以差咁遠？ 😓😓完全唔明。但好在食材質素救番件事，羊扒好軟熟，煎到外脆肉軟 有肉汁，配合牛油燒咗粟米 🌽露荀 好好味😋 配菜牛油味都幾重……肥死😂埋單$217 價錢不算平，但味道尚算滿意. 以石門小區來講。幾好味😋 值得支持……雖然仍有不足

今日又去左石門搵食…電梯一落見到呢間，lunch set有意粉食..就入座了。好鐘意佢cafe menu..鐵牌做..好有feel見左板燒無骨豬扒配意粉（紅酒汁）Set lunch有沙律，餐湯同一件朱古力cake豬扒好淋，好似豬柳部位..個汁就似普通燒汁但又帶D美極味..比預期中有點落差..意粉有炒過..咬口都不錯..餐湯就偏淡。最愛既Flat White呢度都有好多唔同咖啡選擇味道不錯👍🏽下次可以黎嘆下咖啡

幾欣賞呢一間西餐印第安燒雞胸沙律🥗超好食今日試埋佢個腰果雞丁烤餅 同埋蛋黃牛油扇貝配忌廉飯😋都非常之有水準絕對係會keep住食嘅一間餐廳下次會試埋佢個雞翼😍😍

沙田石門越開越多餐廳，今日去這間覺得價錢親民，食物款式又大眾化啱口味。兒童餐拼盤雞翼、炸薯角及蔬菜、肉醬意粉、甜品和蘋果汁一份兒童餐可以滿足到你三個願望呀！小朋友喜歡吃雞翼同肉醬意粉，又喜歡喝果汁同埋有埋甜品，真開心。板燒無骨豬扒 紅酒燒汁配意大利粉 熱咖啡豬扒煎得香脆唔韌配紅酒燒汁很突出。美國安格斯西冷牛扒 黑椒汁配薯角 熱咖啡安格斯西冷牛扒幾大塊，煎得剛好帶粉紅色，肉質鮮嫩，薯角香甜甘脆，甜品朱古力蛋糕。

侍應話限時一個鐘，等上菜都等左40幾分鐘，禮貌問下，侍應態度差、串嘴。好啦終於上菜啦，講左牛排要七成熟，煎到十成鐵排比你，仲要唔識比餐具，係咪要學非洲人用手拎黎食？可能會話係人手唔夠，但其實都見到起碼5個侍應生…呢個價位，呢個服務質素？個人覺得有好多地方需要改善，可以從員工質素開始先。

星期六嘅夜晚, 喺石門覓食, 間間都好多人🥲 要等位, 呢間西餐廳係小有唔洗等位嘅一間, 見到好似就滿就唔理三七廿一入咗去先😂-本身dinner有set, 包餐湯, 飲品同一個main. 先嚟嘅係餐湯, 似忌廉湯, 但有dd淡, 入面有粟米(包埋就算啦😂, 我見到隔離枱加咗錢叫龍蝦湯, 似唔錯)-Dinner set嘅牛肩扁意粉, 配菜都幾多, 牛肉只有4舊😅 但軟腍不硬, 唔錯, 但個人覺得牛肉上面嘥山芝士粉搶哂啲味, 如果可以比食客自己落會更好.-Overall: 人均$150, 唔算平, 食物質素一般. 個人覺得最失色嘅係個意粉(得個軟字😅)

賣相係唔錯，食落口係另一回事😢美國安格斯牛扒配薯角$118另有餐湯+沙律🥗、甜品牛扒7成都已經熟晒，好難切開、咬落又韌又鞋☹️薯角過火太燶，餐湯是周打魚湯淡而無味😔巴馬火腿忌廉意粉$88⋯⋯份量細，剛好啱小朋友食😥胡麻醬冷麵配吉列炸蝦🍤$88White Flat跟餐+$18比較抵👍🏻另有餐茶：凍檸茶、咖啡都好大杯餐廳座位舒適，寬落，可以慢慢傾計3大+4小，最低消費額是6杯飲品都好合理😃

本來覺得呢間餐廳都直得一食，不過一杯熱檸茶要等半小時多真的很難接受，如果知道餐飲要等半個鐘以上就會一早落餐飲提醒大家想食呢間餐廳嘅朋友要注意，如果趕時間記得餐飲要一早落單仲要等成半個鐘先有餐飲，之後要人10分鐘飲完交枱，大家諗下一杯熱飲要10分鐘內點飲，最後只好放棄對於有關員工嘅服務態度有所保留！