euro go go

營業中

休息中

而家下午茶餐真係好多選擇，今日我就揀左呢間，order左煙肉蘑菇薯蓉加蕃茄通粉配埋凍檸茶$53，個蕃茄湯好濃郁、薯蓉又多芝士😋，都坐得幾舒服，所以我都係呢度嘅常客🤣

很久, 很久, 很久沒來, 食物份量,質素及味道, 比以前好好多.試了新品: 蒜片鹽焗一口牛脷, 蒜片又香又足夠, 配合一口牛脷一同入口, 夠香夠惹味.香蒜蜆肉意粉: 蜆肉數量不少的, 而且意粉軟硬適中, 調味恰到好處, 份量又足. 沒有偷工減料又好味, 會想再來.

今日打風，好彩見到有開，帶住輕鬆既心情入去，難得唔洗大排長龍，員工安排我地坐低，坐低之後，另一個員工叫我地調位，因為阻住佢抺櫃，其實呢個時間咁多人食野，做乜呢個時間抺陳列櫃，之後果個老點我地既員工，又叫我地坐第到，仲要係都見唔到個位起邊。由於唔想再比佢老點多次，所以就隨便坐低，之後其他既同事，服務都好有禮貌。不過入門口個位員工，真係影響左食野既心情。而其他食物都非常好~ 不過今日打風無咁多人，所以都叫做食得舒舒服服，平時都會好嘈，今日終於可以食返安樂茶飯啦~ 另外，下午茶真係好抵食~ 而對比夜晚要一個double。因為而家係QR code下單，如果pasta item 可以加返餐飲，就會更好

今日7點過黎食。門口無人安排坐位，d人自出自入。枱面又無人執拾。只得收銀同埋兩個侍應。一昧掛住接外賣單，又唔serve堂食。手機落單話19：22上菜，19：22先送到杯凍鮮奶。其實唔夠人做就唔好掛住接單啦。

Euro gogo 不知不覺由中學到宜家食左無廿年都十幾年。環境都係不變，位就當然少少窄，但都叫乾淨。出面有個自助區，可以拎下水，餐具同醬料咁，但個凍水壺就生曬漬。。。得閒要搵漂白水浸下至得。。。pizza可以叫半份係優勢，啱胃口唔大又心思思試下多d野食架朋友。餅乾式批底方便易做，又香脆d，仲唔會質飽人。批料係豐富，match得幾好。但餅底痴住一大舊黑色野。。。我估係燶芝士掛😂雞翼有得揀多汁😋size都算大，入味，又唔會好辣。芝士煙肉焗磨菇都好香，但個底多汁水，可能。。。個磨菇用左水洗？？？定先烚熟再焗。。。？？枱上有得自助order對呢類餐廳係幾好，但好多人要係counter排隊就可能因為用會員🤔🤔🤔？？宜家好多餐廳每況愈下，但佢都keep到以前架質素，其實已經代表廚房同管理層有好努力去做，相當難得。

今日同個friend去葵涌廣場行街街，行得攰想搵個舒服嘅地方坐低食個晚飯，於是我哋走咗去新都會廣場睇下有咩食，行行下見到久違嘅Euro go go☺️，見排隊人龍唔多，我哋拿拿聲跟隊，等咗一陣好快就有位喇。依家要自行用QR code下單，既方便又快趣唔錯。煙肉蘑菇薄餅半份 $56.-餅底非常薄脆，蘑菇份量比較少，感覺冇乜蘑菇味道，煙肉及蕃茄味比較重，可惜個面焗得唔夠乾，上面過濕只係餅底脆，口感差咗小小。芝士白汁海鮮意粉 $76.-面層芝士焗到金黃色，意粉煮得軟硬適中，份量又多，芝士白汁味道香濃，口感creamy，配埋蜆肉及魚塊一齊幾好食。.薯皮拼盤 $102.-有吞拿魚、蒜香雞及煙肉芝士各2件，薯皮焗得香口，餡料充足，唯一敗不嘅地方就係太多沙律醬，所以味道偏甜，咬落去嘅時候感覺一pat pat，口感唔太好。

當減醣唔食澱粉質，又要多菜嘅時候，真係每次出街食飯就係一個難題，要搵一間合適嘅餐廳真係唔易🤦🏻‍♀️一早知道要落葵芳附近工作，所以就搵定呢邊有咩可以啱食最尾，揀左呢度解決左我午餐嘅需要入到餐廳自己搵位，枱上面有QRcode ，可以自行落單（要即刻過俾錢）或者收銀位排隊落單都可以平日1100-1800會有set, 1400-1800仲有下午茶添揀呢度開飯就係貪佢有沙律，唔一定要意粉同pizza 午巿套餐連飲品+沙律/蒜蓉包最後點左慢煮雞胸沙律配芒果乳酪餐（配沙律及熱美式咖啡）$68 （無加一）賣相唔錯，同落單時照片唔會有落差套餐跟嘅沙律菜，同主菜嘅沙律菜係一樣，無分別嘅，只係份量唔同，菜都新鮮，沙律醬汁仲可以自由決定多醬/少醬/走醬，都好方便QRcode 落單人士👍🏻雞胸份量都多，夠晒蛋白質有時自己煮/出街食雞胸最怕就係好‘鞋’， 真係會無晒胃口，會以為自己食緊紙皮😂雖則餐牌有加‘慢煮’兩個字喺雞胸肉前面，但始終都要有個心理準備，預左佢會好鞋，未入咬得開，無期望就無失望喺無咩期望之下，食落去又ok喎，唔會覺得自己食緊紙皮，唔鞋易入口，當然一定唔會似食雞脾肉嘅嫩滑啦呢個質素，收貨無問題，如果

今晚去左Euro Gogo食飯，試左佢地個皇牌美食組合，包括🍗蜜糖雞翼5隻，🍝蘑菇肉醬意粉同🍕半個千島海鮮Pizza👑，仲有兩杯跟餐❄️凍蜜桃茶呢個Set份量十分足夠，而且價錢唔算太貴，總共$232元💰首先黎既係🍗蜜糖雞翅，醬汁口味偏甜🍯，但唔會過膩，越食越上癮😋接住係🍝蘑菇肉醬意粉，麵條有嚼勁，醬汁味道濃郁，蘑菇和肉醬既香氣交織出了一種特別的風味，加上意粉的韌度，味道相當不錯👍最後係🍕千島海鮮Pizza，混合了各種海鮮，口感都好香脆😍食曬佢都好飽啦跟餐有兩杯❄️凍蜜桃茶，茶味冰涼入口，帶有淡淡的桃香🍑好味！

琴晚同班好姐妹一齊食飯，到到都多人。就揀左呢間平價西餐店。由於我哋系繁忙時間過嚟，都要排一陣隊先可以入坐。Euro gogo 對於食素嘅朋友來講，系一個幾唔錯嘅選擇，因為有好多款素食揀，價錢又親民，而且質素唔差。最鐘意系食佢哋嘅蒜焗法包，蒜焗到好香，麵包又脆，芝士又多。食完都頂到下肚。百寶素pizza,不過不失。起碼pizza底唔乾，料又足。焗蛋批返而有啲失望，食唔出蛋味，仲有啲淡。意粉返而幾好食，個醬嘅香草味幾香。鐘意食西餐嘅朋友，可以來Euro gogo, 又又坐，又無限時。

曾多次光顧，試過各款食物，從未令我失望。服務態度好，食物選擇多，分店又多，呢個價錢有咁嘅質素好唔錯。充值會員卡更有回贈。希望佢生意興隆，再開多啲分店，遍佈全港九新界。

-◾️#炒蛋配鮮蘑菇+牛角包 HKD$45 凍歐陸咖啡 +$4非常清淡的炒蛋和鮮蘑菇炒蛋是剛好全熟的程度完全沒有調味 可以自己加幼鹽和黑椒蘑菇是燙熟的加入了黑椒碎調味牛角包比一般麵包店的大🥐上桌時微暖 吃起來外酥肉軟帶有牛油香很好吃😋附上獨立包裝的果醬和牛油🧈很簡單的輕盈早餐◾️#火腿香腸鮮茄湯通粉+牛角包 HKD$45 凍歐陸咖啡 +$4同上的牛角包😋湯底像蕃茄味重的羅宋湯不濃也不淡火腿絲給很多 香腸適量通粉加大大的牛角包吃很飽咖啡蠻大杯的！咖啡味比奶香重一點☕️覺得點少冰會比較好👍🏻牛角包👍🏻凍咖啡-(各項滿分為5分)餐飲分數: 🌕🌕🌕🌗🌑環境分數: 🌕🌕🌕🌕🌑服務分數: 🌕🌕🌕🌗🌑價錢分數: 🌕🌕🌕🌗🌑回頭分數: 🌕🌕🌕🌗🌑-#euro go go 📍葵芳興芳路223號新都會廣場1樓168-169號舖📞 2428 1168🕐 07:00-23:00

耐唔耐就會買呢間外賣因為真係好鍾意食個焗薯皮😂今日叫左2份pizza素食pizzza, 千島海鮮pizza薯皮拼盤 （有6件）肉醬意粉菠菜龍脷柳寬條麵Pizza真係好麻麻🥲主要因為薯皮先會食佢Pizza成日好淋，料又好少咁感覺食緊麵包咁完全唔似pizza意粉正正常常啦冇咩特別薯皮由細食到大可能有童年回憶卦間中就會想食下佢😂呢度total $350唔係特別抵3個人食岩岩好既下次再食佢可能係下年了😂

第一次試euro go go嘅下午茶~估唔到都幾多選擇，仲有得加通粉𠻹，同朋友一齊嗌咗兩份下午餐同一碟意粉1. 蒜蓉包餐+鮮茄湯通粉(+$10)🌟🌟🌟🌟蒜蓉同香草嘅香味撲鼻，個包偏軟身，外面烘到脆一脆，而且亦唔會太過油膩🌟🌟🌟通粉份量都唔少，湯底少少酸咁幾開胃2. 白汁香腸火腿蘑菇意粉 🌟🌟🌟🌟3. 焦糖忌廉燉蛋餐🌟🌟🌟🌟燉蛋夠嫩滑，但奶味比蛋味突出，而且個人偏好燉蛋層厚啲可以中和返焦糖嘅甜，呢個食落就有啲太甜

琴日打8號風球冇得出街食飯，今日簡直有放監既感覺。去左葵芳新都會食euro gogo 不過星期日又風後 好多好多人排緊都差不多排左半小時！ 見到menu有個二人套餐就叫左 $238 幾抵，不過要用電子支付 Euro gogo 既蜜糖雞翼都無得輸，焗得好入味芝士吞拿魚意粉👍🏻 雖然汁好多，不過大件夾抵食💪🏻百寶半份pizza,3件 兩個人食 份量岩岩好🥰整體黎講，euro gogo 集團黎講，各間分店都能夠保持水準的😃😃

一直都知呢間餐廳存在，亦每次經過唔同商場都滿坐，今次見有二人餐可以用電子消費券，呢間大間見唔太長龍，就第一次試下！今次試下二人餐，見都幾多野食，再加購多個沙律...等左5-10mins 就有位，坐低一陣大約5mins, 就已經上沙律同飲品，再多陣其他食物陸續上枱，對於趕時間8：30pm 先食到晚飯既香港人黎講真係好啱！💪加配沙律又唔錯，疏菜新鮮！荔枝茶及蜜桃茶大大杯好飲！菠菜魚柳闊條麵，份量夠大碟，魚柳啖啖肉，白汁夠濃！😌蜜糖雞翼焗得幾香，但覺得鹹左dd! 千島海鮮pizza 覺得餅底好好味，有咬感，即使開始飽我地仍然食晒甜品叫左香蕉及蜜桃pancake, 香蕉配朱古力，加上嫩滑cream，食埋甜品飽晒！好似食buffet 必叫既甜品！