euro go go (已搬遷) 新店位置

7點幾黎到,門口已經有好多人係到等位啦,我地等左差唔多30分鐘先有位....今次我地叫左:蒜蓉包:呢到既蒜蓉包真係好好食又鬆脆,我次次黎都叫蜜糖雞翼:見到個個都推介,就試下你啦,食完果然好正,好香蜜糖味好惹味千島海鮮pizza:上枱時仲好熱,個千島汁加埋啲配料(菠蘿粒,蝦, 墨魚仔....)都夾幾好味咁既價錢有咁既質素算ok,下次會再黎~

第一次係下午時間黎EURO GOGO叫了兩個TEA SET再加個煙肉蘑菇薯蓉薯皮同雞翼是每次必叫的~蜜糖雞翼好入味~而薯皮又焗得好香口~3款味中~我最愛煙肉芝士~配埋芒果茶同蜜桃茶~一個簡單的TEA~正~~~~~~

因為吾想成日食大家樂。試過angel baby 吾得。所下今次下午茶食e間啦$40蚊3舊薯皮。味道好難吾好食。但可能焗既時間太少。吾似焗薯皮羅。但幸好咖啡味吾差。$32左右粟米蘿蓉。粟米都好多。如果芝士多d就更好剛剛下面有活動搞。嘈到野都講吾到。始終外面係有咁既問題。但味道價錢都可以接受

係呀！又係我呀！哈哈今次帶媽媽黎食，不過我唔記得星期日係冇set lunch 1點9左右到，仲未有下午茶 而且lunch time真係好多人！！唯有行下先啦.....好啦，行左個圈，發揮左極速shopping既小小敗家技術 夠鐘填肚啦！早上到而家都未食野 媽媽見到A餐有佢至愛既牛角包！當然唔會坐過啦！ Tea time set A 熱脆牛角包加火腿腸仔蕃茄湯通粉，熱咖啡($35)媽媽話......牛角包係熱辣辣！super big！！但係冇脆bor 不過好鬆軟 通粉彈牙，湯底唔會太味精，不過都係有D口渴咖啡，一般，都係茶記既比較心水 芝士薯蓉蕃茄cream soup($28)加配蕃茄湯通粉($8)因為同上一篇食評一樣，所以我冇影相不過今次趁熱食通粉！真係好彈牙 米住米住！！可能係星期日，多人，侍應們都趕出餐但係有個肥waitress 送咖啡黎既時候十分粗魯 差D就整親媽媽啦！仲要倒瀉左少少咖啡 係！係少少，但係我地始終係客人，你眼見差D整到人，其實say 句sorry 都唔係過份但係佢竟然木口木面，咩都冇講，大力放低杯野就走 我覺得要扣返D分

我承認我食野真係好慢 同朋友2點幾黎到，好好彩有兩個位，即刻坐低先！朋友先點 番茄蘑菇意粉配番茄湯加沙律，加點香蕉班戟沒有影相，沒有品嚐，不評論太多總之賣相討好，朋友將其清光 我食咩？ 芝士薯蓉配番茄湯加$6要多個細既番茄湯通粉唔好睇細細份！真係好飽肚！！我食完到7點幾都未想食晚餐 番茄湯好濃，唔會有好水既感覺 通粉係有坑粉個種，食落理應有好彈牙既感覺......不過，因為我真係食太慢，而且又掛住傾 飲完湯，食埋薯蓉，醒起側邊個通粉.....噢 食落已經冧曬.....不過！！湯底依然有陣陣香草味！！下次我會專心食野

bread pudding 來到熱辣辣，香噴噴。記得放涼一陣先食，否則會好熱口，切開內裡有香軟嘅麵包& Cream，加埋D提子亁，食落唔錯。蜜桃Pancake 嫌它的外表煎得唔夠香口，但內裡D cream & 蜜桃恰到好處，唔會太多，咖啡就一般，大致上都OK。

今天我嚐了3月通訊中介紹過的煙燻杏仁香草意粉，$38。材料很簡單，只有意粉和杏仁。那兩條像竹籤的東西，我和媽也不知道是甚麼。猜想是餅乾條吧。不可說是脆，因為太幼細了，應該說是略硬的口感。味道卻吃不出來。綠色的意粉有份清新的感覺。味道有點像我家的香椿醬，卻是味道比較濃和鹹。這味道令我有驚喜。雖然沒有甚麼配料，我覺得只吃意粉也美味。有時候簡單比豐富好，可以專心地吃著一種食物，不會被分散注意力。煙燻的杏仁味道很好。沒有處理過的杏仁味道比較天然，但平淡。煙燻後的杏仁，味道會被提升了。不但沒有蓋過堅果的味道，且能將味道變實在一點。（哈，不知道大家會否明白我說的感覺……）不過，一粒粒的杏仁很難與意粉一併放進口裡。若果將杏仁搗碎灑到意粉上，用叉將意粉捲起來吃，杏仁碎也能夾雜其中。那口感便會更好了。

 晚餐時間超多人等了20多分鐘才找到位子...兩個意粉味道還可以不過普通了一點...蒜蓉包很好吃又鬆脆!那個牛角酥裏面有很多芝士!很多蜜糖又甜,皮又脆卜卜!!很多CREAM,甜度適中!

仲記得我剛剛返到香港的第一餐就是吃euro gogo. 當時覺得定價好貴. 在香港好一陣時間了, 又覺得其實3-40蚊有樣野食都算咁上下了. 作為西餐廳, 食物當然不能與外國相比. 但是食物都是熱上就大加分了.眾多餐點之中, 每次必點的是忌廉朱古力, 賣相和味道比很多中上價西餐廳都來得好. 最喜歡先吃掉那些CREAM.記得一次點的時候, 我把面上的Cream都差不多給吃盡的時間, 分享了一口給男友, 男友吃驚的說, 朱古力是酸的. OH! 我想飲品看去好像沒了一大半, 這才發現說朱古力的部分是酸的, 也不好意思換!男友怕別人會飲到, 就話俾店員知道他們的牛奶可能變了, 請檢查一下小心別再用到. 而我們繼續食物的時候, 竟然店員主動換上一杯全新的忌廉朱古力. OH! 又有Cream可以吃了. SO SWEET!!意粉的分量是適中的, 兩人SHARE剛好飽肚! 

星期五晚約左朋友食飯，友人想食euro gogo就陪佢黎啦，6點半去到唔洗等位。我地叫左兩個意粉、蜜糖雞翼、蒜蓉包同兩位蜜桃茶。蜜桃茶22蚊杯，幾貴但真係幾好飲，甜度岩岩好，仲有蜜桃肉食香草果仁意粉芝士吞拿魚意粉，都幾多吞拿魚蒜蓉包好脆，不過我覺得鹹左啲聽人講euro gogo的雞翼好食，我唔食辣所以叫左蜜糖雞翼，真係好好食，熱辣辣又香甜脆皮，必試呀！

其實個人同媽媽都更中意厚批,不過今次既都唔差...批底好脆,上面既配料都幾多,好夠味,不過青椒系生既配料只有火腿粒,略嫌單調,而且個汁有D漏,而且D意粉既硬度不一呀,媽媽戈碟既比我軟芝士可以再多D,食落好香,好多吞拿魚,但食哂成碟都唔會覺得好漏個拉花有D怪,唔知系咩圖案...好香但太甜,只系落左四分之一糖..

今日一個人晚餐。行左好耐都唔知食咩，最後選擇了 Euro Go Go !自己一個人叫左2個食物 + 1杯飲品! 這間Euro Go Go 是自助叫餐形式，先到收銀機落ORDER。之後就有專人拎食物到你面前! 這個形式都適合香港人生活! 1/ Carbonara 意粉當中我最愛的是Carbonara. 但本人覺得EURO GOGO 的Carbonara味道不夠... 意粉都煮得時間過耐..而且意粉上的肉都不好吃....同真正的Carbonara仍有一段距離... 2/ Hot Choco w. Whipped Cream這個熱飲做得非常好.. 賣相很美.. 飲品上的 CREAM 打得好滑! 朱古力味都夠濃! 下次都會再叫呢個飲! 3/ 煙肉芝士薯皮這個都焗得好.. 但自己覺得有點兒太熱氣... 如果幾個朋友叫一份一齊食就好d, 這次我自己一個人食完都口乾... 埋單$104 - 坦白的說是有點兒略貴! 總結: Euro Go Go 的服務都算不錯。食物質素都合格! 價錢如果調低少少會更好!

最近周末多數留在屯市開餐, 住在這裡久了, 就會發現想極都不知吃什麼才好難得是日和男友異口同聲說想吃euro go go, 當然立即出發星期六的下午, 店子人流不少, 有八九成入座率先看餐牌討論一輪吃什麼, 再到收銀處買票, 還發現店子有出售蜂蜜和果醬等, 下次再買蜜糖時會一試這裡的推介兩個人要了半份pizza, 一客意粉, 一客雞翼, 男友則要了鮮奶咖啡加忌廉(不喝咖啡的我沒我的份)坐下不夠十分鐘, 千島海鮮pizza就送來了半份薄餅分成三件, pizza底薄脆餅乾, 男友不喜歡這種薄批底, 所以只吃了一件個人無論厚批, 薄批還是像這個餅乾底的都喜歡吃, 不過如果能夠視這種餅底pizza為小食相信會好一點海鮮配料有蝦, 墨魚仔, 蜆肉等, 說實就是急凍雜錦海鮮, 當然不會有什麼鮮味, 不過加上濃味千島汁都OK另外還有菠蘿粒, 酸酸的幾開胃而且pizza是即焗的, 上枱時算熱, 以快餐質素來說合格有餘再來的是芝士焗菠菜龍利柳意粉龍利柳的份量不少, 每人也分到兩三件, 而且焗後還keep住肉嫩, 當然, 魚柳很難會鞋口..不過菠菜全是黃黃綠綠, 而且很乾的樣子, 是因為煮得太久了吧芝士汁

夜晚7點左右去到，人不算太多，大概半滿，兩口子諗咗一輪，嗌咗兩個pasta、一份小食、兩杯野飲，職員俾咗個牌我地就搵位等野食唔洗好耐野飲就到，16oz其實都幾大杯，之後三樣野食一齊到，一放低已經聞到好香1) 芝士青口意粉意粉味略嫌淡了些，青口都幾大隻，男朋友覺得青口欠缺鮮味不過可能佢加哂芝士香料感焗，我又覺得味道ok!2) Carbonara咁多Pasta我最鍾意Carbonara，去親新試嘅餐廳我多數都會叫黎試，Euro gogo嘅Carbonara味道不屬Creamy，配上勁多煙肉碎粒 + 火腿粒，味道不錯如果唔鍾意太creamy感覺嘅呢款就不錯啦不過不是我鍾意的味道，我鍾意creamy小小，Carbonara我始終覺得Pizza Express、Piccolo同caffe HABITU好味啲3) 蜜糖雞翼好味熱辣辣，我食雞翼好怕啲淨係得層皮有味ga，呢個食到入面啲肉都好夠味，表面蜜糖經過焗之後有小小脆口，正份量好夠，我碟Carbonara都食唔哂，埋單$174，都幾抵食，食完走嗰陣 (around 7:45pm) 已經坐滿哂人。

與友人相聚在 Saturday 的 tea time.多人, 四圍環境嘈雜, 周不時有人在附近行黎行去.不建議 tea time 在此傾偈..尤其屯門這間, 開在 '街邊' 似的...honey chicken wings~, 好多蜜糖ar! 成個兜都係!好甜好好味~應該連同honey 一齊整, 而唔係最後加d honey 上去~連d 肉裡面都有honey 味~ 好入味~chicken wings 又有好多肉汁!$3x 元tea set, 算係好高性價比! 熱檸茶不過不失.友人點了薯皮, 佢話ok, 不過不失.