euro go go

營業中

休息中

今晚突然間想食d唔同的野 我就諗起Euro gogo 啦等我睇下食乜先呢個鮮茄意粉不論賣相同味道都幾好 紅紅地的色加埋酸酸地的味道 特號醒神開胃 麵的份量夠多 十分飽 比d茄汁都足夠（唔使乾哽）麵條幾幼身 無發漲到 咬落夠淋 不過材料方面就有改善的地方 好似香腸就比左好多 但磨菇同煙肉就比較少蜜糖雞翼不得不讚好好味 但蜜糖只係停留左係表面 無滲哂入去不過雞的熟透度控制得岩岩好 熟得黎雞翼無咩“窿“邊 （略嫌有少少5抵，$39蚊五隻）全餐盛惠$89係幾好feel ge 呢個外賣服務不得不讚可以係排隊時先幫你order野食 方便又快捷

食個下午茶，嗌左個香蕉船食，坐低等左三四個字先有，下午茶都五係多人食，都慢，但食物外貌幾好，個餅麻麻地，口感五脆，不過雪糕果d都好食，餐廳環境都好，坐得舒適又乾淨。

今天到上水，下午十二時多，還未感到肚餓，不吃米線餐，因怕會太飽，選擇到對面的Euro go go 吃意大利粉。這間意大利餐廳，先排隊點餐和付賬，收銀員會給你一個號碼牌，可以在位置上慢慢等候侍應送上。點了:煙燻杏仁香草意大利粉--$39蕃茄湯+沙律--跟餐加$6坐下一會兒，侍應先奉上蕃茄湯和沙律，沙律菜新鮮，配上欖油和醋，是我喜歡的沙律款式。蕃茄湯，濃濃的、酸酸的蕃茄味，而且熱度十足，非常好喝。吃過沙律和湯後，整個人胃口開了，侍應也剛好放下煙燻杏仁香草意大利粉，賣相麻麻，意大利粉出問題了，有些很乾身，相信是放久了，尾部有點濃和硬，果仁是淋身的，不脆，吃罷碟的低部佈滿油份，味道很差，大失所望。這碟意粉真是失水準了。本身做了會員，還是會再來的，希望下次意粉的質量有所改善。

之前都無咩點試過gogo，不過呢間gogo第一個比我既印象就係一個字：嘈！間野本身大門就對住商場攪到啲聲通通都入曬入黎，再加埋冷氣啲風聲令成間鋪頭都幾嘈雜。不過鋪頭環境都算企理整齊，整體黎講尚可接受。同老死喊左個薄餅，有菠蘿，salami，芝士，番茄醬呢啲薄餅經常有既材料，無咩特別。個批中央口感都算軟，同ph差唔多，批邊可能因為薄既關係，做得幾脆，索索聲咬落勁爽～～^_^味道就偏辣且單一，本身salami都ok多同辣，蓋過曬其他材料既味，我自己頂到辣味無所謂，但係老死就唔係點頂得順，喊左杯咖啡止辣，食唔到辣/唔鍾意辣既同好要注意下。好啦埋單，一個唔係好大既薄餅成九十蚊😂😂，價錢平定貴？抵唔抵食？見人見智。

藍芝士汁麥形意粉 $40Orzo Pasta with Pesto Gorgonzola Sauce今期推介得 又貪得意叫左個麥形意粉試下🙆🙆又幾得意喎 意粉粒粒都沾有橄欖油香草醬 帶點煙韌有口感😋藍芝士汁好濃郁重味😌😌農夫比得包 $30袋仔型所以食落唔會爆曬啲饀岀黎咁狼狽🙆🙆載住新鮮沙律幾fresh 其中蕃茄仔多汁酸酸甜甜😆 包包煙韌有咬口又有麥味😆😆芝士火煺牛角包芝士可以話係象徵式名義上地岀現🙈🙈 沒有最小只有更小🙈🙈有點失望TT幸好牛角暖粒粒咁上 夠酥夠脆😆tea set$3X

一直很喜歡吃西餐, 知道上水開了EURO GOGO, 當然也去醫肚啦。於是在星期五的下午, 約了好朋友來食午飯。平日的中午時段, 都可以點套餐, 所以就每人點了一個套餐。我喜愛吃蕃茄, 所以點了鮮茄煙肉香腸蘑菇意粉, 朋友點了菠菜龍脷柳意粉, 還點了蜜糖雞翼。鮮茄煙肉香腸蘑菇意粉: 鮮茄味很濃, 還很多香腸和蘑菇, 很好味。蜜糖雞翼: 蜜糖很甜, 雞翼烤得很香脆。蜜桃茶不會太甜, 每一杯都有蜜桃片, 可以留在最後當飯後水果吃。

我喺1月13號夜晚8點左右光顧,當時客人半滿,因此好輕易找到近水吧的位置。我叫左3樣野,分別係openrice各讀者推介嘅蜜糖雞翼,仲有卡邦尼意粉及香蒜芝士青口。約15分鐘左右,所有食物到齊了~~可以openrice(開飯)啦!蜜糖雞翼真是要必定推介!!雞翼焗得好香,而且蜜糖唔會太少,食得出果啲香濃嘅蜜糖味!!卡邦尼意粉嘅汁就有啲杰身,口感一般,希望下次整得似返啲汁嘅感覺會更好。最後就係青口,青口嘅芝士溶溶地,幾香口,青口又夠大雙,感覺上已經值回票價啦~~另一方面要注意嘅就係,我食緊野果陣,見到水吧內有一位女員工喺度罵緊另一個員工(聽左對話內容應該係教新人),雖然教人我冇權利去出聲,不過也要注意聲線,因為的確有啲影響我用餐情緒...

今天是聖誕節最後的一天(Boxing Day), 十分之期待的.筆者同家人在上水中心行街時, 無意中發現有"中東口味"的Euro Go GO'餐廳,門口將貼有QR Code 的cOuPoN, 筆者當然意不用遲立即拍下, 原來是'煙肉芝士焗蘑茹'一份, 有八折$30優惠, 原價是$38, 家人吃後, 都讚不絕口, (不是平好多, 重點是味道不錯, 香濃芝士味, 爽口蘑茹口感).另外, 鮮茄香草煮青口, 用新鮮番茄做湯浸住6-7隻大青口, 青口肉質夠厚, 感覺新鮮, 鮮茄湯不妨可飲下, 一道菜多享受, 仲有白汁香腸火腿蘑茹意粉, 最後'半千島海鮮"半份, 味道稍為鹽少少, 都OK, 3個人吃的份量夠晒.筆者同家人都帶住滿足感離開此店, 盼望帶給讀者有不同的優惠, 而享受到食物的快樂, 最後提醒讀者, 侍應不多, 繁忙時間(1230-1330, 1830-1930)去, 上菜時間等得比較耐, 請大家注意.

放假同屋企人去食下午茶，近近地去euro go go食~三式焗薯皮,其中煙肉芝士較惹味，保持水準好食！芝士焗青囗,熱辣辣唔錯，不過d肉黏到個殻好實,食個時有d論盡通粉配牛角包連熱飲餐價只是 ＄35，好抵食跟餐叫左熱咖啡，濃番少少會仲好飲！埋單都係百幾蚊，抵食~！

今日約左粉絲喺呢頭見面傾下心事~~一時間唔知有乜野地方可以坐得耐D,突然佢醒起呢間餐廳,所以過黎望望~一睇都好多人~個個枱面都係得返個吉杯~哈~相信呢到係好多人中意慢坐的地方, 等左陣終於有位~! YEAH!! 我地都買杯野飲先~!!除左飲品~我地點左几款PIZZA餐見識下~!磨姑忌廉湯 - 一般出品~可慶入口唔會太浠,仲有粒粒磨姑~口感唔會太差頭盤沙律 D菜好新鮮,唔會軟晒有黃葉~~仲有兩款沙律汁~有醋有漿~簡單得黎各有特色!PIZZA系列個批底唔會太厚~薄得黎又唔會太脆,唔會一拎就爛,雜錦PIZZA (半份)- 睇落好多料~感覺豐富,主要係用辣肉腸同粹牛肉粹豬肉為主,芝士相對唔係咁多~拉出黎冇一絲絲的質感,入口好啖啖肉~中意食肉的人有福了!!辣肉腸PIZZA - 睇落去只係冇左肉粹的雜錦~味道同賣相差唔多,相信係同係茄漿底的關係,呢款多左少少蔬菜入口清新能顯出辣肉腸的味道千島海鮮PIZZA - 批底差唔多~D料就強差人意~只係得D粒粒~一D口感都冇,要用心感受先知自己食緊乜野,明顯少少的蝦仁,有青口粒,仲有粟米粒...漿汁唔算太香濃惹味,有D失望~芝士海鮮意粉 - 意粉煮得太淋,相

這次下午來到euro gogo食下午茶價錢亦算合理，卡邦尼意粉只售$48元，但說到底，質素才是最重要的一環這個卡邦尼，我認為十分不及格。首先，意粉完全失去水份，質感就像粉餅一樣而且意粉還沒有煮熟透，食落仲有啲硬然而在醬汁方面，看似很多，但只有表面這些，份量不夠。醬汁沒有creamy的感覺，而且沒有放足料芝士/芝士粉去打汁所以這是失敗的卡邦尼汁~.~ 然而配合起這硬硬的意粉食，當然令我有失望的感覺，味道頗為失敗即使再有機會來，也一定不會點卡邦尼意粉

今天和朋友在eurogogo吃下午茶，分別吃了A餐 (蕃茄火腿腸仔通粉)，和F餐 (蜜糖雞翼)。凍飲加$5，最後我們加了$8 的泡沫朱古力咖啡和牛奶咖啡，感覺更 划算。A餐的通粉一定要趁熱食，我們顧著聊天，冷了沒有熱的好吃。通粉配的牛角酥很好吃，香脆的外皮，加上濃濃牛油香，真的回味無窮。F餐的蜜糖雞翼是每次必叫的，是eurogogo必食推介。甜中帶微辣，焗過雞翼邊香脆可口，愈吃愈好味，五隻也不夠吃，哈哈。泡沫朱古力咖啡和牛奶咖啡，也很濃咖啡味。朱古力咖啡有點帶苦，不喜奶味的人可以試試，牛奶則較易入口。一杯分量也很多，可向waitor拿外賣蓋，方便外帶。

自從上水開左後，很多時假日冇街去中午都會黎食，環境逼逼狹挾咁啦，自己等位。二人前辣肉腸煙肉意粉，份量都唔少架，食材配搭上已經很惹味，配埋茄茸，幾好。煙肉蘑菇薯蓉，基本上呢個必叫，因為本身中意薯仔，加埋煙肉烘焙，很香口，其他款式都幾好蜜糖雞翼，都係熱門選擇之一，雞肉好juicy,又滑又軟身，加埋脆脆地ge皮＆蜜糖，正蕉蕉pancake,個邊比較乾，唔夠香，一般。榛子泡沫奶茶，有很濃榛子味，雖然稍甜，但已經很好飲。cappuccino,正常另外有款麵包布甸都幾好，雖然今次冇叫，即叫即烘，熱騰騰，表面灑上提子乾＆焦糖＆肉桂粉，不錯。不過試過一次烘焙不足，內裡ge麵包水份過多，唯有待其熱力將它蒸發掉

肉醬薯蓉等左唔係好耐，，而且熱辣辣上枱..啲薯蓉好滑，，不過比較鹹同濃味..煙肉焗忌廉西蘭花好多水攪到西蘭花好淡，，食到底既時候，，啲西蘭花變黃左三式薯皮（吞拿魚，，雞，，煙肉）啲醬配得唔錯，，三樣配法都各有特色，，分量啱曬做下午茶，，不過個薯皮就可以再脆少少

Euro go go 的蜜糖雞翼令我一試難忘。今天忍不住食慾趕在回家開飯前跑到來吃一客雞翼。$38 一客的蜜糖雞翼有5隻。燒得剛剛好，皮不會過硬過焦，佔滿蜜糖甜甜的外皮包著滑滑的雞肉，真是一絕！如果要我選Euro go go 最好味菜式，我一定毫不猶豫推介蜜糖雞翼!