DONQ

營業中

休息中

五點幾行過買左條$18嘅Baguette. 回家一試非常韌，要放入焗爐焗番脆。焗後脆到牙都甩，非常好，牛油是落得很重手，但味道只是Above Average，個人覺得是過譽了，只是一試無妨的質素.

今日到銅鑼灣，必到的地點是donq雖然唔係為佢而出黎cwb，不過我點都要去呢度啦，原因我好中意呢度d包\雖然貴，但貴都有價值的，真係幾好味同幾高檔日式甜瓜包$10見到呢個包比較平，同埋見到係同波蘿包差不多，所以我買了因為我好中意食波蘿包的，唔知日式既會係點？我中意試新野!!!原來都幾好味，真係幾似港式波蘿包，甜甜的，上面係脆的不過！表面佢應該用左糖去整，所以會甜見到咁多白糖以為好甜原來又唔係wo~剛剛好！不過我有點後悔係呢間買左，原因我見到a1 都有，而且只係賣$8雖然細個d，不過我只係想試所以唔洗咁大個都得既朱古力岩石包$12都係見到好多人推介所以我決定買個黎試下！原來真係好好味的佢應該係用一粒粒的丹麥麵包整，而且我好中意丹麥麵包個個口感！所以好中意！除左丹麥包，仲有朱古力粒，加埋一齊去焗真係好好味，味道好match上面的白朱古力不會太甜！

早上11時, 見到有少量夾餅, 暖暖的..由於沒有產品牌+價錢, 詢問阿姐, 餡料原來是練奶, 花生醬..@$14另加一個至愛的玉桂包 $14 (sogo thankful week : 10%)夾餅不算厚身, 質感是淋的, 蛋味欠奉..內裡只看到有花生醬, 少量砂糖..雖然沒有牛油, 亦吃不到練奶..幸而不會過甜..加上少量花生粒, 算唔錯但以 $14 來說, 還是光顧臨記 or 低調較好, 較美味..至於玉桂包..麵包質感完全不鬆軟, 即使滿滿一大盤..玉桂糖漿仍然好味, 只是表面已有少許乾涸..要吃新鮮的..可能要去光顧小美人魚...瞥見廚房..內裡放滿紙箱, 一盤盤膠箱載的麵包, 似乎真正的烘焙位只有收銀處後面..看來店內很多麵包已改為工場烘焙了...可惜...

每逢到食晏同放工時間都會好多人佢既法包會分時段出爐，時間就寫係門口試過佢既黑麥合桃無花果乾包、黑麥提子包、紅梅法包、合桃法包、五仁法包自己是鐘意佢既黑麥合桃無花果乾包食落有雙重口感，脈脈既合桃，無花果乾甜甜地不過佢d法包都係要新鮮出爐先好食

見網上咁高評價就黎試，發覺原來我之前黎過買野都唔知，之前試左個朱古力朱角包，好香的朱古力味，雖不酥，但好好味！不過幾貴，好係$13個4個今次試左好多人推介的波菜芝士包$12，係咪真係咁好食？我凍食時咬左一口，覺得冇咩特別冇乜味，所以就叮熱黎食，但結果都冇分別，冇味冇特別的，冇菜味亦冇乜芝士味，不過見佢其他包都好似好好味咁，所以冇損我對呢間店的印象我的最愛是咖啡，所以點都不可以不試呢個咖啡蛋糕好香的咖啡味好好味，不過我覺得我買呢個個SIZE好似較細，因為係佢比我所以我冇得揀包做正餐好正！下次一定會再黎的

少有出來銅鑼灣...經過時總不免又要落SOGO百貨超市層逛一轉!!...睇野食最開心!!!...嘻~~雖然準備要去食晚飯...但經過麵包舖又自自然走過去...被門前放嚮度大籃新鮮出爐o既波菜芝士法包所吸引...香噴噴!!...要買要買!!長三角做型, 面頭好多芝士, 包身柔韌口感吾錯...包住條條波菜, 但其實波菜味又吾係話好出至喎...反而係靠芝士帶出咸香味!!...都可以啦!!

又到了SOGO半年一度的減價期，星期六下午人多得水洩不通，和母親本想在樓上的店舖好好的逛逛，看看有沒有合心水的貨品，但人實在是多得很，都沒有要逛的意欲了，反正肚子又餓起來，便到底層的supermarket找點吃的。來了這間麵包店，這兒的麵包售價不算便宜但就有較多不常見的麵包選擇，且走的是頗健康的路線。本見到職員正在安放這裡有名的芝士菠菜包到盤子裡去，一直想試試這個，便問了句是否新鮮出爐，怎料店員挺誠實的回答說其實已放了好一會，如要新鮮出爐便要再稍等，只好轉移目標，看見這個小紅莓法包($10)好像也不錯，便要了一個。法包皮是一貫傳統法包硬實的那種，帶點韌度，輕微的有著麵粉香，而內裡的麵包尚算軟熟但也不特別出眾而且偏乾身的，可幸當中的小紅莓份量也不少，為整個成品帶回點點的濕潤感和甜味，整體感覺也不錯的。因為SOGO的感謝週，這兒的麵包也全部以九折發售，便宜了一元呢！

sogo thankful week 又開始了..每次逛完超市都會順道來這裡朝聖...多了很多新款麵包...肚子的容量有限..只好放棄心愛的玉桂卷...1. 香橙吉士cream 包 外型有點似玉桂卷...一圈圈卷成..但餡料不是在麵包中間, 而是像夾心一樣, 把麵包橫切開, 塗上混入橙jam + 吉士 的餡料..先說麵包..表面一層糖粉...看樣子以為很鬆軟..誰知咬開麵包, 麵包烈口部份已呈白邊...完全像放了一夜, 又乾又鞋...至於餡料..因為有橙皮, 所以幾香濃亦不算太甜..加入吉士只增加滑度, 吉士味已被橙味蓋了...相比下...還是玉桂卷好味....2. 合桃芝士棒 見到滿滿的一籃, 很新鮮的樣子..表面舖滿白芝麻 + 少量杏仁片...奇在白芝麻不怎麼香?...平時吃坊間的芝麻豬, 少少白芝麻..已覺得很香...餡料夾雜著合桃碎 與咸芝士粒...兩者都夠濃味分量亦算 ok....可惜麵包部份實在太有咬勁..每一啖都要用牙齒辛苦地扯開...下次還是買回芝士"軟" 包好了...

DONQ的甜包與法包，分別在於法包一般都是當店焗製，有新鮮出爐時間表；而個裝甜包就多數是在工場製好後運來，所以個人還是較推薦這邊新鮮熱辣的硬包子。這陣子推行的是一系列新式的健康麵包，放在最當眼處的是麥香紅豆，但其實裡邊還摻有不少黑芝麻，所以吃起來除了麥香，還有紅豆粉爛的沙沙感，加上芝麻的香味，很好吃。這店除了合桃法包和椰菜芝士法包後，第三愛這個了。另外，甜包的款式和風格明顯轉變了，更加像從前舊舊店的那種，多了很多花款和造型，期待不久之時會重推當年大受歡迎的楓糖夾包，沒有賣相但超好吃。

$14 @曲奇芝士：底面兩塊曲奇夾住一件淡淡芝士清香的蛋糕，曲奇香脆蘋果提子丹麥酥：整個酥餅也十分香口，提子味較蘋果味出色，可吃到其味檸檬普利歐：檸檬味清新的，偏甜不酸此店定期推出新款。自裝修後，在店外師傅和助手常派試食。

以前對麵包沒有甚麼研究，但現在卻甚有要求，重質不重量。過往在銅鑼灣區有很大型日資百貨，大丸、三越、松板屋……都設有日式包點售賣，自己總愛光顧，國外的東西總是好一點，崇優思想早就滲透在自己體內。現在銅鑼灣只剩崇光撐場，到地庫林林總總食的東西，已令眼睛吃飽，但總要帶點回家才值回票價，最喜愛往DONQ買包，自己不用左挑右選，方包、脆香包、法包、英式方包，其中選一或二或三，定不會失手。嘆包時先用鼻子聞一下，傳來優質麵粉及牛油味經過烘焗的香味，一口食下軟糯適中，不用加甚麼材料，百分百純味也很能滿足自己。如果買上剛剛出爐的法包，外脆內軟，急不及待立時嘗一嘗，這裏的合桃法包也不錯。

超肚餓 所以走入黎睇有咩啱食結果見到呢個普利歐未食過普利歐 所以好奇買黎食面頭有d檸檬皮食落幾清新糖漿有少少檸檬味不過偏甜 搞到我敏感牙齒發作(牙痹)個包都幾鬆軟同香原本我想像裡面係cream餡所以咬入去有少少失落感以為入面得酥皮同空洞食真d有層有檸檬味嘅野口感有d似new york cheesecake味道唔錯滿足感即刻返晒黎不過都係有少少嫌個包有空位

星期天的黃昏....與c6 來sogo 找紅酒配件....順道都要去地庫參觀下..麵包賣得七七八八, 只剩番2-3成產品...見到有兩款鬆餅, 較特別是這款綠茶鬆餅 @$8每個的型狀也不同, 100% 人手製造綠色的餅身夾雜著幾顆紅莓乾...及2小粒合桃碎 + 1粒原顆腰果仁..吃著....有一股淡淡的綠茶甘苦味...但不夠濃...紅莓乾出奇地不酸, 只有甜味...帶點爽脆...無異是增加了口感合桃粒近乎無味而且很淋身腰果仁尚算保留本身味道, 微脆..單看配料, 看似豐富...奈何整體雖不甜..亦欠牛油香..配料亦各自為政..完全沒有產生化學作用..只是一件味道很 "寡" 的餅糰...有點失望....綠茶還是配紅豆夾些...作為綠茶fans.只能比一個"喊"臉...

許久沒寫過包評了, 反正都是寫開 Thankful Week 系列, 順便補一筆。Sogo 感謝周期間, DONQ 的貨品都有 9 折優惠, 結果平日已是人龍店的它, 隊尾最厲害的時候, 是橫跨了整個店面的。有次太夜去到, 一向買慣的 Hard Toast 加上絕大部份的麵包都已經沽清, 之後另一次日間來到, 買了兩款以前未吃過的新東西以下價錢為原價)芝士曲奇 ($15) (前) - 它其實是一個麵包, 不過包的下半部份用了類似蛋撻曲奇皮的做法, 所以吃下去會有一點脆和鬆化的感覺, 上面蓋著軟軟的日式麵包, 中間的餡料是忌廉芝士, 份量卻不算太多, 大家如果是忌廉芝士控的話, 建議買那個什麼芝士普利歐。椰菜田 ($10) (後) - 有趣的名字, 是全麥包裡面有椰菜還有合桃, 別以為這個組合會很怪, 其實椰菜有微微諴香, 也不覺有出水的現象, 加了脆口的合桃, 還是蠻有特色的一個包, 而且有蔬菜, 感覺更健康的。

本身已經好鍾意食麵包! 行過見到禁多款,實在抵受唔住誘惑!!!由其鍾情有朱古力同芝士的麵包, $10食過呢個包兩次了～甜甜的麵包皮真係令人感覺幸福有好多朱古力粒,唔係淨係包面有的,包入面都有,雖然成分多甜,但又不覺過甜～包身硬硬地,雖然睇佢細細個,可以跟佢個型咬開四小角,做下午荼正!! 菠菜芝士包$12第一次食,夾包果陣覺得佢有D硬,以為會麻麻地,點知有驚喜喎～不過一定要叮返熱食等佢鬆軟返先好食!加左菠菜既味又幾特別! 而芝士亦不少～非廉價貨