euro go go

營業中

休息中

番工前，同bf去euro gogo搵嘢食先😊叫左個凱撒沙津，只有菜同麵包，都ok既！仲有蜜糖雞翼，因為凍左無咁好食，要趁hot食！外皮烤到脆脆地，加埋蜜糖，真係又香又脆又好味架！仲有入面啲肉唔會乾身，好多肉汁架！呢個腸仔肉醬意粉…就真係叫錯左啦😢我居然將腸仔自動理解左做辣肉腸😢😢😢咁都唔係大問題既，問題係佢真係好酸好酸😢😢同bf都覺得…真係叫錯左…呢個係牛油蒜容包😂好香好脆！最重要面果層既牛油蒜容搽得均勻呀ma😊

友人請吃飯，左想右想就來了這間Euro Go Go。我們叫了一個菠菜龍脷柳意粉，煙肉蘑菇薄餅(半份)，兩個都是跟餐(沙律/蒜蓉包+蘑菇湯/可樂)。餐湯是蘑菇湯，質地不會太稀，不會有加了很多水那種感覺，但就是鹹了點。。。沙律味道則不錯，菜感覺也新鮮。友人選擇了蒜蓉包，很香很脆，正!!!菠菜龍脷柳意粉的龍脷柳極鹹，意粉及醬則正常。煙肉蘑菇薄餅，因為早料到有煙肉會有點鹹，所以也是能接受。現在回想龍脷柳 加 煙肉蘑菇薄餅 再加上 蘑菇湯 真是鹹上加鹹，很重口味。另外叫了一個煙肉芝士薯皮。我們因以上的鹹食有點心灰意冷時，這個薯皮卻令我們喜出望外!!!!!!!!很重要的是上面有茄汁，令薯皮味道比較有層次，不會如其他食物般 '一味得個"鹹"字'，而且不會太乾太膩👍👍👍❤Waiter成程笑笑口，服務不錯，而且平日去人不多不用等位。

下午茶餐加$8就可以㨂冷熱手沖咖啡，加$9有通粉 》都幾抵三色薯皮：啲汁比較酸，好開胃香辣雞翼：幾入味，但好多油加錢既通粉：湯底係羅宋湯，冇欺場。朱古力咖啡：冇搞暈，一飲就好苦，搞暈左就甜苦適中

Eurogogo @ citylink1.辣肉腸火腿煙肉意粉 2.煙肉芝士薯皮3.蜜糖雞翼👍辣肉腸意粉,其實個辣肉腸就一d都唔辣,味道偏咸,意粉既軟硬度適中。芝士薯皮不過不失,配搭少量茄肉,茄肉味道唔錯,冇嗰種難食既草青味,酸酸甜甜,唔錯!!但係如果可以多番少少茄肉,咁個薯皮應該就會更加好食!最後就係蜜糖雞翼,呢個係去eurogogo必食!果然冇失望!焗既時間岩岩好,啲雞翼既肉質好嫩滑,配上甜甜既蜜糖,so sweet😙最後飲埋杯伯爵茶,滿足!!P.S個人覺得沙田分店既蜜糖雞翼比起朗豪坊分店整得較為好食!因為朗豪坊嗰間,味道會偏咸左少少。但係service方面,朗豪坊既店員會較為親切同有禮貌d!!😊

雞翼食落無咩蜜糖味，雞皮好像丁岀離皺哂甘，不過都算滑。個沙律菜都算新鲜。個湯跟餐送，得個咸字，超唔好飲，我飲左兩啖無要到。原来只叫半份pizza,個收銀講加六蚊有餐，跟湯跟沙律，我就try try啦，中招。個pizza熱食都幾香口，又脆又有芝士味。之後食左隻雞翼就已經涼左就一般，饀小得辣肉腸。叫左杯荔枝特飲，有三粒荔枝果肉幾清新，夏天飲幾適合。

之前係門口行過幾次都無行入去試，覺得太似快餐店，但原來都幾好食bo !蜜糖雞翼($38) 有五隻，蜜糖多到仲勁過自己bbq 落既。你見到d雞翼咁"ling"身就知lol 我自己就覺得甜左少少，但入面d肉焗得好香，出面d皮又好脆bo ,而且加左少少黑椒，所以都好香口。

沙田呢間eurogogo幾特別，有露天座位揀，但怕蚊怕熱怕曬的我當然揀番室內。我地3個人叫左3樣野，半份千島海鮮pizza，芝士呑拿魚意粉，香辣雞翼。千島海鮮pizza：個薄餅皮好脆，上面d料好多好正，加埋我最鐘意嘅濃郁千島醬真係冇得輸！芝士呑拿魚意粉：冇咩特別，意粉最尾食，因為有d飽，食唔哂。香辣雞翼：雞翼個汁真係好正，好濃味，但食唔到辣味。仲加左杯桃茶同荔枝茶，2杯都各自加上幾片桃肉同荔枝，唔錯，幾濃味！總括而言，pizza同雞翼真係冇得輸，好正！下次黎一定會再食！

中學既時候，幾乎日日都去Euro Gogo 食飯，成日都比人話好奢侈，但我解釋比你聽點解我日日都會去食！😍😍😍個人認為唔同地方既Euro Gogo食物質素相差不遠，而我最近食個間就係沙田。先講環境，有室內同埋室外座位。個人就比較鐘意室外，因為室內有少少逼。不過臨近夏天，都係係室內涼下冷氣！我同朋友分別叫左一個蜜糖雞翼、芝士青口意粉同埋白汁煙肉意粉。先講個雞翼，熱辣辣整出黎再加埋個汁，真係一流，係我試過最好味既雞翼，極力推薦大家試下！芝士青口意粉既青口焗得非常香，係我必叫既意粉！白汁煙肉意粉就不過不失啦！但兩個意粉有個共同問題，就係太滯喇，芝士白汁都非常之濃。但我覺得等菜時間有少少耐，可能係因為要即整所以要花多d時間。但野飲等10幾分鐘就有少少誇張喇！總體黎講，我覺得Euro Gogo係一間質素好既連鎖餐廳。雖然好多人覺得貴，但我覺得抵！

由於今日食飯時間 有成兩個鐘，我出 左沙田連城商場嘅 euro go go 食，上 次食euro go go 係 喺筌灣，今次食比 上次食平得多，今 次係$6x per one,但 係份量比較少，啲刀刀义义，杯杯碟碟都係用紙具，我諗呢個就係平啲嘅原因，但係我唔理，最梗要好食。今次叫左泡沫奶茶飲，我就覺得冇咩味啦，好麻麻姐，但係我又叫左磨菇湯，個湯就有料到啦，好重磨菇味，好creamy，我就覺得一流啦，之後仲叫左個栗米肉粒意粉，都唔錯，個白汁做得好好，又多栗米，又多肉粒，就係咁簡單，就係咁好味，最後仲叫左個千島海鮮pizza半份，呢個pizza係我覺得最正嘅，個千島醬同啲海鮮好襯，可能你會話到到都有啦呢個，但係我覺得係eurogo go 呢個先有咁多海鮮，堅係啖啖都一大啖海鮮，好爽，推介！

聖誕節，因為太遲出門，原本想食的餐廳已經full booking，只好去其他地方覓食。朋友覺得聖誕應該要食啲西式啲既野，我就突然諗到Euro go go，反正未食過，一試無妨。來到門口都幾多人排隊，等左差唔多半個鐘先有位，無辦法，聖誕節，度度都多人。價錢都唔係特別平，不過我地原本想食果間更加貴 打算聖誕，豪一次我地見個意粉好似好細咁，我又想食pizza，就每人叫左一個意粉、半個pizza，同一杯凍朱古力。買野食既時候，收銀好似覺得我地兩個好大食咁，望我地既眼神有啲怪哈哈，可能係錯覺。約莫20分鐘野食就到齊了，熱辣辣，都幾香。我地兩個都係叫卡邦尼意粉，而pizza，我叫左夏威夷，佢叫左煙肉蘑菇。我覺得個意粉唔係幾夠芝士味，但上面的火腿、煙肉碎鹹鹹地，撈埋食幾好食。Pizza我就覺得芝士太少，而且批邊都幾乾下，小小硬有啲難咬。朋友就覺得佢個pizza好好味。原本以為個意粉咁細一定唔夠飽，點知食食下又幾”濟“可能因為一路飲朱古力，杯朱古力都幾”漏“ 結果剩低4件pizza，想打包，問侍應拎個盒，佢就問我地係咪要拎走，仲幫我地包埋服務態度幾好 杯朱古力真係好漏，拎住飲，飲左成晚。總括尼講

芝士煙肉磨菇，無乜味，帶油，感覺加蒜鹽會更好味田螺焗薯茸，此食品感覺只能飽肚用pizza兩種口味，夏威夷，煙肉磨菇 好好味，脆脆邊有口感，滿滿既料…又平又抵食蜜糖雞翼都好味，平又算多隻，真抵食!! 唯一怪怪地係底盤有水芝士菠菜龍脷柳意粉，淡淡芝士配上菠菜，感覺又夠味了！卡邦尼意粉，冇味，連火腿都淡到爆吞拿魚焗薯皮，值得一試!!好味，有特色，創意之作，口感不錯叫到滿滿一桌都係4百頭，一行5人食得好開心又坐得舒服…傾計一流!!! 但飲品熱朱古力真係唔得，需要改量一下囉

今次三個人去食沙田既Euro GoGo 都幾唔錯 下次去沙田都會再去食今次叫左蜜糖雞翼、蒜蓉包、番茄墨魚意粉。仲有一人一杯咖啡。蜜糖雞翼系幾好食既，arm arm焗起，塊雞皮好香好脆，上面搽左一層幾厚既蜜糖，夾埋一齊就好香，好有自己去bbq arm arm燒好既雞翼既feel. 一黎到我地三個人都忍唔住立即食翻一隻。我地幾個都中意食甜，所以就好中意呢個雞翼，不過如果唔系好中意食甜野既朋友，就未必中意呢個味道啦。至於呢個蒜蓉包，就系我地三個果餐最中意既果個小食。我地本身都係中意食軟軟熟熟既麵包，出面既餐廳既蒜蓉包好多都整到好硬或者好脆，搞到個包好似塊餅乾咁，得個脆字，無曬麵包本身既感覺。但係呢個蒜蓉包就keep得翻麵包既texture，上面既蒜蓉焗到好香之餘個麵包中間都仲系軟綿綿。正!食野又點可以唔飲野呢？我地一人叫左一杯咖啡。呢度既咖啡就普普通通啦，無咩驚喜，但味道都系唔錯既。

因為係沙田工作的關係，有時三餐都係沙田解決真係在所難免，不過偶然去一次Euro go go食飯我覺得已經好開心好滿足，因為我好鐘意呢度的野食=v= 雖然呢間只係連鎖的食西餐野的地方，但係食物的出品真係唔差架！今次我分別要左三色焗薯皮、香蕉朱古力慕士，野飲係凍朱古力首先講下三色焗薯皮先啦！佢係有三隻味的焗薯皮，我最鐘意係焗芝士果一款，芝士份量好多，好足料好好食！另外煙肉果款都好香！好食！而香蕉朱古力慕士亦都超級好食，雖然慕士都算係好多cream的甜品，但係呢個creamy得黎又唔會好似一pat野咁，食落仲要好有層次，不過食落都幾飽肚架哈哈去到野飲方面，雖然凍朱古力聽落好像只係普通野，但係呢杯真係好好飲呀（我係朱古力癡...）杯野飲加左cream，不過飲落唔算好漏，甜甜地味道適中！雖然我冇要到特濃朱古力，但係朱古力都好strong！推介！！唯一一樣要彈的係... 呢間餐廳真係好唔環保呀！餐具全部都係用完即棄的膠叉膠碟，搞到我每次食完個心都唔係好舒服 希望可以盡快解決呢個問題啦

Euro go go係一間西式嘅食店，佢主打係意粉同pizza果啲，我就驚熱氣叫左個卡邦尼意粉食，幾重料咁，不過食落同其他餐廳嘅卡意冇咩唔同。不過食呢間個人認為係食個環境，因為佢都裝修得幾高貴咁，好岩中意浪漫嘅朋友。只係個收銀唔太友善，可能多人佢有啲唔耐煩咁。今次同行嘅朋友就食左件pizza，反而好似唔多足料，多餅少料咁，食落唔多夠味，不過呢個價黎講其實啲野食算係幾好同選擇都足夠，值得一試。

Euro go go 在沙田連城廣場屹立不倒，儘管周圍的食肆不停易手，商場變得面目全非，它仍是始終如一地陪伴我們沙田區的居民走過那些年。小時候總喜歡嚷著媽媽要到這裡開餐，除了因為光是在電梯口已聞到它的食物的香氣、食物很美味可口之外，更是因為它價錢經濟實惠，不像其它西餐廳般動輒都要過百元。直到現在，這裡仍是我們的飯堂之一，但是卻加多了一個原因，就是它的選擇較有彈性，要餐要散叫、要沙律要餐包、要飲品要甜品、要Pizza要意粉，任君選擇，隨你喜歡。或許就是因為這個原因，令它成功地留住不少熟客，無論是日理萬機的上班族，還是天真瀾漫的小孩子，以至愛湊熱鬧的年青人和喜愛寧靜的老人家，都愛在這裡聚首一堂。煙肉磨菇Pizza （半份）（$30)即叫即烘，製作需時，需耐心等候。薄餅底焗得香脆可口，口感像餅乾，有別於平時吃開的厚餅底。個人較喜歡這種餅底，感覺較輕盈。芝士平均地舖滿了表面，每口都充滿芝士的咸香和豐足的餡料。蜜糖雞翼（5隻）（＄36)雞翼外皮烘至金黃香脆，肉質鮮嫩，味道香甜，不過略嫌過咸。焗薯皮 （＄32）新鮮熱辣辣，入口時還燙嘴。挖空了的薯仔，連皮嚷入茄汁、芝士等一同放入烤箱烘至香脆，酸甜的