euro go go (已搬遷) 新店位置

聖誕節的晚上和家人一行四人到euro gogo吃那裡的椅桌不多，坐得滿滿的，因爲那裡的形式是自己找座位，不是先到先得，也有點擔心會給後來的人搶位，幸好等了不一會就有空位了我們選了鮮茄墨魚意粉、百寶、芝士吞拿魚意粉、芝士腸仔火腿意粉，味道不會太鹹，我們一家四人也認爲最好吃的意份是芝士吞拿魚意粉，也許我們喜歡吃吞拿魚吧，也許這樣的配搭的意粉真的很好吃後來我們又買了兩杯特飲，一杯平均也要廿多元，凍愛爾蘭忌廉奶茶、西班牙雪糕咖啡，前者很甜，像飲糖水一樣，後者雪糕連咖啡很好吃我們最後還買了那裡的橙汁，$18一支，給媽咪飲的健康飲品，又買了一件朱古力芒果餅，$24一件，軟蛋糕連硬餅底，餅底不算很硬，不錯的蛋糕聖誕的一餐，我們一家也說很好吃，吃很開心，像吃聖誕大餐一樣，雖然東西像不多，但枱上放的是琳瑯滿目、各式各樣的食物，所以很飽足

這間比沙田的坐得舒服多了，服務也比較好。食物選擇也較多，而且上菜速度亦為合理。今天選了：肉醬薯蓉 -- 肉醬跟薯蓉的比例剛好，焗得香，溫度也好薄餅 -- 叫了最多料的那款，普普通通，批不太脆，料跟批像是分開的，有進步的空間蜜糖雞翼 -- 必吃菜色，一流！非常入味，雞翼夠大隻，很香~

老公很喜歡Euro Go Go, 每次例必點粟米雞皇意粉, 因為芝士, 雞肉都是他的喜愛食物, 如果我唔反對, 還會要芝士烟肉焗薯, 不過今次老公想食香蕉pancake,所以無叫芝士烟肉焗薯 我就不太喜歡Euro Go Go 的食物, 不過我只對香蕉酥十分欣賞, 每次來必點,因為實在很美味, 很喜歡香蕉酥的酥皮, 吃時要小心, 因為香蕉餡好熱, 容易燙口我覺得香蕉pancake太多cream, 少一些會更美味另外點了杯曲奇奶茶, 曲奇浸泡奶茶會溶掉, 味道頗特別如果可以選擇, 我還是不要來

今日tea time時段又想食pizza..~o係市中心遊蕩本想去pizza hut...但當行到黎呢到o既時候~改變左主意!星期日呢到依然多人先搵個位再order左半份火腿菠蘿pizza ($26)比起pizza hut更實惠!等左差唔多10分鐘先上檯一上檯就聞到好濃烈的芝士味....一向怕多芝士的我實在有d失望..但係叫到黎冇可能唔食....唯有頂硬上....批底好脆~o岩o岩好~但係火腿同菠蘿份量都唔多....反而成個pizza都鋪滿哂芝士...好漏....唔係太鐘意....都係覺得pizza hut口味o岩我多d!~不過對於鐘意芝士的朋友~呢到食pizza實在係唔錯o既選擇~

Weekend 想搵個地方食 tea, Euro gogo 係唔錯o既選擇我o地好鍾意佢o既焗肉醬薯皮, 蜜糖雞翼同埋 pizza今次就試o左芝士蛋糕, 不過略嫌芝士味唔夠咖啡就係推介之選, 講唔出o既好飲

*香辣肉醬意粉*意粉超級硬, 初時食肉醬唔辣, 好普通的肉醬意粉, 之後越底的越辣, 辣到食唔到... 又一失望之作*半份Pizza*Pizza底好硬, 似食餅干多啲, 味道麻麻, 蕃茄超級酸呢間店都係得田螺薯蓉正常啲~

9月22號晚同班同事們照舊黎呢間餐廳食飯我係呢間餐廳熟客,經常都幫襯的雖然呢到d員工冇咩service可言,but覺得呢到d意粉好好味同價錢都算ok就經常黎了今次 促使我寫食評既原因係因為佢地一個新員工佢既服務態度令我更加鐘意呢間餐廳以前d員工又冇咩笑容態度又冷淡,又成日掛住傾計今次d員工好似落力左,又有番d笑容,加上今次個新員工竟然記得我上次黎過果時要芝士粉同tabasco,我都未出聲已經拎定黎比我了,真的有驚喜!如果食物方面可以再加多d 小食就更好了!

本人最怕要等位... 如果要等位...我寧願唔食因為太多人...所以每次去到 EURO 見到D人... 即時轉軚隔離果間...早前終於閒日多人...試左。肉醬意粉 : 味道唔太吸引 ... 比 PIZZA HUT 的差...而且賣相顏色古怪...PIZZA : 味道OK... 簿底的 PIZZA ... 蒜蓉包 : 都算香脆 ... 幾好食...買set 加 $8 換購蜜桃 pancake : 只係皮+cream+ 罐頭桃肉碎幾粒 ... 味道普通香蕉 pancake : 同蜜桃 pancake一樣... 不過加上朱古加汁的香蕉 pancake 味道不錯... 而且香蕉熟... 香甜睇黎經過的香味騙了人幫襯呢... 哈哈

下午茶時間路經此地久聞此地蜜糖雞翼不俗決定試試。$28的tea set5隻蜜糖雞翼+一杯百事可樂雞翼等左差唔多10分鐘先黎到蜜糖落得o岩o岩好唔會太甜、太黏雞翼有事先醃過有少少咸味咸加上甜配搭唔錯環境比平時食開o既大xx好當然同時o係價錢方面反映出來大家走唔同路線target market唔同冇得直接比較呢到始終都係做青少年生意同大xx o既target market (c奶)係2回事

下午茶~~叫左一件藍莓cheese cake同一杯朱古力奶個cheese cake真係唔多ok....好鬼硬....而且好似好乾咁 , 認真麻麻朱古力奶就一般啦..唔係特別好味但又唔係難飲maybe佢d熱既食物會好食d啦

我一向都好鐘意黎euro go go 食野的 ..好味 ! ..芝士吞拿魚意粉係我既最愛^@^~...不過大家知吾知..其實可以轉飯家@@?如果係2個人食既話 ...我會轉飯 ..因為一個飯2個人食ok了...--不過琴日食到老公好吾開心 !因為我地琴日用芝士粉...落落下芝士粉 ...個蓋突然之間甩左...成樽芝士粉倒左落個飯到... 搞到我地超無奈羅-.-...雖然倒走左d 芝士粉..不過都係要捱一個好咸既飯 ...唉 .. 一個咁鬆..冇扭實既蓋都可以換比客人 ..超無奈...另外仲叫左個薯皮...太淋 ..吾多好味可以吾好食...

最近幾個月市中心三樓開多左好多食肆好耐無行黎呢邊食euro go go，突然行行下街想食番呢度既蜜糖雞翼所以再番黎euro gogo，但今次換黎既係......1, 雞翼係照舊好食，但今次等左好耐，平時都無咁耐，但又唔係好多客2, 本身都係有耐性既人，但等左好耐忍唔住問下侍應，舉手呼喚好耐都冇人理會我坐個位係對正服務台，但舉手過一分鐘才有人看到為此我感到十分無奈，本身場內只有三成客人，而其員工則有五六位但他們給我的感覺都唔係番緊工，個個企晒係度吹水大笑，一邊笑一邊飲野我同隔幾張檯既客人都揮手良久先有人理會，真無奈,,,仲要我見到有好多張檯人客走左都未執野，令到其環境大為扣分，好失望呀今次同我以前黎呢度食野既經歷，今次耐無黎真係差得遠，好似愈黎愈差咁......短期內都唔會再黎

080614@Euro go goEuro go go在屯門開業已有好一段日子，而我也光顧了數次，每次來都要吃蜜糖雞翼和喝凍忌廉朱古力。至於卡路里和減肥嘛……暫時管不了啦！今天來到Euro go go，同樣點了這兩樣食物，朋友輝爺則點了半個「千島海鮮Pizza」，畢竟只是下午茶，吃得太飽晚飯會吃不下的。Euro go go的蜜糖雞翼有個特色，就是每客雞翼都會有大量蜜糖，所以雞翼不會焗至乾身，而就算不醮蜜糖，也會吃到雞翼帶有很濃的蜜糖味。有人或許會問：「蜜糖雞翼和凍忌廉朱古力，兩樣都是甜的，那會不會其中一種甜味被蓋過了？」那或多或少都會有一點，可是凍忌廉朱古力的甜味不是很強，所以吃過蜜糖雞翼再去喝，反而突出了朱古力的香濃，甜的部份留給忌廉去解決吧！

同友人系同樓層既UA睇完step up 2,未食中午, 所以來了這間euro go go。先要了半份叫....(百寶?)既pizza走辣肉腸,另要tea set蜜糖雞翼+熱朱古力先來了朱古力, 唔熱......不過其實我唔系想熱,只系唔想飲cold drinks, 所以算啦。朱古力味對我還可以,不過對我那位100%朱古力fan既朋友就唔太夠,話上次系樓下starbucks既濃好多。pizza系薄脆的那種, 比起pizza好像麵包的那類,我比較喜歡這一款, 芝士挺多, 材料都唔少。之後我地太肚餓, 雞翼未到又要多份tea set,焗薯皮+泡沫鮮奶, 以為岩岩佢送既coupon可以用,點知話唔可以即日用..蜜糖雞翼真系好正!!!!好蜜糖,雞肉嫩滑,很香。焗薯皮我無食辣雞肉個隻,不過另外2款都好好味,值得一試。泡沫鮮奶又系唔熱...雖然我唔系要佢好熱好熱,不過我覺得....熱飲暖返少少好似似樣啲...總括哩講都幾好食, 不過價錢我覺得貴左少少,同埋真系有d難搵坐位, 成日都見到好多人。PS. 圖片中的焗薯皮, 已經俾我朋友加左大量芝士粉, 哈哈....

一向去呢度都係食dinner今日走黎試下下午茶叫了個純味cheee cake好一般芝士味唔係好夠隔離間riso好食d