Drink氣鍋

營業中

休息中

係阿仔考試前媽媽要鬆一鬆先😌😌搵到火炭呢間隱藏於工廈次中既隱世私房蒸海鮮！聽店員講佢地每日都有新鮮海鮮運到，所以客人都要一日前book! 店內得3張檯，坐得好舒服！又有個大投射螢幕邊睇邊食！尋晚仲播住Ekin 既歌，等睇唔到演唱會既我可以頂住先😆店員首先落五殻米加日本黑豚肉做粥底再送上餐前小食流心秘製皮旦！我叫左支手工啤！個流心皮旦超好食！啱我胃口！食完皮旦就上第一度蒸海鮮，蒸海班！工支支果d 原來係溫室既花生豆！蒸完食時仲係有d 爽口！感覺好健康同清新！魚好新鮮再上就係蒸扇貝！ 店員叫我地飲左個湯汁先食個扇貝！嘩，估唔到一d 都唔咸，仲超鮮味囉正再上係蒸加拿大北極貝同硯！個北極貝個肚漲book book 好多汁！今次個汁就好有海水既味道！都係果句！新鮮既海鮮係唔同既！好鮮味！再黎食小小菜先，呢個係蒸雪耳加豆苗！成個裝置藝術咁，靚得黎又好食！呢個我覺得好特別！果兩碗係用花生豆芽磨製而成嘅手工豆腐！食落似食緊蘿蔔糕咁！味道幾得意！而一卷卷既係包住海膽既鮮拆蟹肉粉皮卷！雖然有小小腥味，但熱食時都幾好味家！最後一度係每人一邊既蒸龍蝦，唔駛講都知好味，龍蝦新鮮所以肉質彈牙！Last, 店員放個

粥底蒸鍋好耐無食過，今日朋友帶路係佢返工地頭食。一開始我諗係咪呃我過嚟，工業區唔係多數大排擋咩？！李換手工流心皮蛋濃郁既流心黃，大讚！晶瑩剔透既係「蛋白」。蓮藕用紅菜頭有秘製酸甜汁，不錯！仲有小蕃茄同菜苗，纖維高。法國生蠔number zero店員話平時客喜生食，今次推薦我地蒸，睇下會唔會更鮮甜。生食好味d，蒸熟後蠔既鮮甜會實d，無咁長味留全。蒸完每次都換格，乾淨滿分，特別蒸海鮮！蒜芯扇貝一道道菜會由店員幫手上同調整時間，細心服務好。扇貝群邊好有咬口，扇貝厚身肉質超甜好好味，點少少豉油更鮮，感覺好嫩。烤有機花生玫瑰豆腐又靚又好味，花生味同櫻花蝦味道夾而無花生既熱氣。外型玫瑰花咁，份量大。一個落肚都幾飽肚，有蝶荳花係入面所以灰灰地。鮑魚大大隻，女仔半隻手掌。因為大隻，所以好需要牙力。加拿大北寄貝肉厚爽微脆，味道鮮甜，口感豐富。本地蕃薯蜆飽滿型，味道比較淡鮮甜。食埋菜籃d菜，呵呵。蒸絲瓜特別甜，辣椒都ok！紫蔥蒸本地雞玫瑰酒調過味，香味四溢，仲有微微冬菇味。粟子薄切軟林帶粉，雞件小巧但份量適量，雞味十足又嫩滑。海膽鮮拆蟹肉粉皮卷蒸完好通透。爆料海膽，咬開就會見到蟹肉。中間有d菜苗同紫椰菜，

曾經聽朋友講火炭有間蒸氣火鍋好好食，今晚咁凍，即係上網搵吓邊度有得食呢！呢度地點都算幾偏僻, 唔揸車都唔知點樣嚟到。叫咗個海鮮二人餐，頭盤有一口和牛，味道都幾好，入口即溶我見食海鮮就當然叫白酒飲吓啦，老板介紹咗隻法國嘅白酒，味道都幾甜，同海鮮好夾!個二人餐送一隻波士頓龍蝦，都幾大隻喎！個扇貝、魷魚同蝦都好新鮮！最後當然係最期待嘅粥底，個粥底吸收晒所有海鮮嘅精華，超級甜！好好味！買單八百幾蚊，以咁嘅質素來講都算幾抵食！

今日入到火炭這邊，相約我的好姊妹到這邊食好野！今次是來食同事介紹的drink氣鍋！個名好得意這間餐廳在街尾，設計好別緻又有風格，原來開了1年了！雖然地方少少，但樓底高又有寬闊的感覺，包場開party就好適合；一個大大電視銀幕在上面位置，門口角落有個少少位置有個咪讓客人可以唱唱歌減減壓；先來個前菜，流心皮蛋！ 皮蛋好耐無食，個蛋黃好香滑好濃郁，超靚蛋心；菜苗及番茄都好新鮮，這邊的蔬菜是有機種植的，特別新鮮又清甜！跟住老闆娘就放上健康的五殼米、日本松茸菇及本地乳鴿作為等陣的粥底，話這些食材好健康，對腸胃好又抵抗病老闆同老闆娘都好好人，好用心又好客，又熱心介紹食材！用這個竹蓋蓋著，好有風味以蒸溜水在下面供蒸氣，用這些熱氣蒸熱食物1. 老虎斑先來我最愛的魚，仲要係老虎斑🐯🐠大大件又滑滑入味魚肉，魚皮好香好味；蔬菜有自家種植的甜甜又健康大豆芽、翠肉瓜、小小圓形茄子仔、黃色爽脆椒及菇菇2. 日本北海道帶子帶子好大粒好爽甜，蒸完後要飲個殼中精華的鮮甜湯汁，帶子好爽好有口感；芥蘭好嫩好甜好味道3. 海膽蟹粉卷🦀🦀粉卷好大份又彈口，蟹份海膽好濃郁好鮮，配上蔬菜紅蘿蔔絲等等，好豐富！4. 蜆原來是紐西蘭塔

中午在火炭區的party room跟小朋友開生日會， 開至六點多鐘， 幾個女仔想搵地方食飯 八下講下是非！咁當然想搵間靜少少又有特色的餐廳試下啦！最後搵到火炭區這間蒸氣石鍋，見佢幾特别就試下。一開始沒有其他人，聽佢哋介紹叫咗幾個餐 ，海鮮才剛刚送到，睇住佢即開的 相當新鮮 ，其他已沒有拍太多相片， 因為掛住傾計 其中最印象深刻的 有這個要蒸的心太軟啦，頭盤食左個洋桃蕃茄沙律(師父送的)，女仔係有著數！哈哈 新鮮雪耳第一次食，加鲍汁，好似食象拔蚌的口感，好食有創意最後埋單四百多一位 ，頭先開party都要200 ，但這裏包嘢食有歌聽 。絕對抵讚下次在這開我的生日P。

之前黎過附近食cafe，發現呢頭有各式美食，再search下原來有間私房菜食蒸鍋，放工過火炭搵食，火炭站行過去一條直路一開始先係鍋落左16穀米，杞子，乳鴿肉然後就加蒸海鮮，扇貝伴芥蘭、娃娃菜、青豆。蒸扇貝保留湯汁，好有鮮味，芥蘭唔老無根接住有一碗蒸糕原來係有機花生芽，豆腐，蝶豆花，櫻花蝦仲有d蟹膏，櫻花蝦香脆，鹹鹹地為花生芽豆腐本身無乜味道作點綴飽肚又有特色見到花生芽既真身，配虎斑魚肉花生芽原條食味道似平時食既大豆芽菜魚肉滑，無腥味紫洋蔥蒸本地雞雞食到酒既香味大蜆，小象拔蚌大啡菇，多汁軟熟最後食埋個粥，好有味16穀米食落煙韌有咬口店員細心，屋企人唔飲汽水，仲幫佢酙暖水

今晚和朋友慶祝生日，因為朋友在火炭上班，所以他提議華衛工業中心有一間小店是吃蒸氣鍋，因為店內環境座位不多，所以我們預早一星期預約，幸好還有位。我們大約7點來到，店外沒有招牌，餐廳目測只有三張檯，兩大一細，座位不算多，但內裡環境和門口簡直天與地，內裡裝潢設計別緻，仿如身在熱帶雨林和酒吧，有一棵大樹裝飾和咪可以唱歌，絕對合適包場。侍應先將粥底的材料倒進鍋內，材料是乳鴿杞子。接著就將蒜心蒸扇貝蒸數分鐘，全程時間由侍應親自操刀，不像其老蒸氣鍋自己計時⌛️，要考慮蒸煮時間，非常細心，值得一讚！蒸扇貝店員都提醒我們要先飲貝上的湯，果然鮮味十足，將扇貝的精華溶入湯內，肉質口感一流，非常新鮮。第二道是石斑魚配花生芽，花生芽是有機種植培養，石斑魚非常新鮮，肉質鮮嫩，花生芽口感特別👍🏽。第三道是蕃薯蜆配象拔蚌，蜆肉跟配菜一起吃，絕配，象拔蚌彈牙鮮味十足，滿分💯！第四道是意大利菇，豚肉，花生豆做的豆腐，蟹肉蟹膏櫻花蝦，賣相一流，打卡必選，口感特別。第五道本地雞，紫洋蔥，栗子，雞肉嫩滑無比，蒸煮時間剛剛好。第六道是活龍蝦，有蝦糕，份量足。最後一道是心太軟，非常特別，是以蒸的方式去做，不是用焗的方式，這樣做不會熱

每次知道Drink氣鍋有新Menu都會來 😁❤這次吃的是廚師冬季限定一至三月精選推介跟朋友家人吃團年飯包場可以考慮這裡有位置讓你們玩、唱歌🎤，好不熱鬧🥳一進去看到隔鄰桌有4隻狗都是受訓中的導盲犬原來這裡歡迎導盲犬，太有愛了吧忍不住幫狗狗拍了好多照 🐶🐯自家有機溫室花生芽蒸老虎斑魚老虎斑肉很嫩、皮夠厚又彈，超好吃有豐富的骨膠原，滋補養顏女生必須多吃點 👍🏻朋友不吃魚全都給我吃了，暗爽中。。。這麼好吃又有營養的東西都不吃，笨蛋🤣伴菜的是有機花生芽🥜；朋友第一次吃這個花生芽一直讚過不停，他說本身就很喜歡吃花生，但沒吃過花生芽覺得好特別很鮮甜他負責吃菜就好，魚留給我吃 🤭特大法國活蠔 🐚超大一隻蠔，很新鮮又肥又有海水味一口整個吞下質感超豐富配菜是我愛吃的皇帝菜🌿，還有有機蕃茄🍅，很貼心的給蕃茄剝了皮有機蕃茄 茄味濃，真的有比較好吃深海赤米仔🦐其實我從未見過這種蝦，詢問以後知道原來是季節性的蝦，冬天才有難怪我天天逛市場都好像沒見過赤米仔蝦殼特別厚，原來與它生長在深海有關蝦味很濃又很甜，我朋友不吃蝦都覺得好吃突然覺得平常吃的蝦都被比下去了而且我覺得新鮮的海鮮用蒸的方法最能帶出鮮味沾一點點醬油就已經

天氣凍凍地 最岩食火鍋暖下胃。今日去左火炭既一間蒸氣火鍋裝修別緻，有party room既感覺。多款套餐以每位計算，兩人最後揀左B套餐。海鮮類：1. 象拔蚌仔。新鮮，彈牙，無沙粒。蚌味香。2. 帆立貝。新鮮，有咬感，飲埋d帶子湯，好濃既海洋味道。3. 龍蝦。開邊蒸，多膏，蝦味濃郁。肉質彈牙。肉類：1. 本地鮮雞。蒸既時間控制得好好好，唔會過熟。雞肉鮮嫩，有雞味。配上少少洋蔥蒸已能帶出雞味。2. 法國大啡菇配黑毛豬肉。大啡菇好新鮮，菇味濃郁。反轉擺兜住d黑毛豬肉汁精華，搭配一絕。3. 燒一口和牛肋條。牛味尚可，若能現燒直上更為出色。其他：蟹肉手工豆腐。花生芽同蝶豆花磨粉而製成既手工豆腐，中間配上少許蟹肉蟹膏。健康有機而不失鮮味。最後緊繫要試下個粥底。用上日本穀物，乳鴿同以上多款食物既精華。粥底有別於一般，比較似湯水。飲落唔油，有海鮮既味道提鮮，適合鍾意滋補養生既你。總結：多款有機食材 用料上剩而且健康。專人幫你蒸熟每樣食材，確保食物火喉及質素，而且乾手淨腳。開party 包場 邊吹水等食 確是一個不錯既選擇。

火炭工業村內竟然有一間咁有情調嘅食肆？如果唔係朋友喺附近做嘢，真係唔會發掘到呀！一入門口已經有個影相位，係60年代嘅MIC STAND，仲要真係可以唱添嘅！不過都係唔好獻醜喇~再睇睇環境，其實只係有三張大小不一的枱，可容納嘅客人唔多，正正因為咁，服務員可以專注地招待每一位客人而且坐得很舒服，完全沒有壓迫感。XO醬蒸扇貝~扇貝好厚身，要分3口先可以品嚐哂一隻扇貝，非常鮮甜而XO醬帶有微微嘅辣味，好夾呀！清蒸紐西蘭托托貝~好新鮮呀！一開鍋已經聞到海水味非常大隻同乾淨，當然要飲埋貝內嘅汁喇！有機溫室花生芽蒸沙巴大龍躉件~龍躉夠厚身厚肉，而肉質鮮甜滑嫩。紫蔥蒸新鮮本地雞~新鮮果然無唔同啲，肉質滑嫩有雞味，份量亦好足。蒸南非龍蝦~龍蝦有膏，肉質彈牙，細細隻所以令人回味！杞子鮮BB乳鴿粥~佢係用咗多種穀物配埋杞子同乳鴿做粥底，有唔同嘅口感，蒸完海鮮，就可以融合哂全部的精華，不用加任何調味，已經鮮甜無比！烤有機花生手工玫瑰豆腐~將有機花生芽烤過磨成粉，再加工成為靚靚玫瑰造型嘅糕，其實口感有啲似走咗豆嘅砵仔糕，味道方面，係好RAW嘅花生芽味！配上櫻花蝦更覺美味！No.0特大法國活蠔~雖然放包紙巾做SI

知道附近有一間小店食蒸氣鍋,價錢都非常合理, 適逢母親大人有空又就腳屋企附近 ,一於去試下。睇門口真係估唔到佢係食蒸氣鍋, 好彩有識途老馬介紹。法國N0.0生蠔，$78兩隻,平過超市買。 店主仲同我哋講佢每日返貨。第一次食到用16穀做粥底成本比白米貴 唔好以為嗰幾嚿虎斑係戲肉有幾條芽菜仔伴碟，其實嗰幾條先係寶, 現場先至睇到,係畀芽菜仔粗得多! 頭頂條條都掛住一粒大花生 ，我都係第一次食叫做“花生苗”本地出產,放心食用。扇貝用咗特製嘅xo醬, 蒸完之後,記住小心唔好倒瀉扇貝上的湯汁, 鮮味一流,精髓所在。呢個都係其他蒸氣鍋餐廳沒有的菜牌, 係店主自製的有機花生豆腐,食落口好清嘅花生味。 蟹肉海膽粉卷, 好有創意! 裏面好creamy出面粉卷滑滑。南非龍蝦一食落口就知係新鮮嘢!認真唔講得笑。我實在太愛“花生苗”呢隻“超級食物” 多謝店主出讓幾盒花生苗給我返屋企慢慢歎, 第二日請同事食個個都話正👍好嘢!今次有機會拉隊去再食多次巧手火鍋🤤見店舖裝修格局特別,非一般蒸氣鍋餐廳, 細問之下,原來真係可以包場食蒸氣鍋唱k, 真係一個唔錯的配搭! 正!竟然有一個performance stage🎤👍

天氣凍凍地 最岩食火鍋暖下胃。今日去左火炭既一間蒸氣火鍋 裝修別緻，有party room既感覺。多款套餐以每位計算，兩人最後揀左B套餐（$458一位)。海鮮類：斑件非常新鮮，無魚腥味！而動係到一條條過d花生芽非常特別，第一次接觸，有少少花生味，加上芽菜ge脆，見menu話營養豐富！象拔蚌仔。新鮮，彈牙，無沙粒。蚌味香。帆立貝。新鮮，有咬感，飲埋d帶子湯，好濃既海洋味道。龍蝦。開邊蒸，多膏，蝦味濃郁。肉質彈牙。肉類： 本地鮮雞。蒸既時間控制得好好好，唔會過熟。雞肉鮮嫩，有雞味。配上少少洋蔥蒸已能帶出雞味。法國大啡菇配黑毛豬肉。大啡菇好新鮮，菇味濃郁。反轉擺兜住d黑毛豬肉汁精華，搭配一絕。蟹肉手工豆腐。花生芽同蝶豆花磨粉而製成既手工豆腐，中間配上少許蟹肉蟹膏。健康有機而不失鮮味。燒一口和牛肋條。牛味尚可，若能現燒直上更為出色。其他：最後緊係要試下個粥底。用上日本穀物，乳鴿同以上多款食物既精華。粥底有別於一般，比較似湯水。飲落唔油，有海鮮既味道提鮮，適合鍾意滋補養生。總結：多款有機食材 用料上剩而且健康。專人幫你蒸熟每樣食材，確保食物火喉及質素，而且乾手淨腳。開party 包場 邊吹水等食

火炭「drink氣煱」，唔係有識途老馬，我又點會識得黎，我呢一隻老馬，絕對係識飲識食，周圍捐窿捐罅，不過如果揸車嘅朋友就超方便，附近泊車非常容易，甚至乎泊喺門口都可以 !當然呢啲嘢要自己執生啦！首先形容下佢嘅環境，第一個感覺反而覺得佢係一間西餐廳格局，有歐陸的風味，好適合包場或小型派對之用，佈置得簡約入時，整體感覺令到客人好悠閒舒適 !最特別嘅就係呢度嘅食物供應，係按時令季節而有所調整，主要係做蒸氣海鮮及時令食材，今次我們二人就試了他們的廚師冬季限定一至三月精選推介，收費大概6-7百元左右！開始的時候店員先放入蛇肉花膠十六殼米在蒸氣鍋的底部作準備！首先前菜是：本地「李煥」手工流心皮蛋，識食嘅朋友當然知道係皮蛋之中的名牌，流心的皮蛋，加上外面晶凝通透的蛋白部份，已是一絕，唔係咁容易食到㗎 !「自家有機溫室花生芽蒸虎斑魚」🥜🐟，老實講我都係第一次食，原來花生牙都可以咁大嘅，確實令人長知識了，最新鮮嘅食材，當然最好嘅煮法就係清蒸，特別係呢幾舊老虎斑球，啖啖肉，鮮嫩好味，老虎斑嘅皮特別爽滑，含有豐富的骨膠原，滋補養顏啊😬看着水蒸氣在獨特的蒸蓋上面飄出，也是別有一番滋味，服務員非常小心翼翼的烹調

哩個係頭盤皮蛋，皮蛋晶瑩剔透，面頭一粒粒唔知係咩，但酸尾尾夾埋一齊食好夾龍蝦十六穀粥，顧明思意用左16種穀物，食落好健康，粥底又夠濃味，其實哩個係最尾先飲，因為要等所有海鮮精華流晒落湯到，最後成為一煲粥豆豉蒸扇貝，好厚身飽滿，必定要飲埋扇貝上既湯汁，鮮甜海膽蟹肉卷，蒸熟左之後睇通透入面好足料，粉皮帶煙韌口感，海膽蟹肉好香職員話係叫蕃薯蜆，即係比蜆仔大隻好幾倍，爽口彈牙花生芽蒸虎班，好大條好似芽菜既叫花生芽，食落會帶有花生味，魚肉好滑，而且份量都夠多蒸雞，食落有酒和南乳味，味道唔錯有機玫瑰豆腐，又靚又滑又好味雖然位置不算太方便，但好食既野，行遠少少又有乜所謂，而且裝修都幾靚，食野都開胃左

步入店鋪已經有支咪，而且堅料黎，可以唱歌，因為鋪唔大，如果人多去食包場就可以唱，仲有大電視播店歌。流心皮蛋，半流心既皮蛋黃漿好好味，而且好彈彈下。蒸~蒸~蒸蒸老虎班，魚肉結實有咬口，而且好嫩。北寄貝和蕃薯貝，有兩種貝殼類，好鮮甜，而且肉質好爽，最重要處理得乾淨，冇沙的。好大隻雪耳，好似花球咁靚，配上鮑汁味道幾特別。蟹肉海膽粉皮卷，入面釀滿蟹肉海膽，在口腔散發住味道，真係好正好滿足。蒸豆腐，賣相唔錯，外表藍色係因為加入左葉豆花原素，好滑。本地雞，肉質好嫩滑，唔鞋口。龍蝦粥，之前所有食物蒸氣水份滴在粥入面，湯底充滿海鮮味，再加埋龍蝦，夠厚啖啖肉。