Flames (鴻圖道)

營業中

休息中

呢一間開喺觀塘附近嘅西餐廳，環境舒服，服務亦都周到，難怪無論平日定係星期六日，都吸引唔少人過去食lunch～我哋當日就揀咗兩個lunch set，分別係燒烤醬燒丹麥豬梅頭配薯條🐷 $128 同埋 香煎魚柳配香草紅甜椒忌廉汁🐟$138，佢哋嘅丹麥豬梅頭肉，肉質好腍，而且好有豬味，配埋燒烤醬非常出色！另外搭配魚柳嘅香草紅甜椒忌廉汁亦都非常有驚喜，令呢個魚柳添加唔少風味～呢度嘅lunch set仲可以根據自己嘅喜好，加配唔同嘅嘢食，例如我哋當日就加咗$18，要咗佢哋嘅是日餐湯🥣～當日嘅是日餐湯係非常濃郁嘅南瓜湯🎃另外佢哋仲有香草芝士蒜蓉包，加$38就有一份四片～蒜蓉包嘅包質感好好，一份四片同朋友share就啱晒啦～食飽之後我哋仲決定加多一個甜品，是日甜品🍰 加$38就有交易，當日去甜品有幾款選擇，最後我哋就揀咗芝士蛋糕，擺盤精美，味道都唔錯

FlamesWeekend 唔知食咩好嘅時候就會去食Flames，覺得佢環境舒服得黎食物味道又唔錯。⭐️ 意大利蘑菇煙肉薄餅Flames嘅pizza 係薄批，上面鋪滿咗煙肉同蘑菇，煙肉鹹香適中，加上蘑菇唔會太油膩。⭐️ 千島菠蘿和牛漢堡鬆軟嘅漢堡包夾住菠蘿，配上千島醬汁同和牛漢堡扒，每一啖咬落去都好滿足。⭐️ 黑松露磨菇扁意粉扁意粉煮得剛剛好，黑松露嘅香氣濃郁，配上Creamy醬汁包裹住每條扁意粉，啱晒鍾意食蘑菇嘅朋友。

入到餐廳, 先由一位黑面紋身男帶位. 2位朋友食牛面豬薑黃飯, 飯冇味, 牛唔熱只係室溫. 我就食薯條豬梅扒, 韌到每一次都要鋸30下以上先離肉, 最後半嚿我放棄, 因為我點切點扯都扯唔開, 薯條熱但唔脆. 因為都唔諗住再幫襯, 所以諗住拿拿聲飲完杯嘢就走, 但埋單時又忍唔住同黑面紋身男反映, 佢先唔睬我, 跟住我再講, 佢黑住面同我講:「下次早D出聲」. 哩餐真係食得好唔愉快, 難食又要睇面色

係觀塘駿業街想食西餐就諗到FLAMES餐廳係商廈地下 一邊門口對住鴻圖道室外有幾張枱自成一角室內裝修雅緻 圓枱有格調又有空間感中間有棵樹好特別午餐有lunch set 包飲品有燒春雞 漢堡 牛扒 豬扒 魚柳 意粉 薄餅 沙律好多選擇見到唔少人揀薄餅同燒春雞½ 葡式香辣燒春雞配薯條半隻燒春雞熱辣辣皮脆肉嫩 外皮微辣想辣D可以加橙黃色既香辣醬 辣度會提升好多薯條佔左半隻碟 卡邦尼扁意粉火腿洋蔥蘑菇好足料上面灑左芝士粉同香草擺盤靚小食加左炸脆魚柳手指 +$48炸脆魚柳手指有6塊

假日經常來的觀塘鴻圖道的flames , 最近都可以選擇價錢更優惠的 lunch set, 好多pizza意粉都係大約100蚊。見到隔離枱嘅pizza 真係流曬口水， 不過近排 減少進食碳水化合物， 所以我哋嗌咗兩個主菜 牛扒同埋魚類， 配菜選擇烤蔬菜， 真係唔錯。8安士紐西蘭肉眼扒配烤蔬菜午餐都有牛扒選擇， 牛扒炭烤紋理清晰， 配西蘭花同埋薯仔， 點牛扒個醬汁幾好食。香煎魚柳配 香草紅甜椒忌廉汁這個好像是新菜式， 魚柳炸得很香脆， 肉質都保持嫩滑多汁， 最驚喜係個醬汁， 味道好特別好食。甜品 咖啡慕絲蛋糕好香濃嘅咖啡味道， 慕絲滑捋捋， 餡料係車厘子酸酸甜甜。

星期日瞓到自然醒，最啱就係去食個brunch醒醒神！今個星期日嚟到觀塘鴻圖道嘅「Flames✨」，真係抵食😆！$88起就有主菜加飲品，仲可以加配餐湯或者小食，性價比高到爆💥！🍗 **葡式香辣燒春雞配香草黃薑蕃茄飯** 一上枱就聞到陣陣香辣味，春雞燒得啱啱好，外皮香脆，內裡juicy到爆汁🤤！配香草黃薑蕃茄飯味道好特別，黃薑嘅香氣同蕃茄嘅酸甜完美融合，食落好開胃，真係一啖接一啖停唔到口😋！🍝 **卡邦尼扁意粉** 卡邦尼醬汁濃郁得嚟又唔會太膩，扁意粉煮得啱啱好，煙韌有咬口，仲有啲煙肉粒同芝士碎，每一啖都充滿幸福感🥰！一定唔可以錯過！🍕 **夏威夷薄餅** 薄餅底脆卜卜，上面鋪滿咗菠蘿同火腿，酸甜嘅菠蘿同鹹香嘅火腿簡直係絕配👌！芝士拉絲效果一流，食落去每一啖都係滿足，真係食到舔舔脷😚！總括嚟講，「Flames✨」嘅brunch真係抵食又好味，環境仲好舒服，啱晒同朋友一齊嚟chill下😎！下次一定會再嚟試吓其他菜式！👍

觀塘高質有情調西餐廳今次又嚟到觀塘西餐廳flames，見呢一間餐廳OpenRice睇評價唔錯👍地點又方便❤️估唔到餐廳幾好情調，情侶食或者一大班朋友嚟食都OK，我今次叫咗，牛面肉扁意粉：估唔到份量都幾多，我覺得比平時出面餐廳嘅意粉多一倍啊💯而且肉仲好多，呢個好好食（ $148 ）Fish and chips：佢超級大條，條魚都有魚味啊😘炸得都幾香脆，薯條好好食（ $158 ）Aloha Pizza：佢焗得好香，個批底我好欣賞，又鬆軟，但係仲係香脆😍 （ $178 ）我平日夜晚嚟都幾多人食啊，所以大家記得book枱啊😎

座位都闊落~都坐得幾舒服🆗燈光偏向較暗，現場有Band Show睇~好有氣氛🎶另外呢度有好多唔同種類既嘢食有意粉🍝/Pizza🍕/扒類🥩/炸物🍟/甜品🍰等我就試咗🦐燒大蝦三文魚籽龍蝦汁扁意粉🍝意粉好彈牙，大蝦好鮮甜好香口蝦上面仲有滿滿嘅三文魚籽😍😍🦞龍蝦汁口感Creamy好濃味~超推薦👍👍仲有是日餐湯~南瓜湯🎃南瓜味好濃郁，口感Creamy~配埋香濃熱奶茶☕聽住Band Show~又渡過一個美好既夜晚😌😌💡如果有朋友生日仲有機會享受到Band為你即場唱生日歌🎂🎤

這次的用餐體驗充滿異國風情，令人耳目一新。夏威夷薄餅 - 搭配酸甜的菠蘿、煙燻火腿和濃郁的芝士，口感層次豐富。菠蘿的清新果香與火腿的鹹香完美平衡，加上芝士的拉絲效果，每一口都充滿滿足感，令人彷彿置身於熱帶海灘。香草白酒煮青口配黑松露薯條 - 青口肉質鮮嫩，浸泡在香草與白酒調製的湯汁中，香氣撲鼻，入口帶有淡淡的酒香與香草的清新。搭配的黑松露薯條更是點睛之筆，外脆內軟的薯條撒上黑松露碎，香氣濃郁，與青口的鮮美相得益彰。整體而言，這兩道菜無論是風味還是擺盤都極具水準，既能滿足味蕾，又能帶來視覺享受，是一場充滿異國情調的美食之旅。

今日慶祝朋友升職，嚟到一間乾淨舒服嘅西餐廳食野。✨️《葡式香辣燒春雞》呢個菜式可以不同價錢配黃薑飯、薯條、沙律。我選配了沙律。呢個 dish 真好 Colourful， 賣相晴。葡式春雞外脆內嫩，點埋辣醬，十分滋味。✨️《8安士紐西蘭肉眼扒》可選配烤蔬菜或薯條，我就選了烤蔬菜，味道新鮮。薄薄嘅肉眼扒入面很粉嫩，且有嚼勁。✨️《炸脆魚柳手指》炸到脆卜卜，魚肉香滑且並己去骨，配埋附上海鮮醬一起食，味道十分匹配。✨️飲品凍熱情果茶 ~ 陣陣熱情果味，杯內有片檸檬，不是太甜。熱奶茶 ~ 意想不到的港式香滑味濃奶茶，正☺️

嗰日同朋友係觀塘行完街諗住去食晚飯，點知因為太晏🤣好多餐廳都要閂門或者已經last order 左。我哋係條街繼續搵餐廳嘅時候就搵到呢間餐廳仲未閂，所以就決定試下佢我order 左一份燒大蝦三文魚籽龍蝦汁扁意粉🦞🍝，而我朋友就order左一份蟹肉巴馬臣芝士蕃茄忌廉汁通粉🧀🍅，我地仲嗌左一份避風塘雞翼share嚟食🍴燒大蝦三文魚籽龍蝦汁扁意粉嘅大蝦肉質鮮嫩，龍蝦汁亦都好濃郁同好夠多汁，再加埋啲三文魚籽一齊食口感唔錯👍🏻 而啲意粉🍝都好al dente, 唔會煮都過淋蟹肉巴馬臣芝士蕃茄忌廉汁通粉啲芝士忌廉汁超濃郁creamy，可能因為有蕃茄🍅嘅原因，所以唔會話太過膩，啱啱好。而啲通粉都好煙靱😆避風塘雞翼外脆內嫩，可能因為啱啱炸起，所以超級熱♨️爭啲辣親個咀😂

有驚喜西餐廳💖 餐廳裝潢有格調，佈置型格有心思 很適合打卡📸 環境闊落 設有室外座位，座位寬敞舒適，燈光昏暗 好有氣氛，適合約會或朋友聚會 小酌一番🥂 店員服務態度一流🥰晚市二人消費：$495 🫧包括加一服務費🫧 𝑭𝒐𝒐𝒅🍕Aloha Pizza 夏威夷薄餅 ($178)✨菠蘿、火腿、俄勒岡葉、聖馬札諾蕃茄、馬蘇里拉芝士推薦，有驚喜！熱騰騰 新鮮出爐，香氣撲鼻🔥 餅底好香脆，配料豐富，飽肚感十足，蕃茄的鮮味加芝士的濃郁，口感味道值得一讚👍🏻 🦐King Prawn Linguine 燒大虎蝦三文魚籽龍蝦汁扁意粉 ($158)✨燒大虎蝦非常鮮美，配上三文魚籽的鹹香，龍蝦汁更提升了整體的風味，醬汁濃郁而不膩，意粉口感滑順 啖啖滋味😋🥦Roast Vegetables 牛油烤蔬菜 ($58)✨健康之選～色澤誘人，口感香脆，搭配牛油的濃郁香氣，每一口都充滿自然的甜味，非常適合作為配菜👍𝑫𝒓𝒊𝒏𝒌🍎Apple Juice 蘋果汁 ($28/Glass)✨清爽可口，酸甜解膩😋

Flames 📍觀塘鴻圖道51號Two Sky Parc地下1號舖個環境好靚，好啱慶祝😂 佢除咗有室內，仲有室外area，天氣暖翻少少嘅時候坐岀面應該幾chill~⭐️黑松露薯條 $58份量好多，新鮮熱辣辣啱啱炸起嚟，脆卜卜~黑松露味好香好開胃，做餐前小食啱曬! ⭐️炸雞 $88炸到色水好靚好吸引！炸雞本身嘅肉已經有調味，再加埋檸檬汁，一舊接一舊好快清曬😂🍗 ⭐️ 燒大蝦三文魚籽龍蝦汁扁意粉 $158隻大蝦上面有好多三文魚籽 ，係燈光下面閃令令，超吸睛✨ 扁意粉好掛汁，龍蝦汁嘅調味係酸酸甜甜，推薦！🍝⭐️ 卡邦尼薄餅 $168個pizza有意式煙肉，鵪鶉蛋，意大利奶酪芝士，忌廉，巴馬臣芝士，馬蘇里拉芝士🧀鵪鶉蛋係流心架！煙肉加芝士再加流心蛋係幾咁邪惡嘅組合🤣🤣 而且嗰邊應該係酸種麵包，咬落好軟熟。絕對係大份抵食之選✨#fookdie觀塘 #觀塘cafe #觀塘美食 #flames

見評分十分出色，所以去到試了一個2人套餐，一件肉眼套餐，另一件加錢升級安格斯套餐。雖然唔貴，平均1個餐300蚊。但做生意唔係做一次的。薯條急凍野，唔好諗住係新鮮薯角，2件都叫了5成熟，來到全部9-10成熟，肉眼邊有10安士，6安-8安都唔知有冇。安格斯好d，有8-10安，2件都好似食香口膠咁，咬唔入。肉眼我估3分厚都無，同經理溝通後換左件安格斯。來到切開又係9成熟，食一半就放棄了。不建議點扒餐，搵笨的，6百幾蚊比呢d貨。無味道，個爐又唔識用，唔知係d扒問題定係廚師問題定係個爐問題，燒到得炭屎味，影衰哂間環境咁好既餐廳。

年初六完全未有開工嘅心情😂今日放工就同朋友約左去觀塘食晚餐，吹下水😂因為有揸電單車，一泊好係骨位，就見到依間望落唔錯嘅餐廳，見佢有位就試下佢🙈入面環境都幾有feel🥂我地叫左4樣野share~香煎半熟吞拿魚車厘茄沙律 （配青檸青瓜薄荷汁） $138 ⭐️⭐️⭐️上菜果陣，傳黎陣陣青檸青瓜味，眼前鮮嫩半熟吞拿魚非常吸睛，第一啖食落去 鮮甜到想再食多啖，呢個starter都算幾開胃，底層新鮮車厘茄有紅色橙色令到擺碟好靚，心情靚佐，胃口都開佐香煎照燒汁橙鯛魚柳 （烤蔬菜，芝麻油烤粟米） $198 ⭐️⭐️⭐️⭐️⭐️外脆內軟，香煎後外有脆皮，而裡面重保持到肉汁，每啖都享受到鯛魚嘅香味，有魚油香，但唔會見到有多餘嘅魚油，配上嘅薯菜好好味，同時增加佐飽肚感，另外多樣性嘅配菜，令成個擺碟感覺好豐富，有喜悅嘅感覺，配菜有小胡蘿蔔，細條粟米仔，芝麻油粟米粒，芝麻油粟米比起牛油粟米更香口黑松露薯條 $58 ⭐️⭐️⭐️夠熱夠脆，薯肉飽滿，淡淡的黑松露味平均分佈每一條薯條，仲可以配上蕃茄汁，小食最佳之選雲呢拿雪糕配布朗尼 $78⭐️⭐️⭐️⭐️擺碟一流，打卡專用😆雪糕加Orea碎係最佳配搭‼️布朗尼好香濃，甜度適中，白朱古力粒粒增添佐食