Dan Ryan's Chicago Grill (海運大廈)

營業中

休息中

是日蜜桃小丸子到海港城逛逛，午餐時候到處都是人龍，因為看錯平日午餐的餐牌，所以去了Dan Ryan吃。就算是一個人，都要等位！而且等了差不多一小時，真是很旺場呀！先來前菜包包，最喜歡它的牛油有士多啤梨味，而且不油膩，吃下感覺沒有太邪惡。包包都烘得暖暖的，外脆內軟。Southwest Burger: 賣相一流，份量充足，可以兩個人吃。肉肉烤得剛剛好，既有肉汁又不會太熟，有陣陣肉香。一口吃下去層次豐富，有麵包的牛油香、牛油果溶的軟、肉、芝士、蕃茄和生菜的爽脆，很療癒！薯條就沒有特別，稍嫌炸得太乾。一個女孩子吃一個burger，已經飽到上心口！溫馨提示大家下次來最好先訂位，因為坐得近門口，看見很多很多食客walk in 要等廿張枱，最終只能離開。相信這間餐廳適合大班朋友來聚會。

因為朋友生日。所以選擇左依間餐廳食飯。 我地一行五入8:15 左右入座！ 但9:30 就關門了 尋日系星期3 都非常之多人～ 全場爆曬！門口個姐姐態度麻麻！無咩禮貌！但其他員工幾好！然後就點了幾樣嘢食～ 其實真系好一般！肉眼扒味道一般。薯條唔似新鮮炸起的。飯比較鹹...味道一般！魚比較鹹...味道一般 ！其實最好食係沙律。但d雞肉都系好硬！本身以為甜品點都會好食。點知.....都系一般！其實咁嘅價錢。無必要食佢～ 試一次就算了！

昨天往Day Ryan用餐，等緊餐望吓廚房位，發現廚師帶口罩係喺下巴位，口鼻完全無蓋到，喺有疫情嘅情況下都咁，仲要至少3個都係咁帶，相信都唔係咁啱係咁，應該一直都係咁做，我即時好擔心喺度用餐😔我明廚房熱，但係有疫情時帶口罩防飛沫係每個人都應該做。食物方面，佢哋嘅漢堡扒係半生嘅，裡面仲粉紅，但係都冇肉汁，又無乜味，幾乎要加茄汁落去吊味，薯條亦唔脆，雖然只係百幾蚊，但係水準令人失望奇怪係我走時見到要排隊，但明明裡面仲有幾多空枱，不過我相信我都唔會再去

成日經過都無食過，今日同男友想食美國菜就決左試吓，一貫美式西餐廳風格加上牆上的油畫，感覺更偏向美國南部上菜後發現自己忘記了美式餐廳的作風就是份量特大😂墨西哥玉米片nachos ,一座山的粟米片上淋上半溶芝士牛油果醬，食左一半就知要停手周打海鮮湯-看到圖片用上農夫包上菜感覺好吸引，現實卻是麵包沒有烘過，還不太新鮮，湯也是一般，不點也罷看到每一枱都有點烤美國豬排骨及燒烤雞拼盤，烤得剛剛好的豬仔肋骨加上自家制BBQ醬，烤雞雖然是同一個味道但烤得剛剛好，雞胸位置也很嫩滑整體而言，不過不失應該無下次，反正海港城好食的美國菜也有其他選擇

再次回到這裡，有感而發，不得不抒發一下，還記得舊店還在時，想吃美國牛扒，一定會想起這裡，而且不管是套餐或單叫，8oz或12oz，牛扒質量始終如一。今天叫了個套餐，湯，牛扒，甜品，$448：周打蜆湯的味還好，但份量太少8oz 牛柳就實在太多根了，肉質很一般，牛肉味欠奉，實在有被騙的感覺，薯條更加是軟綿綿的，像水煮的一樣，想不到美國餐廳可以賣這樣的牛肉和薯仔布朗尼就還可以，算是唯一開心吃的菜其實我實在不太明白為何美國餐廳的牛扒會搞成咁，有沒有人知道是否“回歸”後，老師父都走了還是怎樣？還是美國老闆已經賣了某某經營？

2個人，散叫咗個經典漢堡包加墨西哥拼盤，熱朱古力，個圖有棉花糖，但又好似見唔到有同埋蜜糖味手工啤，好啱女仔飲，甜甜嘅蜜糖味好易入口！我係OpenRice訂位仲有8折，同埋有飛行里數儲計落又平咗咁，哈哈。雖然個拼盤好咸，不過都可以接受到，因為環境好乾淨，一入去都隔住枱坐，又派口罩袋，服務好搭救返。侍應知道我哋慶祝生日，送咗好大個蛋糕🍰俾我哋！都幾好味，$504埋單，都ok la，Burger係幾好食嘅。

提供傳統美國菜，同cheese cake factory 好似，喜歡餐廳的環境，牆上印上既畫，好美式喔，美國菜的份量通常很大🤩🤩🎈 墨西哥玉米片Nachos ，每次必點既Nachos，玉米片中混著滿滿的芝士，還有酸忌廉同牛油果醬看。玉米片配上芝士簡直係Perfect match👍👍不過食多幾塊就feel到啲粟米片淋晒😅😅😅🎈釀芝士黑松露野菇，焗好的釀芝士野菇配埋瑪莎拉醬，再拎去焗，每啖都有濃濃既黑松露同菇菌味，口感層次豐富😋不過食多幾舊就有啲油膩🥺🥺🎈炭燒挪威三文魚扒，整得唔錯😍塊三文魚好大塊，扒配烤南瓜、薯蓉及椰菜頭，上枱聞到濃濃炭烤三文魚的香味，切落三文魚仲流緊啲魚油汁，薯蓉索哂啲魚油，咬落三文魚唔夠嫩暨😜😜正正常常啦最後仲叫咗件birthday cake🍰🍰🍰勁大嚿，可惜味道就一般😜😜😜

I visited this restaurant with my family. There were some family already. It seems this restaurant is good for family dinner. They serve some coloring tool first and my kids liked that.We order back rib. It was very good. My kids loved that. Specially their spicy sauce was really good with the ribs.We also ordered pene pasta. It was really good and potion was enough to share.The staffs were very kind. I wil visit again soon.

第一次食Dan Ryan’s 尖沙咀分店，貪佢商場泊車平🅿️一早訂咗位， 入去就唔使排隊，裏面裝修比較舊，枱與枱之間都幾密集，係呢啲隔離情況下就可以，因為隔咗張枱，如果唔係，應該會非常嘈吵今次叫咗遠近馳名的焗芝士洋蔥湯，大概幾分鐘就上咗台，應該係整定，不過都幾好味面頭鋪滿濃濃嘅芝士，下層就係甜甜嘅洋蔥味，非常香濃，絕對冇刺鼻嘅洋蔥味主菜方面，美國安格斯牛扒10oz, 一上菜，牛扒非常薄，同個重量不相稱，味道還可以，唔算高品質，同個價錢唔成正比。另一個主菜，香煎三文魚扒，呢個反而有驚喜外脆內軟，再配埋酸酸的醬汁，零舍醒胃，敗筆之處在於迷你椰菜花配菜，非常硬，好似未煮過咁仲有見到啲杯碟，喺個距離地下5cm嘅櫃度擺放，地氈最多污糟野, 好容易有細菌跳咗上啲杯碟度食完可能會肚痛添呢間野我諗都唔會再食啦，價錢貴，質量差，服務又麻麻，仲要衛生差

3個月冇出街食飯，實在好掛住Dan Ryan's既食物，所以出街抖抖氣食一餐！限制令依然生效，坐得好疏落。入到餐廳量體温及消毒雙手！咁耐冇出街食飯，今次食豪d,唔叫set lunch!食物保持一貫水準，沙律實在百食都不厭，牛扒嫩滑又多汁，帶子又淋！好味！囡囡依然最愛Carbonara!! 實在好滿足！！可惜唔知幾時先可再出關食飯勒！

今晚happy friday，約咗朋友食餐好嘅！嚟到海港城角落頭位有間神祕嘅餐廳？！一於試試佢！一入到去餐廳裡面好似外國餐廳嘅裝修啊，仲有復活節擺設！坐低左，同朋友研究咗好耐食咩好，散叫同套餐都好吸引！最後決定揀套餐唔駛煩～頭盤朋友揀麵包忌廉湯，試咗啖好咸，但配麵包食啱啱好！我就揀咗沙律，每一片生菜都撈勻晒沙律醬好厲害！主菜揀咗一份牛扒，好軟腍，唔錯啊！仲有一份豬肋骨，超入味，仲入口即化𠻹！最後甜品我哋兩個都揀咗布朗尼，配焦糖雪糕！好好味啊！

今日同男朋友放工後過咗嚟食飯，因為之前食過，好想再食佢個rib!s! 一如既往唔知點解佢頭盤啲麵包有一個比較甜好似cake 咁。今次叫咗焗薯皮，Buffalo wings, ribs, 3 樣都超好味！焗薯皮比想像中正！buffalo wings 都好正，有時啲餐廳話就話係buffalo wings 但完全唔正宗。ribs 就必試嘅！係好味到finger licking! 加埋啤酒簡直就係完美！我就叫左一個honey味嘅啤酒, 心情愉快加埋美食嘅perfect night 😊

次次行過tst都無食過哩間餐廳 無意中見有discount就book位啦 因為真係好抵50%off ❤️🤩•前菜🥢Baffalo Wings 🐓哩個認真唔好食 個汁唔夠味 雞翼唔夠脆 完全唔似水牛城雞翼 失望🤦🏻‍♀️🥢洋蔥圈外皮幾脆 點BBQ sauces 一流👍🏻主食🥢牛扒🥩Side dish原條粟米 & 薯條 牛扒我最鍾意食medium rare 牛味不錯第一次見有原條粟米🌽 配牛油點都無得輸啦薯條🍟不過不失其實已經好飽 但好想食甜品 見有人話Tiramisu好食 點都要食埋先🤣酒味幾香濃 入口好快融化 正呀 好滿足🤪普遍黎講係不錯既 但如果無折我應該都唔會食 因為不太抵🤭

都好耐冇出街食飯啦，今日book咗海運大廈@Dan Ryan’s Chicago Grill食飯抖下氣。平時夜晚去食晚飯一定係全場爆滿，今晚6:00pm去竟然係得幾台客😞，我都希望疫情快啲離開，人人身體健康♥️今日三個人，order左四個菜式。LobsterCrabShtri $235,相片影得唔靚但係佢嗰個龍蝦同埋蝦肉加埋牛油果同埋特製醬汁都整得好好食😋但份量嫌佢少左ddF Fried Shrimp $228,啱啱炸起，好正👍🏻Ribeye 14oz $498,我哋叫咗七成熟，上到嚟真係啱啱好，唔乾身中間仲有啲汁👍🏻推介SmokeHseBurger $178，喜愛佢嘅BBQ汁配煙肉，絕配👍🏻

香港西餐有好多選擇，因為成日聽同事食，於是今次朋友生日決定去試一試。坐低之後先發現自己曾經食過佢嘅下午茶套餐😂言歸正傳，由於近日疫情嚴重，全場客人唔多，所以環境好舒服又適合傾計👍🏻食物方面，我地叫左墨西哥脆片，辣肉丸長通粉和半份招牌豬排骨。Nacho比較失望芝士少，醬料唔多搞到唔夠juicy同惹味。豬排骨跟薯條，椰菜沙律同佢嘅秘制甜醬。排骨比較乾身醬汁唔算太突出。至於通粉就比較出色，多芝士及伴菜，增加口感冇咁悶及份量大，三個菜兩個食已經好飽好飽。不過驚喜係佢地會同壽星客人唱生日歌，服務加分！