Explore Kitchen (已結業)

簡單來說:• 服務態度十分之差。感覺好似被人罵咁。唔明點解想開心食餐飯，但都要俾人黑臉同被人用好差嘅語氣對待，而我地係好有禮貌同有俾錢。只係問了恃應兩個問題，即時黑臉同好串咁回覆，務服質素低劣。• 啲嘢食全部好一般，唯一好味少少嘅係有個叫乜黃金蝦嘅嗰啲黃色嘅飯，其餘不吃也罷。不過全部食物都幾油，包括我覺得好味嘅黃色飯，另外，因為好多油，會令你以爲啲魚好滑。• 啲櫈好矮好唔comfortable，如想高返啲，就要坐另一邊(sofa櫈)。整體來說: 以後都不會再去，亦不recommend大家去，浪費時間同金錢，影響心情。完。

唔知幾時開始好變態咁鍾情啲靚女食物，難得今日有個靚女突然約小弟共進午餐，當然要去食啲靚女食物啦原本諗住食間以前食過，味道不俗，又不失靚女氣息嘅cafe，點知承受不住本人嘅黑氣，𢴇咗，慘...最後我地決定嚟試下依間大家都未試過嘅餐廳，裝修幾新簇，落地玻璃，木製傢私配以醒神陽光，令人幾舒服幾chill我地不約而同咁叫咗香煎沙丹豬扒伴火腿扒意粉配蒜蓉汁同意粉嘅lunch set ($68)甘筍湯 (跟餐)>口感麻麻，好鞋>甘筍味略遜==================推介指數 🌕🌕🌑🌑🌑麵包 (跟餐)>外形成個煎堆咁，送到嚟熱辣辣，脆卜卜，不過有少少燶>味道好香芝麻味>質感不俗>橄欖油同黑醋都麻麻，不香夠香 ==================推介指數 🌕🌕🌖🌑🌑香煎沙丹豬扒伴火腿扒意粉配蒜蓉汁 $68 (Lunch set)>個樣都幾靚仔>沙律菜幾新鮮，配上黑醋好醒胃>豬扒略韌，味道都算唔錯>火腿扒ok>意粉質感偏硬，輕輕炒過但不油，好啱我口味>蒜蓉汁另上，加分=================

約了好友談心想搵間舒適啲既地下食飯發現這棟新起大廈原來都有餐廳第一次來這裡因為6點半就到了 仲有好多空位後來愈來愈多人 好彩早到環境好舒適 好文青feel食物方面都好多選擇先叫了單骨雞翼揀左印第安味原來係有點蒜蓉味 份量都幾多雙層牛肉芝士漢堡牛肉煎得好香 仲好juicy大大塊芝士 半溶狀態下溶入牛肉到而薯條都炸得不錯黃金芝士大蝦意大利飯飯好有口感 好有蛋黃味值得一試日本水蜜桃雪葩好有驚喜 食落口好似食緊水蜜桃咁好清甜 非常滿足的一餐 環境好舒適價錢中等 份量又多 會再來啊

成日出旺角食飯好悶吓。今日啱啱行完油麻地果欄落旺角食飯經過一棟大廈望下個水牌有咩新餐廳先，揀咗一間explore kitchen 個名幾特別一於入去試吓,上到去原來係一間好潔淨整齊嘅Cafe去到嘅時候係7:00到望到街外嘅車來車往同埋個燈光都幾幾適合情侶到呢度食返個晚餐。兩個人order沙律加個小食炸魚薯條同埋一個burger +三文魚子醬蝦子扁意粉。沙律上面鋪滿左芝士煙肉碎沙、沙律生菜入口幾爽口。炸魚薯條有四件魚柳，魚係即炸嘅，入口鬆化。burger 係兩層牛肉size都幾夠份量，肉質juice 。碟意粉好有濃郁香嘅蝦味道。本來想叫甜品但肚子實在太full ，留返下一次再嘗。

很喜歡景觀開揚的餐廳， 今晚晚餐時間尚早, 搵唔到為食友陪食, 唯有毒L開飯做隻早食鳥。今晚很早到, 可以坐我最愛的開揚窗口位。嘩! 不得了， 薯條、水牛翼、漢堡包、牛扒、魚扒…….通通都想食添，怎算?!世外桃源（$48)Vodka 調教的雞尾酒， 配搭番石榴汁、桃汁及梳打，清新番石榴及桃香，Vodka 份量下得不多, 酒味不太濃烈，飲完爽曬。香煎加拿大比目魚伴黑松露汁 ($168)比目魚煎得金黄焦香，香噴噴上枱。比目魚跟銀雪魚一樣，魚脂油份充足， 煎出皮脆肉嫩魚扒無難度，比目魚由於唔太厚肉 ，肉汁又豐富， 入口很嫩滑，黑松露磨菇忌廉醬用新鮮蘑菇再加黑松露醬及忌廉打成， 黑松露及菇味很濃厚，唔太鹹， 拈剩嘅黑松露醬我當湯咁乾左佢。沙律則以意大利陳醋拌吃， 酸香爽脆。西班牙肉桂條伴雪糕 ($48) 好耐冇食西班牙油炸鬼了，肉桂條都係新鮮即炸， 灑上砂糖及朱古力漿上枱，香甜鬆化。肉桂條炸條鬆化

與朋友聚會多，有時也想自己一個人靜靜地吃個晚餐。這裏在旺市的樓上，餐廳的落地玻璃增加整間餐廳的透光度和空間感，居高臨下，獨個兒靜賞樓下街道的熱鬧，別有一番滋味。店員端上一個餐包，旁邊的白色空碟讓你加上自己喜愛的調味料。一個普通的餐包可做到如此鬆脆而不乾硬，加上滿滿的芝蔴的香脆，滿分之作，非歐洲的西餐廳可媲美。喝一口西班牙燴海鮮湯($98)，暖一下肚。這是名符其實的海鮮湯，盛着各種海鮮—青口、蝦、蜆，還有大量辣肉腸和蒜頭片。當中以蝦最突出，廚師把蝦中間切開，吃時輕輕以叉在蝦肉中心一拉，便可將整隻蝦肉與蝦殼分離。蝦肉厚而爽脆，帶着濃郁的蒜香，是整碗湯的主角。三文魚籽墨魚汁扁意粉(158)，扁意粉非常出色，其口感是我吃過所有意粉中最好的。意粉完全滿墨魚汁，每一口都是滲着墨魚汁味。有些餐廳會把魚汁意粉弄得過鹹，但這裏的味道完全不會過烈濃過鹹。如果只吃滿盛墨魚汁的意粉，味道則比較清簡，加上新鮮而鹹的三文魚籽，意粉的鹹味剛好。最後以一個甜品日本水蜜桃雪葩($58)作結。吃了各式各樣的甜品，還是第一次吃雪葩。旁邊一鮮紅(士多啤梨醬)和一鮮黃(桃醬)有畫龍點睛之感。桃中清涼軟滑，吃完中心後，把桃切開，

係旺角鬧市行街行到有啲攰，想搵個地方食下野坐下，先發現係彌敦道562號原來有棟新大廈，入面4樓係一間叫Explore Kitchen嘅餐廳，全間餐廳都用落地玻璃窗，好光猛，我地坐係落地玻璃窗前，望落下面就係人來人往嘅彌敦道，鬧市中有寧靜嘅休閒，都幾寫意。野食方面，有七款lunch set揀，咩都有啲，睇你想食咩。我地比較肚餓，一個食豬鞍，一個食西冷。首先係餐湯，蕃茄蔬菜湯，酸酸地幾開胃。餐包係意大利進口面包，焗暖左外脆內軟，可以配埋橄欖油同黑醋食。炭燒西班牙豬鞍配紅酒汁配薯菜 $108炭燒美國安格斯西冷配紅酒汁配意粉 $128兩個都係用紅酒汁，帶有少少甜味，而且香，無論係配豬鞍定西冷都更加惹味，兩款都鎖住到個肉汁，咬落唔乾身，而且size都可以接受，肥肉都無話特別多，當然西冷同豬鞍嘅口感會有少少分別，視乎各人口味啦。最後嘆番杯熱檸水。兩人連加一總共$260。

今天晚上同埋朋友黎到油麻地呢間Explore Kitchen食dinner，此店交通方便，油麻地站出，行兩分鐘便到達，由於早到，顧客不太多，店內裝修設計簡約，座位擺設濶落，給人感覺舒適寧靜。西班牙伊比利亞黑毛豬火腿沙律 36個月西班牙黑毛豬, 風乾36個月後, 黑毛豬片油脂豐腴, 又滑又夠熏香再配上蜜瓜  香甜柔滑的鮮蜜瓜，十分匹配, 能夠帶出蜜瓜的香味及火腿的美味,配上微甜的沙律醬十分醒胃。西班牙風味炒蜆蜆大大隻，肥美厚肉，口感豐滿，完全沒有沙。醬汁微辣，加上一些類似煙肉絲，很惹味鮮甜。軟殼蟹黑松露忌廉汁意粉意粉一上枱已經嗅到非常香嘅黑松露味，加埋即炸又大隻嘅軟殼蟹，入口香脆。軟殼蟹非常香口，意粉軟硬適中，每啖都有黑松露嘅醬汁，很滿足

這間餐廳剛剛開的時候都有留意，今次相約友人黎到試下！餐廳位於旺角鬧市中的大廈裡，環境舒適！看過餐牌後，決定點他們的二人套餐($598)，套餐包括有麵包、湯、小食、頭盤、主食兩份、甜品及飲品！麵包鬆軟，好香芝麻味，面層仲有點脆添！餐湯一個是蕃茄湯，而另一個是加錢轉了龍蝦湯！蕃茄湯夠酸，夠哂開胃！而龍蝦湯味道濃郁，湯內仲有蝦肉，值回票價！水牛城雞翼，小食有三款可以選擇，而我就揀選了我最愛吃的水牛城雞翼！這裡的雞翼是單骨的，方便食用。而水牛城醬亦剛剛好，酸酸地辣辣地，非常惹味！西班牙風味炒蜆，呢個小食非常惹味，有我好中意食既辣肉腸，呢個做法亦係第一次食！蜆肉脹卜卜又鮮甜，配埋佢辣辣地既醬汁，炒埋一齊食非常創新！炭燒美國安格斯西冷，西冷都幾大塊同厚肉，牛肉味濃，能夠整到5成熟的效果，肉質鬆軟，還有燒汁和鹽俾你自行調味！而伴碟有秋葵、車厘茄和原個蒜頭，很健康呢！香烤西班牙黑毛豬柳意大利飯，這個意大利飯跟平時食的不一樣，這裡的是用上辣肉腸炒的，不是平時常吃的忌廉意大利飯，所以個飯非常惹味！而豬柳有稍稍烤過，所以幾香口！提拉米蘇，這裡的蛋糕好香咖啡味，唔會太甜！日本水蜜桃雪葩，加錢轉了其中一個甜品做

返完夜，瞓醒陽光還在，看鐘也只是二點多，趕得切看場戲才食飯。拿拿臨揾戲腳，梳洗換衫出門。戲腳話為左多謝我捉佢去睇呢套掃毒2，所以要帶我去Explore Kitchen 食好西。地點很方便，係油麻地彌敦道。環境很簡潔，有我喜歡既落地大玻璃，可以睇街景。脆魚柳芝士漢堡 $128脆魚大大塊，有手掌咁大，咬落很清脆，魚肉鮮嫩，唔腥。配埋個外脆內軟既包，芝士，洋蔥，青瓜， 番茄和秘製醬汁。大大口吃，超滿足白酒蜆扁意粉$138朋友說呢個意粉較清淡，微微既酒香伴有淡淡既蜆肉鮮味。蜆既份量很多，有別於一般餐廳很足料。意粉也不錯，口感彈牙，有嚼勁。梳乎厘 $48食完主菜，示意可以上埋個甜品。等左15分鐘到，熱辣辣香噴噴既梳乎厘就係我面前。頂部蓬鬆，空氣感十足，蛋香撲鼻，口感鬆軟，一吃便愛上吃完個梳乎厘，諗返起黃哥既金句：梳乎能容，容天下難容之事開口便吃，吃世間可吃之物完全認同，返完夜更加要梳乎一番。

下班以後，特別想和朋友度過一個chill Dinner Night, 看到網上有推介Explore Kitchen ，於是和朋友來到旺角的Explore Kitchen 吃晚飯。這裡環境都不錯，有落地玻璃，看到外面旺角的景色。我們叫了三種菜式。Caesar Salad $ 58沙律份量足夠，亦很新鮮呀。白酒蜆意粉$138白酒味道很濃郁，十分多蜆肉，意粉很彈牙入味。西班牙辣肉腸蘆筍意粉$138汁的味道像茄汁，加上辣肉腸口感很好。

今天下午去左旺角做野，同事介紹附近有間餐廳幾好，晚上就一齊去試下。位於油麻地562號4樓Explore Kitchen，地點方便，樓上舖也少D人，比地鋪容易搵位，又唔使趕住走。餐牌都算幾多選擇，白酒蜆扁意粉，個汁香濃好味，蜆都大隻👍芝士熔岩薯條，薯條夠粗新鮮炸起，加埋D芝士溶入薯條超級正😋凱撒沙律不嬲都係我嘅至愛，估唔到我朋友都係咁鍾意食，蔬菜新鮮。甜品叫咗西班牙肉桂條伴雪糕🍦肉桂條好香，配上雪糕一冷一熱，口感一流！

係旺角成日想揾有質素既餐廳食物好 環境好 又唔逼人最近有朋友介紹Explore Kitchen果真冇介紹錯今日同朋友黎試下我地叫左三道菜西班牙辣肉腸炒海鮮有黑虎蝦，藍青口 同 八爪魚卷心生菜鮮蝦蟹肉沙律香煎加拿大比目魚西班牙辣肉腸炒海鮮好足料海鮮都好新鮮索哂精華 我最鐘意食佢既蜆同藍青口淡淡肉卷心生菜鮮蝦蟹肉沙律又係非常新鮮好多蟹肉 好鮮甜食完更開胃到主菜香煎加拿大比目魚又係好足料既伴碟比目魚處理得好好煎得好香脆皮香肉嫩而且唔油朋友都讚好食下次再黎試其他菜式

之前喺旺角行街嗰陣，已經有留意到有呢間Explore Kitchen . 今日一於就去「探索」下先餐廳走歐陸簡約式設計，老實講，喺旺角寸金尺土咁熱鬧嘅地方真係比較少見。我哋就揀咗將Window Seat嚟坐，特別啱feel。見佢餐牌都有幾好多選擇，但係今餐係朋友請客，有大食大，梗係揀個精選二人餐啦😂😂今日嘅餐湯係南瓜忌廉湯，正，係我Favourite! 之後仲有法式麵包，我地點橄欖油同黑醋一齊食，勁開胃！小食我哋就揀咗熔岩芝士薯條，呢個真係芝士迷必㸃，因為佢哋嘅芝士唔係淨係面嗰浸，食到底都仲有好多芝士！主菜分別可以喺豬鞍架，羊架同西冷入面揀一款，我哋就揀咗西冷要五成熟，一睇個樣就知道係靚野，牛味極重，好味！令一款主菜我哋就揀咗黑松露軟殼蟹意粉，黑松露醬極多，味道夠晒濃味！最後以Tiramisu 同芝士蛋糕作為呢餐嘅總結！實在太滿足了！

有一陣子沒有吃西餐，週日晚上就找到了這家位於油麻地的西餐廳晚膳。餐廳燈光柔和，樓底高，有落地大玻璃，氣氛有情調。因為不太我的關係，我們就簡單點了兩個前菜、一個沙律和一個主食。西班牙風味炒蜆蜆大大隻，肥美厚肉，完全沒有沙。醬汁微辣，加上一些類似煙肉絲，很惹味鮮甜。阿根廷炒大蝦配龍蝦汁大蝦煎得香口金黃，配上龍蝦醬汁，惹味爽口。伴碟的沙律菜沾上醬汁，亦清新美味。西班牙伊比利亞黑毛豬火腿沙律用上48個月的風乾火腿，油脂豐沃，甘香美味，配上香甜多汁的蜜瓜，滋味無窮。三文魚子墨魚汁扁意粉墨魚汁鮮味濃郁，扁意粉口感好，很掛汁。三文魚子毫不吝嗇，量很多，粒粒脹卜卜，一咬開鮮味爆出，配墨魚汁鮮上加鮮。唯一尷尬的是真的會吃得滿嘴都是，嘴唇就像中了毒的黑色，不過吃好東西管不了這麼多。