Délifrance (香港國際機場)

營業中

休息中

係香港機場接機大堂個層有幾間食肆，早餐想飲咖啡，揀左 Delifrance 一齊食個早餐先上飛機，呢度環境闊落，客人也不少，沒有掃 QR code 落單，要出去 cashier 點餐，然後問你坐邊，之後就有人送餐俾你Delifrance 既牛角包，麵包類都很好味，其他的也不錯，咖啡做得不馬虎，雖不濃，也有咖啡味，仲拉埋花添，價錢吾貴，算係吾錯既選擇。

由於最近屋企的Delifrance 就係機場，每逢周日都去食早餐，平時有時做完運動之後食午餐，雖然係很普遍的食物，保持到質素的歺廳。 今次主要係感受到佢哋嘅team work 精神，見到佢哋互相幫助，大家同心協力去工作，不會計較，很是感動和開心嘅歺廳😊, 很舒服和諧。員工工作效率高、解決問題完滿，對待客人有愛心💕，我的家人也有同感。 佢哋無分彼此嘅工作，只要令客人感到滿意。

星期日10:48時候去到機場Delifrance 食早餐，今日一如以往點B6 A餐，一個點雙腸雞扒加螺絲粉同豆奶咖啡。另一個餐就選咗腸仔雞扒同煙肉及牛角包普通咖啡，今日兩個餐嘅腸仔雞扒都好新鮮帶有微熱，特別係雞扒比較嫩滑。兩人都好滿足今日嘅早餐。😄唯一有點遺憾嘅係嗰個雞扒每次來都大細唔一樣。

太耐冇去機場，印象中大路既太興/麥當勞都會貴d，更唔使講其他好似food court 坐法既食店。估唔到今次晚上7點幾平日黎到delifrance 係大把位坐，價錢仲要唔貴。order 完出左去counter 俾錢，餐ready 仲有人送埋黎。QR code 落單，以上包+指定茶飲唔使加錢，都只係$68。我飲檸檬茶，檸檬都冇苦澀味。包熱辣辣外脆內軟，手撕豬都多汁唔會又乾又鞋。同行朋友食公司三文治，都大到嚇親，非常足料。另外都見有人食pasta 類，份量唔算多，但都係$6-70 左右，如果想食少少野先上機，都係一個唔錯既選擇。

原來一早起身去到嘅機場，係冇乜嘢食架。可能需要入到禁區裏面先至有餐廳吧但係我哋預早好多時間仲約埋團友，所以都係諗住喺機場出邊食咗先唯有去到呢間餐廳啦，好彩都仲有。今次飛去嘅地方係好多美食㗎，但係出發之前都係好想食個靚早餐嚟迎接新嘅旅行一天食早餐一定要飲咖啡，呢度熱咖啡latte幾唔錯㗎。炒蛋同埋沙律菜，仲有個濃湯通粉。補充咗一日嘅體力，開啟到去旅行的節奏。希望今次旅程順順利利應該得到嘅都得到，最緊要係安全平安同團友有一個美好嘅回憶。

哇塞！試咗這家店嘅二人餐，真係滿足到我嗰兩條腸胃！揀咗個忌廉湯，呢個湯厚滑得嚟味道好夠，真係暖笠笠；沙律青翠欲滴，開胃過癮。飲嘢方面，個芒果soda同柚子soda啲泡沫個個彈跳，又甜又撲鼻，喉嚨一路過去一路開心。🍹講到重頭戲，三文魚carbonara啦，味道正中紅心，入口即化，面條Q彈得㗎嘞！天使面嘅大蝦個頭唔錯，蜆肉更加鮮甜，就算面味道輕微少少，我都係吞得好開心。🍤最後個蝴蝶酥，香脆又不膩，一啖一啖嘅幸福味道，同雪糕是真正嘅happy ending！之後出到嚟肚腩得意洋洋，走咗好遠先消化得七七八八。總之，來到呢度，食得開心，玩得惬意，下次有機會又要嚟光顧！🍜🍨💯

入去機場接機，遇上下午茶時份，愛好西式既我就走左去Délifrance食d野🤣一去門口已經比佢個All day breakfast 吸引左，就食呢個喇😋🍳All day breakfast $109平時出去食會係配磨菇，佢呢度就係配杏飽菇😜我覺得佢都整得好食，多汁唔太韌口👍魚柳係條狀，炸得脆口又唔係成層油咁，配上沙律醬都好味🥰🥰其他薯餅腸仔粟米等等都正常發揮👍🍫焦糖爆谷凍朱古力 $38未飲過杯凍朱上面有爆谷🤣但可可淋左焦糖醬，加埋凍朱食又幾得意，不錯🥭香橙芒果特飲呢個酸酸甜甜幾清新，都幾Match夏日炎炎要消暑既感覺😌可以😌😌😌

好耐冇去過機場啦～終於有得離開香港放下假！今次出發之前，就選擇嚟咗呢間餐廳食返個早餐！對上食都好似係五六年前啦！記得之前食嘅時候，感覺不錯。所以今次出發前都特登嚟咋呢間餐廳食早餐。但係比我感覺就有啲失望！一入到間餐廳order完，搵位坐低。張凳好污糟，好似以前舊式九巴嗰啲毛毛凳咁。如果着短褲嘅女孩子，真係要小心，如果唔係可能會皮膚敏感。今次叫咗個All day breakfast嚟到嘅時候，賣相已經唔係好好。好似好多嘢都係現成同埋雪藏製品咁樣。個三角薯餅味道不太好。呢一個雞髀菇超級冇誠意，切都唔切，成舊煮完擺落嚟。好似白烚完，然後再攞去煎咁樣，完全冇味。跟住條腸完全唔吸引，又係白烚完咁，望落去勁似小學時候識嘅活力午餐嗰個熱狗腸咁。最弊係嗰塊煙肉，有浸油溢味，咬咗一啖，之後完全食唔落！最後嗰杯咖啡都算見得下人。但係總括嚟講，下次去到機場有更加好嘅選擇！

我今早送機前，與朋友去了位於香港機場的Delifrance食咗份All Day Breakfast。這份巨大的全日早餐，裡面有煙肉、薯餅、香腸、烤番茄、雞肶菇、粟米、沙律菜和炒蛋等，還有鎮店之寶「牛角酥」。食物豐盛美味且份量十足，讓我吃得飽飽的，今日午餐已不用再費神。餐廳的氛圍也很特別，有少許座位擁有日出的晨光，照著進食別有一番風味。如果你下回到機場時間夠充裕，除咗上層離境層嘅餐廳，也可到地面的入境大堂搵其他美食，或者到我推介的Delifrance食番份All Day Breakfast，也是一個值得一試的選擇。另加$11升級飲熱朱古力😋配有幾粒爆谷😋

自選特級早餐 $47Premium Choice自選麵包# / 迷你長通粉+自選3款美食:焗茄汁豆 / 蛋* / 珍寶腸/煙肉/煙火腿/烤雞/杏鮑菇 /香甜粟米/迷你炸薯餅Choice of Bread# / Mini Penne + Choice of 3 Items:Baked Beans in Tomato Sauce / Egg* /Jumbo Sausage / Bacon / Gammon Ham /Roasted Chicken / King Oyster Mushroom / Sweet Corn / Mini Hash Brown# 早餐可配法國百吉包/全麥百吉包/法國貴族牛角酥/芝麻包/牛奶多士French Baguette/Wholemeal Baguette / French Heritage Croissant /Sesame Roll/ Milk Toast can be substituted with selected set meals* 可選擇太陽蛋/ 反蛋/炒蛋/熟蛋Sunny side up egg/ Over easy egg/Scrambl

黎到機場送機，疫情關係好多餐廳都冇開，或者太早未開。行過見倒早餐似好正同埋唔貴，不過等埋朋友之前食唔切。最後午餐餐牌簡左焗雞野菌飯。雞肉數量都唔少，同汁嘅調味好好，重送左優惠卷以後用，下次到黎機場可以再戰！

今早晨早流流去咗機場送朋友機估唔到個機場可以咁少人🤣世紀難得一見好多餐廳茶記都冇開同幾位朋友去咗delifrance都幾大間不過燈光比較暗座位設計上幾好叫左個 B6蘑菇長通粉配火雞🦃️雞扒熟蛋Milk tea都幾好飲茶味奶味足夠

2人餐-好抵食， 包左2份前菜，2個主菜，2杯野飲，2份甜品焗薯蓉-一片片嘅薯仔，上面仲有d 芝士，份量正常，味道剛好唔會太乾單骨雞翼-好香口，但無咩肉，好似泰式烤雞翼咁，唔會好乾蘑菇意大利粉-正常烤雞蘑菇長通粉-好多蘑菇汁，建議少d 會好點， 食得多有點厭，好多雞肉，但有點老雪糕蝴蝶酥-雪糕幾滑，但無咩奶味，好似cream

早兩日送完機但又未有巴士走，所以決定係赤鱲角機場食埋個lunch先走😌依家既機場真係冷清左好多🥺 但竟然俾我見到好～耐都未食過既Délifrance🤤 直到今日我先知原來Délifrance係有漢堡包食架🤤 相信大家係上圖都睇到個漢堡包係超足料🥳 有生菜、蕃茄、牛肉、芝士、煙肉、沙律醬😛 而啲薯條同平時係快餐店食個啲唔同架，好味超多～🍟 即使大家去唔到赤鱲角呢間，都可以去Délifrance 其他分店試下🥰

黎到機場，選擇唔多，因為疫情關係，好多都唔開。之前黎開機場都係食delifrance ，見到有開同無咩人，所以都揀番delifrance 。平時都係食意粉多，今次試下d炸物。叫左一個亞拉斯加珍寶魚柳配薯條🍟，聽個名都覺得好熱氣，所以叫番個凍啡平衡一下黎到，份量都幾多，魚柳好脆，咬落去脆卜卜，非常滋味薯條都唔錯，唔淋，份量多，差d食唔晒凍啡中規中矩。總括，炸物不錯，價錢中等，可接受，若機場黎講，算係不錯，會再幫襯