Délifrance (香港國際機場)

營業中

休息中

有時候午飯要善待一下自己，不能餐餐頹飯，要食一餐西餐慰勞自己...反正這裡坐的很舒服，又有沙發～點餐後把感應器放在適當的位置上，然後等待店員為你送上食物煙三文魚卡幫尼意粉很香，但絕不油膩，我一整碟全部吃光光飲杯茶提提神，熱飲總是對身體好Delifrence 的甜品總讓人愛不擇手段，實在捨不得吃，蝴蝶酥真的很向的甜品種讓人愛不擇手段，實在捨不得吃，蝴蝶酥真的很香脆陪着雪糕吃口感一流有時候如果接朋友機有事情做可以來這裏吃飯休息一下，反正靜靜的都不錯

去機場消費係人都知比市區貴幾成，但係送機接機嘅時間又的確難捱，早到都係要坐底飲杯野，消磨下時間。接機大堂嗰層，無論快餐、拉麵定茶餐廳，都人山人海。 所以我揀咗大把位嘅 delifrance 呢間喺機場嘅裝修都算幾有氣氛，有啲係市區嘅 delifrance ，簡直快餐店甘樣。就黎兩杯咖啡，一凍一熱美式咖啡，試均佢。呢度嘅咖啡綜合一個之字，苦！咖啡嘅苦味有，酸味一般，香味冇。熱咖啡望上去好似有一層咖啡油，以為唔錯。第一啖飲落去，咖啡嘅苦味仲頂得住，飲多幾啖就要問店員加奶。凍咖啡都飲到咖啡嘅苦澀味，由於凍飲苦味冇咁突出，易入喉啲。兩杯共 $56，係機場來講唔算貴。。。係質量來講，有苦自己知。

叫左個千層麵，中伏。特登開個食評。一送到枱面，仲以為嚟錯左。扁塌塌，望落以為係一塊燒芝士，加沙律... 食落係一舊麵粉，pasta sheets好似未煮熟咁。食完仲肚餓左，$75離譜！

今日係台中午機返黎，無食飛機餐又有d餓，於是同朋友諗住係機場食少少野先返屋企～想坐得舒服少少，所以揀左delifrance食個下午茶同飲杯咖啡再傾陣計先我揀左個肉醬千層麵，哇...細到呢，好似兒童餐咁，個份量薄到好誇張，就算下午茶至少都應該有double份量啦😥😥😥我朋友個意粉味道比較淡，同樣都係好細份味道其他唔錯👍 不過食完同無食無分別... 都$6x-7x，唔算平自問唔算大食，但如果想有少少飽都起碼要食兩個茶餐😵

零晨機剛到埗, 當然想食個早餐回家大覺瞓對大部分大眾來說經濟實惠當然先首選所以M餐廳企滿買餐待取餐的人但對於它的餐價一加再加, 而選擇來來去去都是包, 那就對我來說必定有更好選擇將頭由右擰向左, 看到Delifrance也有位, 而門口餐牌上的選擇比較吸引雖然價錢是比較高少少, 但可以接受吧選好了Breakfast set No. 4 , 然後將號碼機帶回坐位, 當它震動時, 店員會把食物送到看到兩隻太陽蛋便很醒晨迷你火腿片鮮磨菇雜菜湯長通粉很豐富的一碗通粉, 湯底像是意大利雜菜湯, 質地較稀, 但茄味濃郁配有香爽火腿片, 新鮮磨菇片長通粉還可以邊食粉邊飲湯全麥多士特意向店員取果醬, 麵包烘得很脆餐飲配了杯熱茶, 很滿足

新年前走一轉旅行, 回程本應是凌晨12時多到港, 奈何飛機delay接近6小時, 早上才到港, 當然要食一個豐富早晨才離開Delifrance 西式早餐選擇多, 我點了一份自選早餐, 麵包+3款美食自選, 點餐時收銀員介紹加$9有特飲玫瑰latte, 就試埋睇下好無飲自選三款有鮮磨菇, 凍同埋有少少乾太陽蛋同埋珍寶腸, 珍寶腸幾厚肉自選麵包揀左牛角包, 外脆內軟, 多層酥皮組成玫瑰latte 放了幾塊玫瑰花乾, 聞到陣陣花香, 唔洗加糖, 但飲落去都甜左少少. 每個套餐附送飲品, 下次會叫返即磨咖啡好了

每次去旅行，都同男友黎依度食早餐先出發今次番到香港，明明個肚係日本已經食到好飽男友仲話餓，所以再黎左食我地叫左個二人餐一個叫飯飯較意粉好味茄汁同啲飯煮得好入味當然梗係比唔上日本既野食啦男友就叫左蘑菇意粉意粉就好似味道唔太燶咁所以我地都無食晒成碟之前係Delifrance 食過一個黑椒雞扒意，覺得都幾好味，但今次去到就無依樣野，希望佢再推出

跟好姊妹大阪旅行玩得盡興回來，過關兼取回行李，已經晚上 9:00 後了！ 落機後，同行的她建議到 Delifrance 食晚餐，還要由她帶路吧！原來店子位置是太興斜對面，正是 Godiva 隔離！當我走入去找位，發現這裡勝在空間感充裕，可方便旅客帶行李，BB 車入內光顧！她更形容這裡轉了裝潢！ 對我來說，這是第一次幫襯！設計簡約時尚！令人眼前亮！由於是機場分店，大致上食物沒有套餐！主要是單點，相對比較貴！以半自助形式，當我落單時，跟店員說先點熱雲呢拿，然後點田園薄餅！拿到收據，發現熱雲呢拿多了一元！心想…電腦不會錯吧！食客付款後，隨即店員給予一個電子感應器，只要放在桌上的指定位置，店員便會送上食物！當女店員送上食物，發現杯飲品是熱雲呢拿咖啡！ 要求店員為我換番杯熱雲呢拿，順便問她是否都不同？！因為晚上不想點咖啡，所以，無看到咖啡餐牌的價錢！ 好了，弄好熱雲呢拿給我，並還上 $1！亦向我道歉！我食第一口薄餅時，食落是室溫，口感一般！朋友建議我要求店員翻熱，一分鐘後送上！店員服務很好，以顧客至上！熱雲呢拿 & 田園薄餅田園薄餅 $44食宵夜，我還是食得清怡一點吧！配料以洋蔥、青椒、紅椒、車

雖然撘飛機有飛機餐食，但真係太肚餓，所以就食左個早餐先叫左個超豐富嘅早餐個通粉個湯唔會太鹹自己加小小鹽同楜椒就岩岩好入面啲雞塊味道好濃，一啲都唔老，個汁仲好好味而個牛角包個面就好脆，個入面就林地，外脆內軟餐飲加8蚊有蜜桃茶，蜜桃茶就算沖濟都唔係度度沖得好飲！呢個啲味一啲都唔膠食完個早餐，有個美好嘅開始，果日都好似順啲

閒時獎勵自己食餐好小小,做野都醒神啲, 一行三人踩入樓下Delifrance lunch, 嗌左個2人餐同一人餐開心share忌廉煙三文魚扁意粉扁意粉有點乾身, 但麵質總算夠韌, 只有一塊煙三文魚放意粉面, 間中會食到一兩粒蘑菇鴛鴦三文治有呑拿魚沙律同碎蛋三文治，配個軟麵包, 喜歡滿溢嘅餡料, 每一口都食到d 碎蛋, 平常自己整嘅碎蛋會好乾, 硬係出街食嘅先夠moist, 所以我成日都會喺出面食碎蛋三文治Lasagna Mini版嘅lasagna以平底碟送上, 旁邊竟然有個用黑醋汁淋面嘅沙律(which無喺menu寫有), 而且唔係一兩片菜, 係一小碟size, lasagna食落應有有5至6層, 每層都鋪滿蕃茄&醬, 面頭個pat cheese雖然有d怪(係淋就cover哂啦！)但係li個cheese嘅份量配li個size嘅lasagna尚算得宜, +埋d菜咁新鮮, 下次都會嗌lasagna!!甜品:vanilla 雪糕wz蝴蝶酥原本係咁我女朋友再整到咁佢地好make sense, 我地食哂先送甜品👍🏻

這天來送朋友機, 之後獨自1人在機場吃晚飯, 隨便找了delifrance 便坐下。我選了個帶子意粉, 再加一杯凍檸茶。 碟意粉賣相好靚, 南瓜湯都有南瓜味, 比較濃幾好飲。意粉湯底都ok , 個意粉好食, 韌度適中, 但很可惜, 帶子賣相已經唔得, 好似燶左咁雖然食落口味道鮮甜, 但個帶子好老, 好韌, 咬唔開, 尤其個帶子裙邊, 咬到牙都痛, 有點失望。 希望可以有進步的空間!

今日同同事lunch@Airport吹水*Airport staff有9折*好想食牛角包呀好耐無食過咁邪惡的包！我嗌左我最鐘意嘅煙三文魚沙律牛角包set (配西蘭花忌廉湯&熱檸水)Order時有好多包可以揀，意大利包，全麥包...etc...早知影低個menu laLunch hour鋪頭都幾多人好彩唔使等位！等左一陣就有得食laaaa效率勁快！ 今日咁凍我梗係即刻攞起隻匙gun不啖湯😋好creamy~有•真•蘭花架~一d都唔會稀Lum Lum 的熱辣辣的(當時唔係辣爛嘴個隻😂)黎多碗，唔該！牛角包好crispy, 包住成個scoop嘅煙三文魚沙律好match arrrrrrr味道啱啱好唔會醎到爆睇佢好似得個切開2邊嘅牛角包每邊夾個scoop嘅料唸住唔方飽其實食埋，飲埋湯，飲埋個野飲已經飽左我fd就食呑拿魚呑拿魚沙律牛角包set(配沙律&咖啡) 個salad dressing好足撈匀成個沙律每塊菜都沾到沙律醬，個唔會水林林證明佢地脫水個程序做得幾好呑拿魚可能較易出水，所以夾多塊蕃茄真係一個物超所值gei lunch 😜

去完旅行返嚟，有啲餓，就同朋友仔去Delifrance醫下肚，點左個二人套餐食。凱撒沙律：麵包粒脆脆地，生菜新鮮，加少少煙肉碎同沙律醬，好食！羅宋湯：好稀，無咩料。煙三文魚白汁碎蛋三文治：要百吉包，其實就者係普通法包，麵包軟硬適中，煙三文魚同碎蛋味道都不過不失，不過份量就真係少左啲，食哂都唔飽，如果當係輕食都ok，要食到飽就唔好揀啦。夏威夷烤雞燴飯：份量就正常好多，似返個午餐，味道燶得嚟又唔鹹，可惜雞件好少，食飯塞飽肚算啦。凍檸蜜：淡淡蜜糖味，酸甜程度剛剛好。雪糕蝴蝶酥：雪糕有啲雪粒，唔夠幼滑。蝴蝶酥硬到呢…完全無酥既鬆脆…

晨早流流去機場接國內朋友機，肚仔餓，火速就地搵嘢食，於是乎嚟到呢度。番茄－有啲太生，感覺只係灼咗一吓，我比較上鍾意稔身少少。牛角包－暖身，鬆軟大個，唔會太油，不過不失。煙肉－鹹味適中冇煎燶。蛋－我鍾意爆汁蛋，以牛角包點蛋汁色，份外惹味。長通粉－有淡淡忌廉蘑菰湯嘅味道，蘑菰鮮香，長通粉稔而不爛。熱烈推介呢個！吐司－平凡。飲品－正常。 

這天早上，來到Delifrance 吃過中餐後才上班去！每次來到，我只獨沽一味的選擇6號餐，烘芝士炒蛋班尼里包伴珍寶腸，配熱奶茶，另加火腿磨菇長通粉！班尼里包經微烘後包身軟熟，配以炒蛋一起吃，滋味！長通粉煮得剛剛好，入口沒有太腍，但略嫌只屬微溫，不夠熱。反觀珍寶腸味道略鹹，要將腸切粒浸在長通粉內以中和鹹味！熱奶茶中規中矩，沒有驚喜！吃過早餐，是時候上班去也！