Foodeli (德福廣場2期)

營業中

休息中

賣相ok，正正常常。 湯低酸度適中，但我嫌佢冬陰功味唔夠濃香。 檬粉好大兜一個人食唔晒，但斷開一條條爛晒好難夾，索啲湯水索得好快，碗嘢放咗五分鐘就已經索到冇曬湯，但啲檬粉即使索咗勁多湯都唔係好入味。豬扒比較油膩，軟硬程度適中，冇乜肉汁。 整體唔係難食，亦唔係好食，食過一次未必會再返食。 #泰國菜 #泰國美食 #泰式美食 #冬陰功湯 #香港美食 #FoodieLife #foodie #DiningExperience #美食日記

呢間店啲和牛漢堡真係無得輸，咬落去，肉汁四溢，啖啖肉仲綿密得嚟彈牙，一啖入口呢，真係好滿足！🍔 新鮮生菜同蕃茄都爽口得嚟做得好balance，唔會搶咗和牛嘅風頭。至於醬汁，嘩，講真唔誇張，夠哂味，但又唔會過分濃郁，正喎！梗係食咗埋塊和腿啦，啱啱好嘅煎炸工夫，皮脆肉嫰，啲薯條又係外酥內軟，窩心！飲埋杯冰涼涼嘅可樂，清新過癮，飽到你話唔出。🥤 無論係開胃還是問候下肚，呢啲都算係平民美味，吸引到我會想喺度開個「肉」會呀！而家講真，我係一個美食博主，日日食咁多好野，但係呢個和牛漢堡真係印象深刻。吃嘅時候簡直心情大好，飽飽地一個字——正！👍 下次唔該記住叫塊和腿，咬一啖，爽喊出嚟！嚟到呢度食飯，確實係一種享受！美食同埋滿足感嘅完美match，真係一試難忘！

有個婆婆冇叫野食坐係度休息被一個男同女foodeli服務員趕走仲話lunch時間好多人等,但明明仲有好多位, 而且其實有其他人坐係度冇叫野食都冇被人趕走。 本來book左位食韓燒依家可以cancel,費事冇曬位啦。🙄🙄

#出差食好嘢系列 今次嚟列九龍灣—德福廣場，做嘢既地方附近係「沙漠」，寧願行遠少少過嚟德福食飯！近期無乜點嚟過德福，原來開左新foodcourt 😍 望落乾淨企理，裝修風格色彩鮮艷，岩晒我心水😚餐廳選擇不少，花多眼亂！連續兩個午餐都在此解決，第一日我揀左《古早台屋》的🔸紅燒豬軟骨肉燥飯配黑糖珍珠厚鮮奶🔸。最令人覺得稱讚係杯飲品擺盤嘅方法，飲品係外賣包裝，擺盤時杯面向底，咁樣做就可以好安全拎去座位啦😽 食物方面豬軟骨變左豬硬骨，煮腍啲就更好！同一天，同事則揀左《CHIMAC》韓國菜的🔹韓式炒牛肉飯配粒粒蜜桃汁🔹。盛裝牛肉飯是使用韓國炸醬麵用的碗，好地道！加上罐身只有韓文的粒粒蜜桃汁，有一刻覺得真係去左韓國食飯咁🇰🇷，吾知係咪因為呢間專門食炸雞🍗，變咗其他菜式就差少少🤏🏻。第二天，我地兩個都揀左《千味家》的自選三餸飯配凍豆漿！菜式精緻選擇多：有肉餅、蒸水蛋、多款蔬菜料理⋯不過最吸引我嘅係菠蘿咕嚕肉😍😍三餸內我揀左咕嚕肉、蒸水蛋及節瓜雲耳，其實佢仲有雞髀可以揀，不過自己想均衡營養食啲菜😏。菜式水準十分好，不會過咸不會過甜，最估唔到係food court 都有兩餸飯揀👍🏻👍🏻整體來說，呢度好乾

Foodeli係同朋友喺food court一眾餐廳隨便搵嘅韓式餐廳我哋叫咗2個餐 第一個係部隊鍋拉麵🍜❣️部隊鍋拉麵好大份，有3塊韓式年糕🤍一條廚師腸❤️泡菜🥬番茄焗豆🥫紫菜碎🖤仲有一大碗公仔麵💛對於女仔嚟講相對大份，唔係幾肚餓嘅話兩個人食都綽綽有餘💦韓式年糕煮得有少少軟，冇咗年糕特有嘅煙韌，呢個位有少少減分🙉其他都係正常發揮，湯汁唔錯👍🏻🙆🏻‍♀️個人認為同屋企煮嘅水平差唔多，但勝在分量大，出門覺得肚餓又對食冇太大要求嘅話可以一試！另一個餐係韓式火山醬炸雞🌋本來擔心份量唔夠，就再加咗牛油粟米🌽薯蓉🥔同韓式牛肉飯🍚全部都好高水平好好食😋特別係炸雞，雞肉鮮嫩多汁💦外皮酥脆，加上恰到好處嘅火山醬，簡直一流🤤絲毫不輸Nene chicken，真係一啖接一啖咁食🤤🤤😋係下次再去一定會食嘅不二之選！！薯條有附番茄醬，點火山醬同樣野味🔥🙆🏻‍♀️我覺得本身份量都好足，推薦行街路過見到買一份同朋友share食💕

係foodeli 咁多間食肆中，選擇左CHIMAC韓國料理🥰🥰點左一份原味有骨炸雞配薯條，有飲品送，感覺上性價比高再+$18配左個細韓式牛肉飯果然圖片只供參考炸雞外表唔討好，偏細仲有好多黑色一點點焦燶左既野，炸雞炸粉唔香脆，肉質乾身，重醃肉粉味，薯條極咸，2者都係凍的，明顯放左一段時間韓式牛肉飯味道正常，起碼飯係熱😂😂但份量出乎意料地細，碗既size係平時去酒樓飲茶啲細碗仔😮‍💨😮‍💨又浪費左一個quota🙈🙈

九龍灣德福2期food court都幾多選擇行完一轉，又好耐冇食上海野，決定試下呢間<<山城小麵>>都幾多人食，而且又多外賣，見佢有d踢腳正宗酸辣粉轉薯粉，波浪紋，幼身，粉量都幾多，煮得岩岩好幾有咬口，唔會太淋！酸辣湯小辣咁紅都以為辣，又唔係好辣，易入口🤭😋酸度岩岩好👍🏻👍🏻蒜泥白肉，望落去咁多紅椒碎似好辣，食落唔辣😂都幾多塊！唔算好油，勁多蒜溶，正😋紅糖冰粉，有包山楂粒跟埋，食落好滑，好正😋😋必食$69有三樣野都算係抵食🥰推薦

有時lunch 諗唔到食乜就會嚟呢度揾嘢食，易揾位，今日食咗美食廣場入面嘅嘅燒味餐廳。單拼燒味飯/湯瀨加烚菜加嘢飲$56 ，呢一區嚟講都算抵，過返megabox 嗰面呢個價錢唔會有菜🥲至少要$60，不過佢得熱飲同汽水😂 應該係因為舖仔細細無位擺冰櫃呢度啲叉燒幾特別，佢有寫用橙嚟醃，所以偏甜，食得出橙味，存在感都幾强，食到一半覺得都幾漏，甜得濟，好在肉質都幾腍，半肥瘦，想食叉燒嘅話建議食雙拼，下次想試吓脆皮燒腩仔。

店名：韓式炸雞🍗穩唔到間主要店唯有寫係foodeli 間 food court 度畢竟真係係入面 大家想食可以直接穩下 蔥🧄蒜醬油炸雞呢款真係值得一試 味道很好 👍 鹹甜鹹甜 加上蔥蒜香味味點綴更加帶出炸雞香味 但係份量算少 如果2人食就有d 少 唔夠飽肚 建議都係叫大份 不過都係睇大家究竟想試味定果腹 幸好最後有杯可樂 先收買左我大胃王個胃 下次我回試下其他 當時實在食太多啦 唯有等下次試其他類型 韓國其他菜色再推薦比大家 其實價錢都算適當可以接受範圍下 如果炸雞份量大d就最好啦

中午喺度食，今日容易搵位，環境亦算坐得舒服，呢度有好多選擇，今日就幫襯咗間叫濟州燒肉食堂，叫咗個韓式炒粉絲，同埋泡菜豬肉鍋配飯，呢間嘢算係叫做飽肚之選， 不過下次再嚟呢度嘅話，應該會選擇其他，試下其他食物 。韓式炒粉絲 加荔枝梳打$84韓式炒粉絲份量算幾多，但係裏面牛肉偏小，切到好細一條條，食落冇乜口感，即係都唔知道食咗條牛肉，菜同粉絲都多，唔介意牛肉偏細偏少嘅話，都算係飽肚選擇之一，味道亦唔差嘅。泡菜豬肉鍋配飯加 Coke Zero $74泡菜豬肉鍋裏面嘅泡菜多過豬肉，而且泡菜好似有渣，即係口感唔係咁好。味道唔會太辣， 跟個白飯都算啱啱好。

以前沒怎麼吃過這種美食廣場，因為覺得食物素質應該一般，不過被其中一家chicken 852的鹹蛋黃炸雞吸引了，看著太誘人了，滿滿的鹹蛋黃在上面，確實雞塊炸的外焦裡嫩，不過鹹蛋略鹹，整體不錯，薯條也是酥酥脆脆，外酥裡嫩！

🌶🍜🥣山城小麵•燃情刀削麵+麻辣手撕雞+紅糖冰粉 ($79)手撕雞肉質唔夠滑，不過個麻辣配料好夠味，嗌左小辣已經好夠辣同麻🌶。刀削麵麵質都唔錯。食完辣既麵即刻食返碗凍冰冰既紅糖冰粉，非常解辣👍🏻-🍗🥤Chicken 852•咸蛋黃炸脾餐 (雞上脾及雞下脾各1件) 配薯條及可樂 ($52)雞脾好大件，依個份量黎講$52算係好低食。雞脾唔乾既，不過咸蛋黃既皮有啲膩。

Sunday，到德福廣場逛逛，重點逛MUJI，聽說這家的鮮品，是全港規模最大的！Shopping 不經不覺已經２小時，lunch time都過了，往上１層是新開的Food Court ~~ Foodeli環境：很好！特別點讚免費供應飲用水，有冷有熱，非常貼心！食物：#山城小麵的１人餐：醋香雲耳、麻辣雞絲伴麵、紅糖冰粉，份量非常足！１個人會吃不完，定價69元，性價比高！#38元 ３餸客飯，連我媽媽都說超值！點了２份！#瘦叉燒飯，味道中規中矩！以上，４人share吃，是非常不錯的午餐！重點是：快！繼續 Shopping part ２！

講咗十幾年嘅飯聚 終於都約到啦超滾動.. 嚟緊呢位兄台同我實現夢想啊話說德福二期頂樓嘅百貨公司原來執咗..發現啱啱開咗個叫Foodeli嘅Food Court..🤩🤩呢度有School Food.. Mos Burger Express..Pepper Lunch.. Chicken 852.. 濟洲烤肉..棋子燒鵝.. 千味家.. 占士包點.. 江仔記..山城小麵.. 好多餐廳 種類又多 真係應有盡有..-我當然揀咗至愛嘅Hamburger啦MOS BURGER：特級和牛漢堡 配薯條及飲品一杯嘩嘩嘩.. 比我想像中有出入.. 個包真係好大份吖塊漢堡好巨型 牛味濃濃Dee 啱晒好大食量嘅我醬汁配上新鮮嘅蕃茄同生菜 真係好滿足Ahhh-佢熱氣所以無得食Fast Food啦千味家：自選套餐三款餸配飲品一杯哈哈 玻璃櫃面上 有好多七彩繽紛嘅餸菜喔揀咗蒸水蛋 蒸肉餅同菜芯 有營養又健康呢

德福二期開咗新嘅美食廣場，放工時間過嚟睇吓有咩好嘢食，發覺原來冇想像咁多餐廳！我哋叫咗肉鬆腸粉( 腸粉比想像中奇怪，唔係嗰種好爽嘅腸粉) 可愛奶皇包 & 蓮蓉包，pepper lunch 牛肉飯，然後去左另外一間食檔買咗個牛筋牛腩米線 (對我來講有啲太鹹，米線分量唔算多)兩個人嘅份量，食完都唔係太飽，可能我哋太大食，價錢係正常如果多啲餐廳選擇，咁就唔錯！由於廣場啱啱開幕，可能唔係太多人知道，所以算比較少人，唔使等位