Foodie 泰式煎餅

營業中

休息中

無得去泰國，估唔到香港都食到好食嘅香蕉煎餅淨係原味都已經好好味，下次可以試埋其他口味除左甜味，仲有其他咸味嘅煎餅。價錢都唔算貴，係香港唻講，差唔多，滿足到個份泰國癮已經好開心

之前元朗有一間泰式煎餅超級想去，但因為太遠嘅關係所以一直都冇去，咁啱旺角開咗一間泰式煎餅，梗係要試吓啦，主打泰式煎餅同鮮果撈嘅小食店，泰式煎餅有十二種口味，最特別係有鹹有甜，除咗經典香蕉口味，仲有馬來西亞100% D24榴槤煎餅，鍾意食榴槤嘅你哋一定要嚟試吓啦，我就不了😌😌鹹味方面當然唔少得近年最hit嘅芫荽啦，火腿芝士口味加入火腿絲、芝士粒、芫荽同沙律醬，講起都想試吓咁特別嘅配搭， 除咗呢款之外仲有其他嘅鹹味，例如肉鬆，咸牛肉等今次就梗係試吓佢個🍌原味泰式香蕉煎餅先啦，大約等咗5分鐘就整好，一份都幾大份，朱古力醬滿滿咁覆蓋住煎餅，一拎起手熱辣辣，因為佢即叫即整，佢會幫你切到一細份，方便你食，香蕉餡釀左係煎餅裏面，佢煎得好香口，隱約見到啲黃金色，咬落去都算軟熟，但個皮就有少少硬，香蕉餡唔算好多，加埋朱古力醬食好正，唔會好甜😋😋下次都可以試吓佢嘅鹹點，應該都唔錯

因為前段時間在泰館吃了一個香蕉煎餅，簡直是驚為天人，於是滿港找有沒有類似的小吃，終於發現這家店，看到種類不少，價格也相對合理，選了一個原味的香蕉和一個榴槤，先生覺得味道不錯，我覺得榴槤餡兒還挺真實，但是有個問題就是皮不夠脆，和泰館肯定沒得比，但是作為小吃還是不錯的選擇

Foodie泰式煎餅原味泰式煎餅價錢💲: $32好味程度😋: 3.6/5服務🍴: 3.3/5環境🗾: /性價比🥢: 4/5回頭率😚: 3.3/5-元朗好出名的香蕉煎餅成日都排晒隊，無耐性的我選擇去旺角廣華街的呢間都係賣同樣的產品，唔洗排隊，即叫即有，加左分🤪 同埋佢地都有好多味道，有甜味大路款的Nutella、花生醬之外，仲有咩小丸子🫘、芋泥金沙等等。鹹味都有好多選擇，例如鹹牛肉、芫荽等。-✅原味泰式香蕉煎餅。第一次係香港食當然試試水溫，叫原味😂等左大約10分鐘，熱辣辣，煎餅真係好脆，入面夾住好香甜的香蕉蓉😆 餅皮好薄好脆，帶小小鹹，食落鹹甜鹹甜咁！面頭仲有煉奶同朱古力醬，份量吱得啱啱好，絕對唔係好甜好漏個啲，有啲係輕盈版本咁😗 個人覺得已經夠，唔太甜，但如果係螞蟻人，應該覺得唔夠喉🤫-ermm就係香蕉煎餅的味道，經過想食可以買。重甜人士唔建議叫呢個！唔鍾意好甜的就可以😬

終於唔使走到入大西北都有得食🥲成日都心心念念嘅香蕉煎餅之前成日要走到元朗先有得食依家終於九龍都有！-即叫即整熱辣辣嘅香蕉煎餅有好多唔同味道揀你都有好多好特別嘅例如芫荽都有今次就先試咗佢嘅原味✨邊邊位煎到好脆入面熱辣辣嘅香蕉加埋面頭既醬完全唔會輸比元朗嘅香蕉煎餅！-另外仲嗌咗杯芒果沙冰🥭超級有驚喜！唔係嗰種好假嘅芒果💫亦都唔會好假甜飲得出真材實料嘅味道飲到底仲食到少少芒果肉😍超級正！一定會再去！

晚上大約8點去到人唔多，有二至三人等緊，落單時店員語氣及態度不好👎👎👎，試左原味泰式香蕉煎餅，除左煎餅夠熱之外，醬汁唔夠，味道一般，唔需要再刻意去食此煎餅

𝗰𝗵𝗼𝗼𝘀𝗶𝗻𝗴 𝗮 𝗳𝗮𝘃𝗼𝗿𝗶𝘁𝗲 𝗱𝗲𝘀𝘀𝗲𝗿𝘁 𝗶𝘀 𝘀𝘂𝗰𝗵 𝗮 𝗵𝗮𝗿𝗱 𝗰𝗵𝗼𝗶𝗰𝗲🤔 𝗷𝘂𝘀𝘁 𝗯𝗹𝗲𝘀𝘀𝗶𝗻𝗴 𝘆𝗼𝘂𝗿 𝗳𝗲𝗲𝗱 𝘄𝗶𝘁𝗵 𝘁𝗵𝗶𝘀 𝘁𝗵𝗮𝗶 𝗯𝗮𝗻𝗮𝗻𝗮 𝗿𝗼𝘁𝗶 -- 𝗰𝗿𝗶𝘀𝗽𝘆 𝗽𝗮𝗻𝗰𝗮𝗸𝗲 𝘀𝗲𝗿𝘃𝗲𝗱 𝘄𝗶𝘁𝗵 𝗰𝗼𝗻𝗱𝗲𝗻𝘀𝗲𝗱 𝗺𝗶𝗹𝗸 𝗮𝗻𝗱 𝗯𝗮𝗻𝗮𝗻𝗮, 𝘁𝗵𝗲 𝘀𝘄𝗲𝗲𝘁 𝗮𝗻𝗱 𝘀𝗮𝗹𝘁𝘆 𝗳𝗹𝗮𝘃𝗼𝗿𝘀 𝘄𝗶𝗹𝗹 𝗴𝗲𝘁 𝘆𝗼𝘂 𝗵𝗼𝗼𝗸𝗲𝗱 𝗶𝗺𝗺𝗲𝗱𝗶𝗮𝘁𝗲𝗹𝘆!👄.話說一直都未的起心肝走入大西北食泰式煎餅，原來近近地喺旺角都開咗間，原味煎餅夾住香蕉泥，面頭有煉奶加朱古力醬但可以再落多啲，感覺似食緊lite版泰式煎餅😂 經過可以過下口癮嘅～

見到旺角開咗間泰式煎餅，有好多唔同口味選擇，有甜有鹹任君選擇，由於試吓佢原味，睇吓好唔好食先！🍴原味泰式煎餅 $32 (8/10)泰式煎餅，煎餅係用雞蛋同香蕉製成，上面加上朱古力同煉奶，店舖即叫即整，大概要等5至10分鐘。即叫即食先好食，如果拎走嘅話淋左就冇咁好食！切開咗16細件，一啖一件好方便！煎餅非常香脆，鹹鹹地，入面包住香蕉，加上朱古力同煉奶，醬汁真係啱啱好，唔會好多🤣呢個組合係好特別，個煎餅鹹鹹地，但香蕉同埋朱古力醬就甜甜地，食落好香口，唔會好乾身，外脆內軟，一啲都唔會好Heavy，同埋甜度啱啱好，唔會好甜，啱晒唔鍾意太甜嘅人！如果多啲醬會更加好食！推薦指數: 8/10經過旺角都會推薦可以試吓，當小食或者甜品都得，感受下泰式風味，都幾特別㗎！

發現旺角都開了一間香蕉煎餅，九龍人不用走到元朗咁遠，所以馬上試一試。款式有咸有甜，個人喜歡甜口味比較多，所以叫了兩款都係甜的。第一款，Nutella榛子醬香蕉煎餅，HKD 37。切好了十六件方便食客，我覺得醬料都落得多既，唔會孤寒，增肥首選。餅中間都落得多香蕉餡，肉眼都睇得到，食落亦都有好香濃嘅香蕉味。第二款，花生醬香蕉煎餅，HKD 37。佢既花生醬係有一粒粒花生碎喺面頭，所以食落口感多層次d，不過對比兩款，我個人覺得呢一款會比較滯，好容易食兩舊就飽，而且餅皮較簿，冇咁濃既香蕉味。

友人話好掛住泰國🇹🇭一於食個泰式香蕉煎餅止下癮😌果然係邪惡嘅味道😈#小胖遊旺角🐠————————————————🔹Nutella榛子醬香蕉煎餅 $37煎餅表面搽滿滿滿榛子醬🌰同煉奶，煎餅外脆，入面有蛋同熱辣辣軟糯香蕉蓉🍌，夾埋岀奇地完全唔會太甜🙆🏻‍♀️貼心切咗16塊，邊沿就香脆啲，中間就多啲餡料，各有各好🟫小編就中意邊沿位多啲😋咁邪惡嘅食物，緊係3個人share，每人食幾嚿就無咁內疚啦😛友人話如果可以好泰國咁喺你面前表演整，就再好食啲😂—————————————————🧜🏻‍♂️口水度：🌕🌕🌕🌖🌑🤑CP值💰：🌕🌕🌕🌗🌑🧚🏻‍♀️打卡值：🌕🌕🌕🌑🌑🥰舒適度：🌕🌕🌗🌑🌑👅再食指數：🌕🌕🌕🌘🌑.♟Overall♟唔算太甜/膩，味道balance得唔錯👌🏽因為小編第一次食香蕉煎餅😂無比較，覺得好食，喺旺角掃街可以一試

售賣香蕉煎餅嘅舖頭在香港不多，除了元朗香蕉仔便是在旺角新開的這一間。 我叫咗花生醬煉奶香蕉煎餅， 當時舖頭只有我一位客人 在店內等餐， 由於是即叫即整，我前面還有 兩張單， 但我等了十分鐘才發覺這間店並不是跟單而去做order，因為在我下單後十分鐘後有另一位客人剛order, 但只等了五分鐘便有得食， 我比他還要再等五分鐘才可以拎。 雖然這位客人叫原味煎餅和我叫的花生醬煉奶煎餅不同， 但兩者嘅差別只係前者內有雞蛋和朱古力醬喺面而後者沒有。 明顯地這不是遲來先上岸有得拎貨嘅原因， 餐廳店員還試圖掩飾叫我再等等並沒有交代為何後者可以攞先嘅原因，其實明眼人一睇便是留單或做錯了單，這是我不滿這間店舖服務態度嘅原因。 如沒有這另一位客人，我還要等多久才能拿到我的煎餅呢？這店的煎餅雖然有花生醬和煉奶係面，但煎餅 味道帶鹹味， 所以吃起來的味道不夠香甜感覺怪怪， 煎餅亦比較元朗香蕉仔薄身， 煎得不夠香口 ,所以只此一次不會再幫襯。

Bookmark咗一段時間嘅舖頭 次次經過唔係我太飽就係佢無開 今次終於食到😆餅皮夠薄 煎得十分香脆 欣賞👍🏻餡料嘅比例都剛好 分佈均勻 每啖都食到雞蛋同香蕉😋絕對唔差過泰國食嘅！．鋪面貼咗標示 建議客人即叫即食 餅皮會係最香脆 外賣的話就會焗腍咗無咁好味💁🏻‍♀️．整體都好滿意 惟一要挑剔嘅係略嫌醬料唔夠多 唔夠甜😛下次應該會食nutella嗰款😆．另外見到店舖有其他鹹味嘅煎餅都覺得好吸引！有機會都會再試😆

見過網上📱有人推介，經過特登食😋。揀左個原味泰式香蕉煎餅🇹🇭，有圖睇，仲有介紹煎餅有雞蛋🥚及香蕉🍌，上面加上朱古力醬和煉奶。佢間鋪貼住📄””拎左煎餅後請襯熱食，凍左無咁好食””。🥶跟左佢個指示📃，買完就即刻食，入口就係濃濃香蕉味，煎餅薄薄地，煎到熱熱地，少少脆但無焦味，食落有少少朱古力🍫醬味，平時食既香蕉pancake好似好食d🤫總括係無乜驚喜，無特別好，但算中中等等，一般啦。😬😬

好耐無去過旺角本來諗住經開呢邊就去買個雞蛋仔食點知間鋪頭唔見左😂原來轉左做呢間香蕉煎餅咁就一於試下佢啦比完錢等左幾分鐘就得食啦即叫即整黎講都好快😍而且佢嘅價錢都算合理我叫嘅呢份係榛子醬香蕉煎餅 $37就好似張相咁塗滿曬榛子醬🥰超正啊上面仲有少少煉奶中意食甜嘅一定唔可以錯過啊而佢個煎餅亦都好脆 仲有少少咸咸地嘅味中和返個甜味 食完都唔會覺得好漏試完今次之後 以後經開旺角都會去食下希望佢可以開多啲分店啦✨

前排好想試下新界西人氣既香蕉煎餅，但無奈地太遠，一直都冇機會過去聽聞幾個月前係旺角開左間Foodie 泰式煎餅，就一於試下啦呢間店小店經營，主要都係做外賣為主，menu款式唔算多，主要有八款煎餅比你揀。我地兩個人就叫左個花生醬香蕉煎餅。老闆即叫即做，熱辣辣，啖啖濃郁香蕉味，加埋d 花生醬好鬼邪惡但好滿足大家有時間經過不妨一試