euro go go

營業中

休息中

聖誕節當日去到，一去到門口帶位灰色衫個位男主管個樣已經好西面，叫完野食之後坐低，我見杯野飲錯左，我同佢講話落錯左order，佢既語氣好似想同我對質咁，野食係唔錯，係卡邦尼意粉口感有d黏，蒜容包幾好食，鹹淡適中幾脆口，但主管服務態度個度真係扣左分，以後唔會再去沙田分店

一入去就行左去室外既用餐區(唔係禁煙，而且廚房既抽風設備非常嘈吵)，我地決定入翻室內坐，坐之前問左問個侍應係米坐得，洗吾洗出去等，佢彩都無彩我我地之後坐底左，諗左一陣食咩之後，竟然另一個侍應叫我地「重新」等過，一係坐翻出去(語氣真係..)，我地最後決定離開。

今日Lunch想自己一個人靜靜哋食，所以近近哋揀咗連城Eurogogo。一到放飯時間，連城間間餐廳都要排隊等位，好彩我行得快又一個人，所以都有位坐 。今日食咗1)蘑菇湯,蒜蓉包($6)(2)蘑菇肉醬意粉($43)基本上點完餐好快就有湯飲，天氣凍飲熱湯即刻成個人暖哂。蘑菇湯非常熱，裡面會有唔少嘅蘑菇粒，而且都幾杰身，味道ok，比平時茶餐廳嘅白湯好飲。我好喜歡食依度嘅蒜蓉包，因為包上面嘅蒜蓉牛油會落好多，一放上枱，就聞到好香嘅蒜味，非常吸引。另外一個重點，依度嘅蒜蓉包係好夠熱，唔似其他餐廳整定哂而擺到凍哂。主角-蘑菇肉醬意粉，我揀依個係因為想食少少酸野開胃少少，其他意粉感覺上好滯。意粉係即焗嘅，所以有等耐少少時間，平時喺其他地方食即焗意粉淨係得好少汁或焗到好乾身，依度就啱啱好，醬汁足夠撈哂成個意粉。蘑菇肉醬嘅份量都有唔少，唔會淨係得幾粒。味道上我認為蕃茄味比較甜，酸多少少會比較好。$49有意粉、有湯、有蒜蓉包，味道屬於中上，性價比幾高。

好早之前想食，幾次經過都無入去。剛好我有個挑剔的friend子，刺身生嘢唔食，辣唔食，普通西式便餐應該啱佢吧。招牌蜜糖雞翼，又真係幾好味。焗時正好，keep住啲肉質口感，蜜糖淋得大方，沾滿蜜糖的雞翼食幾多都得。朋友鐘意食菇，煙肉芝士焗蘑菇，鮮茄煙肉香腸蘑菇意，菇，全部都係菇。焗菇多肉，味道剛好，合我這種口味唔重的人。茄意一般，不過不失啦。半百寶pizza，最遲上，食得已經半飽，中規中矩，料還算多。蜜桃茶送的，清清涼涼幾好飲。紙碟膠杯雖然方便，但，一係唔環保，二係無重量，勁易撞跌。免加一的情況下可以接受。沙田間Euro go go好細，而圓檯又細過道又窄，一個正常體重嘅女仔都是收腹深呼吸先行到入去，個檯嗌多兩樣食物都擺唔落。隔離個女人出出入入，個手袋fing下fing下，撞灑我杯水，整到我成條褲同袋都濕晒，認真，食飯食到咁，好無癮囉。我係咪要慶賀好彩果杯係水唔係蜜桃茶？做生意講求利益成本，但都照顧下食客的體驗啦好嗎？兩檯間距再多個五厘米就可以避免這種意外再次發生。

今天經過沙田就隨便在連城廣場找點東西吃吧，因為很久沒吃西餐就走進去吃意粉。我點的是卡邦尼意粉配忌廉湯和蒜蓉包，點完後發現後面有露天茶座，但四面都是牆，但至少比裡面涼快……意粉要等10分鐘左右才上菜，有點慢，可能是中飯時間，人比較多。忌廉湯先上，忌廉湯有點稀，味道一般，簡單點說就是行貨。蒜蓉包還不錯，醬汁有塗滿，很脆口。但主菜的意粉卻有點強差人意，剛上菜看著賣相不錯，感覺應該不會太差吧，結果是芝士好像沒來得及溶化一樣，吃進口裡口感像漿糊一樣粘粘的，但味道是還不錯，火腿粒也很多，所以是人太多要趕進度?還是運氣問題?反正下次去pizza hut也比這家好吧……

第一(二)次食評，上次唔Approve，今次出到世嗎?已經好耐無去過Euro Go Go ，仲記得讀大學時，食朗豪坊嘅Euro Go Go 已經係件好開心嘅事，又熱又甜嘅蜜糖雞翼、又脆又薄嘅 Pizza! 畢業後，好耐都無去食過，今次有機會再一次去食，重拾回憶！星期日約12點幾到，好好彩裡面有一張枱比手地5個坐，其實外面有陽光位，但大家已經太攰，一坐底，我已經超級興奮揀野食！蜜糖雞翼、薯皮無得走、朋友們就揀左卡邦尼意粉、番茄海鮮闊條麵同百寶Pizza同芝士煙肉焗蘑菇！蜜糖雞翼一如以前水準，只係有少少雪味，而薯皮可以話係無懈可擊倒我地食嘅係雜錦，有雞+吞拿魚+芝士煙肉！我食嘅係芝士煙肉，熱辣辣好正，又唔會太乾；跟住係意粉，我嘅記憶，佢都意粉一般，點知卡邦尼意粉就真係麻麻，無味之餘，個汁好「結」，佢嘅白汁可以不吃。但驚起嘅係番茄海鮮闊條麵，味道香甜之餘，仲要闊條麵質地OK，只係唔好expect好多海鮮料番茄就真係好多！最後仲有芝士煙肉焗蘑菇，蘑菇保持Juicy，食到停唔到口！整體嚟講，小食好好，最緊要樣樣食物都夠熱，快食好味選擇，今次只飲凍檸茶謝，OK 啦，下次要飲返咖啡同特飲！P.S:

因為太晚才外出吃晚飯，所以在連城廣場的餐廳很多都過了last order，唯獨euro go go還未關便衝了進去。時間都已經不早，但餐廳內還有頗多用餐人士。因為都吃過了好幾遍，所以自然而然很順利的點了餐。一如以往，點了餐便拿號碼牌等候。坐下沒多久，店員便給些即用即棄餐具(這是自己擺放的，裝模作樣)千島海鮮pizza($45 半份)是我每次到euro go go必點的食物。熱烘烘的食物本來已經很吸引，更何況有大量的海鮮(蜆丶蝦丶魷魚丶菠蘿)，濃郁的千島醬，還有能拉絲的芝士。誰能抵擋這邪惡的芝士這就是我必點的原因吧！哈哈第一次點這個菠菜汁龍利柳闊條麵($58)。本以為菠菜汁應該是綠色，但原來是白汁加菠菜而成。略嫌不夠白汁，雖然不是每一條麵老能掛起汁醬，但是麵條煮得剛剛好。龍利柳的肉質不會太散，亦沒有一鼓雪藏味。卡邦尼意粉($50+$5芝士)常點的卡邦尼意粉，沒什麼大驚喜。那些肉粒應該是火腿粒吧。不過還是要不嫌其煩再說多次-芝 士 真 的 很 足 料，$5加得很值！看看那被拉起的芝士，是多麼的吸引，是多麼的不可抵擋。芝士迷的我，被芝士迷得暈暈昏昏了，完全失去了抵抗能力丶失去了理智！這頓飯完

星期二晚上，內子OT到8時才回到沙田，兩口子就隨便去了連城dinner。這裡吃飯的步驟是：先等位、後買票、而後等送餐。由於已經8時多，筆者和內子都特別餓，所以一口氣點了4款食物加1杯飲品！肉醬意粉可能早就焗定，坐下不久就到了。肉醬味濃，少汁略「杰」，份量不少，足以令兩口子飽了一半。香辣雞翼緊隨其後，筆者偏愛它的辣汁，雞肉嫩口得來，格外惹味。這個超級薄餅，味道不算特別突出，主要是多配料，令人感覺特別豐富滿足。蒜香雞薯皮的味道出奇的吸引，可能是因為筆者偏愛蒜香，即使已經很飽，亦再嚥下兩塊，不過要小心薯皮很飽滯...蜜桃冰茶比想像中要香甜，有紅茶加果香之餘，還有蜜桃肉可以吃，感覺比起檸檬茶更抵飲。

上堂前食D野先, 是但入左呢間, 因為價錢唔貴, 而且坐得幾舒服.飽肚D就要左個白汁香腸火腿蘑菇意粉$43, 價錢黎講唔算貴, 份量亦夠多. 意粉煮得腍左, 撈埋白汁就變左一PAT PAT, 口感麻麻. 而味道就火腿同蘑菇正常, 但其餘腸仔同D白汁都好咸, 所以整體食完個口好咸.我情願佢淡可以加芝士粉或者辣椒仔, 但咸就真係唔知點算好.

同老公趕去睇戲！要吃快、靚、正首先食個蕃茄意粉！個人應爲個意粉好酸！唔太習慣！汁又太少好乾！不好吃！另一個白汁海鮮意粉都還可以！但海鮮完全無味似過一過水再加個白汁！其實兩個都不是太好吃！平時見佢好多人吃！以為好好食！原來係失望的！不會再吃第二次！

今天難得放假，約好朋友到沙田逛街。在火車站出閘後，(由細到大都係叫火車站，改唔到口呢！)先在連城午餐，然後慢慢逛街。來到這飲食樓層，餐廳眾多，選擇困難症又發作。這餐廳門口放有餐牌，一目了然，讓人放心。由於今天不是紅日，很容易找到梳化座位。可是大家食量不算太大，點2個餐，份量太多了。最後點了1份意粉套餐，再加錢追加飲品，1份小食及甜品。付款後，回座位慢慢聊慢慢等。餐包蒜蓉包大大塊包包只是略為烘過，拎上手軟棉棉。蒜味夠勁，但好多油。白汁香腸火腿蘑菇意粉白汁較稀，粘度不足。盤底的白醬更加是液體狀。是焗的時間太短？還是烚完意粉後，没有FING至乾身?香腸火腿味道較淡，意粉軟硬適中。四十几蚊，不會要求太高，但整體來說，比茶餐廳好好多了。煙肉芝士焗蘑菇不是新鮮蘑菇，似是罐頭菇。大大粒的蘑菇表面, 有好多金黃色的芝士和煙肉碎，雖然好香芝士味，但煙肉味不濃。整體唔乾身，底部仍有水。加9元即可享用香蕉班戟，真係好超值。外表大大份，中間是CREAM及几片香蕉。CREAM不算太甜，没有蓋過香蕉的甜味。只是太膩了，幸好只點了1份。餐飲　咖啡香味不足但比較欣賞這紅色攪掍。真係可以當吸管。全單102元, 價格合理

一直都未試過呢間野，今次孩子見到話想食薄餅，所以就一定要試下！ 我覺得想食下快餐，呢間都是一個好選擇，又快，食物質素都可以檸檬飲品，無特別 菠菜龍利柳扁意粉，都幾好，呢個價錢都有好幾塊魚柳，份量都可以 就是呢個心形pizza吸引左我個仔，我覺得好食過某間pizza店，仲要100不用勁大個，但可惜個邊焗到黑哂，又勁硬，搞到有苦味 青口就一般了，熟得制但總括已說，我覺得值得食的，又不太貴，可以一試唷

這日去沙田踩單車，出發前便選了去這裡食個餐叉足電再出發　通粉用個透明膠桶裝，樣子很頹，不過係好食嘅，有很濃的蕃茄汁味道，軟硬適中。咖啡也不過不失，但味道若可再濃些更好!

裝修完環境企理咗之外，野食都有進步！難得！四式蒜蓉包。繼蜜糖雞翼之外，這個變成我新的最愛。四款不同口味，吞拿魚、雞、牛、番茄肉醬，都好味。包邊烘得脆。索價有點貴但⋯好味就抵番啦。焗煙肉磨菇，哈哈其實食果陣時肉還肉、菇還菇啦，唔好太大期望。都幾鹹，食完口渴。

今日約左寶貝呢頭開飯~下午茶時間諗住好易搵位,點知周圍都好多人~最後見到呢間入面有位,肚餓到冇得頂~所以就入左黎坐~睇睇餐牌~意粉薄餅小食乜都有~~~睇左陣點左D心儀美食~喺櫃枱點完餐,冇耐食物好快就上枱~服務員拎食物過黎~噢~~真係估唔到係用即棄用具~!我真心唔係咁中意...好好地一間餐廳~何苦咁唔環保?!可能店細~為求多做生意~所以容納唔到洗碗位置..放眼望去食品大多叮叮焗焗~冇乜難度.但求做到基本就收貨~!煙肉焗草菇 - 唔知係咪放得太耐,所以D菇出晒水,夠熱但係唔好味黑椒鷄翼 - 鷄翼夠大隻~好有肉地,而且一D都唔乾身~仲有肉汁~! 一睇就知佢好夠火喉.同埋好強的黑椒味~愛重口味的人有福了~卡邦尼意粉 - 好一般的味道~卡邦尼叶唔係咁香濃.忌廉湯 -明明落單係粟米忌廉,最後黎左係磨菇忌廉,OK~唔緊要~只係浠浠啖啖的~忌廉味得少少~有點失望香蕉酥 - 算係全店最高技巧的款式,即點即整,外層酥皮焗得脆脆地,可惜入口冇乜味~!入面加埋唔夠半隻蕉..好慳皮~!半份至尊pizza - 王店最多料的至尊pizza,材料睇上去唔豐富~可能係我地諗得多左~入口味道好鮮~感覺上D豬肉冇經過太張