Fish & Chick Plus (已結業)

西環的 fish & chick 早已嚐過，第一次吃有被驚艷到，因為炸魚鮮味而不"散"，薯條亦香脆內軟，內軟的薯條是最新鮮有口感。這次工作到觀塘，特意到one pacific吃個早lunch, 12時多，未到peak hour 人還不多，坐了二人桌，這間店比西環的大一點點，沒有海邊的悠閒，但環境也是quite casual.見到lunch menu 也有6,7款選擇，但極愛吃硯+pasta 的我也不用想就點了大硯意粉，連湯加飲品，一百多元，不平也不貴。白酒硯意粉很多地方都吃到，但好吃的卻不易找，畢竟硯的新鮮與否是極其關鍵！若果肉質不彈，即是不新鮮/ 雪藏，我甚至在別處（中價餐廳）吃過罐頭貨，那味道極其不堪，亦浪費了整碟意粉。當然，fish & chick 做開炸魚，深明海鮮之道，這裡的大硯大隻亦鮮，扁意粉十分有味，小辣味道出色，四圍吃硯意粉的我亦十分推薦。鍾愛spaghetti alle vongole 的人可以來試試～畢竟好吃的vongole pasta 也真的不好求。

大大話話年多沒有去Fish & Chick, 原因是西環常常無位泊車，觀塘沒有了海景，加上剛開業食物仍差一點點⋯⋯ 擱置了那麼久，於是在決定探訪。點了二人套餐再加一隻烤雞，兩大兩小將食物全清。套餐的分量絕對十足，頭盤是煙三文魚沙律、雞翼薯條和兩個湯，炸魚薯條和卡邦尼意粉。小朋友吃得很開心，說真的薯條外脆內軟，令人停不了！ 炸魚當然好味，只是小朋友要放涼了才吃，太多海鹽黏在脆皮鹹了一點。 至於烤雞皮脆、有肉汁，吃完真的可以再吃其實有很多不同魚類選擇來做炸魚，石頭魚是我至愛呀！

同朋友們行經觀塘，諗緊食咩既時候，突然係OPC出面見到呢間食fish and chips，二話不說就上去了！環境很美式，還播放美式音樂，不錯！份量算多，女孩子一個未必食得晒呢

今日公眾假期，和家人出外揾食，揀咗亞太中心的fish & chips plus。裡面裝潢另人舒服。Set lunch包頭盤，主菜和飲品。頭盤，我們揀了煙三文魚沙律配蜜糖刁草汁三文魚兩塊，配起沙律一起，感覺清新。另一個頭盤香烤芝士啡菇配車厘茄啡菇面上有一塊芝士，配合得宜。主菜，傳統英式炸魚配薯條＄88魚是紐西蘭藍鱈魚，炸魚炸至金黃色，炸粉下的魚肉雪白，肉質嫩滑，點上沙律醬吃，美味可口。薯條較粗身,這道菜感覺有點邪惡。另一道主菜烤雞半隻配薯條＄98雞烤得皮脆肉嬾，幾靚仔。這個值得推介。最後點上一杯凍檸檬紅茶。

原定上星期嚟觀塘，已揀好咗要嚟fish & chick plus開餐，後尾臨時取消咗，今個星期終於可以試到嘞！太耐無嚟觀塘，一直以為同apm連住果座building 就係亞太中心，點知原來果度係鱷魚恤大廈......真係大頭蝦！路痴真係麻煩！哈哈哈！幾經辛苦終於嚟到亞太中心，呢度成座大廈都係食肆，如果之後每個星期一都要嚟觀塘嘅話，我估真係可以續間續間試晒！到時真係不得了呀~~個肚腩！餐廳位於3/F，可以坐Lift又可以坐扶手電梯直接上嚟。原本喺open rice book咗7點半，但嚟到已經8點。員工都好nice 一樣幫我做返9折!平日夜晚只得2、3枱客，所以好快我哋就被安排坐餐廳角落嘅梳化位，啱啱好我哋兩個都可以坐到梳化位，闊落之餘仲有位放袋。餐廳裝修以海洋為主題，藍配黃嘅對比色特別鮮明，簡約casual嘅座位令人好舒服。牆身掛咗唔同魚種嘅圖畫，呢6款魚都可以揀嚟做fish n chips架！哈哈！右下角就係石頭魚~~好肉酸呀!炸魚薯條係一道源自英國嘅街頭小食，係英國嘅名物，英國人嘅生活都離唔開炸魚薯條。雖然歐洲、美國、澳洲、紐西蘭等地都有，但英國先係炸魚薯條嘅發源地。又講下歷史……

APM人多，所以睇戲前先去附近亞太中心開餐。扶手電梯一直上就可以見到。裝修簡單，店鋪地方唔大。時間尚早，唔使等位。粟米湯。不是由罐頭粟米湯煮成，粟米味濃郁，加上忌廉，口感更加creamy 。傳統英式炸魚配薯條。炸魚種類可以改，加錢轉英國銀雪魚。外皮香口卜卜脆，炸魚有兩三隻手指厚，炸成金黃色。肉質唔鬆散，比較結實，但鮮嫩唔嚡。無雪味，更重要係唔腥，配上tartar source或粗鹽，啖啖肉，好享受。薯條粗切，更加有薯仔味。整體比起去英國當地食到的並不失色！

Set dinner $298起 @ fish ＆ chick plus呢日k同k姐撐枱腳，係觀塘嘆左餐高質晚餐！😍😍之前k曾經係lunch hour試過，但無諗到佢地既晚餐性價比都幾高😋。Set dinner包括頭盤、餐湯、小食、主菜、意粉同埋餐飲，仲可以加錢追加埋甜品，食完滿足到一個點！ . …頭盤揀左炸鮮蘑菇沙律，炸蘑菇好juicy唷~餐湯亦令k心心眼，k揀左蕃茄魚湯，洋蔥味幾濃郁，仲食到粒粒魚肉，好夠鮮味；k姐既栗米湯好綿密，粒粒粟米有咬口🌽。小食加左40蚊要小食籃😁，有炸蟹肉球、炸魷魚圈、炸魚同炸蝦，一次過滿足你幾個願望 🤘，熱辣辣脆卜卜超正！ . …登登登登！黎到主菜，主菜揀左傳統炸魚配薯條，經店員介紹後，揀左來自英國，肉質較結實既銀鱈魚😂（加$40），佢仲有其他魚類如本地新鮮魚可以選擇🤔。薄脆既外皮包住銀鱈魚塊，有效鎖住肉汁😋😋，魚肉亦嫩滑，點埋沙律醬無得輸😝粗身薯條份量亦多，夠哂熱辣辣👏👏。而意粉要左龍蝦汁大蝦扁意粉（加$30），原來加左小蝦乾係意粉裏面，所以蝦既鮮味好出，扁意粉索左醬汁好yumyum😍😍，而且。K仲加埋甜品，要左紅蘿蔔蛋糕😍😍，厚厚既一份蛋糕，當中有點

過去曾在這間主打fish & chips的西環總店吃過一趟，吃後並未留下很深的印象....想不到今次來到其觀塘的分舖試一下，水準卻像是比總店有過之而無及呢....來這裡，沒理由不叫一客fish & chips來吃的....炸物美味的關鍵在於肉及外皮要做到乾身不油膩。這一說易行難的原則，許多所謂的名店也未必有信心做得到。而這兒呢，算是弄得不俗的 ---- 魚肉嫩口不腥，外皮金黃脆香漲卜卜；薯條夠粗身非常有咬口感，吾之大愛也....炸得興起，索性再來一籃炸物platter....這一類的拼盤，例牌內容都是些如魚手指、洋蔥圈的東西，這兒的除此以外還加入了蘑菇以及更矝貴一點的蟹餅....當中最出色的，當要算到crab cake了....一睇就知，料足味濃鮮。一絲絲的蟹肉放入口，朕滿足矣....其次是菇，能處理得外皮脆香之外仍能保持到菇的水份存在，不易也....炸物很好是可預計，但料不到連普通的pasta也做得okay ---- 意粉有驚喜，入口甚具咬勁；煙肉碎若能炸香至脆啪啪的話風味自更佳；茄醬甜酸尚合度....愛好炸嘢的母子，自然吃得眉飛色舞；而就算我這個不太好此道之人，也覺不錯呢....

2年前，我哋偷轉機時間，閃遊倫敦8小時，話晒係M佬第一次去英國，除咗去大笨鐘之外，最重要就梗係要食Fish and Chips啦！但自從嗰次之後，我同M佬有食過薯條，但就好似再無食過炸魚。今日回顧番當年嘅旅程，不如順便回味當年嘅味道啦！去英國又未免太遠，一於去住觀塘嘅Fish & Chick Plus頂住檔先啦！炸蟹肉球沙律：蟹肉球炸到脆卜卜，咬落去食到絲絲蟹肉，炸皮唔厚，感覺特別；至於沙律菜夠晒新鮮。蘑菇湯：蘑菇味濃郁，最緊要入口夠滑，好味道。白酒汁煮鮮蜆：粒粒蜆都好大粒，好豐滿，仲要索晒啲白酒汁，微辣但好鮮味。傳統英式炸魚配薯條-石頭魚：炸石頭魚又厚又大件，真係成隻手掌咁大呀！肉質紮實又唔嚡口，炸皮香口鬆脆，無雪味，而最重要係一啲都唔腥。而個tartar sauce同個魚夠晒match！至於薯條夠晒長又夠粗，自己落少少鹽調味，薯味濃郁！自家製龍蝦汁大蝦長通粉：原隻大蝦又新鮮又彈牙，而長通粉嘅軟硬度啱啱好，唔硬又有彈性，索晒啲濃郁嘅龍蝦汁，好好味。

又係西餐時間，點左二人餐 $ 298，包餐湯,沙律,3款食物同甜品是日餐湯有粟米湯，磨菇湯煙三文魚沙律配蜜糖刁草汁煙三文魚有4大片，配上蜜糖刁草汁清新開胃。傳統英式炸魚配薯條成手掌咁大既格棱蘭島大比目魚！比目魚比較滑身，冇雪味，炸得岩岩好脆！滋味小食自家製雞肉球配燴雜菜，雞肉球係自己整，配蕃茄汁好開胃。橄欖油炒香蒜片香辣番茄意粉超香蒜片味!少少辣，意粉略油左少少，但好惹味！雲尼拿奶凍奶凍好滑身，唔覺膩

對上一次吃fish and chip在愛爾蘭，念念不忘那間炸魚薯條店，店內有多達10款魚給你選擇，香港吃的炸魚，都是店主設定，我真係唔想出街吃一些不知名的魚柳，例如鯰魚柳是我最怕的。前一天用OpenRice訂位，午餐訂座時間13:30前有95折，所以book了13:30, 平日呢個時間當然多人，好彩有book位，去到有一張吉枱。午餐menu 都有幾多選擇，例如雞、意粉及煎魚，今天為炸魚而來，所以二人都叫了一個炸魚薯條。前菜：香烤芝士大啡菇車厘子，賣相不錯，可以加多啲芝士會好味啲。前菜：煙三文魚沙律配蜜糖刁水汁，汁帶少少甜幾好味。紐西蘭藍鱈魚薯條，呢個比較滑身，冇咁腥，但就欠缺咗啲魚味，外面個皮炸得好香，水準之作。本地新鮮鱸魚薯條，呢個比較腥但好有魚味，同樣好吃。服務員殷勤招待又有禮貌，雖然地方坐位一般，但食物、價錢及服務質素也值回票價。一人份量真係食唔晒，剩低半碟薯條，想食埋都無能為力。

好好彩又係一去到就有位，可以入座~打開個餐牌，好多都好吸引呀。雖然呢度係有好多fish and chips，但我居然叫左個意粉，仲要係貌似齋意粉？！講意粉之前，講下前菜啦，佢有湯同沙律可以簡，由於係有野飲配，所以我就唔簡湯啦~~大大塊，正呀。意於個意粉，唔好咁驚訝，因為佢真係好特別，以為蒜頭係調味？少年你太年輕了，佢係主菜呀！一路就係搵d蒜頭黎食，又好咬又好甜，就算配上辣椒，都唔會話好辣，真係必食推介！！食、食、食、食、食、食到停唔到口，呢樣真，一定要食！埋單都係$68咋！有前菜、主菜、飲品，~環境又好，真係超抵既午餐！

第一次在這裡吃Fish and Chips，點了最貴的石頭魚($145)，薯條炸得香脆，又熱 炸魚的炸漿也薄，炸得皮脆，魚肉夠熱！不過炸魚味道其實普普通通，沒有什麼特別，蘸上Tartar sauce吃就挺好吃！炸鮮魷魚($80)有驚喜！肉質爽口，不會炸到很難咬 不過份量少，這就$80真的挺貴Daily happy hour是5:30-7:30，這杯Asahi啤酒就$38 (happy hour價)，啤酒配炸魚真的一流！ P.S. Happy hour時間內點Fish&Chips，薯條免費refill ！因為事先在OpenRice訂位有9折優惠，所以兩個人各付$150就吃飽了(吃薯條吃飽……)算不錯了 (不過真的貴......)

入到黎發現裝修熟口熟面，原來之前去過西環店食lunch. 今次再次黎到試下佢既dinner set. 我地兩個人叫左個$298 dinner set. 我覺得個餐都幾多野食，而且一定會飽的。左邊係corn soup, 又咸又甜有d飲唔慣。加邊係potato soup, 好飲過corn soup 少少。炸磨菇沙律好食! 磨菇好juicy, 好香口!雞翼我揀左燒烤味，上黎果時熱辣辣，好食主菜fish and chips是必食的，襯埋tartar sauce 食到停唔到口。由於我地倆個太鍾意個sauce 所以refill左兩次。waiter 都好nice, 即刻有refill.+25蚊上埋carbonara , 佢地呢度整得不夠creamy, 味道不夠濃。整體唔錯，好多野食，重有兩杯野飲包埋，食到好飽啊～

Fish & Chips 在本人心中是街頭小食, 在英國吃過最地道的, 在香港不會以此標準比較. 而我是愛吃魚的人, 對於不同的魚味算是敏銳. 可是....炸魚不是我所追求的方式, 更要是這個價錢, 我一定選擇吃中式蒸魚 or 日式刺身.當晚是女朋友的朋友生日, 一星前訂了位, 星期五放工一行六人抵達, 不需等候直接安坐. 內在環境不大, 尚算不太迫, 依靠牆的有梳化, 其餘的是硬座椅, 接受的舒適度.店的坐位不多, 服務員人數充裕, 但仍有漏單情況出現, 要檢討了. 啤酒只有 Asahi 與 1664 兩款, 兩者都是味淡的, 未能滿足愛啤酒之人. 其餘有果汁汽酒, 女士歡迎, 男士免問.食物評語請看每張相片描述, 不在此多花時間. 只想再提點一次, 小心蜆有怪味 !!! 以貨論價, 每人消費 $300, 是吃得飽, 但吃罷沒記憶吃了什麼味道, 認為有點不值. 要吃飽吃好味, $50 一個燒味飯一定在炸魚之上.最後, 抽風系統問題, 我極討厭的事發生了.....滿以為這樣的室內裝修, 不會衣衫沾上油煙味, 結果.....一條人肉魚條踏出店門離開. 如果是去韓燒 or 吃火鍋, 會早有