Dan Ryan's Chicago Grill (海運大廈)

營業中

休息中

今日突然想食西餐，就去海港城嘅Dan Ryan開餐！服務員先送上麵包，暖烘烘的，最鍾意佢自家製嘅士多啤梨牛油，用嚟搽麵包甜甜地酸酸地幾好味。辣肉漢堡包，真係幾辣，但好似無乜肉味咁，勝在大大份，一定夠飽。海鮮意大利飯，係熱辣辣整出嚟嘅，海鮮嘅份量都足夠，但啲飯索唔夠汁，口感差少少。甜品係朱古力brownie配雪糕，係好甜，但係今餐最好味嘅食物。叫咗杯士多啤梨沙冰，但真係好酸，味道唔夠天然，不過夏天飲就好涼快。食物質素麻麻，但服務員有禮貌，性價比唔算高，可來可不來。

<讚👍🏻>.🥣啤酒黃金炸魚🥣：💰$215配薯角但份量唔多，特色他他醬幾濃，沾魚好夾好味👍🏽炸魚係手打混合白魚，兩舊炸魚都厚肉嫩滑，炸皮炸到金黃食落有少少苦。🥣肉醬千層麵🥣：💰$198睇落好似好細舊，其實麵多層同埋偏厚實，番茄醬酸甜度剛剛到，仲有番茄粒，整體味道好似食緊意式雲吞咁🙈.好味程度：⭐⭐⭐⭐抵食指數：⭐⭐環境指數：⭐⭐⭐⭐

想食好耐，終於有時間試下。點知，真係搞唔掂，成個體驗好差水有怪味Carbonara 冇味Rib 還好，正常質素Vanilla Milkshake 冇味，好似牛奶咁下次請我都唔食！

喺海港城拎住coupon，突然又想食西餐，經過單位冇乜人排隊就直接入咗去上一次食已經係我好細個嘅時候，真係冇乜印象，今次食完真係好加分估唔到套餐都可以用coupon，真係非常之抵首先有個湯，非常傳統嘅周打健康，好濃郁，香港都冇乜邊間食到呢一種傳統嘅味道另外個牛扒真係要讚一讚，完美嘅五成熟，仲要口味濃郁，同朋友食得好開心單點左一個洋蔥圈，炸得非常好，唔油膩，炸粉又唔多，一啖接一啖套餐中跟住個甜品，好滿足另外仲想讚下侍應同經理都非常好禮貌，令人食得好開心

因為係海港城幫襯，送左幾張coupon，食滿200就可以減100，所以就book定呢間餐廳，初初見星期五book 都仲有位都有啲擔心係餐廳啲嘢麻麻所以冇人，你知啦海港城假日一般間間餐廳都一早book爆同要排隊，我哋book左星期日12點45分，去到都冇咩人未坐滿，餐廳係一般美式餐廳裝修（似芝士蛋糕工廠），不過呢間餐廳就比較多family 因為小朋友會送氣球，氣氛都唔錯，我一早睇定OpenRice 好快已經揀好咗食咩，等左15分鐘，頭盤送麵包籃，入面有3件，全部都好好味，特別係佢配個士多啤梨味嘅牛油真係好正，其中有一件係合桃蛋糕，好有誠意，之後好快主菜就送到，千層麵同沙朗牛扒，真心要讚兩個菜都好出色，個沙朗我哋叫7成熟，真係剛剛好，同食落有陣煙燻嘅味道，原條燒粟米超甜又爽口，薯條就脆脆哋不過一啲都唔油，千層麵份量超大份，除左肉醬麵同麵之間仲有啲好濃嘅cheese,食一啖充滿唔同口感，唔似平時某大薄餅公司果啲薯粉仲多過肉醬嘅千層麵，絕對值得一試，埋單扣埋coupon 都係4百令蚊，服務都唔錯，食到好滿足

Celebration of a friend's birthday and all sudden we changed to Ocean Terminal and needed to find table quickly. Despite the so-so comments from openrice, lucky enough we got the booking just a day in advance. Dan Ryan's is busy on a Saturday, yet the staff is friendly and efficient. Four of us ordered chicken caesar, lasagna, baby backribs and milkshake. Except the bread disappointed a bit, rest was okay not too bad. I enjoyed my mocha shake much. Wishing my lovely friend a great birthday!

話說，星期六是男朋友生日，想說重回這家餐廳吃晚飯。因為一年多前我們就已經來過2次了，覺得質素還不錯，就想說一年多後再來吃看看。誰知道⋯⋯我們從19:30入座，等了一個小時才有吃的就算了最先來到的 墨西哥脆片 硬得牙齒都掉了⋯⋯再來就是 水牛城雞翼 ，就只是把雞翼炸了，再把雞翼沾醬汁而已，毫無特色可言。之後相隔30-45分鐘左右，才來了 黃金炸蝦 和 黑松露意大飯 。 黑松露意大飯 我們曾經吃過，那時的黑松露飯還沒放到桌上就已經有很濃烈的黑松露味，但這次的飯就只有一點點的黑松露味，連調味也沒有，超失望的！！而 黃金炸蝦就是炸蝦而已，也沒什麼特別的，唯一的特點就是有三個醬能沾，一個就普通的番茄醬，第二個是香草忌廉醬，第三個就是比較有特色的黑松露醬，可惜那個醬是甜的，如果是咸的就比較好⋯⋯最後，我們倆都超失望的離開了，之後應該不會再去了。

今日set lunch點左grilled ham steak with pineapple. 餐碟上有三塊似honey ham中間夾著圓形波蘿片兩塊,淋滿似生抽溝老抽的汁.食左幾啖就覺得好咸,只好用滾水洗完再食！真唔明,火腿本身已夠成,點解重淋豉油,係乜菜式？非常失望！

星期五下午本人和太太女兒行過Dan Ryan‘s，因為三歲的女兒很喜歡店外的氣球裝飾，太太只好硬著頭皮和女兒走過去問可否拿一個氣球，自己心裡想著我們又沒有幫襯餐廳，人哋客氣拒絕亦很正常，怎知道有位女服務員超級友善，問阿女喜歡什麼顏色，她叫我們在門口等一會，她到店裡另取氣球🎈給阿女，因為這是個會升起的氫氣球，她細心地在繩尾扣著一個精美Dan Ryan’s鎖匙扣，回家的時候阿女玩著這個氣球開心了一整天，作為父母看見女兒開心，我們也開心了一整天，在此想多謝那位女服務員的細心和慷慨，令我們比吃到好的一餐更高興。下次去海港城必定優先幫襯Dan Ryan’s😊👍🏻

新年後，與好友尖沙咀午聚選擇了位於海港城的 <Dan Ryan's Chicago Grill>！ 我預先經 Openrice app book 枱！ 第二次再來，輪到他找到新工便請我！多謝他那麼客氣！ 要他破費嘞！對這間西餐廳印象好深刻！先致電問我有無打針！ (當時尚未開始疫苗通行證！)到場後，還要查看有無電子針卡，店方態度認真嚴謹！這裡佈置添上情人節的氣氛！由於第二次來是4月頭，復活節將至，不論餐廳門口抑或店內，已加上復活節裝飾，節日氣氛濃厚！MenuLunch供應：星期一至五中午星期六也有供應，不包括飲品我心大心細不肯定 order Pizza 還是芝士通心粉？好友建議我 order Pizza 會有驚喜！ 因為，之前他食過芝士通心粉中伏！餐包 & 鬆餅餐包配上店方特有的醬，令口味有畫龍點睛的效果！鬆餅味道頗甜！巴馬火腿芝士薄餅 $108當送上 Pizza，我第一個反應：咁細嘅！本身已切開 4份，並非我預期的薄身煙韌質感，似是麵包那種，巴馬火腿帶出鹹香，油潤卻不會重口味，加入蕃茄蓉，並非茄膏，質素不錯！ USDA 4 安士尖沙朗牛扒 配雜菜沙律 $195他以前跟外

6-4-2022 下午點幾鐘去到海港城分店2個人叫咗一個沙律一個potato skins 一個15oz牛扒要medium ，所有食物品質都OK但係一到咗個牛扒一上枱賣相唔差但係完全唔熱仲有好多血水，但係個牛扒都要五百幾蚊都唔緊要食落口好似食緊仲衰嗰啲煲湯豬肉諧霎霎，叫個戴眼鏡短頭髮女侍應同佢講叫佢退回佢立即幫我哋處理，取消了個牛扒，我覺得食物品質差係廚房問題但服務態度可以都仲可以再嚟食

一年前食過幾次都覺得幾好食，好岩一大班人gathering，但之後再去質素差左😭😭等上菜等左好耐，催左好多次，又落錯單等等😢連食物都無以前咁好食了⋯·1️⃣Lunch-sized Chicken Tenders & Onion Rings($82)一上枱熱辣辣，洋蔥圈外脆內軟，雞手指都好大件，但味道較淡，點醬食會好少少🙈·2️⃣Bourbon Shrimps & Ham Penne($138)長通粉唔係好掛汁，味道偏淡，口感偏淋，有陣奶粉味怪怪地🥲·3️⃣Dan's Classic Cheeseburger($165)原本想食薯條，所以揀燒雞果個lunch set，點知佢哋話而薯條唔夠貨所以燒雞都無得配薯條，得burger可以配薯條，所以最後揀左burger🥲☺️但等左好耐都未上菜，催左好多次先黎，仲要黎到已經唔係熱嘅😭薯條又唔係粗坑果種，凍左都唔好食，burger塊包有啲乾，中間塊牛都唔夠juicy😢😢

可以食幾一個悠閑又悠長既lunch, 同迷你蛋糕食吓慢活lunch, 小蛋糕好似幾個月都無一齊lunch過，開心出發星期一至星期五都有供應lunch set, 包沙律或餐湯及飲品餐包2款餐包及1個鬆餅，熱辣辣內軟熟外香脆餐湯羅宋湯材料：紅蘿蔔，芹菜，牛肉好足，少酸唔辣Bourbon shrimp & ham creamv penne pasta波本虎蝦及火腿長通粉少少cream掛汁，長通粉仍然爽口，虎蝦爽口彈口Parma ham & smoked mozzarella cheese skillet pizza巴馬火腿芝士薄餅大約1隻手掌size, lunch既份量剛剛好唔會嘥， pizza批底係鬆厚批，蕃茄茸作底汁同最上面既火箭菜係絕配，Parma ham薄切得通透，口感微煙靭，帶咸香餐飲Lipton紅茶底檸檬茶濃郁茶味茶色通透，配上1角檸檬，perfect match

之前經kkday搶左個雙人4道菜套餐，只需要$77再加原價加一，大約$120就食到原價$398嘅set非常抵🤑-- 招牌凱撒沙律- 香炸黃金洋蔥圈（半份）- 巴馬火腿芝士薄餅- 卡邦尼意粉- 朱古力布朗尼配雪糕-二人餐無寫有沙律不過原來都包埋😂仲有餐包呢餐都無乜可能食完唔飽😂洋蔥圈雖然係半份不過都覺得好足份量，大大個炸到金黃香脆配上bbq sauce係好典型嘅美式風格小食～薄餅比想像中細個加上芝士比較少好似無乜薄餅感🌝但係配上酸酸甜甜嘅番茄醬同鹹香度適中嘅巴馬火腿味道整體不錯。意粉係最典型嘅多忌廉版本卡邦尼，煙肉量不多，食多兩啖有啲膩⋯不過味道還是不錯～甜點brownie正常偏甜，個人比較欣賞佢個咖啡雪糕😍-總結：味道正正常常不過不失，美式風格份量多，有平一試無妨👌🏻

今日試了午餐，十分失望服務不錯，多店員。但食物質素真心差餐包係ok有誠意嘅，餐湯都可以。但午餐主餐真心差。首先個漢堡包，個包十分乾，感覺好似隔夜包。塊漢堡一啲肉汁都冇。食左半個放棄了。另一個午餐：芝士焗通粉，極度難食。麵包多過芝士同通粒。麵包都係好乾一啲都唔脆口。個通粒先恐怖，食落口以為食麵團，完全無彈性，一落匙羹已經散開。全碟最好食個兩塊西瓜，因為唔使煮。散叫個洋蔥圈，剩係得啲炸粉，啲洋蔥簿到透明好似牛油紙咁，食落口全口油同碎。價錢就還可以啦，如果無海港城優惠卷真係唔好試。