EXP

營業中

休息中

假期嚟講，都算比較多人。見到依間餐廳出面排晒人，所以好想試。環境一般，好多小朋友裡面，但都等得比較少時間，但食物都算好味水牛芝士pizza 好好味菠菜火腿pizza 好乾同好咸份量嚟講，3個人絕對有找野飲叫左果汁甘筍，西芹，檸檬汁3個mixed 埋一齊，都幾特別。新鮮榨可以值得再試

近年都主張輕食風，岩晒我地呢d少食多餐既女仔😛真係每次食EXP都有好多人排隊，大概等左20分鐘就可以入座。先叫左個buffalo wings，不過味道酸多過辣，我同朋友都覺得麻麻地。見到menu上有喇沙年糕，即刻比個菜名吸引左😝有魚糕、半隻溏心蛋、沾滿喇沙汁既年糕，呢個組合既新鮮又惹味。特別要讚下年糕切到細細粒，可以一口一件岩晒女仔食啊！👍🏻講到最好味都係Margherita Pizza🍕Cheese Lover🙋🏻‍♀️Crust 焗得又香脆，麵包好軟熟，加埋軟淋淋既mozzarella cheese、番茄醬、basil，超級香，每人3件岩岩好🤤

以往通常假日才來光顧exp,今次平日來試試午膳，卻令人大失所望。😫這次點的是海鮮蛋白炒飯和日式櫻花蝦薄餅。海鮮蛋白炒飯份量足夠，惟味道略咸。至於日式櫻花蝦薄餅，餅底可口，但配料極咸，難以入口。相比以前的食物質素有明顯的轉差，十分十分可惜！😢但最令人失望的是門口負責叫飛帶位的員工，態度散漫無禮，不負責任。遺漏安排補飛（即超過輪候同隊五個票號）時，還指責客人不提醒他，又自稱繼續叫飛沒有出錯，更沒有指示該坐的位置，拂袖而去，服務態度其差。票號剛過，而餐廳內空位甚多，門外排隊的客人廖廖可數，要多等五個票號不是問題，只是從沒遇過如此無禮的前台員工，有損EXP員工形象，失望至極。😥但願假日的質素會有明顯的改善！😬

第一次來，本身想食件cake,但隔離Lady M要排隊，所以過來一試呢間餐廳的二人份下午茶。呢間餐廳都算大，而且喺正溜冰埸隔離，氣氛相當吾錯，但呢間餐廳坐椅偏魏，可能迎合一家大細，但正常高度的人未必舒服。今天試食下午茶套餐買相相當吸引，粗薯好好味，充滿芝士味，正，炸雞翼都吾錯，頗大隻，沙律菜新鮮，最正係芝士蛋糕，超好味👍🏻👍🏻👍🏻，價錢經濟，美中不足係飲品方面只可以加錢𨍭果汁，其他meau裡面的加錢都吾可以，有D失望😞

同夫家家人食飯揀左係又一城中心點食邊間有位就食邊間 結果就係食EXP我之前有食過午lunch同tea晚餐就第一次 我地五大一b水牛城雞翼酸度可接受 好怕食到d醉到眼都擘唔大既但分量少左d 好似$58碟 如果多一隻感覺會更好炸薯條 超級熱辣辣 好脆口羊肉沙律有驚喜喎呢個羊肉嫰口 沙律菜個汁超好味牛柳粒普通 起碼唔"un" 份量都有八，九粒烤雞串好普通 肉“葉”得唔係幾多味但烤得唔算乾 口感還可以泡菜芝士炒飯唔。。。唔撈芝士汁好食好多個芝士汁好奶無乜芝士味齋食個炒飯夠辣味墨汁帶子意粉食得出好重牛油起鑊味即係落左好多牛油好肥～～但好食 意粉軟硬度剛好我無食到帶子 唔知好無食牛油果醬大蝦pizza好食喎仲要唔貴 黎到係超級熱辣辣 個皮脆卜卜牛油果醬入口好fresh又有小小凍咁一凍一熱口感超級正 我食左兩件仲有呢個特飲drink list家人嗌左幾杯試 反應都幾好總結：餐廳環境略為嘈小小如果食飯for傾計不太適合另外 晚餐亦限時90分鐘所以上菜速度好快 適合速食overall食物質素，餐廳服務同價錢成正比

同朋友係又一城睇完戲，就順便黎 EXP 食午餐喇，貪佢地方夠大同坐得幾舒服，而且都好耐無食過。軟殼蟹沙律 ($72) : 每次黎都指定叫既食品，大大碟既雜錦沙律菜爽口又健康，加埋沙律醋味道酸酸地十分醒胃，而且軟殼蟹重係啖啖肉。👍🏻 👍🏻香芒米紙卷 ($62) : 無睇清楚就叫咗，起初以為係芒果大蝦做餡，點知黎到先知係素食黎 🙄 不過都試下，米紙包住紅菜頭、芒果、紅蘿蔔絲等配料，配上芒果醬食，感覺相當清新而且超健康，不過自己都係鐘意食芒果大蝦做餡多啲。大蝦牛油果醬薄餅 ($98) : 餡料十分豐富，有牛油果醬、大蝦、雞蛋、蟹籽等 ; 大蝦爽口彈牙，每食一啖都好滿足。鮮茄水牛芝士薄餅 ($88) : 蕃茄醬上鋪滿了滿滿嘅水牛芝士，雖然配搭簡單，但都相當滋味。蜆肉意粉 ($92) : 可能太水既關係，令到個汁味道欠奉，雖然意粉份量都多，但食落真係好似清湯意粉咁，有點失望。👎🏻 👎🏻酸果出擊 ($33) : 用橙、西柚、紅蘋果、百香果製成，只須 $33 蚊就有一杯鮮榨果汁，真係相當吸引，而且營養豐富之剩對身體好處非常多。

Too many people during peak hour, I guess the place is more suitable for family if you bring kids together. The food is just so so I must say as the dishes are not too cold and not too hot, makes me feel like cooked via microwave oven. Environment is OK but still too crowded during peak time.

今日開會開咗五個鐘，心情超級差，所以決定約朋友去食嘢同埋飲嘢。呢一間啲飲品好特別，全部都係用鮮果整成嘅！有純果汁，有水果茶！ 我叫咗雜莓茉莉茶，當我問店員有冇得少甜嘅時候，佢話冇得少甜因為全部都係水果糖！ 好新鮮呀好Fresh清新！朋友就叫咗西柚茉莉茶。同樣好清新好解渴我哋叫咗呢度出名嘅Pizza！ 牛油果醬大蝦pizza($9x)份量好多，而且材料好足，兩個女仔完全食唔晒。好多大虾喺入邊！ 同埋有水牛雞翼，水牛雞翼好鹹，同埋份量得四隻，有一啲唔抵食。我哋仲叫咗一個軟殼蟹炒意粉，成個感覺好日式，都係用咗日式嘅燒汁嚟炒呢個意粉！所以好似大阪燒嗰隻味呢個fusion都幾得意下！總括而言我鍾意呢度嘅嘢飲多個食物！ 因為呢度啲果汁真係好新鮮，而且配搭得好好！我見呢度有得外賣果汁飲品。相信下次我都會嚟呢度再買飲品

勁來冇去過九龍塘又一城食飯於是就試一試溜冰場隔離嗰間eXP餐廳睇吓佢嘅水準比起兩三年前有冇下降到啦睇吓個餐牌我就覺得呢比起以前係少咗好多選擇嘅，不過唔緊要我哋注重嘅會係食物嘅質素我嗰日就叫咗一個比較普通嘅意粉我叫ge嗰一個係燒雞肉茄汁意粉意粉上面有一啲磨左嘅芝士親個意粉仲熱嘅時候撈埋啲芝士，香氣撲鼻茄汁嘅味道唔會太過酸亦都唔會太過甜呢一樣野係值得一讚嘅依意份亦都煮得啱啱好唔會話好硬低又唔會話焾到似一餅野咁樣呢一個我都非常欣賞再講講啲雞肉先其實雞肉同埋意粉嘅份量係非常之多一個女仔應該未必食得晒嘅。但係雞肉呢就不過不失咁樣啦，唔算話太過特別不太鞋也不算嫩滑咁樣，就係普通嘅雞肉而已不過整體來講呢一個價錢配呢一個地方同埋服務質素我覺得算可以接受嘅。

想係又一城覓食，EXP係一個唔錯嘅選擇，lunch set $98 (再加一）已包一個主食和一杯飲品～我地一行三人，決定每人叫一個 lunch set 再 share 來食😚日式櫻花蝦薄餅餅面鋪上滿滿的櫻花蝦，每一啖都充滿住香濃嘅櫻花蝦，惹味十足～ 餅底夠香脆，芝士有輕微嘅拉絲感，整體來講幾好味！海鮮蛋白炒飯呢個炒飯色香味都比較普通，偏向家庭式嘅味道，好嘅點係佢唔會落好多油去炒呢個飯，所以算係比較健康清淡嘅選擇～溫泉蛋肉醬意粉味道濃郁，肉醬份量亦夠多，佢選用比較大粒嘅肉碎，較有口感👍🏻 唯一敗筆係溫泉蛋黃略嫌過熟，沒有流心嘅效果～ Deep green juice由羽衣甘藍、青蘋果、青瓜、西芹、生薑、檸檬製作成嘅 deep green juice 出乎預料地幾好飲！味道酸酸甜甜，又唔會有草青味，幾醒胃！推介！🥰🥰總結，推介日式櫻花蝦薄餅和 deep green juice ! 😊

每次去到又一城，餐廳門口都係人山人海，一路都好想知道佢有D乜野魔力，吸引到甘多人去等。難得今日早收工，終於有幸一試，性價比絕對係高👍🏻👍🏻👍🏻Pizza 口感唔錯，唔會焗到太乾，而且分量足夠，抵食🤤軟殼蟹新鮮即炸，唔會好出面D餐廳甘一早炸好哂👍🏻，所以整作時間比較長。意粉應該落咗醋炒，酸酸地，非常開胃。果汁絕對係e餐飯ga重點，果汁配對做得非常好，既可以開胃，又可以健康，重要只係$33杯，非常抵飲。性價比甘高ga餐廳，絕對值得推介👍🏻👍🏻👍🏻

平日夜晚大概7:00左右到,已經有好多人等,兩個人等左差唔多15-20分鐘就入左去lu用餐時間限制90分鐘,一共叫左三道菜:軟殻蟹沙津一座沙津山⛰大大舊既軟殻蟹就係山底,香噴噴既蟹加上泰式調味沙津口感一流又開胃Rating：大蝦牛油果醬薄餅薄餅焗得啱啱好,皮脆饀松軟,牛油果醬帶酸配上新鮮蝦仁令人食指大開Rating:其實食完沙津同薄餅已經飽到一個點,不過仲叫左一樣🙈迷你韓式炸雞漢堡三個分別既味道係柚子、泡菜、蒜香芝士，味道一般🤷🏻‍♀️🤷🏻‍♀️🤷🏻‍♀️Rating:食過幾次EXP,覺得食物都有咁上下水準又唔貴,唯一美中不足就係服務方面,由於食客太多,成日就等好耐先得到waiter既注意,落單時又無覆單confirm,結果將炸雞漢堡落左做雞串燒,如果能夠再留意下會比較好🙈

同同學返完學 下午茶時間出黎食個窩芙 冇諗過個窩夫咁高質🤤平時lunch time or dinner都見呢間排晒長龍 想食都要等返幾十分鐘..所以對EXP都幾有好奇心 有幾好味呢究竟？ 今次我同朋友好好彩 係平日下午茶時間 冇咩人 可以直接入去坐底👍🏻而家服務態度好好 會問我地洗唔洗坐近冰場個邊雪糕窩夫三文治雪糕味道可以任揀🤤窩芙又熱又脆 真係我同朋友都讚不絕口 而佢既抹茶味雪糕好濃 中意食偏濃茶味既人會好中意❤️整體黎講 好好味！

星期日既6:30pm黎到，已經好多人排隊，排左大概30分鐘，用餐時間係90分鐘。餐廳座位都幾多，而且位置都闊絡，感覺都幾舒服。1. 我地嗌左個大蝦牛油果pizza 🍤🥑評分: 8/10 有驚喜！d皮唔會太硬，口感唔錯 ！上面嘅材料都好開胃， 除咗有蝦同牛油果，仲有少少蛋沙律。下次會再試下其他pizza👍🏻2. 蜆肉意粉 評分: 4/10 一碟大概有8至9隻蜆，蜆肉冇乜特別。但個人覺得意粉比較硬，而且sauce唔多，味道唔夠。服務評分： 9/10整個用餐嘅過程中，服務員態度都好好，而且為我地不斷添水👍🏻👍🏻會再幫襯

來到又一城，要數最有特色就是溜冰場了。EXP在溜冰場旁邊，可以靜靜的看著大家練習，而且涼涼的，感覺很舒服呢！溫泉蛋肉醬意粉$78，意粉剛上桌的時候，賣相真的很不錯～之後蛋白就自動和蛋黃分離了！（驚）入口意粉稍硬，肉醬很香，蛋汁混和芝士後很柔滑，整體感覺不錯。日式咖喱豬扒炒飯配炒蛋$90，份量很足，炸得很香酥。唯一不足是醬汁不太夠～炒蛋很迷你，但勝在夠嫩滑！芝士焗薯塊配煙肉牛油果醬$62，牛油果醬稍微有點辣，不能吃辣的朋友要注意。焗薯有點熱氣，身體較弱的我，吃了幾塊喉嚨已經覺得有點沙啞。ABC蔬果汁$33，味道酸中帶蔬果清香，還有一點點果肉。可能是個人剛病癒，體質不給力，喝完覺得有點惹痰。整體而言，是食環境＞味道的感覺，整間店因為環境加分不少～