Erawan Thai Premium (已結業)

泰同窗聲討大會12人叫左16、7個菜、相當正宗、生蝦尤其滿分，只係一拎隻碟上手知'係一早雪定、輕扣一分。泰拼盤、量夠但冇乜特別。 炒蜆醬汁 十分惹味 青木瓜沙律相當辣、好味！正！！炒通菜好多蝦！ 蠔仔餅非常鮮味香脆滿分 惹味、冬陰功味濃料多蝦大爽！ 下次一定要再叫埋甜品 嗜盡佢整體唔平、平均人頭三百、但精美、環境一流！力推! 但係服務要改善冇乜服務生冇乜人理你、 叔叔伯伯 少少無禮貌 淨係得泰國小姐笑容可嘉 仲免費教泰文

噚日朋友同我喺度慶生，一入座就送上 welcome drink，侍應招呼都算好，又介紹食物，知道朋友要揸車都叫我哋下次唔揸車先叫酒精飲品。昨天星期四都算多客，食物上檯都算快，所以不自覺會食多咗，我到今早都仲覺飽!我會再幫襯的!

同朋友不經不覺由後門誰入，經過了餐廳外面，有個唔錯飲酒既outdoor , 一入到店， 職員都好友善，又介紹餐廳內～每日優惠推介呢到原來馬家開飯都有黎左呢到Tim 😂我同朋友落左食物後，餐廳曰職員就上了2杯用shorter 杯載的碟豆花jelly ,顏色好靚，但比較甜了些😁青咖哩雞+*薄餅*我朋友食到叫左碗白飯送撈汁辣椒膏炒蜆咸魚炒芥蘭細甜品拼盤職員推薦，有芒果糯米飯，椰汁西米糕，南瓜糕南瓜糕好有心機，似括哂南瓜肉，加工後再倒返入南瓜內，雪凍再切開咁👍🏻

除夕夜都想揀反晒好啲既餐廳食2017最後既一餐見到依間尖沙咀既泰國菜咁多好評就book黎試下地點都幾方便，不過就要搵下個入口啲待應好熱心，係咁推介我地食乜不過主要都係叫我地叫海鮮咁啦樣樣野都想叫肚就得兩個所以一黎就叫左個生蝦好食丫，無乜特別Comment添！個汁較得好囉，唔係好辣囉蝦好爽同幾新鮮。朋友好想飲湯，就叫左個冬陰公湯我一向都好一般，覺得好味精但依個好好喎，飲到好舒服。跟住叫左依個蝦醬蜆，係今日特價半價佢每日都有一款菜做半價優惠估唔到佢除夕都有！幾好食呀，無沙，辣辣地好野味都好多下，粒粒都有肥肉。本身係叫左依間既咖哩蟹，不過賣晒，無緣！所以轉食粉絲煲其實佢有蝦但我地諗住咁多海鮮叫下肉所以叫左豬頸肉粉絲煲我後悔了係後悔叫豬頸肉我真係吐左出黎Sorry! 好蘇！我頂唔順！朋友就覺得都ok!但個粉絲底就無比佢影響，好好味唔會太咸太油岩岩好！啲葱都食埋建議大家叫大蝦粉絲煲好啲黎到甜品環節甜品拼盤，兩個人叫真係有啲多本身淨叫芒果糯米飯，但因為都幾抵，想試埋其他所以叫左拼盤。芒果糯米飯好食呀，我鍾意黑糯米果個配芒果好甜芒果太少啦，飯又太多啦！南瓜布甸唔太甜個南瓜比布甸好食，個布甸一般我朋友

慶生日飯。一行4人點左個小食拼盤，軟殼蟹沙律，冬陰功湯，虎蝦粉絲煲，細嘅甜品拼盤（會免蛋糕切餅費，讚）樣樣都好食！一定會encore! d叔叔waiter service都唔錯! 平日食飯無限時。星期五六日有無限就唔知。。。

Had lunch and i am convinced mainland chinese will love this place it taste just like in china, exactly like in a chinese kitchen. 420 $ for a pasthai a naan and a pittyfull chicken massala might qualify as daylight robbery ah and the green lap sap salad not to mention.

朋友生日想食泰菜，搵左呢間樓上餐廳，有室外內位，環境唔錯。waiter好流利咁簡介各種酒既特色，happy hour期間連白酒都有買一送一優惠，仲可以分別揀唔同既白酒配添，唔係唔飲呀嘛等齊人期間，侍應叔叔怕我地悶，仲主動送上蝦片及蝦餅作為送酒菜，好識做冬蔭公湯一大碗，用料足，非常濃味茄子沙律既味道就一般般。是日廚師推介既辣膏炒蜆，蜆肉大大粒無欺場，少辣幾惹味青咖哩一d都唔辣，椰味較重。豬頸肉粉絲煲份量超多，粉絲多到食唔曬！略嫌豬頸肉既味道烹調得唔夠入味，同粉絲好似係分開2樣野咁。雖然食到好飽，但最後焗住叫個甜品拼盤先可免切餅費芒果夠甜，黑白糯米都幾好味。

呢間泰國菜真心好食，冇一次令我失望. 今次重帶埋外國朋友去食，好似係第4次食了! 我每一次都一定會叫椰青配佢地既小食拼盤❤好有holiday mood。我特別鍾意佢地小莨拼盤既蝦餅~真材實料，配埋搭泰式酸辣汁. 無敵丫 ! 佢地既冬蔭公湯可以選少少辣，裏面既大蝦好新鮮。絕唔係冰鮮。但冇影到相店裏有一張龍椅好得意!好適合一班朋友食完飯之後影相。夠曬unique. 佢地都有outdoor area, 但我就冇試過坐出去了。

約咗 好朋友喺尖沙咀食飯， 首先去咗第一間 泰國菜嘅餐廳， 已經訂咗枱我哋只係兩位 佢都話要人齊先入得， 仲要話入咗之後只可以食一個鐘頭 30分鐘(係weekday)， 當我等緊我個朋友嘅同時， 我當然就係打開openrice睇下附近 有乜嘢地方可以食泰菜啦 作為消費者嘅我 在徵求我朋友同意之後， 我哋就梗係去食第二間 一上到呢間 亞士厘道嘅泰國餐廳， 個感覺已經係welcoming好多。。。 我哋坐低之後 ， 就好快咁睇下有乜嘢食。。 其實食親泰菜我都係好掛住個泰式炒河粉 而我朋友就偏向鍾意食啲熱氣啲嘅嘢， 所以我哋就叫咗炸蝦餅，為咗好似睇落健康啲，我哋就嗌咗個炒椰菜苗另外我仲點咗龍眼冰 我朋友就選擇飲cocktail， 杯龍眼冰實在令我喜出望外佢唔係用一粒粒嘅冰 。。而佢係一杯龍眼沙冰 甜味啱啱好夠曬冰凍當上菜嘅時候。。。 又係證實自己係眼闊肚窄嘅時候 估唔到佢嘅portion咁大碟 因為本人對炒河粉係有特別嘅偏愛，所以我唔夠膽話自己好中肯咁講。。 冇100分 但係都應該有99分 炒得一啲都唔油膩炸蝦餅( 太肚餓。。。實在等唔到相機先食) 蝦肉彈牙，甜酸醬亦都配搭得啱啱好 當然仲

雖然 Waiter 伯伯年齡較大! 但好 -nice 好親切！，個個 waiter 都好好! 佢哋換碟好勤，我哋4個人去，其中有朋友仲食緊嘢！ 佢哋同我朋友講慢慢食，唔好急！ 當堂我哋都覺得好 sweet!

早前試過這家泰國菜，那時它剛開業。今天同同事一同試試他們的午餐。這午餐在尖沙咀而言真的抵食！頭盤同湯是自助任食的。亮點是他們的豬頸肉同蝦餅，豬頸肉很惹味軟稔，蝦餅香脆又彈牙！而湯分別有冬蔭功同豆腐湯。友人鐘愛冬蔭功的又辣又激，而我則喜歡豆腐湯的清雅同啖啖肉碎，幾鮮味，席上的人每人起碼兩碗！菠蘿炒飯$88十分大碟同足料！中間除菠蘿粒以外，仲有肉鬆，還有幾多海鮮，而且飯粒分明唔油膩，食落有鑊氣又幾惹味。海南鳮金邊粉$62這個是減肥一流，全部都是鳮胸肉，像烚雞一樣，又無皮，湯底有少少鮮甜味但偏淡，好像頭盤好食好多。金邊粉都幾滑幾多，一定夠飽。豬頸肉金邊粉$62這放湯的豬頸肉雖肉質軟稔，但可能是放湯的關係，食味比較遜色，好淡，加上湯底淡口，要加辣油吊下味。以一百樓下在尖沙咀有半自助午餐，食物質量同餐廳環境都不錯，推介！

食物ok,服務態度有需要改善。不過另外我覺得有兩點有啲過分1.食物盒要$5個,只是普通膠盒，平時最多兩蚊個2.要叫指定甜品先有得免切餅費，或者要比多＄80切餅費

3樓上一層，4樓一出係餐廳，感覺在天台的泰國餐廳。也有好多人。先叫嘢食，我們黑s.左柚子大蝦沙律，好夠酸，好多柚子，少少薄脆，仲有大蝦好爽口。串燒，豬及雞各三串，我覺得靭了一些。青咖喱雞，雞肉，笋條，唔算好辣的，夠香夠惹味呀。配薄餅好味！原味薄餅好味又夠熱夠香芝士味，流芝士出來呀，好正菠蘿海鮮炒飯，不是菠蘿裝盤的，有腰果，肉疏，飯乾身，有蝦，提子乾，雜豆，雞蛋，幾好味。炒金邊粉，好多隻大蝦，也乾身惹味，有d花生碎，撈埋一齊夾通菜也好大份，馬拉盞好香，少少辣。夠新鮮。這裛食物環境也好好，唯一不足是服務，仕應落單可以站在你身後，完全望唔到，然後你一定要講編號給他。我們叫他幫忙拍照，好求其又說佢唔知拍成點，叫我們自己去睇下……

上星期日去唔到九龍城一年一度嘅潑水節超唔開心點知今日黎食lunch有重大發現13~15 Apr 呢度有潑～水～節～活動呀！侍應介紹當晚只需買一杯指定泰式"Sato" cocktail  就可以免費參加係outdoor 嘅潑水大戰，佢地仲已經準備左大量水槍，雨衣，毛巾真係好期待呀By the way, 無黎一排原來佢地換左lunch menu  比起之前更多選擇，今日試左個咖喱炒蟹肉撈白飯真係一流唔洗剝殼啖啖肉，lunch set 仲包埋頭盤湯同飲品

So the few of us came to this place for dinner on a weekday night. My first time here, I find myself at a very thai style looking restaurant. There are many Thai temple art pieces (Thai style golden chair, shrines, etc).. quite interesting.Anyways, it's happy hour - buy one get one free - signature cocktail - from 17:00-24:00. I ordered a SaWaDee Krab and shared the buy one get one free with Mr C. When this cocktail came on the table, we're both very surprised. Pink and blue, bubble gum slushy l