EXP

營業中

休息中

💠海鮮忌廉湯意粉💠 $98 ___________________________恭喜大家又到咗星期六啦😊黎到EXP食返個lunch hea下先我發覺佢地ge意粉水準比以前高黎個意份軟硬適中又彈牙海鮮都食唔出有雪藏味 又多選擇個意粉湯底真係飲得 完全無味精ge感覺而且鮮甜 又creamy 湯意粉又幾得意 因為無咁heavy cream ge感覺 所以幾開胃🙈食物評分: 8.5/10____________________________環境開揚 座位寬闊 不過2人可能會俾人逼坐bar檯🙄 環境: 9/10服務員都好快手 會主動裝水 服務: 9/10______________________________餐廳🍴: EXP

上星期去又一城附近聽講座，開始前想去探下個姨順便搵啲嘢食醫下肚，行過而生仔鍾意食嘅嘢XP見到外賣好抵食喎， $68一個餐仲要有埋鮮果汁一杯，買返去同佢一齊食先！叫咗個芒果西柚大蝦蕎麥面，同埋煙鴨胸蟹肉蘆筍炒飯，唔駛等好耐就已經有得拎，返到去仲係熱嘅唔錯！打開飯盒，嘩一聲，估唔到做緊折都有咁大盒飯，唔大食嘅話一盒都夠兩個人孖份食！炒飯夠乾爽，又有香噴噴嘅煙鴨胸同有好多蟹肉，食得好滿足！再嚟呢個芒果西柚大黑蕎麥面，呢個係冷麵嚟嘅，質地又酸又凍，令人越食越開胃！對我來講鮮果汁先至係主角，呢個價錢包埋兩大杯鮮果汁真係非常之抵！叫咗Jade同埋Capital C,見到啲材料都覺得夠晒健康！果汁大大杯，可以慢慢飲，清新健康之選！

平時無咩去九龍塘食嘢🍴覺得呢間真係幾好味下次會去試pizza！🍕😆-🥭大蝦芒果西柚冷蕎麥面🦐原本諗住清淡啲冇咁肥先揀呢個😢所以原本無期望點知食落去完全係wow一聲🤩🥳好好味！好清新！🌬 賣相好色彩繽紛，喺蕎麥麵上面有三隻大蝦🍤好大隻而且剝左殼食落去脆卜卜好爽口😋仲有西柚，芒果，蕃茄🍅，全部蔬果都好新鮮😚蕎麥面嘅醬汁酸酸甜甜🍜全部野食落去都好夾☃️好滿足！-評分：8.5/10價錢：$96-🐷日式咖喱豬扒炒飯配炒蛋🥚相比之下，呢一味菜較為普通，就係普通食開嘅日式咖喱豬扒飯🍛豬扒外皮酥脆，肉質鮮嫩彈牙🐖啲炒蛋都幾滑幾香🥳但都係覺得太過平凡所以唔值呢個價😂-評分：7.5/10價錢：$90-📍EXP 九龍塘📍

受疫情影響，整個又一城冷冷清清，下午茶就選擇以往假日人山人海EXP。如今不用等候馬上有位先送上熱辣辣的菠菜煙肉手拉pizza，用料十足，味道天然，烤得非常香脆，滿意再來的是友人點的豬頸肉，與pizza相比略為遜色，可以不點。薯條只要是熱辣辣就加份。熱感十足，是可想像到的味道咖啡非常好飲，下午茶必點

九龍塘又一城出左名係美食沙漠，EXP係裏面黎講都算係好食，今次係為左食個pizza特登去嫁😋EXP嘅pizza係人手即叫即做嫁，因為個廚房係開放式嘅，所以客人可以睇住成個製作過程，個廚師搓完麵團再加唔同配料，入爐到出爐可以全程mon實👀一路睇一路等，好快就有得食🤗**********<大蝦牛油果醬薄餅> $98個pizza底係人手拉出黎，所以係不規則形狀，每一個都係唔一樣嫁😍依種pizza個底好好食，唔會好似啲又乾又硬嘅麵包咁🙃個面塗左千島醬同牛油果醬，再加埋大蝦、碎蛋同蟹籽，係幾match嫁喎！！！好食過🍕hut個啲好多，性價比幾高🙊

自己一向都好鐘意食手拉薄餅😍咁啱行開又一城 就黎試一試🤤-大蝦牛油果醬薄餅🥑佢menu係擺呢個pizza出黎😋應該就係最招牌嘅🙈同埋牛油果配蝦呢個配搭一定好好食😋所以就嗌左呢個💓呢到嘅pizza好特別 係橢圓形嘅🤤我嗌呢款望落去好Colouful🤩望到都好開心🥳-個pizza即叫即做😍個人最鐘意就係食厚批😚呢到嘅麵團係自己搓 焗到脆卜卜熱辣辣 食起上黎好軟熟🥰外脆內軟 好有咬口 唔會好似食麵包嘅感覺🍞仲好甜心將佢cut開左一舊舊😋唔洗自己切😎-每一份都好足料‼️唔只有蝦同牛油果醬🥑仲鋪左好多蟹籽 同埋蛋喺面🥰個底仲有大量嘅芝士🧀仲可以拉到絲架💓啲牛油果熟度啱啱好 個醬整得好creamy😍成個pizza口感好rich 每一款材料個味都好夾 配合得好好💯成個pizza食落唔會好油膩 好fresh!!!

係九龍塘成日都好難搵到有咩好食，一係太貴，一係就普通咗啲，同朋友決定試下呢間餐廳，第一次食已經有驚喜。首先就係冷蕎麥面，啲蝦好大隻，個汁酸酸甜甜幾開胃，蕎麥面質感幾好。相比平常食開嘅pizza，呢間用料足，唔會好厚，幾有咬口，至於份雞翼係後加嘅，因為見到好多人都叫咗，所以就忍唔住叫咗，真係好味，個皮好脆。

6、7個朋友係又一城食飯真係好難搵位，見EXP唔使點等，所以揀左係度食😂大家share食諗住叫10款8款野，但呢度食物嘅選擇唔多，同埋款式好大眾，好難揀落手 上菜速度快，賣相靚，不過味道就冇乜特別，一般西餐水平，但係又一城黎講，人均消費只係$180左右，都理解唔可以要求多多😬😬 不過如果喜愛食肉、或者想食夠蛋白質嘅，建議唔好選擇呢間，每款野都係多多澱粉（意粉、飯、Pizza餅底）、少少肉好似硯肉意粉咁，一碟只有4/5粒硯，其餘都係意粉，雖然個意粉軟硬度適中，都幾好味 hahaha

超抵食，質素高，有咸有甜，餐有時日沙律，炸鷄翼，肉醬焗薯角，cheese cakes, 每款兩件，兩個人食剛剛好，也不會太少，邊看溜冰，邊食下午茶，環境寧靜，很容易轉換一下心情。

二人lunch🍝🍕叫左二兩個lunch set一個肉醬意粉一個櫻花蝦pizza每個Set仲會跟埋一杯飲品🥤Pizza係櫻花蝦，好特別，份量十足仲有好多櫻花蝦！會再食肉醬意粉反而味道較淡落埋辣椒仔就會更好美兩個人食唔哂要打包😆

同友人相約一齊食lunch，平時已經有飲過喱間野既野飲，健康得黎好特別，連啲名都好特別，所以見佢有lunch set就揀左佢地方寬敞，幾適合邊傾計邊食下野一入去職員已經擺好兩隻碗、兩杯水，好貼心，唔駛問佢先比，大家share黎食都方便喇水牛城雞翼 $62喱個係另外叫既，出奇地好味推薦，雙雞翼係炸過既，脆卜卜，個醬又酸酸微辣咁，好開胃唔記得乜腸薄餅本人本身已經好大食，但喱個係本人都食唔晒薄餅係即烤，個餅皮同平時果啲唔同，可以一試味道唔錯ABC喱個係餐飲，紅菜頭、甘荀、唔記得加乜，好飲，好中意佢餐廳啲野飲我薄餅加野飲就$98，但個人覺得可以一試，幾舒服同享受

呢一間餐廳已經係又一城嗰度開咗好耐㗎喇，不過就唔係食過好多次。今次同朋友嚟到呢度，見到好多餐廳都排緊隊，所以就揀咗呢間啊，可能今日係星期日掛所以好多人。呢間餐廳呢就係溜冰場隔離，如果好彩坐溜冰場附近嘅位，就可以近距離睇到啲人溜冰。佢哋呢度嘅Pizza係長方形，兩個人食嘅話呢可能就多咗小小，建議三個人嚟食啦。除咗呢一個番茄pizza之外，好似仲有三四款嘅pizza。另外仲叫咗個疏乎厘，我自己都係鍾意pancake形嘅多啲。

今日係九龍塘開會，開完都已經好晏所以同同事就直接係又一城食埋晚餐先返去喇。之前都已經食過EXP，今次難得有影相就打埋食評喇。當然我哋有叫咗呢度出名嘅Pizza！ Parma Ham Pineapple Pizza 巴馬火腿菠蘿薄餅我幾中意食Parma Ham，加埋個菠蘿都幾fresh，而且芝士有輕微嘅拉絲感，整體來講幾好味！Clam spaghetti 蜆肉意粉其實我真係幾中意食蜆肉意粉，但又成日都覺得蜆肉意粉啲蜆肉殻仲多過啲蜆肉。入返正題，呢個蜆肉意粉幾好食，大家有興趣可以試下。

晚上係九龍塘上進修堂，次次上堂前都係食food court，今次豪d坐入餐廳食。呢間係西餐廳，環境寬敞舒服，隔離就係溜冰場，無聊可以睇下人溜冰。我和友人兩個人叫咗個蜆肉意粉，照燒牛柳粒，炸薯條和即焗泡芙班戟配雪糕。個蜆肉意粉好香，蜆肉好新鮮，意粉爽口，好清新。照燒牛柳粒配大蔥，帶點中式的味道，照燒汁好入味，牛柳粒亦煮得剛好，唔會韌。炸薯條就鮮炸熱辣辣。最後個甜品係即整，需時十多分鐘，我們食到咁上下就叫廚房整，所以送到過來都係熱辣辣。個泡芙班戟好香，好好味，加埋雪糕一熱一凍真係好正。今餐真係好滿足。

晚上要去上堂。得45分鐘時間食野，友人揀左呢間帶子墨汁麵。。帶子新鮮。。麵亦有彈性。。但食一啖要抹一次嘴。。否則會好搞笑。。泰式豬頸肉炒意粉。。辣椒味濃。。但好香口。。吾錯。。豬頸肉吾算好肥。。好淋。。。但如怕辣的。。不建議試香橙抹莉。。帶甜的凍生果茶。。味道清新。。吾錯西柚伯爵果茶。。。甜中帶少少西柚酸及苦澀味。。正兩杯果茶係解辣好拍檔整體黎講由落單。。上菜。。食完前前後後不用二十分鐘。。在該大形商場內。。佢定位正確。。以快，好味。。為招牌下次再到那商場。。不用再四圍揾食