Espuma (H8) (已易手) 新餐廳

最鍾意嚟呢度飲佢嘅「招牌水果茶」，叫得係「招牌」，就自然有佢的特色🤩🤩佢唔單止有一般水果🥭茶有嘅蘋果、橙，亦都有好好味嘅奇異果🥝，茶味香濃，配上有一定酸度的水果，簡直係天作之合🤩🤩同友人一邊吹水，一邊嘆住個茶，簡直係人間一大快樂事😉😉再加個南瓜🎃餐湯、火箭菜沙律🥗、同脆口的餐包，簡直係瘦身美食不二之選😉😉

本人－直都想試下這間餐廳，因為見有好多讚好食評，今晚終於同雞仔有機會試試，順便紀念2019年的最後2日我地叫了2人套餐＄588，貪佢恒ｘ信用卡有九折優惠另有加一服務費！2人套餐有:八爪魚黑醋汁沙律 - 沙律新鮮，八爪魚粒有咬口，但嫌黑醋汁略多令到沙律過酸西班牙辣肉腸芝士焗蛋 - 焗蛋有薯仔，洋蔥，煙肉等餡料，略嫌辣肉腸只有1,2片，而芝士味又欠奉，蛋本身不夠滑口感有點鞋好彩溫度夠熱搭夠。是日餐湯 - 蘑菇湯不夠creamy。 蒜蓉包乾了點主食不需加錢的有4款，另有加錢的有2款，食客可任揀2款。我地揀了不需加錢的:招牌香脆咸豬手 - 其實賣相不錯的，可惜豬手不香脆之餘，皮及肉真係好乾好硬好似食柴皮般咬到牙骹軟 我地食到好氣餒，最尾食淨大半碟第一次食到咁差勁的豬手鱈魚配黑蒜味噌汁 - 鱈魚係無味的，煎得又唔香反而甜薯蓉及伴碟的菜最好食，完！還有餐飲 - 西班牙果酒味道中規中矩。本人覺得食物質素及味道有好大改進空間！！只講豬手已經不值這個價錢但值得讚是服務不錯

同朋友聚餐， 揀了這家餐廳，因為可以上網訂位， 以前已去過，裝修更改過，燈光 光猛咗，地方比較嘈，服務都不錯，價錢可接受！ 黑松露醬炸薯條- 新鮮炸出嚟，好食 西班牙海鮮炒飯 - 飯底炒得麻麻，海鮮還可以，沒有魚及魷魚 番茄大蝦扁意粉- 賣相都幾好，味道唔錯 Parma Ham pizza- 薄批，唔錯整體表現不錯，价錢合理，服務都不錯， 只係地方比較嘈，好難傾計，原本只可以坐90分鐘，但是沒有客等，佢哋都沒有趕我地走，唔錯！性價比都ok，可以再幫襯！

Cause we booked table in advance, still need to wait, though at night, here is quite packed. So better make an reservation first. The decoration is so clear and neat with wood-styles. Fresh and green environment makes you feeling relaxing. But for me, I’d prefer sofa seat more haaaThere’re many food choices including salad, Spagetti, risotto, pizza, burger, and dessert too, quite typical western restaurantMe picked Risotto with Parma Ham and Portobello in black truffle sauce which really surpris

12:00~2:30pm,lunch buy two get one free。尖沙咀區，lunch時段，沒有時間限制， 餐廳環境不錯，實在超值午餐選擇: 由A~I,是日餐湯或沙律+主菜+精選甜品+特選咖啡/茶裝修非常有特色~感覺舒服沙律~新鮮，食材種類多香蒜雞肉菠菜薄餅$78~中規中矩沒有驚喜, 若加多一點芝士就更完美.蜆肉臘茄汁意大利麵$78~蜆肉新鮮 ,蕃茄味濃, 意粉口感不會太硬太軟厚切豬扒配季節蔬菜及蘋果蓉$98~肉質彈牙，沒有強烈雪藏感 ，味道適中精選甜品 ~檸檬忌廉蛋糕香濃咖啡食後感食物, 食材用心選擇 ,認真製作 味道不錯， 非常超值 ，值得再次光顧

部門有3個人11月生日所以決定一齊出去食lunch見到佢有買二送一就打定去問係一張枱有幾多個quota點知佢話12人可以free 4個咁抵就緊係去食啦我就叫左個鱈魚食個日係南瓜湯甜甜地 幾好飲不過個魚就略嫌有啲淡好似冇乜調味咁我地加左幾個小食佢個薯條真係好好食好快就比人清曬最後食埋個甜品好大芝麻味呢餐生日飯好滿足

朋友生日諗住比個驚喜佢🎂提前一日已經Book左位，已經通知餐廳要寫生日牌係甜品時候上🙊 餐廳位置係尖沙咀厚福街H8，同平時一樣食飯時候都比較多人呀。當日8點到達，餐廳內都坐滿人，環境舒適，燈光柔和，不過枱與枱之間比較近。分享下今次食左咩啦飲品叫左「熱情果烏龍茶」，「自家製西柚冰茶」前菜：沙律餐湯小食拼盤主菜巴馬風乾火腿蘑菇薄餅甜品出場啦一直以為都按排好好，點知餐廳竟然寫錯左朋友個名😳唯有用雪糕遮住啦😢整體來講，餐廳環境食物質素唔錯，只係有呢個小小既錯誤😥

今日去左TST ESPUMA食LUNCH , 3個人叫左蝦醬蝦乾鮮蝦扁意粉, 黑松露醬野菌意大利飯, 焦糖單骨雞翼同埋招牌鮮雜果窩夫雪糕.環境不錯,好適合傾計! 首先蝦醬蝦乾鮮蝦扁意粉, 蝦好新鮮,意粉軟硬度適中, 味道一流,份量適中.另外, 黑松露醬野菌意大利飯也不錯, 但飯就偏硬, 一定耍趁熱食唔係就會太”結”. 焦糖單骨雞翼也不錯, 單邊骨客易食,焦糖味也做得出色.味道YUMMY, 至於招牌鮮雜果窩夫雪糕也是必選的, 制作新鮮,生果也新鮮, 十分好味!不過份量也多, 可以4個人食FULL SET. 另外上菜速度也快,會再去!

朋友講左好多次想試呢間餐廳，今次一早book定位^^睇完餐牌感覺上唔太正宗既西班牙餐廳，似一般西餐較多，但整體環境精緻，氣氛好。點左幾樣試試。西班牙海鮮炒飯，二人份量有點少，但配料豐富，唔錯。黑松露薯條，薯條上已有芝士粉，再加上沾上黑松露醬汁，感覺有點過咸了。蜜糖雞翼，雞翼入味，蜜糖不太甜，熱辣辣，好味。流心軟芝士麻薯鬆餅，一直期待試試，鬆餅較鬆化，有流心效果，亦不會太甜太溜，值得一試👍缺點:限制用餐時間

突然心思思想下午食西餐 於是就去左厚福街睇下有咩岩心水 H8一向都唔會令我失望 12：00到餐廳 無book位 眼見3-4成 full點左個肉眼扒五成熟 略嫌太多筋 影響口感翻食指數

睇到網上推介呢度嘅流心軟芝士麻糬厚鬆餅就忍唔住想過來試下，喺即點即做，所以等得幾耐，三十幾分鐘先有得食。好彩味道令人驚喜，厚松餅好大一件，切開裏邊嘅芝士醬就留嗮出來，效果好正。松餅十分鬆軟，甜度適中，但系個麻薯就麻麻得，冇想像中嘅咁好食。整體仲OK，但系應該唔會再食第二次，冇期待中嘅咁驚喜。

過黎食左個午餐，環境都唔錯，乾淨又採光，人都幾多下。叫左個好長名噶面西班牙橡果黑毛豬柳西京汁珍珠面，材料一眼就睇清楚，豬柳有獨特噶果香味，肉質嫩滑，色水夠靚。珍珠面夠彈牙。食完後加多杯熱情果烏龍茶消消暑，系炎炎夏日噶好選擇！

叫左Ribs ，幾多肉，可以試，但千祈唔好試churros，麵粉都冇，得塊皮，同我之前係其他地方食過個D差天共地，有4條食左半條就頂唔順冇食。價錢又唔係平。失望！English version: The ribs are decent, with bbq sauce and fries for the sides. But guys never ever go for the churros as there’re no flour in the middle but only the fried skin!! There’re four churros and I only ate half of a churro. It’s disappointing!

間餐廳有幾間分店，我食過中環嗰間，尖沙咀呢間我第一次食。7:30到餐廳已經坐爆曬人，建議大家book枱先去食。我哋7個女仔,叫咗六樣嘢食,加兩個甜品🍮青口好味推介西班牙炒飯勁大份，材料好足，飯嘅質感偏軟，調節返亞洲人口味唔會太多橄欖油👍🏻我喺西班牙食過傳統嘅西班牙飯，啲油多到呢😭😭呢個啱我胃口重點黎啦，唔記得呢個甜品叫咩名，佢覺質感類似疏乎厘咁，超好食，必食推介棉花糖朱古力Brownie窩夫，粉紅粉藍色棉花糖好夢幻，影相厄like一流整體上各樣食物都OK，甜品比較出色！

今日約左朋友去哩個西班牙餐廳試下。珍珠麵呢個珍珠麵口感好特別，一粒粒咁，口感煙un；個汁入面有忌廉、洋蔥、黑椒，成個味道出琴黎唔會濃，無咁易膩。而個黑毛豬嘅豬味好濃，但略嫌乾左少少。配菜方面有黃、綠脆肉瓜，令整體感覺更健康清新。黑松露醬薯條好足料,薯條新鮮炸起,配上黑松露醬 簡直完美。Flat white奶味都幾夠，但咖啡較淡，整體都ok。西班牙炸油條好香肉桂粉味，熱辣辣又夠脆。一set跟埋朱古力醬、吉士醬同果醬，個人比較鍾意朱古力醬。唯一挑剔係太多糖，要甩走啲糖食先唔會過甜。