Day and Nite by Master Kama (已結業)

招牌龍蝦包打響名堂既Master Kama，係香港有3間分店，其中旺角呢間Day & Nite早上同晚上會有不同菜式，非常特別，有部分食物只係得旺角店先有，幾值得一試🤣.Master 分享盤 7.5/10分享盤份量都夠3人食，款式都多，分別帶雙色薯條、炸芝士條、煎餃子、雞翼、章魚小丸子同埋沙律，樣樣都有幾件，番薯條好食🥰有微微甜味同埋炸得好脆，不過切得比較簿身，口感差少少，芝士條真係有拉絲架🤤不過就得兩條，唔夠喉呀.龍蝦pizza 8/10賣相幾吸引，有個龍蝦頭放係薄餅上面，薄餅焗得香脆帶點燶邊，芝士豐富🙈邪惡得黎味道都唔錯.龍蝦焗飯 8/10飯同兩隻大蟹鉗一齊焗，聞落幾香，同埋有點都幾貼心就係一早已經敲碎左蟹鉗，好易拆龍蝦肉出黎，唔會整到一身都係，龍蝦肉質爽口鮮甜，真係啖啖肉啖啖滋味😋

龍蝦包做賣點真係好吸引😋 令到喜歡食龍蝦嘅我忍唔住要食番一次！疫情前晚餐時段係超級full, 一定要book位先有得食，walk in 根本冇可能。而家大家就外賣算啦！龍蝦包🦞(must try!)個包比預期中細個... 龍蝦好味😋 個麵包烘得好香👍🏻 我一個人一定食得哂😆Parma Ham Buffalo Cheese Pizza🍕cheese同parma ham 好都香好味呀😋 餅底好薄，脆脆地～ 唯一不足係唔夠熱辣辣呀！如果唔係一定更好味！服務有待改善。

經常覺得下午3時3是一個極度尷尬的時刻，肚子開始有點餓，但又不能跑到餐廳吃太飽，否則晚餐會吃不下......這一天好姊妹帶我來到Day and Nite by Master Kama吃個輕怡版龍蝦下午餐，質素確實很不錯！餐廳的裝潢及格局跟樓上cafe無異，衛生情況OK，只是坐位較窄。想不到龍蝦跟玉子燒的味道是意外的夾，嫩滑的蛋加上粒粒龍蝦肉，有驚喜！龍蝦包 (抱歉，忘了拍照) 烘得剛好，鬆脆、不會過硬，中間夾著「大大舊龍蝦肉」，「打卡」一流！更重要的是不需要剝殼，吃起來很方便。隨包附送沙律菜及薯條，不怕吃不飽。筆者超喜歡這杯GOOD-NITE DEAR，濃濃的朱古力飲料配以Baileys酒，不會太甜或太苦。總括而言，Day and Nite by Master Kama的食物質素高，值得一試！

龍蝦就食得多，但係好少夾埋包一齊食🤓麵包有好香嘅牛油味，我覺得好香口，而且口感好脆🤩🤩，二龍蝦就啖啖肉，不過龍蝦本身冇乜調味😟，所以只食到原本嘅龍蝦味，平時食開淡口味嘅人，或者本身唔鍾意太多調味料，應該會幾鍾意食。但以$188呢個價錢來講，性價比唔算高，但想試吓食龍蝦包嘅話，可以一試嘅。🤓🤓

餐廳係樓上舖，細細間，枱數唔多，不過當日去都係坐左3枱人到，靜靜地都唔錯。嗌左個龍蝦餐，驚唔夠食，所以要多左個章魚丸同玉子燒🤣龍蝦湯 - 味道濃郁，有兩舊仔龍蝦肉係入面😂呢個石鍋海鮮烏冬係全部食物最好食嘅🤣個湯好香，同埋都幾足料最期待嘅龍蝦就比較失望，細細隻冇乜肉🤣但幾百蚊嘅餐可能要求唔可以太高龍蝦包烘到到少少脆口，不錯😋薯條同蕃薯條，我自己比較鍾意蕃薯條😙甜甜地，食完一條又一條玉子燒同章魚丸就不過不失

🔻龍蝦包 Lobster Roll ($188)同想像中有啲落差 本身睇相expect會係大大啖龍蝦肉喺個包入面 但啲龍蝦肉切到比較細粒 無乜龍蝦味 但整體都ok 配埋薯條同蕃薯條 熱辣辣夠香口 尤其係蕃薯條 甜甜地好味😊 可以一試

圖片只供參考呢家野我明，不過都不應相差得咁遠。話說星期六收工小鬼話網上見到旺角有間食龍蝦包餐廳現在買一送一，咁著數當然要去試吓！裝修好切合主題四處都有龍蝦🦞，座位比較狹窄有點壓迫感。🍴龍蝦包 $188買一送一龍蝦肉都OK 算多龍蝦仲有龍蝦鮮味，排飽烤得香脆可口。🍴三重芝士雞肉烤餅 $75芝士軟綿夾雞肉墨西哥烤餅別有一番風味。🍴章魚大阪燒 $65主角椰菜加雞蛋煎至金黃香口，靈魂係大阪燒醬汁同沙律醬，整體來講滋味的。🍴龍蝦玉子燒 $88見圖片介紹幾吸引於是點了一份，誰知上檯見到不禁在心裡大叫咩嚟㗎😅！光脫脫的一份雞蛋罢了！蛋有蛋香可惜過火了點，真係有小小失望😞！我們沒有叫飲品，每位$152.70

心血來潮想食lobster roll, 來到一間龍蝦專門店. 可能已經過了午飯時間, 店內客人不多, 裝修以藍白為主, 簡單而整潔, 帶點紐約風.一行二人叫了龍蝦湯, lobster roll同mac and cheese. 等了三十分鐘, 食物一次過奉上, 完全無先後次序, 那客人應先飲湯還是趁熱食lobster roll? 第二點是我們沒有留意lobster roll是買一送一, 落單時有點不細心食物方面,龍蝦湯偏鹹 lobster roll一般, 龍蝦有點不新鮮的感覺, 但麵包鬆軟,mac and cheese就最失望, 通粉偏硬, 通粉上只有一層薄薄的芝士, 並沒有芝士味, 底部全部都是蒜蓉, 完全蓋過芝士味. Mac and cheese不是食芝士的嗎?總結一下, 環境是不錯的, 但餐廳不夠細心,而且食物質素不高,價錢亦不非, 失望的龍蝦專門店

Terrible all across the board. Avoid this restaurant at all costs. Went with a group of 6 people, one person didn’t get their food until EVERYBODY had finished eating. I’m literally only writing this because I’m still waiting for the dish!!!Taste was all over the place. One plate was too salty, and another was absolutely tasteless. The lobster mac and cheese was also tiny AF. Not even worth the ~200HKD price tag. They also didn’t have the lobster roll...Anyways I’m never coming back, and for you

都係得登睇下緊期受歡迎嘅餐廳, 受現時打卡男女及一眾KOL喜愛嘅Master Kama, Lobster 係Boston Lobster, 屬海螯蝦科, 同中式酒樓食嘅Spiny Lobster唔同。餐廳裝潢採用龍蝦主題而且有格調連餐牌都別有心栽龍蝦包 - $188HKD個人其實麻麻將d肉切到一粒粒, 咁一塊幾靚嘅肉都無哂本應嘅texture, 不過整體配合度高嘅, 龍蝦肉新鮮, 個包又熱證明有"漢"過。薯條同蕃薯條一齊就2溝大滿足, 又係熱辣辣夠新鮮嘅吉列牛扒配忌廉蘋果咖哩撈烏冬 - $148HKD呢個我覺得值得推介首先價錢平過龍蝦包一大截, 然後個賣相仲好有class好有排頭, 炸牛扒我同友人仲係第1次食炸得都唔錯, 外脆內軟, 入口未到即熔但反而有牛肉應有嘅肉質質感。咖哩汁經過秘制, 好特別, 首次令我由味覺昇華到睇到色彩嘅感覺烏冬彈牙翻食指數:8/10

🍽菜式：西式（龍蝦）🏠裝潢：cafe式💰價錢：$200-300/人💬評分：🌟🌟🌟3.5/5.可能近下午茶時間，所以冇乜人，唔使點等就入到去。店員好有禮貌咁招呼我哋，入到去係淺藍色色調嘅cafe feel，幾闊落又舒服😌旁邊有啲龍蝦公仔裝飾，幾可愛😆🦞龍蝦包 $188一定要試下個招牌龍蝦包😆係長排包夾住大大嘅龍蝦肉🤩而且排包落左牛油煮，香口得嚟外皮脆脆地，排包原本軟熟又甜甜地，個包整得唔錯。雖然龍蝦啖啖肉，但冇乜點調味或煮特別煮香佢，所以較為淡味，只能用佢配有嘅芝士檸檬汁調下味，而且個汁都比較稀，味道一樣好淡。🧆分享盤 $168分享半日唔少種類嘅小食，包括章魚小丸子、芝士條、軟骨餃子、雞翼、墨西哥薄餅、兩色薯條🤤不過份量就係3人份，如果4個人去食會唔夠分😢總括而言食物質素都ok，尤其墨西哥薄餅同埋兩色薯條，薄餅餡料多，加上沙律醬配合得幾好食，薯條好脆，尤其蕃薯條甜甜哋，加上有茄汁同埋黑松露醬，幾高質🤩但係芝士條就稍微炸得太過火，咬落去得炸皮，芝士餡料比較少，而且雞翼都係炸得太耐，感覺啲雞肉比較老，而且冇乜味道😢。🍲Kama pot (醬燒豬手龍蝦湯烏冬) $103Kama pot嘅湯底、

IG見到有人介紹呢間餐廳，甘岩去開旺角就嚟試吓。餐廳環境闊落座位舒適，而且周圍都有龍蝦嘅公仔，好啱少女打卡。⭐️意式龍蝦海鮮薄餅雖然個pizza上埋個龍蝦殻感覺好豪華甘，但其實內裏龍蝦肉不多，大多數也是小魷魚、蝦肉等，感覺有點失望。⭐️煙肉蘑菇忌廉汁意大利麵配62度溫泉蛋呢個意粉雖然聽個名平平無奇，但是味道卻出乎意料之外地好食。忌廉汁好濃好creamy，識落唔會太鹹，再配上個流心溫泉蛋，令味道變得更濃厚充滿蛋香。呢個大推！⭐️燒美國豬肉眼配蘆筍甜椒意大利飯如果頭先個意粉係走濃厚路線，咁呢個意大利飯就係走小清新路線啦。雖然睇落好似好多芝士咁，但係食落完全唔係呢回事！佢落咗好多蔬菜去煮個意大利飯，食落唔膩加上塊豬扒都煮得幾鬆軟。呢個都大推！⭐️BBQ醬烤雞翼烤雞翼個醬汁味道太濃偏咸，望落似豉油膏甘。呢個不太推。

同fd 收工黎到呢間之前hit 過一排既鋪, 諗住專程試下龍蝦包,排左大概三十分中左右終於可以入座.可能因為staff 唔多既關係,都等左五分中先有menu, 我同fd 就決定叫一個龍蝦包同炸物拼盤一齊食.先上係龍蝦包,賣相係吸引, 但食落口發現龍蝦偏少同調味不足,薯條都淋淋地之後炸物拼盤既芝士條都凍哂,拉唔起絲, 餃子同雞翼都係普通味,同其他樓上cafe 差唔多,但個價錢又貴好多....總括個人認為食一次半次試下,打下卡Ok, 但唔會再幫襯

關西大阪燒$65呢個味道正常，但覺得個底太油🙈煙肉蘑菇忌廉汁意大利麵配62℃溫泉蛋$68味道唔錯，不過個汁稀左少少，溫泉蛋的生熟度都適中，切開後係流心既。燒美國豬肉眼配露荀甜椒意大利飯$88呢埋豬望落無咩燒過既感覺，不過食落唔會鞋，意大利飯的味道ok，不過有啲啲硬。意式龍蝦海鮮薄餅$188 一開始賣相好好咁，但影完相就發現龍蝦係得個殼用嚟裝飾既，成個薄餅都搵唔到有龍蝦肉😢😢唔通用左來整龍蝦汁？🤔其他海鮮粒主要係蝦仔同魷魚，食落無咩味。呢間食物質素真係嘛嘛，不過坐得幾舒服。

#Master分享盆 🥰呢個分享盤有六款嘢食，#雞翼 、#雞肉餡餅 、#餃子 、#章魚燒 、#薯條 、#芝士棒 ！兩至三個人share啱啱好👧🏻👧🏻不過味道上面其實只係不過不失⋯雞翼味道正常😗；雞肉餡餅普通，雞肉雖然唔「鞋」，但啲芝士已經凝固咗⋯😣；餃子味道幾好，入面好似有雞軟骨嘅口感🤓；章魚燒就夠熱嘅，最緊要都係啲醬幾好味😝；薯條就有普通薯條同埋番薯條，都係小編鍾意食嘅👍🏻；最後嘅芝士條真係唔得⋯又凍又硬，冇得拉絲好失望🤦🏻‍♀️.#龍蝦玉子燒 🦞🥚佢呢款玉子燒同台式嘅玉子燒好唔同，口感唔係一層層包裹着既，大家睇相應該睇得出，佢係偏林同埋偏甜嘅，所以小編同朋友仔都唔係咁鍾意食，入面嘅龍蝦係唔錯但份量真係唔多⋯😶.其實小編本身係想試佢個 #流心芝士龍蝦三文治 🧀🦞🥪，但原來係六點前供應⋯食唔到好可惜😟😢.🏆 「豬」味指數：6/10📌 溫馨提示：如果真係有想試嘅嘢食，記得留意番個供應時間呀！😉 唔好好似小編咁咁傻仔🙈