Fish & Chick (MONTEREY Place)

營業中

休息中

幾年前去過西環食，一直念念不忘，假日去開將軍澳踩單車，順路見到就決定食晚餐😉晚餐想抵食啲可以叫set, 包前菜，主菜，飲品😗 🌟炸洋蔥圈我一向覺得洋蔥圈🧅比較油膩，好似淨係食炸粉甘，呢間嘅洋蔥圈整得出奇地好食！洋蔥圈大大圈，炸粉唔厚兼好脆，炸得金黃色而且乾身唔油膩，重要嘅係洋蔥圈好甜，好好味😋🌟卡邦尼長通粉說實話呢個卡邦尼唔算正宗，配少量煙肉，不過長通粉煮得剛剛好，唔會太淋，但追求正宗卡邦尼嘅朋友，建議可點其他😉🌟傳統炸魚薯條終於黎到主角出場！今次加錢轉做鱸魚😊一上枱，已經聞到香噴噴嘅炸魚薯條味🤩炸魚下鋪滿厚厚嘅薯條，份量十足！先試左薯條先，嘩！好厚實，係我中意食嘅質感🤩 然後切開鱸魚，嘩！完全唔會切散，炸粉亦都唔厚而且頗脆，魚質勁鮮嫩，一啲都唔乾！建議第一口唔好沾醬住，食左個原味道先😉😉 醬汁配了茄汁和他他醬，好食😋😋😋

以前都食過堅尼地城嗰間，食完一次已經好掛住！因為喺香港搵到一間咁好味嘅炸魚真係好難，佢個炸粉唔會好厚，而且有好多款魚選擇，真係超級新鮮👍🏾自己推介鱸魚，性價比高炸魚配粗薯條，薯條食落去好似一啖淡薯仔咁👍另外仲有佢哋嘅餐湯，係自家製㗎，有粟米湯同蘑菇湯（要另加錢）揀，好好飲！仲有呀呢度嘅烤雞都好好味，皮脆肉滑好juicy!最估唔到嘅係連佢哋個炸蘑菇沙律同埋意粉都好好味環境舒服，價錢合理，服務態度好👍🏾👍🏾👍🏾

9萬年無出過食評，但呢間真心要出一個！值得一試！叫咗佢哋個二人set! 有頭盤，main 同drink! 都幾抵食！我地三個人都食得好飽！啲炸魚皮炸得剛剛好！又趣肉又嫩！叫咗一個正常魚同COD! 一定要試COD ! 同埋頭盤嘅炸洋蔥，好好味啊！再叫埋個dessert carrot cake 中意食甜品嘅老公都話好好食！服務態度好到不得了！員工又非常細心！大推！strongly recommended! surely will come again!

今日叫左兩個午餐套餐包括一碗自家製蘑菇湯，好味，另外加左錢要一碗自家製栗米蓉湯，都唔錯，兩份傳統英式炸魚配薯條，加左錢𨍭石頭魚（紐西蘭），超好味，薯條亦做得唔錯，如果唔加錢就係雪魚，另外再叫左兩杯鮮橙汁，個夥計好好，俾咗一個門口位俾我哋，今日落雨我哋都可以同隻狗一齊坐喺入邊食嘢，空間感大，好舒服

多年前已光顧西環本店，是香港難得做得好的fish & chips店，唯獨是離家太遠，只好一直做遠方的擁躉，最近真係一年一次(或更少）到訪。今年驚聞入駐將軍澳，一定要捧場。選了基本款式和加錢$80的seabream，兩款都是不錯的。加錢的肉質相對較嫰，但基本款的質素亦絕對唔差！成功慰藉了遠方粉絲的相思病（笑）。特別一提職員的服務態度，我們要吃不完打包，職員主動幫忙，擺得靚靚仔仔，仲要俾埋獨立包裝兩款醬汁，窩心程度加分。

《📍𝙁𝙞𝙨𝙝 & 𝘾𝙝𝙞𝙘𝙠 🐠》——————————————🧜🏻‍♀️將軍澳MONTEREY Place 新開的炸魚薯條英式餐廳——————————————🍽Set Dinner 包括：👉🏻 頭盤 + 主菜 + 飲品 👈🏻——————————————🔥傳統英式炸魚配薯條🐠藍鱈魚(紐西蘭) ---🔥香煎即日鮮魚🐠鯛魚配燴雜菜(本地新鮮)——————————————⏩ 炸魚/煎魚都各有各好食香口惹味，魚肉夠新鮮😋就算本地魚都好鮮甜👅份量亦都好足料好豐富🤩連頭盤既份量都好足👀好多芝士好多醬料😈——————————————♐️ 餐廳地點：———————#fishandchick #將軍澳 #將軍澳美食 ～～～

附近其實超多野食見到呢間新開就入去試下餐牌有單點或多人套餐選擇因為第一次就叫左二人餐包左［兩個前菜小食+兩個主菜+兩杯飲品］.前菜小食-三文魚沙律～沙律醋係落左啲 偏酸 但成件事都好fresh,食熱氣野前一流😝-炸洋蔥圈～熱辣辣好好食 炸粉都唔多 .兩個主菜-炸魚薯條～唔會一切就散 有啲厚度 不過可以簡其他魚類 就要比差價 另外薯條好食 比較粗身-半隻燒雞+薯蓉～薯蓉都算好食 有少少粒粒薯仔係裡面 而燒雞就脆卜卜既外皮 juicy既雞肉 好好食 ..無額外加錢既情況內連埋加一$372

琴日去咗MONTEREY既Fish & Chick 食飯，味道係好正呀！佢嘅炸魚好juicy，炸粉好鬆脆，仲有啲特別嘅味道，真係好出色。不過都幾唔滿意係個份量好細，以呢個價錢嚟講，食得唔係咁飽。網上睇人地D圖明明好大條，影落都還可以，但我哋叫咗個pan-fry Seabass 同埋 Seabream 炸魚，後者可能只係手掌咁大，薯條亦都唔多，同seabass都幾薄身，2-3啖左右就食完。職員態度都一般，唔太忙都唔會幫手refill water，同埋舉左好耐手都冇人應🥲總括而言，Fish & Chick 嘅炸魚係好食既，但我建議點菜時注意份量問題。如果你唔係特別細食，咁可能需要點多幾樣菜先感到滿足。

自從觀塘的Fish & Chick結業之後, 很久也沒有吃過它的Fish & Chips了, 新分店在將南海濱附近, 這裏應該是整個將軍澳最Chill的地方, 再加上附近新建私樓林立, 相信客路不會有太大問題, 希望生意興隆就是. Fish & Chick最重要也是最吸引的, 就是以本地漁獲作為他們魚類料理的食材, 這樣哪有不支持它的理由呢?這晚我們吃了來自本地的鯛魚和盲鰽, 前者用來做炸魚薯條, 肉質爽實, 切起來不會散開, 魚肉香味比較單薄, 但也因如此才能感受到其炸功之好和油的新鮮, 炸皮脆而夠酥香, 伴以沙律醬剛剛好. 後者香煎再配上黒醋, 魚香和魚油比前者強烈, 以黑醋中和簡單但是聰明的做法, 兩道本地魚以西方做法處理, 結果相當不錯, 正有香港中西合璧, 華洋共處的特色.It is so happy that Fish & Chick reopened her branch in Tsueng Kwan O that is closed enough to my home. She uses local fish for her fish cuisines that you

Fish & Chick開到黎將軍澳喇～ 炸魚薯條🍟🐟魚有唔同類別選擇 新鮮魚完全冇雪味 仲有佢哋嘅炸粉唔會好厚 又脆又薄 🥰意粉選擇亦都唔錯！ 有冇人俾我推介餐廳自製Ginger soda 而家新開店仲有外賣炸魚買一送一優惠🤩

星期日，踩單車出去澳南海岸搵嘢食，揀了開業只有兩個月左右的【Fish & Chick】。餐廳的第一間總店10年前於堅尼地城開業，那一年地鐵西港島線還未開通，堅尼地城多楝舊住宅大廈正在拆卸(重建) 。由於部份新大廈已經落成，但仍然保留寧靜老區氣氛，吸引不少外國人入住該區，造就了很多西餐廳進駐，【Fish & Chick】的年輕老闆們睇準機會開業，以求分上一杯羹。選擇結束觀塘分店，進駐將軍澳南係聰明嘅決定。觀塘店原址主力客源只係平日辦公樓白領午飯時段，晚上人流相對稀少；反而隨着將軍澳南的私人屋苑、居屋及公共屋邨已經全部入伙，客源更廣泛、生意更穩定。有別於其他分店只單調地採用鮮黃鮮藍二色粉飾牆身，將軍澳分店採用淡奶白色作為牆身主色，並用藍色畫了許多海洋生物圖案；充滿海洋氣息，亦配合餐廳主打 Fish & Chip。據講，作品出自餐廳其中一位員工手筆，真厲害！午市套餐餐牌簡單，一律頭盤、主菜、飲品各選一款。雖然有幾款意粉及香煎本地鮮魚，但絕大部份客人均選擇炸魚薯條或烤雞。頭盤炸鮮蘑菇沙律的主角肯定係蘑菇。沾滿了麵包糠後炸香的蘑菇外表鬆脆、又沒有油膩感。蘑菇預先沾了牛油，咬落熱辣辣、充滿水份、菇

鍾意食炸魚薯條嘅朋友對呢間以藍色做主調既餐廳 一定唔陌生 今次開到過嚟將軍澳喇🥰我偷聽到隔籬枱嘅食客仲話由西環幫襯到入嚟 喺呢間嘅忠粉😉 一於黎試試係咪真係咁正先～ 真心平時好怕食炸魚(因為好驚雪藏魚個陣味) 但佢地呢間係用新鮮魚 今次點左比目魚 食落好有驚喜 打破左我對炸魚嘅反感🤩另外仲點左兩款意粉(🍝下次想試埋法式烤雞呀～⊶⊶午餐(頭盤+主菜+飲品)ː 自家製粟米蓉湯 ː手打粟米蓉湯味道濃郁好好飲～會想再飲多碗🤭ː 橄欖油炒香蒜片辣椒意粉 ː唔食得辣，可以選擇少辣 意粉好彈牙 加埋香蒜非常惹味～～ː 炸魚薯條 ː肉質好鮮嫩 炸皮好脆口😋配埋扁平嘅粗薯條 鹹鹹地又香口 而且不會太油～ː 熱情果檸檬特飲+$20 ː呢度嘅飲品種類，比起一般餐廳算多 而且好特別 朋友點左薑汁梳打 佢哋連薑都係自己新薑打出黎的👍👍

之前係堅尼地城都已經聽過呢間野，見係將軍澳開左就嚟試下佢有唔同種類既魚可供選擇，店員仲好貼心咁介紹唔同既魚，想食比較有魚味，嫩啲有咬口啲都可以請佢介紹首先嗌左個2人餐，2人餐包2個前菜，2個魚，2個湯/飲品，要左炸比目魚同煎鱈魚炸魚好大舊，底下有好多粗薯條🍟熱辣辣好好食，炸魚脆卜卜，好有魚味好嫩，食得出係新鮮而唔係霉既雪藏既煎鱈魚煎到個皮脆，肉嫩，同炸魚係另一種風格，底下既薯蓉勁好食，好creamy好滑炸物籃，冇乜特別，中等除左魚，佢另外仲有烤雞，2人餐既就可以叫半隻，佢既味道好似平時係酒樓食炸子雞既味道，就算係胸既部分都唔會話好鞋，都有味道

放假同屋企人行去海傍搵嘢食，見Donki隔離條巷好多食店，見呢間Fish n Chick比較光鮮同埋多人就入去食。雖然我一家人多納集嘢，但三大兩細都仍然坐得舒服。午餐價錢合理，揀咗四個set lunch：煎鯛魚配雜菜、炸比目魚配薯條、半隻香草烤雞、與及卡邦尼意粉。另加白酒汁煮蜆。比目魚肉質鮮嫩多汁，皮薄香脆可口，蘸上估計加咗酸瓜碎的沙律醬，我覺得好夾味好好味。而我老婆話呢種就係去外國旅行時啲炸魚既味道。咁即係咩味道？總之大家意會啦。而小朋友就最鍾意食薯條。煎鯛魚賣相立體好看，魚皮煎脆咗好香，肉味濃，配洋蔥三色椒等雜菜味道也很配合，而且隻碟有花心思裝飾過，真係色香味俱全。呢個味道我識形容啦，就係去高級西餐廳食煎魚main course 時有啲賣相的味道。烤雞就皮香肉滑，唔會榎歰歰（鞋烚烚）咬落有雞汁夾少少雞油流出，唔會好重香草味，可以食出雞香。而雞皮都烤出大部份油唔滯口，所以我也忍不住連皮都食埋。問職員啲雞好食係咩地方的雞？得知係清遠雞，唔怪之得。而卡邦尼意粉就無需形容，都係有蛋黃、忌廉、洋蔥、煙肉、芝士。但食落我覺得不錯唔油膩唔滯口，我老婆就好鍾意，佢話成餐最鐘意個意粉，有酒店食卡邦尼

The two-person combo menu is great value for money and has a good variety of choices. We enjoyed the fish and chips just as much as the original branch in K-town. The grilled fish also offers a balanced alternative. The fried seafood basket has a generous amount of squid, prawns, fish fingers and crab croquette - was also a pleasant surprise and addition.