Erawan Thai Premium (已結業)

下班跟妹子想說在附近找家餐廳食個晚飯，但尖沙咀有太多連鎖店，我們想試小店，誤打誤撞找到這家泰菜。我們乘電梯到3樓要再走一層才到，還在想為什麼要這樣麻煩，原來它有露天座位，還有金燦燦的四面佛，感覺立即像離開了香港，很有泰國的感覺。我們選了室內座位，侍應們的服務態度亦很好，很有禮貌，而且用具都十分好看，還特地拍了照。食物質素亦出乎意料的好吃，這個燒豬頸肉，是我至今吃過最好吃的一個，而且配上在別處找不到的酸辣醬汁，那肉質，那口味，真是好吃得難忘。炒河跟冬陰功湯也是好吃的，只是一開始就被豬頸肉給驚喜了。

同朋友上完堂搵嘢食, 好耐無去亞士厘道, 發覺變左好多! 一早喺 OR 搵定有乜好食, 發現一間樓上泰國菜, 評價唔錯決定一試! 薄餅 $48 ~ 最欣賞係切到好細一塊, 方便進食又唔會整到一手油! 燒豬頸肉 $98 ~ 超讚! 份量頗多, 燒得好香又唔肥, 皮脆肉嫩, 十級讚, 必點! 綠咖喱雞 $128 ~ 有點差! 雞同咖喱好明顯係分開煮! 雞卷 $48 ~ 是晚特價! 炸得香脆, 餡料豐富, 沾醬食會更好! 蜆 $88 ~ 是晚特價! 好抵食, 份量好多, 無沙, 醬汁唔會太杰身, 洋蔥同蜆都好甜! 龍眼冰 ~ 消費滿一定金額就送, 不過要問先送! 如果唔係去洗手間路過見到張廣告Banner 而多口問句….咁就…註: 店員服務好好, 非常超級好, 不過唔會主動推介Promotion items, 大家不防喺門口望下banner, 會有意外收穫! 

星期六收工同幾個姊妹黎左食生日飯，之前是同事介紹呢間泰菜、出面有露天，秋天天氣涼d可以坐下出面幾舒服，食物我地叫左咖喱炒蟹+薄餅，點薄食好正，咖喱蟹都好正，其實可以叫個白飯送d汁、不過幾個女仔叫左幾樣食物已經好飽另外叫左個小食拼盤有幾樣小食，樣樣有d，送酒一流又叫左個冬陰公湯都幾好飲，仲有泰式生蝦幾個姊妹食左3，4個鐘吹下水飲下野，環境寬闊舒適、下次會再來再試下其他食物先仲有最後姊妹叫左個泰式甜品拼盤再句號。甜品都非常出色

想食泰國菜但又唔想再成日幫襯大商場入面啲連鎖店，朋友搵到呢間都多‘好評’，一試無妨。佢係樓上舖但一啲唔迫夾，每張枱都好闊落，坐得舒服，唔限用餐時間即係唔會迫你快食。兩個人就叫個小食，咖哩，再嚟個冬蔭功湯。個湯好足料，唔會話得幾隻大蝦之後就得湯水。好香濃唔係得個辣味。青咖哩豬都好好味，唔係肥豬肉，醬汁唔會太辣，配油酥餅一流。環境舒服，服務唔錯，會再幫襯。

朋友推薦呢間曾是米芝連嘅泰國餐館 🇹🇭 🍴有室內同户外位置 如果冬天的話坐户外都系一個唔錯嘅😌😌選擇 一行9人連小朋友們 安排坐左近户外門口的位置因為呢到大廈有二邊入門 好多客喺户外入嚟 不斷來來往往 令到我地好熱 😖😖😖主動要留轉枱 同事都好樂意幫忙🤙🏻叫左生蝦 蝦餅 豬肉生菜包 炸雞翼 炸軟殼蟹 炒椰菜苗配燒肉 菠蘿炒飯炒金邊粉 甜品拼盤 連每人一杯飲品食物份量合理 價錢比較中上 6大人2小朋友消費左大概$1900 員工好樂意服務 地方佈置都令人好舒服 過左一個開心嘅晚餐✨

名過其實的泰式餐廳 朋友生日我哋一大班去慶祝 叫了套餐 老實講以人數來講 食物分量太少 小食拼盤不過不失 不過欣賞佢嘅醬料選擇多 金山勾翅不過不失 不過我幾欣賞佢特製個汁 加埋落去個翅 酸酸地 個湯有比較濃郁👍🏻👍🏻👍🏻 生蝦完全唔得 🤷🏻‍♀️🤷🏻‍♀️🤷🏻‍♀️點解可以冇冰底 完全唔新鮮 芭堤雅鴛鴦雞直情不值一提 同我去樓下超級市場買嘅冇分別 嗰個通菜睇色水就知炒到老哂🤕 最後埋單萬二多啲 18人 完全貴得來唔好食

朋友約吃生日飯 🤗🤗我們便去了這家泰國菜 叫了每人$500套餐 不包飲品 套餐包括生蝦 沒有冰底 😅😅生蝦竟然係暖的 😱😱😱小食拼盤👍🏻 四款都好好味☺☺ 冬陰公咖喱炒蟹 咖喱汁味道OK 送薄餅很夾😋😋 可惜份量有點小 每人都沒有一件🙄🙄 燒焗釀春雞 個雞還可以幾滑😋😋 宮廷三味魚 辣味酸味🤔 真心一般 😥😥😥甜品拼盤選擇多👍🏻 總括來講性價比有點低😕😕😕 每人大約$700 唔多低食😵😵😵1

今晚想食泰國菜，友人推介這間泰國餐廳。餐廳門口放有泰國像，很有去咗泰國的感覺。等友人到後便叫嘢食，二人簡簡單單叫咗泰國必食既食物1.生蝦刺身：生蝦新鮮，肉質結實鮮美，值得推介2.馬拉盞炒椰菜苗：平時好少食椰菜苗，但泰式炒既菜苗特別野味3.泰式炒金邊粉：泰國菜必食，金邊粉唔會炒到一舊舊，醬汁酸酸甜甜再伴隨既大蝦鮮味十足，必食食得泰國菜當然要飲埋椰青啦！由於得兩個女人，叫既嘢食唔多，仲有好多嘢想食，下次一定再黎！

是日中午 有朋友嚟尖沙咀搵我食lunch 有足夠嘅時間 所以決定搵一間坐得舒服啲 又冇時間限制嘅餐廳 於是揀咗呢間係亞士厘道嘅半自助餐泰式餐廳呢間餐廳嘅用餐方式係 先點一個主菜 跟住餐湯甜品同埋餐前小食都可以係出面好似自助餐咁樣隨便點餐前小食方面 今日有扎肉沙律 酸酸甜甜好開胃 但係佢啲沙律菜睇落去唔係好新鮮 所以我淨係揀晒啲扎肉同埋青瓜另外小食仲有咖喱角同埋炸魚付 咖喱角我無試到 因為好怕佢剩係得層皮 個炸魚腐幾好食 好似出面食泰式拼盤嗰啲魚餅咁 其實佢仲有一個雜菜沙律 個人感覺覺得只係扎肉沙律走咗啲扎肉食方面朋友叫咗個海南雞飯 個飯冇咩味同白飯差唔多 個雞就一般 同普通白切雞冇咩分別而我就叫咗個炒金邊粉 最奇怪嘅感覺係入邊有啲豆乾一齊炒 啲味道格格不入 啲金邊粉勁林 應該煮左好耐 而且成碟粉嘅味道超甜 我覺得我再有機會你一定唔會再點距另外試咗佢個冬陰公湯 入面有菇同埋有雞 味道都OK 酸酸辣辣 飲佐兩碗糖水方面係綠豆沙 好清好清 一啲都唔甜 但其實幾好飲 甜品方面有個鴛鴦糕 口感好似大菜糕咁 好爽 亦都唔算太甜總結 佢任食嘅小食呀同埋湯甜品糖水都俾佢嘅主菜好食 所以下次再嚟嘅話是

之前同同事都嚟過呢度幾次食午飯，除咗有好多款午餐揀，外邊都仲有一個沙律同小食吧，可以任食前菜，甜品，餐湯同埋小食... 以大概一百蚊一個午餐嚟計，其實呢個價錢係非常之抵，因為想食多啲小食，所以就叫咗一個海南雞河粉，不過河粉嘅味道一般 河粉偏粗唔夠滑，而且雞肉有啲霉唔實，相反佢嘅小食就好食好多啦， 咖哩角同埋肉丸都非常香口，沙律裏邊嘅扎肉同埋腸仔 亦都好好食，配埋沙律菜，香辣得黎覺得好清新！

曾係米芝蓮推介餐廳， 個總廚曾經為泰皇服務過呀.除左食物好，正宗地道之外，重點係服務， 獨有位瘦黑實男waiter超級好，好過五星級酒店Service。🏅第一宗好：見有人未黎，d餸放左好耐，主動話幫我地整熱。🏅第二宗好：想叫1杯奶茶但想分開兩杯當試飲下，佢俾左1杯無冰奶茶，俾左兩隻空杯連冰都分開🏅第三宗好：朋友有咗，想將生菜包嘅生菜用熱水淥一淥。佢除咗好熱心幫助，仲問埋佢個熱水壺使唔使加添啲熱水。太細心～😍🏅第四宗好： 唔覺意倒瀉野整濕地佢好積極咁拖，見你整濕咗條褲仲要比風筒你吹.太好服務了吧🤩好有家既感覺～😭😭感動🏅第五宗好：生日要切蛋糕同影相毫不托手踭唔厭煩，其實我覺得我哋已經好煩～（一入黎剛好朋友坐響門口附近,想靜靜收埋蛋糕，同佢做咗個手勢叫佢收埋，佢好醒目地幫我閃攞咗入廚房，無被發現， 👍🏼😌so smart guy）因為佢我更會番黎幫趁～～～$100-200/head🎖🥇🎖🥇🎖🥇🎖🥇🎖

生蝦🦐$178 (8-10隻)泰式料理好多時離不開海鮮頭盤就叫左盤生蝦開開個胃先😚蝦夠新鮮😋醬汁都幾濃幾辣😉加埋生蒜同苦瓜響底🙂味道比較重，不過好有特色炸軟殼蟹🦀$118 (3件)每件有半隻蟹😋炸得好香，食落鬆脆加埋甜酸醬食特別惹味🤤泰式海南鮮雞🐔$158 (半隻)雞肉相當嫩滑直接食已經好好味🥳再配上碟上醬汁🙈味道帶點酸辣食落完全係另一種風味濕炒海鮮河粉🍲$138海鮮份量都幾多😋有魚、魷魚、鮮蝦同青口😚份量十足味道相當出色香芒椰汁糯米飯🥭$98椰汁夠香濃🥳糯米飯亦夠曬煙韌😚芒果唔係當造，肖微失色，但理解既🙈泰國椰青🍹$58椰子沙冰🥥$48椰青非常清甜🥳椰子沙冰飲落比較清新，唔會太甜😎

🔺泰式咖哩炒蟹好食到難以置信。本身隻蟹已經係超大一隻（唔知咩品種），勁多蟹膏，連蟹腳都係充滿蟹膏yumyum!!咖哩好濃，加左蛋、好多香料一齊煮，唔會太辣，加埋薄餅一齊點個咖哩汁，好高質👍🏻。好有愛地跟手套同蟹鉗剪，不過本身個蟹殻有比佢打碎少少，所以好入味又易啲開殻。.🔺泰式小食拼盤種類都幾多，服務員好用心講解唔同食物，個人覺得豬頸肉燒得最好味。.🔺甜品拼盤其實呢餐食左好多野，個拼盤我地最中意食椰汁西米糕，入面有西米同粟米，個胃既位置唔係好多，第一時間食左佢先🤤。另外芒果糯米飯都好好味，不過實在太飽，食唔曬嗚。.餐廳比我既感覺好正宗，同埋服務超好，不停幫我地換新碟同加水，食得好舒服既一間👍🏻.

服務員雖然唔係D後生仔女但呢個方面先係精髓服務員都好有經驗令我係整個用餐過程都好舒適我地叫左白酒 好主動咁一飲完就幫我地汁 另外都幫我地換左2-3 次碟野食方面：推薦東蔭公湯，蝦好大隻，酸味適中。咖哩，我無食，男朋友話幾好味生蝦，小小貴，但好新鮮，好大隻小食拼盆，好好味好多種類，幾得意有d未試過，不過有小小貴 好似2百幾甜品，好好味亦好多種類，不過南瓜加雞蛋我食唔慣，但姑媽話好味。金邊粉，好味，酸酸地，好開胃，忍唔住食左一碗，男朋友食左半碟。最後，我姑媽生日，蛋糕佢地用左個好靚既碟裝左，感覺是很有心的一間餐廳。有機會會再去！

The lunch we had was a semi buffet. All the buffet dishes were not fresh and tasted so badly. The main dishes include shark fin in mushroom soup. Could not imagine that the mushrooms were off and rotten, tasting sour, and the shark fin wasn’t even fully cooked and it was as hard as rock and jammed together like some badly cooked noodles. The restaurant was extremely dirty too. Will never go again.