DONQ

營業中

休息中

哈哈！純粹個人喜好因為之前響台灣嘅麵包店買過明太子包，從此一試愛上明太子法包$18一條前臂左右長嘅法包、搽左啲明太子係勁勁勁好食我買左幾條、叫佢一開二返屋企食之前焗一焗返熱好正店裡其他麵包都好吸引，款式超多

自從sogo裝修咗之後 我都未幫襯過呢間麵包店 今日買我以前一直都買開嘅 純味muffin 佢哋啲 麵包 係幾好食嘅 但唔知點解今次食落口冇乜味 同埋略嫌個蛋糕整細咗冇之前咁好食 不過未至於失望嘅 下次會試下買個芝士包返去 睇下我會唔會改觀.....日式熱香餅一D都唔熱凍左一舊粉團只係feel到甜syrup但難食程度係我覺得mcdonal嘅hot cake質素好佢100分。

自從 SOGO 地庫裝修重開後，不少店鋪都日日有人排隊，呢間麵包店也不例外。店內外有好幾处都有醒目的店標。貨架上陳列著各種法包。試咗＂黑椒牛肉三文治＂，味道幾普通，而且嗰法包食落口感覺得硬咗Ｄ。

去開銅鑼灣必去SOGO超市買麵包, 集齊3個元素: 新鮮/款多/有質素.  唔同時段都有唔同款式新鮮出爐, 錯過了就無緣食到.   尤其這款"岩鹽牛油軟法包", 出爐時段係中午, 幾次都是在1點前買到, 曾經在放工6點來已售罄了.  外表普通; 形狀手掌咁長; 齋包無餡; 只售$8, 出奇地一出爐人人都買5個以上, 而買十幾個既人都不少,  一出爐就手快有手慢無.  好奇下買來一試, 迷團解開了.  這款包即買時已攤凍帶點韌, 但回家翻焗後皮薄脆口, 內裡包身軟熟, 牛油味濃郁, 岩鹽咸度剛好提昇了整體味道.   DONQ既法包一向做得好, 而這款既外皮咸咸地又薄又脆, 好像咸豬手塊皮般惹味.  但記緊要焗脆來食, 夠熱就出壚, 不用焗太耐.

無論咩時間門口永遠都有條長長嘅人龍無他既 好食嘛夾左塊菠菜芝士法包($16)見佢新鮮出爐一大盤攞出黎攞上手微暖 聞落有微微既芝士鹹香食落芝士味即刻爆發 睇到落左好多車打芝士有啲位仲係半溶添 鹹香味好出菠菜有啲位仲係一大塊添 不過味道稍為淡而法包係一貫既出色 鬆軟得黎帶煙韌好有嚼勁 好實在 好滿足啊

有機會經開SOGO…總想到DONQ買下包包…次次都排隊排到掟晒灣的!! 今日5點前尼到, 人少清閒點…揀個包都自在D…總習慣一買就要買幾個呢……都係簡單素材o既麵包…明太子蟹籽法包 $18……明太子口味o既食物零食, 基本上我都係吾會放過的!! 見到粒粒明太子蟹籽塗响法包上面…好吸引唷!!...可惜係放涼了, 包包外層變得幾韌!!...翻焗又有點難度似乎!!...都怕焗燶明太子耶!!...踫到新鮮出爐的…即買即食該會理想D…芝士軟包 (半) $17……切開o既半份…可見填滿左粒粒芝士, 見倒都肉緊呢!!……芝士味真係好香濃, 放在膠袋裏還是會飄來陣陣香氣唷! 我會將佢切片, 烘脆……芝士變金黃…百吃不厭啊!!薯仔芝士法包 $16……可能薯仔寡…吾知裏面有加左D黑胡椒提味……因自己吾喜歡黑椒的, 所以就冇咁鍾意囉!!

係Sogo地庫嘅DONQ真係次次行經都有條長龍排隊比錢，特別係有麵包出爐時段。呢日行經見唔係太多人所以買返兩個包包比屋企人做點心。菠菜芝士法包（$14）及玉桂蘋果包（$12）菠菜芝士法包講真菠菜味就唔特出，但係芝士我就覺得好正好咸香。剛出爐所以比錢後都忍唔住一路行一路食，外脆內軟，最後都係要返轉頭買多一個。玉桂蘋果包質感軟軟的，啱晒爺爺嫲嫲。玉桂味道唔會太濃太搶，蘋果應該係用青蘋果，帶點酸酸甜甜，配搭好好。

放工總是會餓到暈的，但係反屋企又要食飯，買小小野食頂頂肚有乜好選擇？我多數會去崇光下層搵食，呢個麵包店是一定排長龍的行街街掛住食忘記影相酥的關系，鬆脆，空氣感重，蘋果果醬少許，不會太甜太漏，頂下肚過下口引都不錯

牛油卷外表的確係一個卷形，實際係麵包，味道真係同一般街坊麵包店出品嘅麵包冇分別，冇牛油味，唔鬆軟法國牛油蛋糕外形好有趣，以成人眼光去睇，覺得仲得意添～不過味道同牛油卷有得揮，唔香！唔鬆軟

今日要醫肚，所以就買個包去頂住先，以免一陣胃痛。。。綠茶包DONQ 呢個麵包外表綠綠的，一啖咬下去有綠茶的清香，中間有提子乾作配搭，食真D，原來麵包裡還帶有蘋果粒，整個麵包都會較甜，個人覺得減少蘋果份量也不錯! 但整體來說，麵包口感是很豐富的! 有機會再試其他種類！

Went here because I was still a bit hungry.Got the basil and potato bread and the apple and sweet potato tart.Quite nice but the potato was too hard.Nice pairing of apple and sweet potato but it was too sweet.

行經sogo食品部，每次都見排隊的人龍不絶。今次試下它的忌廉芝士「歐布尔」同合桃提子scone.忌廉芝士歐布尔：芝士味很濃郁，有檸檬香，饀料十分軟滑亦不少，軟绵綿的cheese spread加埋有旦奶香的麵包base,好好食！麵包幾軟熟，唔乾。食這個包包無食cheesecake 咁滯，但又有食cheesecake 風味！推介！ 合桃提子scone: 有點脆，有點硬，有點乾。牛油味唔重，有少少合桃增加口感，但是似食餅乾多過scone. 若果有用牛奶代替水造scone, 相信會更有風味。

萬聖節特別推出的魔鬼酥，造型超可愛。最重要係味道好好，牛角酥做得好鬆脆，再加上面頭的吉士醬😍😍😍😍味道一流，又唔會過甜❤️❤️而且價錢唔貴，我買左五隻都只係十七蚊。每隻魔鬼仔都有大半隻手掌禁大，真係超抵食

DONQ~話說，上次去掃街遺漏的SOGO地下的一家店，這次看到，就開在穿過supermarket的轉角處，怪不得上次冇發現~剛好我地兩氣友有D空虛，夜晚買來可以行街餓了頂一陣~佢地主要都是麵包，門口豎著麵包出爐的時間，可供參考~反正我鐘意實在又有咬口的麵包 〉.〈各種麻糬~紅豆、黑芝麻等等，Hey~雖然看著造型不是很好看，但還是沒辦法控制住{綠茶小紅莓}，這款是真的不好吃. 樹幹是巧克力做的，味道還算OK，整體的綠茶麵包味道很怪..算是在吃了這麼多抹茶味道甜品中最怪的..莓很少，只在面，麵包裡面幾乎搵不到..表面一層厚厚的糖霜充..但是, 我真的就不愛吃糖霜..{日本甜瓜面包。}這個是我在這家吃過最好吃的麵包。。酥皮。。好吃。。。{咖啡牛油蛋糕。}出面很好食。。但是裡面明顯過於鬆散。咖啡味道還算濃。。{南瓜餅。}這個是鬆餅貌似。。淡。。沒吃出南瓜味。。不好吃

前幾日，同友人係銅鑼灣行下街，行到大約四點幾，大家都有少少餓意，但又不想食得太飽，怕一陣無胃口食晚飯。我地係SOGO行緊，我們就落左去逛 SOGO下層的超市，一心打算去食個puff就算了。但我地見到DONQ呢間店，友人就向我推薦我要試下菠菜芝士包。我使抱住試試下既心情，去品嚐一下。我就買左菠菜芝士包，而友人就買左芝士法包。我一嚐菠菜芝士包，發現原來麵包身是帶脆口的，跟我想像中完全不同，本來還以為是軟熟的。而當中又混合菠菜，當然不少得包中的芝士粒，芝士粒亦不少。混合了菠菜，感覺有營養之餘，又可以中和到芝士heavy的感覺，加上我買既時間，正是他新鮮出爐的時間。至於，友人方面的芝士法包，法包外層香脆，內裡鬆軟，配埋芝士的油香，都幾不錯。其實，銅鑼灣SOGO最底下一層都有不少美食。