Fantasy KiTchen

營業中

休息中

Fantasy Kitchen 點解會去食：2019-01-02 放左十幾日假，新一年開工大吉，唔可以虧待自己，食返餐好嘢，迎接新一年先！食物新鮮程度：⭐⭐⭐⭐🌟每道菜都係等我地食完先再整，非常有食法國菜的感覺，新鮮程度可想而知！沙甸魚沙律又唔會太鹹，配上田螺紫薯炸雲吞，夠晒特別！食物合適溫度：⭐⭐⭐⭐🌟個磨菇湯好香好夠濃，再配埋個外脆內軟的竹炭包，加上牛油同橄欖油同香草的襯托，好味喎！食物驚喜程度：⭐⭐⭐⭐️塊豬扒外脆內軟，又夠厚，肉心微微粉紅色，無諗小舖可以有呢個水準！—————————————————服務員態度：⭐⭐⭐服務員似係老闆娘，但唔算好識serve，而且飲品又只有可樂、雪碧及酒類，呢方面要扣分！發現飲品仲要另加錢！—————————————————最重要系。。。我會唔會再去？重遊指數：⭐⭐⭐⭐

搬左黎附近之後，目標係要試晒咁多間餐廳。尋晚揀左呢間 Fantasy Kitchen。餐廳唔算大，平日去入座率大約八成。環境就一般喇...試埋食物先。Dinner set 有頭盤：多士、魚沙律、焗田螺雲吞。三樣野都好新鮮，熱辣辣，多士好脆。田螺雲吞好有趣，入面有埋紫薯蓉，好飽滿。🍵餐湯：有蕃茄湯 or 蘑菇忌廉湯。我揀左蕃茄湯...真材實料。有少少似茄汁...我個人口味麻麻地...🍝Main dish: 黑松露菌蘑菇意大利麵。好多菇呀，但係黑松露味唔算出。意粉質地適中，唔太淋唔太硬。🍮甜品：有幾種可以選擇。我揀左焦糖燉蛋。個面好脆呀！脆得黎唔燶。入面嘅燉蛋有啲玉桂味，幾好。又唔會太甜。可以encore!整體黎講，食物味道好好，但環境就一般喇～所以性價比就低啲喇。P.S. 原來跟餐無飲品架...原來只收現金。

我的假期將近尾聲，有十個人仔，扮無嘢咁，約我返沙田食 lunch。呢十個人的配搭，平時簡直是南猿北轍，很少機會一齊食 lunch。攪手刻意提早訂位，店鋪面積不大，簡單的佈置，數數座位，得二十多個，我們已佔了一半。座位的舒適到一般，到這裏食lunch ,若不是長時間逗留，還可以。這裏最聞名的是燴咸豬手，豬手燴得夠“林"和入味；另外，紅酒燴牛舌，色香味十足；而牛肩扒亦一樣出色；我認為最no. one 嘅，要算是羊架，出場賣相吸引，份量十足，有3至4件羊架，配搭上紫薯蓉，可比美一些高級餐廳。最重要，最重要，最重要，要講三次，平民化的價錢!!!老闆娘的招呼亦不得不讚，非常勤快，常幫我們加添茶水，亦不辭勞苦幫我們拍照，敬業樂業。不過有一點仍需改進，因這裏只收現今，希望日後可以以電子收費，方便大家。

已經吃了幾次應要再次光顧小店要突圍而出，最緊要用心在食物質素、外觀、加上優質服務才能吸引更多顧客，尤其鋪租昂貴，要延續經營，就要花很多心思留住客人。沙田圍有很多小店，而這店舖位置不算好，但仍能維持客似雲來，一定有其辦法。上次吃了蠔、豬手，非常好吃😋今次試著牛扒、原條龍利、龍蝦湯，甜品方面就試試綠茶千層蛋糕。龍蝦湯沒有加上豆粉，而用上菜底打碎，感覺沒有那麼黏性，加上龍蝦的鮮味，跟平常的不一樣牛扒五成熟，肉質嫩滑，重牛味。另外原條龍利，肉質鮮美不似冰鮮，煎得外脆肉嫩想強調一點，食品不是靠味精、汁醬，而是原汁原味，碟上擺放海鹽，還是香草汁....食物一定要新鮮才可以這樣製作。最想介紹就是紫薯蓉，非常甜美又有益，值得一試。

路過沙田河畔，給路邊的餐牌吸引，法式油浸鴨脾不是一般街坊餐廳會做的菜式，好奇下入內試試。 於7月正式開店，前身是經營私房菜的，餐牌上菜式也蠻豐富的，適合有要求的食客，眼見隔離兩枱也是熟客仔，一入內立即起前菜及開紅酒。 除我的鴨脾外，我們多點了兩個晚餐，前菜包括脆皮田螺包，輕酥皮薄脆包裹著田螺，口感豐富，很喜歡。麵包籃中有老闆自製的餐包及墨汁包，新鮮外脆內軟，配鮮牛油及香草橄欖油一流。雜菌湯菇香重，老闆娘表示是真材實料用多款菇菌打碎已成。 羊架熟成程度滿意，配菜用紫薯香甜又幾夾，比較驚喜是黑毛豬架，豬肉味香濃，廚師叔叔刻意煮至7成熟，當中還保持粉紅嫩滑。最後我的油封鴨脾到，來自法國南部的鄉村料理，用油保存著鴨脾，低溫慢煮多個小時後可封存達半年，食用時將鴨脾煎香至皮焦脆，而鴨肉則輕輕用刀叉碰已自動鬆散的，鴨味頗重，我喜愛。 最後再多點脆皮肉桂蘋果卷，甜品師將晚餐的甜品法式焦糖布甸及籃梅芝士蛋糕一併放好，還畫上店中的招牌廚師圖像，原來甜品師是老闆的女兒，可愛的父女檔，各式甜點也有水準，不難俘虜大家，尤其愛甜的女士們，我們都很享受這餐，亦欣賞老闆一家的心思，加油。

老板是一個🈶️人情味和有原則的。食材新鮮，味道一流可比上酒店水。小吃又特別👍😋還有我至❤️的甜點👏👏👏👏👏👏。心太軟，熱情果mousse,lemon cheesecake 都各🈶️特色.老板用糖剛剛好。不會令你焦慮到血糖過高🤣

食過幾次晚餐，每次水準也能保持。服務也很好，老闆娘很細心，很留意客人的需要。因為風口有點大風所以自己轉一轉位，老闆娘一見到便問一問要不要稍微調較位置。實在太有心唔知點解，覺得好服務的食肆很難搵（就算酒店都未必係好）。所以當入到這間店，看見老闆娘的細心，照顧客人，真係覺得好值得。講到食物，一個晚餐，足以令你吃得飽飽和回味。我每次都叫慢煮黑毛豬，因為好咪，配埋紫薯，飽肚和美味。而老公就試過幾款，但今次柯打慢煮雞胸配意粉。由於老公食得正宗意粉太多，很多地方意粉也不合心意，但呢間意粉他就讚，廚師的確有水準我們再叫了炸軟殼蟹大菇（名字唔記得），非常好味。大菇上的醬是用牛油果加點沙律，特別又好味最後要講甜品，每次去食晚餐也會在甜品上場後有驚喜。廚師每次也會有哈哈笑臉，見到人都更加開心。而今次仲有大眼仔公仔，又開心又好食咁識氹人既。哈哈大家真係要抽空來吃。因為食物質素好，再加老闆老闆娘好，唔易找到這些地方。食野應該係享受唔應該受氣，期待下一次再食

Long weekend 想食餐relax brunch ，於是就揀咗位於河畔花園附近嘅呢間西餐廳。呢區食店林立，好多沙田友或馬友都專程跨區過嚟搵食。而呢間Fantasy Kitchen因為係新開嘅關係所以入邊食嘢嘅人唔太多。咁啱唔使等位， 一於入去試新野。鋪位細細只有五、六張枱，最多應該坐到20人左右。佢嘅裝修都幾雅緻，坐位都坐得幾舒服㗎。睇返個 set lunch Menu價錢唔貴，選擇多。豬牛羊鴨海鮮魚乜都有，全部都係＄80樓下包餐湯沙律。雖然價錢平，但係睇得出佢用料新鮮同埋有質素嘅。首先係沙律同埋餐包，但係新鮮沙律菜配上自家製嘅沙律醬。食完感覺都好清新好好味。餐包呢以為係普通一片蒜蓉包，點知佢俾咗亞麻籽包同埋另外一個黑炭包，超好味香脆可口，一般西餐廳點會比得到啊！餐湯係南瓜忌廉湯，用料足，好清甜。仲飲到有一絲絲南瓜蓉，應該係自己機打嘅。主菜我哋叫咗德國鹹豬手配黑椒汁 $68豬手係白色嘅，煮得好爽口，食到有豬手嘅鮮味。仲有紫薯同埋蔬菜墊底，食落一啲都唔覺得油膩。配上自家製黑椒汁，香得來唔會太濃，唔會蓋過其他食物嘅味道。雖然份量唔多，但係堅好味，我估佢係因為新開張嘅關係，所以收平左

好少喺果度食嘢，但一次偶然經過我同太太見到開左間新嘅舖頭開咗，所以入去叫咗幾道菜(炸豬手, 一個意粉同埋心太軟)， 果然眼前一亮好食價錢唔貴，我應該會去多幾次試埋其他菜式，下次去我會記得影相。

同好友食生日飯，頭盤係即叫即開生蠔。生蠔新鮮。另外一個推介，黑松露蝦多士，用左墨魚汁整嘅麵包再配埋已加有粒粒蝦整嘅蝦膠嘅多士，又香又好味。每次去必食之選！！到主菜我倆叫左黑毛豬丅扒同豬手，黑毛豬的肉粉嫩，肉厚唔韌，配上紫馬鈴薯蓉，天作之合，味道好夾好好味。豬手炸得好脆，味道剛好，配上大廚自製嘅汁，味道特別夾！甜品係大廚自行安排嘅，焗左個心太軟伴綠茶雪糕，心太軟用左黑朱古力，唔漏味道不死甜，另外也有自家製蛋糕~豆腐蛋糕同藍莓芝士餅，兩者都好足料，前者感覺是在食整塊豆腐，絕對食得出誠意。後者一看佈滿藍莓也是足料之作。這次已是第二次到訪，小店經營，親切，食材上乘但價錢合理，兩次都感覺良好，食物係有水準，大家不妨一試。再經濟一點的尚有晚餐選擇，價錢百零蚊，即叫即煮，因大廚只得一人煮，可能要等一下。意粉類係我見現場好多食客選擇的，有機會下次我也試試看。小店大約有二十人座位，有興趣去試嘅朋友，最好預訂！