Flash Coffee (恒生荃灣大廈) (已結業)

ICED AMERICANO S $24嗌左少冰，一出比我已經即飲，但都覺得好淡，飲到少少nutty味，其餘好多風味都溝到極淡，或者可能本身隻豆係偏淡？ICED MATCHA LATTE S $33都係少冰，呢個反而有驚喜，奶同茶味都好濃厚，比好多手搖舖頭更加重料，可惜呢間係coffee shop無得加料加珍珠😂

🤔 知道依個連鎖咖啡店好一段時間，每次經過開都未係想飲咖啡嘅時候，或者已經飲咗杯。依日朝早小編去荃灣做嘢，見未夠鐘，入咗買嚟試一試！☕️ Cappuccino 😋😋😋😋咖啡同奶都調配得唔錯，溫度啱啱好！飲落好溫和！😌早餐 💵 約港幣$30/人 💁🏻‍♀️ 依一間分店有設堂食座位，另外見到佢哋提供早餐、套餐優惠！第時經過開，咖啡癮起，平平地，可以再試試！🙆🏻‍♀️ 最後，喜歡嘅話，歡迎follow @foodirectory.hk！

呢排氣溫急跌，唔知有冇人同我一樣手腳冰冷🥶 想飲啲暖嘢，留意到Flash Coffee 推出seasonal special，凍得滯表示頂唔緊喇～佢哋呢個The Ultimate Joyful Treats 系列係用薑糖做主打，今次同姜糖屋企人一人一杯🤪薑糖熱朱朱(S $32)飲落朱古力味同薑味平衡得好好，甜度揀咗regular sugar都唔會太甜，而且落咗奶所以飲落去特別滑，自己平時唔算好鍾意薑味飲品都覺得好正🥳玉桂薑糖鮮奶咖啡(S $34) 第一啖飲落薑味都好出，玉桂味反而會係後段更明顯，而且啲ginger latte飲完好似真係特別暖💛其實今次係第一次嗌熱飲打開蓋，原來係有拉花㗎ヾ(´︶`*)ﾉ♬ 另外佢哋去到12月25呢個系列，只要用手機落單，買第二杯就會有半價優惠🤩

今日 (21-1-2023 Sat)年三十朝,同老公送爸爸入急症室後冇耐,大哥到嚟接應,咁我同老公去食早餐先,由於一行出嚟係德華街,唔行返去街市街搵嘢食喇,咁去邊呢?我記得呢喥有間茶餐廳(https://www.openrice.com/zh/hongkong/r-%E8%B6%A3%E8%8B%91%E8%8C%B6%E9%A4%90%E5%BB%B3-%E8%8D%83%E7%81%A3-%E6%B8%AF%E5%BC%8F-r100108),點知已經收爐,咁去要搵人頂手嘅滿粥啦,途中經過呢間睇,知道係食三文治嗰類,睇吓又好似幾吸引,咁就試吓啦.攞menu睇,套餐只包咖啡飲品,咁我無緣享受,老公就要$41.00嘅鬆餅套餐,佢揀藍莓芝士流心鬆餅,要美式咖啡,再要個$36.00嘅藍莓芝士蛋糕,店員問佢藍莓芝士流心鬆餅使唔使翻熱?佢答要.而我就要$24.00嘅玉桂漩渦酥,飲$42.00大嘅朱古力榛子鮮奶,店員問我要咩奶?有鮮奶,脫脂奶,豆奶同燕麥奶,我揀脫脂奶;亦問要唔要減甜?我答唔須要.同樣地問我使唔使翻熱玉桂漩渦酥,我都答要.等咗一陣,全部嘢都有齊就開動喇.老公一試藍莓芝士流心鬆餅就

行過見到荃灣都開左間flash coffee，以往都係港島見得多。難得呢邊唔使排隊wo。入去唸著叫被咖啡醒下神，點知原來有優惠。一個good afternoon set，包括一杯咖啡+一個muffin，都只係36蚊。二話不說，就點左佢。店面好乾淨，當日室外只有10度，入到入面覺得好暖，好舒服。店員好窩心咁幫我加熱左個muffin。好好食，咖啡都好香濃。真係好正wo。如果呢間野開公司隔離就好啦，咁就可以多d幫親。廚櫃仲有好多選擇，緊有一樣啱大家。推薦一試！

上次試過個蘿蔔絲蛋糕幾有驚喜，我同事話係外國版蘿蔔糕🤣啲紅蘿蔔絲一條條，有啲咬口唔係淋bat bat，食落唔太甜 有啲肉桂味，都幾特別（起碼我未食過🙈見到哩杯咖啡上面朵玫瑰，不禁諗起出面啲外賣咖啡好多一打開得一pat奶泡，要讚一讚咖啡師既心機，快閃都有花收🤣👍🏻環境乾淨，一向Flash比人印象好鮮明，一眼就記得佢，店員都好有禮貌，Nice👍🏻