Espresso Alchemy

營業中

休息中

放假去食個靚早餐Chill一Chill！去咗如心廣場內的Espresso Alchemy食個醒神早餐，Cafe採光好，樓底高，非常光猛，坐得舒服！我點咗青醬雞胸沙律，份量好大呢！雞胸醃得入味，由於係慢煮，所以肉質都好滑好juicy。沙律菜都非常翠綠，好新鮮！我幾鍾意食蕃茄乾，酸酸地，好開胃！呢度主打咖啡，點可以唔試下？咖啡豆可選house blend或Single origin，岩曬對咖啡有追求嘅人士。我點了一杯cappuccino ，拉花好靚，飲到落底都仲keep到，咖啡味道香滑，正！呢度嘅服務都非常殷勤友善，店員好有禮貌！

第一次帶BB去Cafe😛去咗荃灣西店嘅Espresso Alchemy，經理好好人，見到我哋帶住初生BB，主動幫我哋調咗張闊落啲嘅枱，又主動比碗熱水我哋坐熱返d奶，好細心🥹The Alchemy Nina All Day Breakfast($145)好豐富嘅全日早餐！有滑蛋、雜菇、水果、牛油果、煙肉、腸仔、牛角包、焗薯、燒蕃茄，色彩繽紛，賣相吸引！每一款味道都好有水準，煙肉煎至金黃，焗薯外脆內軟，牛角包好鬆化！不過要注意嘅係呢個全日早餐只在假日及公眾假期供應。青醬雞胸沙律($92)青醬慢煮雞胸肉質嫩滑，毫不嚡口，仲好入味，沙律菜新鮮爽脆，加埋蕃茄乾、蕃茄仔同橄欖，味道唔會太單調！份量都好多！呢度嘅咖啡都頗有水準，亦可自選咖啡豆，我哋揀咗alchemy blend，帶朱古力香，比較nutty，奶泡亦豐盈綿密，唔錯！用ICBC信用卡付款可以免費加大！

荃灣西站附近真係好多美食可以選擇，可以吃點心，又有火煱、東南亞美食等等，各適其適。早午餐都係先嘆個咖啡吧，咖啡不但是一種很好的飲料，也是我的精神食糧。Espresso Alchemy 店子光猛，大玻璃牆把自然光引入，給人舒適的感覺。Latte ArtFlat White 和 Latte 有著不同的拉花，聞一聞咖啡的香味再淺嚐一口，各有不同的香味和口感，但最重要是享受假期的悠閒。Panini 帕尼尼我哋今天都選了這款意大利傳統包，喜歡包的質感，外面烘得香脆，裏面是軟糯的。🥓 檸檬汁烤雞煙肉芝士意大利三文治材料豐富又夠咸香。🥑牛油果蕃茄芝士意大利三文治熟了的牛油果幼滑，又有蕃茄跟芝士，營養價值高。

周日晏了起床，天氣比想像中好放晴又有點厚雲，外出走走才是最好的選擇，先去嘆個周日早餐開始美好的一天。如心廣場的Espresso Alchemy 是我喜愛的cafe之一，他們的咖啡常保持水準，奶泡幼滑，溫度適中，入口柔順像我今天飲的latte。🍔烤雞菠蘿漢堡配檸檬乳酪醬及焗薯我比較少吃漢堡，因為覺得份量好似比較多，但今日想試下它的魅力，因為見到好多食客點選。外型不錯，樣子好吸引，烘得香脆的包下面是用了cajun 香料醃製的雞肉，香氣濃郁帶少少辣，雞肉也算嫩身有嚼口，配上甜美的菠蘿圈和檸檬乳酪醬好惹味，底層還有沙律菜，旁邊配有小小的焗薯，份足好充足。

去到門口，個個行行企企扮睇唔到，叫佢哋唔應，咁自己搵位坐，見到唯一有張4人枱，有一個人坐，於是埋去問一問有冇人，佢話無人，咁我就坐低睇餐牌，跟住就有個侍應衝埋嚟，就話我唔可以坐呢度，我問點解，佢話有人坐咗就唔可以搭枱，我問一個人坐張4人枱坐一日都可以？佢話係，仲要我出返門口等。我話我剛在門口叫你哋又無人應，我自己坐低就趕我走，係咩做法？佢完全無聲出，當然我唔會等，直接離開。所以呢間嘢真係唔洗幫襯。

☕️Espresso Alchemy (如心廣場)📌楊屋道8號如心廣場一期地下G02號舖整天下著雨，自己一人去吃午餐又想飲杯咖啡，忽然見到朋友，大家一起去午餐。☕️Cappuccino 味道柔順 口感濃稠。☕️Flat White 有莓果的餘味。Lunch Set有好多選擇，我們選了二款共享🥑煙三文魚牛油果碎蛋蕃茄三文治這個三文治🥪充滿了新鮮沙律菜，碎蛋加上蛋黃醬牛油果及煙三文魚，材料豐富，健康好味。薄薄的麵包烘得香脆，一份有兩件，正好可共享。🍝厚切意大利煙肉配卡邦尼意粉厚切煙肉特別有口感，配上意大利麵，麵條質感彈牙又有濃濃的芝士、香草的香味，是一道好飽肚的午餐，二人共享就最好。🍰香蕉蛋糕濃厚的味道又有香蕉的甜。

厚切意大利煙肉配卡邦尼意粉～厚厚嘅煙肉肉質紮實多汁，入口Q彈有勁，搭配卡邦尼醬汁嘅奶油香氣，整體味道鹹香濃郁中帶有些奶香🙌🏻。烤雞菠蘿漢堡配檸檬乳酪醬及焗薯～漢堡麵包軟糯，夾著金.黃酥脆嘅烤雞排，入口覺得滿足，中間酸甜嘅菠蘿片和檸檬乳酪醬，搭配新穎，口感層次豐富又解膩，味道酸甜爽口。Honey Earl Grey LatteCappuccino～我哋order咗Regular size，兩者都鋪滿細膩綿密嘅奶泡，入口柔滑絲滑，前者回甘悠長，後者咖啡香氣濃郁醇厚，唔錯！

呢間個咖啡拉花好靚，櫃檯度係好似成間咖啡豆工房咁樣㗎，睇落好似好專業，下晝坐喺度都好舒服，玻璃屋仲可以照到啲太陽入嚟，個生意都幾好囉，叫左杯latte，個店員拉花都好有心機好靚，又好精緻，煙燻三文魚牛油果三文治個份量都幾大，兩個人食多個都可以，個麵包比較好食囉，煙熏三文魚可能啲街市可以買到嘅，喺呢度嘆下午茶好chill。

下午茶時間經過，突然想飲杯咖啡，朋友試過都不錯，可以一試。Pasta - Chicken 青醬雞肉忌廉長通粉 通粉口感爽口，熟度剛好，忌廉幼滑，帶有淡淡香草味。Panini - Lemon Chicken Bacon Cheese檸檬汁烤雞煙肉芝士意大利三文治 芝士+煙肉味突出，檸檬汁減少油膩感，更清新。Loaf - Blueberry Bread藍莓核桃蛋糕 口感帶濕潤，淡淡藍莓甜味，不會太甜。Cappuccino - R拉花加分，泡沫豐富，甜中帶給點咖啡的苦澀味。店內有陽光透入，嘆杯咖啡，特別放鬆。

這間咖啡店位於荃灣的如心廣場一期，鄰近荃灣西鐵站，主打西式料理及輕食，有自家開設的烘焙咖啡豆工房，咖啡類飲品特別高質。店內以純白色為主調，雲石檯更顯優雅，窗邊能欣賞到街道景色，感覺悠閒舒適。烤雞菠蘿漢堡配檸檬乳酪醬及焗薯 - $127大大塊烤雞扒嫩滑多汁不乾柴，香甜多汁的菠蘿酸酸甜甜，還有鮮蕃茄及翠嫩的沙律菜，輕怡的檸檬乳酪醬微酸很清爽，外脆內軟的漢堡包塗上牛油及沙律醬，金黃酥脆的焗薯很軟糯綿密。青醬烤雞蕃茄芝士意大利三文治 - $76香脆的新鮮意大利麵包煙煙韌韌，半溶化的芝士黏著滿滿的雞肉，嫩滑多汁不油膩，更有清甜的蕃茄片，青醬有著濃郁的羅勒味，輕怡又健康。檸檬汁烤雞煙肉芝士意大利三文治 - $76換上酸酸甜甜檸檬汁更加清新，香脆的煙肉增添油香。自家製藍莓核桃蛋糕 - $33新鮮自家製的磅蛋糕，不添加泡打粉，比起海綿蛋糕更具口感緊實，帶著濃郁奶香，更有大量藍莓粒及核桃粒。鮮奶咖啡(L) - $44澳白咖啡(L) - $45鮮奶巧克力(L) - $44即叫即沖的飲品很大杯，Nutty的咖啡豆帶濃厚的堅果香味，與順滑的鮮奶好配搭，泡沫好綿密；朱古力味道好濃郁，幼滑的鮮奶平衡回甘。

如果周日還是雨天，我就快悶死了，幸好週日放晴去個簡單的郊遊，荃灣西站出發，先來個早午餐吧。如心廣場有間不錯的咖啡店，大大的落地玻璃，光線充足，今天還要等位啊，市民留港消費。先來了兩杯咖啡，Latte 和Cappuccino ，Alchemy blend 入口質地順滑，口感醇厚飽滿，假日可以慢慢品嚐回味。All Day Breakfast 係唔想煩惱的好選擇，內有好多材料，炒滑滑蛋，潤滑有蛋香，炒雜菌好香口，牛油果、蜜瓜、車厘茄，薯角，又有煙肉、豬肉腸，好豐富，牛角包也是這個如心全日早餐的靈魂，鬆脆好有牛油香。煙三文魚牛油果碎蛋蕃茄三文治，薄薄的麵包放上不少沙律菜，番茄片上面充滿着牛油果碎蛋沙律，又有煙三文魚的咸香，非常好味挺健康。

今日去荃灣行街兼食野🥰 Espresso Alchemy 位於荃灣如心商場地下，坐喺窗邊，透過落地大玻璃可以欣賞到荃灣嘅街景，日光充足，都坐得幾舒服🤣 開放式廚房，可以見到廚師馬上為你烹調食物，仲見到咖啡師即刻為你沖飲品💕次次都會叫既「青醬雞胸沙律配檸檬酸醬」‼️🐔雞胸調味啱啱好，非常嫩滑，唔似雞胸似雞髀🍗多啲喎🤣 沙律菜份量好多，佔滿咗大半隻碟，配上檸檬醋汁同蕃茄乾，好開胃，真係好好味！仲要健康得黎又夠營養😍「伯爵茶朱古力」☕️今次叫咗杯大嘅，因為上次叫Regular size覺得唔夠喉。伯爵茶同朱古力兩者配合得好好，飲落去好順滑。「藍莓合桃蛋糕」🍰一件嘅份量啱啱好，牛油味香濃，咬咬下食到藍莓嘅酸度，配上脆卜卜嘅合桃，一件蛋糕就有幾種口感同層次☺️下次嚟荃灣，想搵間好食又舒服嘅Cafe，一定都會揀呢間😋😋😋 仲要讚一讚，店員嘅服務態度真係好好！

青醬雞胸沙律配檸檬醋醬保持一貫水準，每次必點之一。雖然係雞胸肉，但非常之軟腍入味，青醬令其味道又上升一個層次。新鮮爽脆嘅沙律菜，配上檸檬醋，fresh得嚟好開胃。當然唔少得嘅係油漬蕃茄，好惹味。All Day Breakfast品種豐富多樣，有外脆內軟牛角包，嫩滑炒蛋，煙肉，腸仔，雜菇，薯仔，蕃茄仔，牛油果同香甜嘅蜜瓜，係非常之全面，營養豐富又好味嘅全日早餐。厚切意大利煙肉卡邦尼意粉意粉好creamy，軟硬同味道都適中易入口，大大粒煙肉增加咗香味同口感。藍莓核桃蛋糕標榜自家製，用料足。外脆內軟，核桃甘香，藍莓酸甜，口感味道都好豐富。Cappuccino 香味濃郁，泡沫順滑，早餐必不可少。Homemade Lemonade檸檬+蜂蜜，酸酸甜甜好fresh。

Cappuccino (L)朝早飲杯泡沫咖啡，成個人都精神爽利😆Early Grey Chocolate(L)濃郁嘅朱古力中透着淡沙嘅茶香味！令成杯朱古力甜而不漏，唔錯☺️Homemade Lemonade 新鮮檸檬🍋加上蜂蜜，好fresh,酸甜酸甜All Day Breakfast 炒蛋，雜菌，煙肉，腸仔，焗薯，蕃茄仔，牛油果🥑，哈密瓜，牛角包🥐，品種豐富，而且各有營養價值，食完好滿足😋青醬雞胸沙律配檸檬醋醬雖然係雞胸肉，但一啲都唔「鞋」，配上沙律菜及檸檬醬，健康得黎又美味👍🏻厚切意大利煙肉配卡邦尼意粉意粉軟硬適中，非常creamy,而且唔會太重口味，好啱俾小朋友食☺️自家製藍莓🫐核桃蛋糕最後緊係要叫個甜品啦！蛋糕真材實料，好厚實，而且仲見到藍莓🫐粒同核桃

我平時去到一個吾熟悉地方，通常打開open rice程式搵好野食，今日去到如心廣場行街，打開apps搵餐廳醫肚，發現Espresso Alchemy 係如心廣場有分店，於是立即往餐廳方向行過去，原來荃灣西西鐵站行過去都吾遠6分鐘路程左右。我係早上去既，去到門口已經好多人，有啲人係度等外賣，有啲人就等入座，我都排隊拎飛，等左大約7-8分鐘就可入座。呢度坐低選好餐後，要出去排隊俾錢落訂單，整個落單過程都好快，落完單坐低一陣飲品已經到左，我叫左一杯美式咖啡，第一次飲美式咖啡，真係超級苦，有啲飲吾慣🤭，跟住到香煎虎蝦辣番茄汁意粉，我食落一點辣都感覺吾到，不過番薯汁煮得幾香口，食落吾會太酸，茄汁中落左芝士好煙韌。最後一樣上菜係，豬頸肉卷餅配芥末籽醬，個餅真係要大讚，廚師煎出黎吾會太干或太濕，油份控制得剛剛好，甚至比北方食肆的做法仲要出色，一口咬落去感覺蔬菜份量好多，再咬幾口做食到香濃的豬頸肉，再配埋芥末籽醬，加上餅的香味又脆，配合起來味道無得頂，以$119價格黎講有2大卷正常人一定飽到飛起。