Fika

營業中

休息中

位於坑口一間小店，坐位係好少的。不過環境幾清幽，靜靜地坐係度食飯chill下都幾爽。香橙八爪魚冰菜海葡萄沙律 HK$148超fresh的，海葡萄有爽脆感覺，口感都幾豐富。牛油果蟹肉脆餅 HK$88蟹肉味勁濃，加上牛油果質感更滑，餅又焗到好脆，上下口感都不同，非常有質感。日本味噌配新鮮青口蟹肉意粉 HK$168青口份量都幾多，意粉帶有濃厚蟹肉味，口感都好creamy。甜品是招牌FIKA焦糖蘋果金寶配意大利雪糕 HK$88新鮮即焗，味道是勁濃的肉桂，外脆內軟，一冷一熱的，非常有口感。

將軍澳坑口村原來都幾多人住，村口附近有好幾間餐廳食肆，Pizza、泰菜及西餐均有，今次來到這間可攜帶寵物入內進食的餐廳幫襯，雖然自己沒有養寵物，不過見到隔離檯有狗狗陪食都幾得意。此店似乎是家庭式經營，白色外牆掛了幾幅手繪彩畫，配合簡約的木系餐桌，感覺好悠閒，點了幾款輕食，跟朋友聊聊天也挺不錯。牛油果蟹肉脆餅 $88滿滿的蟹肉混合了牛油果與沙律醬，加上幾粒三文魚子做點綴，賣相不錯，口感層次豐富，多士亦夠香脆。Fika卡邦尼意粉 $168卡邦尼意粉上放了一隻半熟蛋，將蛋汁混進醬汁及芝士當中，連同少許煙肉、腩肉和蘑菇粒一起搞拌，意粉好掛汁，入口有微微咸香，麵條煮得偏向彈牙爽口，不會過腍。蜜糖芥末雞翼 $68雞翼有5隻之多，呢個價錢算抵食。蜜糖味較淡，反而芥末味好濃，但又不會攻鼻嗆口，水準OK。

最近喺坑口村無意間食咗間高質又Pet friendly 嘅隱世餐廳🥰 餐廳雖然細細地，但幾有溫馨感。我哋一入嚟就見到有狗狗同主人一齊坐定定🥰仲有人慶祝生日，周邊仲放咗啲動物嘅可愛商品.。依度嘅店員都幾有禮貌，會耐心同你講吓Menu介紹，餐具都睇得出有啲心思。 我哋食咗個12個月巴馬火腿芝士Pizza 同 炭燒西班牙黑毛豬梅頭烤日本甜薯🤤兩個都好好味～ Pizza 面灑滿火箭菜，有少少黑醋汁🤤配埋又香又油脂豐富嘅ham再加埋芝士🧀3重口感配搭埋薄餅嘅外邊脆餅身又唔會太厚太硬一流👍又唔會覺得特別膩。 炭燒西班牙黑毛豬梅頭，外層陣陣嘅炭燒香仲幾爽彈，而肉質又夠嫩滑，唔使點汁配京蔥都好好味🤤🤤 配搭咗甜薯細細粒易入口又夠香甜，芝士大啡菇面層芝士燒到啱啱好香口焦香而大啡菇亦保留到菇汁👍

睇開foodie介紹話坑口有間隱世小店，附近做完野就黎訂位試下。揸車過黎都好方便，出面好多位泊車。店面小小，但環境溫馨。平日夜晚7點幾黎到冇咩人，但之後一路已經慢慢坐滿。揀左2人套餐試下先先黎是日餐湯2個，正常表現，冇咩特別前菜有牛油果蟹肉多士，呢個好好食，好足好多餡料，好滑，啖啖蟹肉yummy！巴馬火腿啤梨沙律，又幾夾喎！平時食開配蜜瓜，呢個啤梨都好清甜，入面仲有d 杏脯乾，同水果味爆珠增加口感酸酸甜甜！珍珠帶子海鮮青醬意大利飯，飯芯微硬，好岩我口味啊加錢叫左牛肩肉眼配自製薯蓉，叫左5成熟！黎到炭燒香味，岩岩好5成just right, 肉質嫩 腍滑juicy 薯蓉有gravy配 推薦呢個 最後甜品 已經飽晒 好滿足嘅一餐！下次有機會再黎試燒黑毛豬先🙂‍↕️價錢小小貴 但環境chill 服務都細心

嚟探朋友，喺就近村口Cafe Lunch以白色作主調及貓貓主題畫作裝飾十分舒適，休閒氣氛下傾吓偈食物更以西日為主，質素不錯吸引唔少人氣來🎃Creamy濃郁南瓜🍐梨子羅勒油醋沙律炭燒紐西蘭肉眼（8OZ）$158燒至七成熟焦香氣，肥瘦均勻入口Juicy 鮮嫩配炒雜菜+粗薯條三文魚菠菜忌廉扁意粉混合三文魚、菠菜、蘆筍及蟹籽材料十足超級 Sauce掛汁啖啖濃厚，麵條煙靭彈性即磨咖啡～來自🇮🇹意大利豆，唔使落糖已經好好飲

經將軍澳朋友介紹，坑口村有一間幾高質嘅西餐小店，雖然相距地鐵站大概10分鐘路程，不過都唔算太難搵，跟住地圖好快就去到，餐廳以白色外牆和木系裝修令周圍環境感覺好chill，麻雀雖小五臟俱全，而且店員態度有禮，感覺非常親切牛油果蟹肉脆餅 $88朋友極力推介呢款小食，滿滿牛油果同一疏疏蟹肉用沙律醬拌勻，再放上脆脆多士上面，口感豐富，再加上幾粒三文魚子做點綴，鮮甜中帶少許鹹鮮吞拿魚他他配法式多士 $138上層係新鮮嘅吞拿魚蓉，底層係青瓜粒同蕃茄茄粒，味道清新，法式多士沾上少少黑醋和橄欖油，配埋一齊食非常開胃日本味噌配新鮮青口蟹肉意粉 $168青口火候控制得啱啱好，肉質非常嫩滑，味道鮮甜，意粉加入味噌烹調，creamy 之餘餘又好惹味，中間混入少少蟹肉更帶出鮮味招牌Fika 焦糖蘋果金寶配意大利雪糕 $88見到好多枱都有叫😍冷凍嘅雪糕配上熱辣辣香脆嘅金寶令入口好衝擊😆🔥🧊再加上底層滿滿焦糖肉桂香氣嘅蘋果粒，食得好滿足😍

隱世高質小店話雖如此 其實好多人幫襯🤣我都係bookmark左好耐 終於的起心肝去今次食左個dinner course餐湯٩(^‿^)۶🔻是日餐湯南瓜湯配烤麵包湯非常濃厚 南瓜香味出哂黎麵包有驚喜！超軟糯的口感😇加上輕烤過 估唔到會咁高質！唔記得左問店員係邊度入貨定係自家制😝前菜٩(^‿^)۶🔻牛油果蟹肉脆餅分量剛好的前菜蟹肉配牛油果既質感🤌🏻令成件事更滑溜有口感主菜٩(^‿^)۶🔻炭燒黑毛豬梅頭。烤日本甜番薯睇相都好靚 粉嫩粉嫩的😍不用太多調味 吃出豬肉的鮮味日本甜薯真係好甜😂 美味🔻Fika 卡邦尼意粉想食好耐的招牌菜✨喜歡呢種唔太多汁的carbonara 💕除左烤過的煙肉 加左肉粒有一份新鮮感卡邦尼控又✅一份check list~甜品٩(^‿^)۶🔻 招牌FIKA焦糖蘋果金寶配意大利雪糕超足料 想像有一粒蘋果係裡面🤣肉桂蘋果味道好正宗😳冰火甜品無得輸瞬間飽左🐷總結超高質的一餐店員服務亦好好 會主動介紹會留意你進食速度上菜💕貼心難怪係村入面都咁多人食🤭推薦推薦

昨晚跟朋友尼到將軍澳坑口村24號地舖的“Fika Restaurant & Bar”西餐廳晚餐，這裏距離坑口地鐵站都不遠，步行大約15分鐘就到，沿途一片寧靜，有遠離煩囂的感覺。這裏都算是一間小舖，地方整潔，差不多坐滿客人，想必定食物質數都唔錯。這裏有紅酒和啤酒，可供客人享用。還有售賣寵物的天然食品。牛油果蟹肉脆餅 $88多士上舖滿混入了沙律醬的牛油果和蟹肉碎，還加上幾粒三文魚籽。脆卜卜的多士有著清清的牛油和香草的香味，蟹肉感覺鮮甜和有著濃郁的蟹味，再混合了牛油果、沙律醬和咬落爆脆流汁的三文魚籽，豐富了我的味蕾，加上脆卜卜的多士和感覺creamy的蟹肉，一軟一脆，層次感十足。FIKA自家製雙重煙腩肉卡邦尼意粉 $168熱辣辣的卡邦尼意粉端出來香味撲鼻，意粉裏混入了煙肉、腩肉和蘑菇，還舖上芝士碎和一隻我相信是日本雞蛋，意粉不太淋也不太靱，十分彈牙。每條意粉都剛好掛上了卡邦尼醬，不會感覺太多醬汁，恰到好處。再加上混合了雞蛋和芝士，有著濃郁的卡邦尼醬汁、雞蛋和芝士的香味，還有微微咸香的煙腩肉和蘑菇的香味，令我百味交集，滋味無窮。

今晚朋友帶路喺佢屋企附近食飯嚟左呢間佢成日幫襯嘅西餐廳環境幾文青 狗店長妹豬好乖好得意呀 聽講呢度嘅pizza好出色 不過睇完menu我地都係想食set dinner多啲二人餐好豐富又唔貴餐湯係南瓜湯 香甜幼滑幾唔錯牛油果蟹肉脆餅啲料堆到成座山咁高 食到好多蟹肉 個包好脆口煙三文魚凱撒沙律沙律菜新鮮爽脆加芝士片煙三文魚 份量都幾多炭燒豬鞍配鷹嘴豆泥豬鞍好厚身 切落去已經feel到好軟好juicy配鷹嘴豆泥幾健康 食落仲有豆嘅顆粒感 唔錯珍珠帶子意式香草醬意大利飯珍珠帶子細細粒好鮮味 肉質好嫩滑仲有蜆肉 三文魚籽等海鮮 用料豐富香草醬同海鮮好夾 意大利飯幾煙韌又creamy是日甜品係Catalana 帶啲檸檬清香配埋麥片雲尼拿雪糕 整體唔怕太甜啱啱好

將軍澳大坑其實有條新村，唔想行坐小巴11A已到了坑口村門口，大牌坊轉右便會見到。那慢活西餐廳裝飾簡單以木系枱櫈為主，且掛上幾幅手繪彩畫，確有有種遠離繁囂嘅感受。吞拿魚他他配法式多士 吞拿魚他他份量非常多，口感肥美細膩，質地滑嫩，底層有蕃茄粒/青瓜粒等…而再有外酥內軟的法式多士，令入口更添層次感，非常開胃。 新鮮紐西蘭活青口白酒汁煮忌廉汁 青口肉質鮮嫩多汁，外殼略帶咸味，搭配白酒和忌廉口感豐富，質地絲滑，帶點濃稠感，多士輕點其醬汁更顯美味。FIKA自家製雙重煙肉卡邦尼意粉 邦尼意粉味道濃郁，再有鹹香的煙肉，做到掛汁效果，而且意粉做到軟硬適中，讓每一口都感受到醬汁的美味，口感豐富，層次分明。

在港鐵站步行十分鐘便來到了坑口村，恰巧發現了這間名為Fika的小店。簡約的文青風格裝潢，仲發現熟客頗多，美食係幾有水準，與朋友約會chill下食下幾舒服。慢煮雞胸凱撒沙律 $128雞胸肉經慢煮處理，肉質雪白且柔嫩，搭配新鮮爽脆的生菜。咸香的煙肉碎和芝士碎為沙律增添層次，完美突顯生菜的清甜，簡單卻美味。法式黃油雞配炒雜菜和炸薯條 $288雞皮煎得香脆，炭燒香氣四溢，雞肉軟嫩多汁，鹽和黑胡椒的調味恰到好處。粗薯條香脆可口，搭配大量的西蘭花、粟米芯和荷蘭豆，健康又美味。招牌FIKA焦糖蘋果金寶配意大利雪糕 $88面層金寶脆脆，底層滿滿蘋果粒好軟淋，中間係甜到膩的焦糖醬，幸得一球雲呢拿雪糕挽救，濃郁奶香味中和甜度，perfect。

最近係各個平台見到大家不停推呢間埋藏係坑口村嘅文青cafe，今次食完之後，我都覺得真心CP值高，味道上都好高質，而且氛圍好舒服～即使係雨季，坐係餐廳入面飲住酒/12個月巴馬芝士薄餅$178/火箭菜嘅份量剛剛好，加埋鹹香嘅巴馬火腿同半溶芝士，感覺唔會好膩。而且薄餅底焗得剛好，唔會dry到好似餅乾咁，有一點嘅煙韌口感。/Fika自家製雙重煙腩肉卡邦尼意粉$168/意粉做到Al Dente程度，煮法感覺上都幾正宗。煙腩肉帶脆邊，肥肉嘅部份，油脂十足，超滋味/蟹肉牛油果脆餅/蟹肉牛油果蓉好light，加埋三文魚籽，感覺清新得來帶點鹹香，好開胃🤤

位於坑口村入面，平時都唔會特別過去，但朋友住附近話見到呢間西餐設計夠哂文青，就叫我過嚟一齊試下🥑牛油果蟹肉脆餅 $88滿滿既蟹肉，牛油果有益又好吃，麵包夠脆口🍝Fika自家制雙重煙腩肉卡邦尼意粉 $168卡邦尼醬夠哂濃滑，中間既蛋黃好吸精🤩鹹肉夠鹹香又有口感，令到呢個意粉味道更有層次。意粉條條都好吸汁，呢個有驚喜🍕Prams Ham Pizza $178Pizza 係脆批，上層係厚厚芝士，可以拉絲😍Prams Ham鹹度適中，而且靭性比普通火腳高，配上火箭菜和黑醋汁☕️Coffee 未上枱已經聞到佢既咖啡香雖然小店距離地鐵站有啲遠，座位數量唔多，不過都斷斷續續有人入黎食，氣氛唔錯，係一間隱世西餐

呢次同fd去坑口村發現咗一間隱世高質嘅餐廳😋餐廳裝修走文青簡約風，氛圍好舒服，仲係寵物友善🐾帶埋毛孩一齊享受美食真係一流！即使係平日，但都吸引到好多食客🤩🥑 牛油果蟹肉脆餅 $88真係開胃之選！🥰香脆嘅餅底搭配濃郁牛油果醬，再加上鮮甜蟹肉，口感豐富，好味得嚟又唔會太膩😍每一啖都充滿新鮮感😋🐷 FIKA炭燒西班牙黑毛豬梅頭烤日本甜薯 $298應該招牌之一！🤣西班牙黑毛豬梅頭經過炭燒後，外層微焦，內裡嫩滑多汁，配上香甜嘅日本甜薯，係一場味覺享受🥰每一啖都係唔同味道嘅交融，令人回味無窮☺️🍝 日本味噌配新鮮青口蟹肉意粉 $168味噌湯底香濃，吊到啲海鮮味🌊新鮮青口同蟹肉更添鮮甜。意粉煮得啱啱好，吸收晒湯汁嘅精華，口感一流，食完真係好滿足🥰💕呢間係一間值得再去嘅餐廳，無論係菜式質素定係環境都係正嘅，下次一定會再嚟試其他菜式！🐾😍

坑口村有間隱世cafe，真係有地膽帶路先至識得嚟鋪面唔太大，反而更有親切感❤️不過唯一缺點係樓底比較低，當full house時就會覺得傾偈聲有啲嘈吵～～Lunch set 有餐湯/沙律 & 飲品呢個薯蓉湯好好飲，入口有薯蓉口感「香蒜蜆肉蟹肉扁意粉」用左沙白圍邊，份量都幾多，蒜片好香，每食一啖意粉都會食到蟹肉「日式冷蕎麥麵·烤牛肩肉」用左西式鰹魚汁作為冷麵汁，味道清清哋，好開胃咁熱天氣食冷麵最岩‼️牛肩肉勁好食，肉質軟彈又juicy