euro go go

營業中

休息中

黎到上水，三個人，簡簡單單想平平地食個快餐。好耐冇食EURO GO GO，懷念佢既蜜糖雞翼。一於叫兩盒，有十隻，咁就要$80了。三個人因為太肚餓，叫左幾樣野食! 佢啲PIZZA好薄，要叫兩個先夠食。最後埋單三百幾，一人百幾蚊食個快餐，又唔係話好平。千島海鮮薄餅全份($92)，批底太薄，個人較喜歡PIZZA HUT厚批。夏威夷薄餅全份($80)，材料不多。蜜糖雞翼5件($40)，必食之選，每次黎都一定要食。左邊凍忌廉朱古力($28)，個人最鍾意，唔太甜，但勁多凍忌廉，肥死人之選，好邪惡。 右邊熱忌廉朱古力TALL($26)香蒜蜆肉意粉($58)，幾好味，好香蒜蓉味，仲有好多香草。意粉太腍，煮過左火。熱即磨咖啡，一般水準

2017.03.11 😊出去食個飯咩都貴日本野 扒餐 都分分鐘200幾蚊起跳下... 我唔想又m記呀~🤢拍拖食歐洲菜 都有平價之選2個人豪食 都係唔洗200蚊埋單🤑Eurogogo根本就係的地啲平民的恩物啦野菌忌廉湯 $20黎得食西餐, 餐湯是必備的吧先來一碗忌廉湯🥘小妹覺得20蚊碗以啲間平民小店來說有點貴所以就決定一碗2人分先講顏色 看起來是濃濃的感覺灑上少許黑椒 野菌味道更為突出味道都還不錯四式芝士蒜蓉包 $60蒜蓉包的確十分吸引而且仲要加上4種不同口味 點可以唔叫呢🍞包括左 蒜香雞 吞拿魚 黑椒牛肉 煙肉芝士 口味而小妹就最喜歡黑椒牛肉 牛肉粒粒烤到香氣溢出百寶pizza 半個 $45小店其實是挺貼心 pizza可以選半邊的而百寶就是有蘑菇 辣肉腸 菠蘿 雞肉 茄肉我自己個人覺得啦 pizza的辣肉腸及菠蘿是必備的😛啲個pizza我感到好滿意 可以滿足到我的要求 而且是用雞肉的岩曬我不太吃牛的partner不過廚房太好客了 茄肉下的悄為比較重手 酸左少少辣肉腸火腿煙肉意粉 (+芝士) $58其實我地2人都幾貪心 叫咁多野幸好意粉的份量無我想像中的多還可以剛剛食的得曬不過小妹覺得相

煙肉芝士焗磨菇焗得好靚(煙肉金黃色，好香味，香脆)，芝士平均分佈每粒磨菇上(芝士有拉絲效果)久違的甜品(試下這店麵包布甸的味道)外表焗得不夠金黄色外表不算香脆(似番焗)內裡比較濕，味道不算太甜外表不香脆，但底部焗燶左失色的甜品

連所西餐廳黎講，佢都算係平靚正呀，不過咁，晚餐時間堅多人，逃唔過等位的命運。 環境:好普通既西餐廳。 食物:芝士青口意粉，四大青口，爽口鮮味好食，芝士味又夠濃。Cappuccino，小細杯，香濃好飲。 euro gogo

兩點就有下午茶，好多人在等坐位。法式薯蓉焗田螺餐$38，好多芝士，六粒田螺，薯蓉又滑，就係調味咸左少少蜜糖雞翼餐$38，雞翼又香又脆，蜜糖甜而不膩，必食轉凍忌廉朱古力$8，好好味，好多忌廉，太邪惡加鮮茄湯通粉$8 忌廉蘋果脆脆$34，呢個好驚喜，全個底都係新鮮蘋果片，面頭鋪滿脆脆粒，好正，成個甜品都唔太甜 焗到熱辣辣

因為喜歡佢既蜜糖雞翼，喜歡佢既凍忌廉朱古力，而成為會員！成都會食，哈，真係好易肥架！不經不覺，做左會員好多年了，陳年會員咭：因為知道會員增值有優惠，即係黎增值！有下午茶餐同精選套餐因為要食蜜糖雞翼，所以叫左下午茶餐！蜜糖雞翼真係冇得輸，因為即焗，每次都咁高水準，仲要十足蜜糖味！好正！

平日下午茶時段，都有好多街坊捧場，搵到位同隔離果位都要親密D午餐四十幾起有交易，其實以現時物價比較算係幾平排咗五分鐘買完嘢就可以坐埋位等食先上餐湯同沙律，餐湯味道合格，都有磨菇咬到，沙津醋汁味美，蔬菜整碟都新鮮友人揀嘅蒜蓉包，新鮮烘起，size都偏大，香脆有睇頭闊條麵雖然賣相一般，但芝士味焗得香，意粉同忌廉都唔會難食。麥形意粉賣相更一般，記得第一次食，見到佢個樣似飯先叫嚟食，結果一試愛上。羅勒味包圍每粒意粉，撈埋個藍芝汁有種和諧感。蕃茄仔有助減膩總結係味道係保持到，但食物賣相可改進一下

筆者很喜歡食，但因為我沒有食神的舌頭，所以我都只介紹甜品。其實都不是太大問題，因為甜品是女人最喜愛的。開心時吃，會更開心；不開心時吃，會令心情好一點。拍拖時吃，會更甜蜜；失戀時吃，甜品是最好的朋友......啊！說太多了！這次介紹一間連鎖店的熱食甜品：法式麵包布甸。我相信Euro gogo 很多人都去過，餐牌上的甜品眾多，但我獨愛它。為何？首先，這個甜品是熱食，有別於一般甜品。當你吃它的時候還是熱呼呼哦~~這樣感覺超吸好。加上賣相不錯，絶對可以相機先吃！口感方面，外脆內軟，非常有驚喜的口感。而且這個和甜品與別的有少許不同，這個甜品不偏甜，正確來說，甜度適中！是別類甜品的選擇。Euro gogo 還有別的甜品，大家可以一試哦~~我還要去其他地方找好吃的！

這間euro go go 開左好耐，還是第一次來。11點開始有套餐，點了蘑菇肉醬意粉加芝士同凍朱古力，當中加芝士要加$5，凍朱古力特飲加$8，總共$62。凍朱古力先不攪拌而試一試底下的朱古力，奶味濃，朱古力味偏淡。再試上面的cream，都算滑，偏硬身亦不夠香。可惜朱古力味真是太淡，拌了cream一齊飲，更沒有朱古力味。蘑菇肉醬意粉加芝士分量十足，賣相一流。而且果然值得去加芝士，芝士量多味道濃郁，不過有點鹹。意粉合到好處，軟硬適中。肉粒的分量也多，不會只有汁，也不會全是肥膏，反而蘑菇比較少。但整體都是偏油。

今日又係上水地頭做野，臨近新年，上水簡直是淪陷了整條街都是大陸人！！！做完野好不容易先搵到間舒舒服服的坐下。呢間euro gogo係上水黎講算係小大陸人！由於太晏先過到去，已經過左tea time, 亦即是要用正價叫餐，快餐黎講當然算貴，叫左個白汁焗意粉，汁唔夠，料亦唔算多，火腿絲都係得10條左右，好似慳皮左啲！正餐冇得加錢配野飲，是日天氣寒凍，點左杯熱飲，熱朱古力奶茶，都幾香滑又唔太甜，但呢一餐唔太飽，咁就食左我70幾蚊！下次都係等有下午茶先黎食！

食早餐好多時都求求其其，今日去開上水見到有Euro gogo就試下。叫左個套餐: 芝士吞拿魚法包+茄通+咖啡 $36。茄通1d都唔hea，有別於一般茶記通粉+水。佢個蕃茄湯味道到好出，而且份糧唔少，岩晒大食既我。芝士吞拿魚法包係即整，拎上手食仲熱，加上好多芝士係面，真係好正。跟餐有得配咖啡，味道又係唔錯，所以套餐$36真係幾抵食。

可能大家連鎖式既店好似無咩好寫，不過我覺得每間都有d唔同既地方既，所以我寫下。Euro go go係自助式，唔洗加一，不過成日都坐滿人。今次我無試佢既野飲，淨係叫左野食，包括：百寶pizza、蜜糖雞翼、菠菜汁龍脷柳闊條麵。百寶pizza個餅底無pizza hut個d咁厚，個pizza無咁多芝士，如果鍾意芝士既人，呢到既批就唔岩佢啦。不過，佢上面有薄薄既蕃茄片，食落好juicy。另外，蜜糖雞翼係焗既，表面有蜜糖，皮就焗得脆而不燶，內面亦唔會唔熟。最後，菠菜汁龍脷柳闊條麵都幾大碟，佢既汁主要係芝士加菠菜，菠菜味不濃，而呢碟都係會焗一焗，但味道比較淡，而龍脷柳咸左d。總結，食物都算中上，味道不太濃烈，如果鍾意大魚大肉，呢間就唔岩你，因為唔多肉既。

好耐沒有吃EURO GOGO啦! 記得以前讀大學的時候, 久不久就會來吃, 今日又來了。其實每次都是點差不多的食物, 不過今次點多了一份PIZZA。百寶PIZZA: 有蘑菇, 辣肉腸, 菠蘿, 雞肉, 材料豐富, 餅底超脆, 芝士也很香。鮮茄煙肉香腸蘑菇意粉: 這是最愛的意粉, 每次都一定點, 味道很足, 香腸和煙肉都很多, 不過這一次煮得有點酸。蜜糖雞翼: 超香脆, 咬落去, 雞翼皮油在口裡溢出, 加上甜甜的蜜糖, 比BBQ的還好吃, 如果焗得沒那麼焦就好了。凍蜜桃茶: 很清新, 還有4片蜜桃片, 不過甜左少少。凍朱古力: 上面的那層CREAM真的極品, 超香滑, 一口朱古力, 一口CREAM, 非常好味。

約左同朋友傾偈gathering, 餐廳落地玻璃裝潢，採用自然光入室，令人感覺舒適，地方夠闊，感覺休閒，環境不錯嗌左百寶pizza, 鮮茄煙肉香腸磨菇意粉，蜜糖雞翼，餐跟沙律或是蒜蓉多士，忌廉朱古力同蜜桃茶百寶pizza有大舊鮮茄，配上芝士，又juicy又有芝士香，pizza 皮不太厚又脆口，美中不足就係料不夠多樣，令到味道不夠豐富鮮茄煙肉香腸磨菇意粉，鮮茄醬足，酸酸的，挺開胃，配上煙肉磨菇香，香味同味道更一流，有香腸同煙肉肉香，磨菇同鮮茄令到意粉不會太大肉感，食落啖啖材料，但整個意粉都不覺膩蜜糖雞翼，雞翼有d燶，但無減佢美味感，上枱時熱辣辣，雞翼皮脆，肉滑，咬落去時係有肉汁流出，小心燙口，蜜糖夠多，食落甜甜的，夠惹味忌廉朱古力，忌廉香濃幼滑，打得好企身，可以用到匙食，配上淋面嘅朱古力，都唔覺太甜，仲更覺朱古力味，同底下朱古力溝埋一齊飲，甜度岩岩好蜜桃茶片片蜜桃都係甜，茶本身有蜜桃香，加上表面蜜桃，令蜜桃香味更突出，雙重味道，清甜感覺，夏日推介😍😍👍👍

有次得閒, 入去試食佢地的歐式早餐早餐有香腸, 炒蛋, 牛肉酥仲有一杯咖啡咖啡係幾香濃牛角麵包好香口其他的味道OK, 但冇乜特別！價格將近40，係有點貴....環境都十分乾淨, 整潔！