Dan Ryan's Chicago Grill (海運大廈)

營業中

休息中

用海港城coupon 之前食過一次唔錯 今次一行三人 由於星期一 即日book到位 被安排坐喺最角落嘅卡位 朋友好多戰利品 所以卡位都比較迫。今次點咗炸魚薯條、 烤雞拼燒肋骨、 雜菌蘑菇飯及炸蝦小食， 另外叫咗三杯飲品。炸魚薯條ok 上枱熱辣辣 可以一試。雜菌蘑菇飯味道偏淡 廚師唔知係咪冇落鹽 自己加番啲鹽先帶出個味道。炸蝦小食 入面完全唔熱 同朋友都覺得係一早炸好放喺度 失望。全晚最差燒肋骨拼燒雞 又係上枱都唔熱 雞同埋豬肋骨肉質都好“鞋” 最後食咗三分一全碟放棄！埋單用coupon 有限定只可以用五張 最後埋單每人300蚊 今次比上次食嘅差好多 唔會再去第三次了。

之前父親節同爹d去食餐好，有牛扒，龍蝦，漢堡包，意大利飯，好豐富。當然唔少得甜品，brownie 配雪糕，夠晒邪惡。款款嘢食都好好味有質素，牛扒肉質鮮嫩，龍蝦肉質爽滑彈牙又鮮甜，意大利飯好入味，漢堡包夠晒大份量。唯一唔滿意嘅地方係餐廳嘅冷氣太細，坐落有啲熱。

平日下午去，叫咗一個假日拼盤，超失望，每一樣都係超燶，燶到苦。當中肉眼係最差，又燶又冇肉味又韌。雞就雖然話係慢煮，但係雞胸都係鞋同埋乾。Ribs係肉質比較好，但係都燒燶左，破壞晒。I visited Dan Ryan at a weekday afternoon and felt disappointed. As you can see, all the BBQ food were over cooked. They tasted so bitter.

朋友老說想回味兒時到Dan Ryan 食西餐、拿氣球的體驗。雖然早已過了拿氣球的年齡，但美式餐點還是可來一試。裡面裝潢十分美式，門口位有些一人坐的高凳。可能有點歷史所以不論坐位還是餐牌都有點破舊。點餐前會先送上一籃面包，我個人覺得沒有特別。因為胃口不大，所以我們兩人點了Buffalo wings 和一份牛排，我自己點了一杯雞尾酒。Buffalo wings 醬汁有點太咸和太多；牛排都幾好味。最尾還再點了迷你的美式新地，可以說是這餐飯令我最開心的食物。總括而言我覺得值得體驗一下，但埋單人均四百幾，裝修和餐點都不太值這個價，算是性價比不高吧！

Although the atmosphere of the restaurant is okay, the food could not be worse, the chicken meat is super dry under the average level of any fried chicken or chicken burger, not recommended anyway. In addition, the food was waited for ages to be served.

海港城Coupon 最後限期，大家都趁Deadline 前消費。Openrice有訂座功能，唔想失望而歸提前一日訂位都可以。餐廳內環境舒適，當晚前後左右都有人慶祝生日🎂一行2人點左一份水牛雞翼，感覺夠4人份量。朋友好期待，但係整體味道太酸，味道一般。覺得最後悔係點呢樣菜。叫左一個Dinner set+一份漢堡🍔Dinner set包含一個湯/沙律🥗我地選擇左湯，2人size啱啱好，牛肉煎得恰到好處。全晚最正確嘅選擇。漢堡扒整體感覺太乾，麵包係好飽肚好實在嘅質感，一人食左1/4 就已經飽到唔想再繼續整體來講，如果有海港城coupon又唔想等位，係一個唔錯嘅選擇⋯

最近海港城有餐飲購物優惠券用，優惠券使用期去到星期日，所以全世界蜂擁而至，好似去咗行年宵咁 🥴 當晚諗住用優惠券食飯，但見到有得用優惠券嘅餐廳，間間都有三，四十人排緊隊，真係要等到天荒地老 ☹️ 喺絕望之際見到呢間餐廳人龍只係得十個人左右，咁當然睇吓有無位，原來 $100 優惠券餐廳只當 $50 使用，唔怪得人龍得幾十人，不過算啦好過無得用。餐廳嘅餐包幾有特色，竟然有 Cup Cake食 😝 黑糖合桃 Cup Cake 好好食 😋 另外兩款餐包都可以點佢嘅草莓奶油醬。香炸黃金洋蔥圈 ($52/半份) : 洋蔥圈睇色水好似炸得過火咗啲，而醬汁就勁勁勁酸，不過又酸得幾惹味。😋波本龍蝦及火腿長通粉 ($228) : 呢個有啲失望，睇圖好似幾正，但實物嚟到似碟普通長通粉加多兩舊龍蝦肉同兩隻蝦俾你，就連火腿絲都欠奉，不過味道算唔錯，芝士汁唔會太濃搞到好膩，性價比唔算太高。炭燒 8 安士沙朗牛扒 ($298) : 有蕃薯條，燒粟米做配菜，炸蕃薯條比炸薯條更健康，粟米就成枝上驚你食唔飽，牛扒就預先幫你切好，啱哂我呢啲懶鬼 😝 牛扒鮮紅透亮，肉汁飽滿，食完返唔到轉頭 ☺️ 布朗尼咖啡奶昔 ($72) :

唔係同事帶我去，都唔知原來海港城有間美國菜餐廳😂😂位置都幾隱蔽🙈果日去食lunch完全唔洗等位，都幾多位，但味道都幾正，點解反而無人排🤔🤔·1️⃣Chicago Classic Combination 芝加哥拼盤(Half: $198, Full: $298)呢個拼盤入面有三款小食，分別係焗薯皮、炸洋蔥圈同埋水牛城雞翼😍叫左半份share食，我覺得焗薯皮最好食🤣🤤全部都熱辣辣，唔會太鹹🤤·2️⃣Parma Ham & Smoked Mozzarella Cheese Skillet Pizza 巴馬火腿芝士pizza ($108)原本驚好大份會食唔晒，但好彩係細細份😂😂幾中意食佢個批底，都算厚有口感😋parma ham都好食😆·3️⃣Beer Battered Fish & Chips 啤酒黃金炸魚 ($205)呢個炸魚薯條真係好大份，岩晒多人食share😂😂我地四個人食，share食都係食唔晒啲薯條🥲一炸完熱辣辣食係超正😆點埋個醬食仲正😍😍·4️⃣Creamy Spaghetti Carbonara 卡邦尼亞意粉 ($118)食左之前果幾樣小食同pizza，carbonara顯得相對平凡🤣但都係好食

復活節最後一日假期約了朋友食晩飯，朋友建議去尖沙咀海港城 「Dan Ryan's Chicago Grill」，我們一行4人叫了2個晩餐 (每個晩餐包括主菜、頭盤及甜品) 及一個Appetizer：《主菜》1️⃣ 炭燒14安士美國有骨肉眼扒配烤蒜蓉西蘭花、甘筍及烤蒜球 $5582️⃣ 豬排骨及烤雞拼盤配甜薯條 $448《頭盤》3️⃣ 招牌凱撤沙律 x 2《甜品》4️⃣ 迷你雙重朱古力布朗尼配雪糕 x 2《Appetizer》5️⃣ 紐約人氣水牛城雞翼 (半份 8隻) $128整體來講：這間美式餐廳，食物份量都幾大份，所以我們4個人只叫了兩個晚餐及一個Appetizer，價格方面唔算平，食物味道還可以，不過不失價格💰：$1,247.4 ($558 + $448 + $128 + 加一服務費113.4)味道😋：OK

有朋友比左海港城啲coupon俾我，所以走咗去逛逛，行到攰又買唔到嘢，所以搵間餐廳食餐好。餐廳地方唔算闊落，但好彩俾咗卡位我地，所以坐得唔算逼夾，環境氣氛良好，職員態度都有善。嘢食方面，我哋一坐低就我想熱辣辣麵包，味道正常，現在夠熱。 之後嚟咗個海鮮麵包湯，非常足料，麵包亦都好鬆脆。頭盤嗌咗炸魚薯條，炸魚有2大件，配搭薯角好食。 主菜係肉眼扒五成熟，味道正常，有牛味，如果好似啲會開心啲。反而主菜的粟米好好食，燒過嘅粟米有BBQ感覺，好味。 我叫咗一杯自家製嘅啤酒試試，味道好似1664白啤。甜品有朱古力新地，正正常常，冇乜驚喜。總結Dan Ryan嘢食服務都幾好，但我會鍾意另一品牌有黑糖麵包食嗰間多啲😂謝謝

恢復夜市堂食，咁梗係要出去刷餐勁啦😏一入場冇耐，侍應即刻上咗個熱辣辣嘅麵包籃，除咗有麵包仲有美式鬆餅啊☺️配埋個醬真係好好味（紅莓牛油？）點左一個 Buffalo Wings, 雞翼好味,芝士醬都好味，但西芹份量有啲少，始終雞翼都係重口味，如果有多啲西芹中和返就會好完美。我哋兩個女仔去，好彩只係點左一份晚市套餐。如果唔係真係食唔晒，變大晒鬼。因為真係好大碟，碟沙律嚟嘅事先醒起，呢度咩都係大大兜😂。主菜叫咗燒莎朗牛扒，真係好耐好耐冇出街食過燒牛扒啦。正👍🏼仲要有咁大條燒粟米，再配埋甜番薯條，真係冇得頂。兩個人食啱啱好，好滿足☺️甜品我哋揀咗焦糖雪糕伴brownie。雖然好好味，但係結果我哋都係食唔晒🤪總結：雖然位於海港城都冇景睇，擺盤又唔係話非常精緻，但係味道同份量完全可以彌補到其他不足。滿意❤️

見到某APP做Dan Ryan75折喎，咁耐冇食過就當然要book佢嚟食下啦！預約嘅時間一到，一去到餐廳就即時有位俾我哋！我哋一行三個人，佢就俾咗卡位我哋坐！但佢啲卡位其實都好窄，唔郁都OK嘅，但要行嚟行去就會比較迫。望返個裝修，真係十年如一日，十幾年前嚟過一次又係咁嘅樣，而家又係咁嘅樣，一啲都無變！首先上個麵包籃，入面有三個包同埋muffin，佢個合桃muffin真係好好食！唔太甜但又好甘香！仲有其餘d包配埋佢個特製粉紅色牛油真心好食！我哋嗌左三樣嘢，第一係係唔知乜嘢海鮮冷盤，話就話有龍蝦蟹同哈再加啲菜牛油果蕃茄之類，但上到菜就其實係一堆撈咗好多沙律醬嘅海鮮沙律，入邊真係有龍蝦蝦同蟹嘅，但係全部都係剁碎晒嗰隻，再放喺啲生菜上面，感覺好空虛，空虛都唔係一個問題，但收我$258就係一個問題！我哋當時呆到連相都冇影到！之後叫咗個Ribs，一貫都係好淋，好入味同埋好有BBQ味，冇退步到！好食！連我阿爸冇牙都食咗四條骨！另外個carbonara，勁多芝士同cream，水準之作！買單有埋個七五折，耐唔耐食一次都OK 㗎！

我已經幫襯過呢間好多次 但今次體驗太差 決定以後唔黎喇。。Hostess唔知係咪太忙 極度冇禮貌 仲要有其他枱 但偏係要帶我地去一張未執嘅枱 然後我地企响度等佢地執野同抺野。坐低左再有人拎餐牌同水俾我地 冇bread basket。 呢個係我走時先發覺。 我起身先見隔離枱有包食 我先醒起自己冇。感覺好差。然後叫左carbonara， 牛扒同芝加哥拼盤。真係真係差左好多。個carbonara以前唔係咁 牛扒都唔會咁tough 切都切唔開 個拼盤成二百蚊 但份量勁少。。。最後 食左一個鐘 已經放低牙籤筒 其後半個鐘不停催我地走 （明示加暗示）。明明仲有好多吉枱 當時仲係八點 未到十點要關門。點解要咁呢？

開始恢復晚市，即興出尖沙咀搵食，餐廳雖然位於天星碼頭海旁，但係冇海景😅落單後侍應好快上麵包藍，內有2個小麵包及1個合桃提子鬆餅，嘩嘩嘩，所有包都係熱㗎 🤭特別係個鬆餅超好味 🤤🤤夠熱又軟熟😋，好似新鮮出爐 🥰😍🤩美式餐廳竟然有咁好食嘅包😻燒雞肉嫩滑有肉汁，炸蕃薯條夠脆又充滿蕃薯甜味……所以食晒 🤣🤣墨西哥脆片配牛油果醬及洋蔥蕃茄辣汁，最啱邊食邊飲邊傾計 😜個意大利海鮮燴飯都幾好味，海鮮湯加入芝士燴，有蝦，青口，蜆及魚。總結：餐牌選擇肉多菜少，賣相普通但味道幾好。

位於海港城既美式餐廳入到去覺得好有懷舊feel牆上掛左好多壁畫🗺環境闊落都幾舒服同男朋友叫左2個set lunch😚麵包籃🥖餐包微暖鬆軟，配綿滑香甜既Berries Butter，簡單好味。Muffin驟眼睇以為係朱古力味，食落先知係肉桂☺有驚喜！要讚一讚係好夠熱，做到外脆內軟，甜度亦都岩岩好。啖啖核桃，口感豐富，暫時係我最喜愛既Muffin💘(食完呢個已經有啲飽)蕃茄湯酸甜開胃，係濃縮版本既蕃湯！燻咸牛肉三文治配薯條燻肉肉質柔軟，切成薄片配以醬汁、白色酸菜、芝士，味道唔會太濃，保留牛肉煙熏既味道，集鹹、香、鮮於一身。薯條🍟係粗薯，仲有兩片🍉西瓜解膩。蕃茄海鮮意大利飯Risotto軟硬程度適中，蕃茄醬汁🍅酸酸甜甜，清新開胃。青口、蝦、蜆肉但都算新鮮。