Dan Ryan's Chicago Grill (海運大廈)

營業中

休息中

今餐係朋友嘅生日Dinner，早在一個星期前網上訂位，雖然通知左用餐時間係個半鐘頭，不過因為係朋友生日，我地又有小朋友，食得比較慢，所以唔覺意過左時間都冇催我地；小朋友用餐都好滿意，希望佢地可以推出兒童樂，因為餐牌上好多小朋友都未必樣樣都岩食；另外，食物質素相當唔錯，粉麵方便稍嫌大份左少少，因為希望可以試多一兩樣唔同嘅食物；服務態度良好，朋友生日仲會唱生日歌，好歡樂嘅一餐生日飯，大家都食到好飽，希望可以加推多啲輕食，雖然價錢偏貴，但絕對值得

We booked a table for 5 in weekdays, table was well reserved for us. I specially like the bread basket as usual, and the muffin was really good! We ordered few things to share. Salad was good. There were mixture of avocado, pears, nuts etc. Texture was so balanced and taste was fresh! Seafood risotto looks good too. The sauce is nice and not too heavy. We had 2 desserts. The tiramisu was excellent. It was soo creamy and rich. The taste of coffee was just perfect! 

先點了一份沙律，好味醒胃份量偏大，適宜三四人一同享用作前菜墨西哥拼盤洋蔥圈很大，洋蔥很甜，皮脆但厚粉雞件微辣惹味芝士薯皮正常意大利飯口感偏淋，味道一般，可有其他更好選擇牛排大塊香口，但不太突出，而且點了五成熟，但看似七成熟薯條也一般甜品大份，好味，至少應該是二人用的份量另外餐前包味道不錯，而且鬆餅超讚，大家可叫店員要鬆餅試試哦另外咖啡酒也有驚喜，味道恰到好處，亦可一試總結，前菜小食甜品都不錯，但唯獨主菜一般，但環境唔錯，又唔擠擁，適合聚會用途

Dan ryan嘅麵包籃好出色，除咗有唔同款式嘅麵包同蛋糕之外，佢夾比你嘅麵包都係熱辣辣亦都非常脆口，好似啱啱烘完，新鮮出爐咁樣，tea time既時候先黎到，不過無叫到tea set, 因為tea set係無得食麵包既, 都照要左一款主菜，忌廉risotto 都整得幾好味，雞翼亦都好香同好入味，質素幾好不過睇埋數量來講我就覺得貴左少少啦⋯⋯餐廳嘅環境唔錯幾正，人亦唔算多，唔會話好嘈雜，喺海港城入面亦都幾方便。

放假同屋企人去食飯，餐廳位置係尖沙咀，都幾方便至愛的starters, 包括Potato Skins, Onion Rings,Buffalo Wings 和Onion Soup 等，味道仍然保持一貫的高水平，永遠不會叫人失望。之後隨意叫了三款主菜，有Lamb Chop, Lasagna 和Ribeye. Ribeye 是一道叫人一吃難忘的main course, 藉得高度推介。其餘的包括環境和服務水平，沒有地方可以挑剔。總之一家人帶著滿足的心情過了一個愉快的晚上。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。下次有機會試下其他菜

食物水準已經沒有以前咁好！個北海道帶子完全不值收咁貴！煎到乾水！間舖冷氣不充！全晚熱到一路出一路食！整體間舖好似好舊好殘！侍應態度亦一般，完全唔主動！要不停舉手叫佢地先會過黎！完全唔會想再去！

今次係第二次食呢一間餐廳，慶祝朋友生日，我覺得佢係一間環境唔錯嘅，而且係尖沙咀海港城，行過去就係好方面。而食物都好地道，加上佢啲嘢飲係好特別好多唔同種類。我最鍾意嘅係佢嗰個芝加哥拼盤，有雞翼有洋蔥圈同埋有芝士蘑菇，而且上菜前一定會有餐包送。價錢方便就稍為比其他西餐貴少少，可能佢啲嘢食比較地道啲，同埋高級，而且餐廳啲侍應知道你生日，都會一齊同你唱生日歌，啲服務態度都好好。不過如果想食得飽嘅就叫個漢堡包，因為真係好大份。

已經好多年冇食過Dan Ryan’s,對上一次食應該仲係一個細路仔...所以絕對係童年回憶。一直嘅感覺都係同ruby tuesday嗰啲好似，正價食就好唔抵，要有折有半價優惠先食得過。精打細算嘅我當然今次都係有朋友用app有買一送一優惠先黎食，當晚五個人食，嗌左craft ale steamed mussels,green goddess salad, house made meatballs with spaghetti, pan seared sea bass with buerre blanc, new york strip steak, american apple pie a la mode同salted caramel double fudge brownie. 最有驚喜嘅其實係佢個包同blueberry butter. 佢有好多款包可以refill,仲有muffin揀，對於一坐低好肚餓嘅你真係要忍忍口，如果唔係食到最後就會冇哂戰鬥力。Blueberry butter要特別問佢攞，好彩朋友知道有，如果唔係就會miss左！其他食物其實都係不過不失，大集團水準，沒有驚喜，亦唔會

以前食dan ryan真心覺得佢無咁差對上兩次食九龍塘又一城個間 出漏餐 想叫d staff 斟水都黑口黑面得好緊要 坦白講 衰過茶餐廳一年後 諗住食多次tst呢間睇下有無改善 果然都係一樣咁差 d staff黑口黑面 明明枱面有好多碟 個餐一黎 正常佢應該會幫你執走多餘既碟 但呢到既staff 係「掉」低個餐就走左去 我地兩個人 嗌左三樣野食 點餐時叫左1/2kg青口 埋單時 張單係計左1kg青口既價錢試問 我第一次食呢個青口 個青口黎既時候 我地又點識分到1/2 kg定1kg既青口 我地都無出聲 埋單走人算反正知道一定無下一次再黎！其實 咁大間餐廳 覆單都是基本啦無理由要個客開聲坦白講 食物質素ok ge 但服務就真係兩間分店都差！建議各位真係好想食的話 一定要請staff覆單！

今晚同老朋友食飯，選一間望到海又食得好的餐廳門口被柱阻擋住好有復活節氣氛先呈上前菜包包食下沙律醒一醒胃，健康脆片好脆好香七成熟的牛扒，薄薄厚度，好重黑胡椒，薯條偏硬不脆口，一條烤粟米唔知如何處理，我們放棄它火腿夾雞扒，火箭菜，車厘茄，意大利粉味道都算ok

平時黎親就多數係晚餐或lunch 嘅, 但係今次經過外面,見到有 afternoon tea set 就試試睇下冇驚喜囉始終唔係做開afternoon tea set 嘅, 質素同賣相都差少少，而且唔知係咪下午三點呢啲時間比較少人，佢哋嘅Service都真係差差地，唔同夜晚時段多啲waiters 去招呼客人, 而且仲黑口黑面咁.除咗服務之外呢，咁講返嘢食啦，佢哋鹹點都OK嘅，但係第二層既甜點真係太誇張，我覺得每一啖都好似食緊一羹糖落去咁，甜得有啲誇張，而且啲味道好怪，所以真心唔推介大家去Dan Ryan 食tea ，真，中伏

很久未有去所以去試試lunch set. 叫了個番茄海鮮意大利飯。我不會再回來。Menu上面的圖片是這樣的，感覺還不錯，也預計實物應該沒那麼多海鮮。但來的時候基本上只看到飯，幾乎聯想上不到是同一款菜式。我朋友問我叫的是否肯定是圖片中菜式的嗎？😭😭我的蝦呢？！青口！去哪裡呢？只有一隻！不是吧！蜆份量是最正常的，味道也很一般。不好吃的set lunch。Dan Ryan的質素真的一次比一次差。看來不用再試。

中 曬 伏🤯 無 下 次🤯話說朋友生日去左Dan Ryan’s到慶祝慶祝點左依個厚切豬排🥩16Oz賣相好靚，但一切心知不妙😑乾到已經無曬肉汁🤦‍♀️豬扒過熟又老又韌其實咁厚切真係好難做到咁乾食落又乾又嚡😪每次去開西餐廳都會望下有冇依個湯可以點😂👅法式洋蔥湯以洋蔥熬出香噴噴的濃湯上面融滿了金黃的芝士，及焗至香脆敲落去重有「卜」「卜」聲😍融化了的芝士及麵包都吸收了濃濃嘅洋蔥湯聞到一陣陣牛油香味，飲下香濃醇厚而且洋蔥煮至近乎溶掉，及開始焦糖化但略嫌洋蔥湯有點過鹹-但服務係幾好，員工幾有禮貌🕴🏻

兒時回憶，大份夾抵食，有舒服既圓形梳化位，最適合聚會，人多都傾到哂偈健康沙律，有生果又有我鐘意既牛油果呢個雞翼最好食，中間個芝士醬不得了，到最尾我地咩都dip佢

每次經過都好想試，就一次嘅巧合就試咗啦。店舖嘅裝修都幾有美國餐廳嘅風格，枱同枱之間都唔會話好迫坐得幾舒服嘅。當晚同友人叫咗一個前菜兩個主菜，上菜之前就會送上一籃麵包，紅色嗰個應該係甜甜地嘅紅梅牛油，佢啲麵包有幾個款式都叫OK嘅頭盤就叫咗一個經典海鮮冷盤。啲生菜好新鮮而且海鮮沙律都整得好好味尤其是個龍蝦好鮮甜個伴碟嘅蕃茄同埋牛油果亦都食得出好Fresh，份量超級大，食完已經有啲飽。baby ribs半份配Chicago bbq sauce:上碟嘅時候個豬唔多熱只係微暖，所以令到個醬汁都顯得有啲杰身，如果醬汁亦都比我地想像中鹹不過肉質來講算不錯，夠淋身，反而佢嗰啲甜薯條係最好食，唔會感覺好油膩另一個主菜就係:芝加哥至尊三文治呢個三文治嘅份量係超級超級超級超級大，而呢一個亦都係出奇地幾好食。佢嘅牛油果番茄同生菜同頭盤一樣好新鮮。而醃過嘅雞胸肉唔會好鞋，配埋其他材料一口咬落去好正呢個真心好食就我個人而言我覺得個Coleslaw唔係幾好食可以有改善嘅空間。整體上，呢一間餐廳係一間唔錯嘅聚會餐廳，分量夠晒大，幾個人一齊食應該會可以叫得更加多嘢食。食物嘅質素同埋上菜速度亦都滿意