Eighty Ninety

營業中

休息中

中午我來到紅磡崇潔街的 EIGHTY NINETY 西餐廳，點了一份牛扒。首先要讚讚他們的煙肉蘑菇湯，味道真是好得令人驚喜，完全媲美星級酒店的水準！牛扒非常厚身，肉質軟嫩，香氣四溢，幾乎沒有筋，讓人吃得相當滿足。他們的薯條也很別具一格，金黃酥脆，口感極佳，讓人一試成主顧。餐廳內只有兩位員工，一位在廚房，一位在樓面，但即便如此，服務依然十分到位。到了12點鐘，餐廳已經坐滿了客人，顯然是很多熟客慕名而來。我注意到隔壁桌的豬扒餐也非常誘人，份量大得驚人，厚度也相當可觀，感覺絕對抵食。這次用餐經驗非常愉快，不僅食物質素高，還能感受到餐廳的熱鬧氣氛。下次再來的時候，我一定會再試試其他菜式！

我去咗紅磡崇潔街嘅EIGHTY X NINETY，叫咗煙三文魚反蛋同熱齋啡。啊，原來依家仲有酸種多士，我真係超鍾意！咁多選擇真係滿足啦。食煙三文魚反蛋嘅時候，感覺好新鮮，又唔會太油膩，好適合做營養早餐。熱齋啡香濃濃，正！最令我驚喜嘅係酸種多士，啲口感鬆軟，酸酸地嘅味道又唔會太過，真係好開胃。喺紅磡呢度，EIGHTY X NINETY真係值得一試，特別係你鍾意營養早餐嘅話，一定要嚟試吓！#紅磡崇潔街 @Eighty X Ninety

味道有驚喜，員工好有親切，可能以家香港小店，有很多，但食開小店的客人，店舖溫情，員工新切都是必選擇，高質食材，廚師用心，可以在這裏表現出來。值得可以幫襯，廚師話早上all day breakfast 都好正。可以下次再次來🫡🫶🏻

呢間舖喺土瓜灣崇潔街入面嘅一間小店，座位唔算太多，但係乾淨整潔。叫咗個煙三文魚忌廉芝士酸種多士$58配熱Latte +$8 ☕️☕️飲品有拉花，食物嘅擺設好細心好精緻，但係價錢一啲都唔貴，值得推介。週末可以慢享受咖啡同美食，慢活一下。另外揀咗個自選早餐$46，可以自選太陽蛋煎蛋炒蛋。主食可以揀麵包🍞或者窩夫🧇，但係我最鍾意就係嚟呢度既窩夫，脆脆哋配埋糖漿真係一流。另外都可以加配唔同餸例如腸仔煙三文魚，薯餅等等。

餐廳每天只供應早餐和午餐，平日下午3點就關門。晚上要預訂的，4位起。全晚只得我們一檯，不怕影響到其他客人。食物很精緻，很美味。用了很多不同食材制作醬汁，別出心裁。有青瓜汁，菠蘿汁，挺特別的。有機會會再帶埋小朋友來吃。那個意粉，簡直驚為天人。我個仔食完一碟肯定唔夠，令我想去偷師了。哈哈。忘記了試埋他們的咖啡，食到後期都醉了。我都忘記最後牛肉的味道了。（餐廳沒有酒賣的，可同店家商量，自己帶酒去。）最後甜品，半個菠蘿呈上，打卡就好。味道還可以啦！

朋友幫我買的午餐跟餐要咗熱鮮奶咖啡，合共$9x但連飯/意粉都冇跟，就算係女士都唔夠飽，得一塊魚及5粒蜆，打去佢話應該有幾粒薯仔，但好明顯冇，佢話下次打個九折，我諗應該冇下次另外味道偏咸，咖啡仲細過麥仔細杯嘅咖啡

職員有禮。廚房半開放式，餐廳明亮簡潔，沒有任何油煙。即使沒人坐的餐枱，職員都細心洗刷。安格斯牛肉漢堡包配粗薯條，高質漢包夾著爽脆生菜紫甘藍醃菜取代酸瓜，漢堡肉汁飽滿，薯條即炸爽脆，令人吃不停口。雖然牛扒切件上碟，但仍鮮嫩美味，肉汁四溢，伴以新鮮沙律菜和燒茄子，恰到好處。牛扒加12蚊配linguine，意粉彈牙。午市套餐配有飲品，凍朱古力香濃。崇潔美食街精品美食之選，非快餐店預先制好上碟。餐廳食品少鹽少油，健康之選，值得再來。

【咖啡·早餐新感受】崇潔街食店選擇很多，但要數到早餐時段想飲杯似樣嘅咖啡就唔係咁多選擇啦！今次嚟到呢間我好滿意呀！【黑毛豬午餐肉通粉】午餐肉比平日白豬仔再咸少少，湯底好惹味，仲有啲粟米粒做配菜，整體來說係幾特別嘅早餐，適合喜歡重口味嘅朋友。【粉蛋牛油果醬酸種多士】健康之選，牛油果醬比想像中大份，仲有幾多翡翠苗，酸種麵包亦好好食，以呢個價錢真係抵食的。【即磨咖啡】香濃！ 如要齋啡記得預早通知店員。

今年可以自己揀配料，我揀咗三文魚同蕃茄。特別推介個窩夫，非常脆，仲有甜甜的蜜糖。喺呢條食街最特別嘅早餐，真心推介！另外要讚嘅係店員禮貌非常好，我係打電話落去落單嘅，唔使等就可以外賣自取。😄有心嘅小店，值得支持！🥰

同朋友搞搬屋，搵下附近有咩食，意外發現到呢間西餐😋Weekend Brunch 既時間，我試左個all day breakfast 同薯條。薯條脆身好味，叫brunch set 加$18 就有,All day breakfast 份量足夠，好食。煙三文魚好味配窩夫正，最有驚喜係啲菇，平時我都唔太食菇，但啲汁同菇好夾，食食下就成碟清哂🤣朋友試既班尼迪蛋亦相當唔錯值得一試👍🏻 見到隔離枱食lunch set 賣相都唔錯，下次都會試下🤣🤣

陰天又下毛毛细雨，氣温驟降，早上很需要點温暖及能量，馬上跑到我最喜愛的小店吃個滿意的早餐。小店有温暖氛圍，令我每天都很期待吃到美味的味道開始新一天。坐下來，小店哥哥馬上笑臉迎來餐牌及暖水。不同的早餐組合，又令我的選擇困難性發作，終於決定點了個野菌芝士酸種麵包餐，進加烟肉。先送上跟餐黑咖啡，豆香咖啡味濃郁，很是滿意。如果到cafe單點，又等於一個早餐價，真是勝價比高。這裡的酸種麵包很有質感，配搭牛油果醬或是我今天的芝士野菌都非常搭檔，上面香軟下面碎口，份量足夠，我再加烟肉，十分滿足。由陰冷到充滿飽暖，開始愉快的一天。野菌芝士酸種麵進加碎碎烟肉香濃醒神

主打西餐，意粉，咖啡用心製作今日試左個煙三文魚sourdough egg benedict，唔錯，從頂頂既荷蘭醬、水波蛋、煙三文魚菠菜，到個sourdough，有層次，好食！朋友叫左個all day breakfast，好多餸，好豐富另外外賣左個西班牙伊比利亞豬肩胛肉做晚餐，返到屋企翻焗返，都好好味，我諗堂食更正！值得再去！

今日lunch同朋友行過見到有新店開張，係食西餐嘅，所以決定試下。我地4個人嗌左4個餐share食，餐包埋沙律或者湯，仲有杯野飲。我叫order左肉醬意粉、琵琶蝦蕃茄扁意粉、西班牙伊比利亞豬肩胛肉、同埋西冷牛扒。湯係雜菜湯幾足料，正常味道。沙律幾新鮮。我自己最中意呢個西班牙豬肩胛肉，油花味比較重，配埋啲配菜幾夾。啱鍾意食肥肉嘅人，一上嚟就同同事搶住食。西冷係切左嘅，肉質幾嫩，肉味濃。肉幾靚，早知嗌生小小應該仲好食。琵琶蝦意粉都幾好食，原來琵琶蝦好大隻，本身仲以為係虎蝦咁細嘅。不過我哋四個人，分唔晒，啲蝦幾新鮮。肉醬意粉🍝好幾正常，有啲芝士係面，幾好。不過兩個意粉嘅汁係一樣味嘅。Overall 都幾高質嘅，價錢當然都比起平時嗰啲高😂，今日有九折，人頭100。間唔中Happy Friday都會再嚟食，呢區都好少呢個質素嘅嘢食。同咪侍應姐姐都好好招呼。