FooDo

營業中

休息中

忌廉汁鳳尾虎蝦、菠菜葉配手作闊麵😔第一啖個忌廉汁都算幾香，闊麵都有口感不硬而掛到汁，不過keep住食會覺得個汁會續漸濃味。感覺好似有加蛋係入面，對我而言好似有種腥腥地嘅感覺，個人感覺不能客觀睇🤔🤔🥹。 不過個鳳尾虎就好鹹，看到表面佢哋用大量香料落蝦到，不過就食唔到香料味，只係食到鹹味。唔個種食鹽感，而係簡淨你食到係好鹹，即使用啲汁想蓋過都唔得。🫠🫠玄米茶好濃味嘅玄米茶，同個意粉唔係好夾。食意粉係會想清清個口，不過過濃茶味，令到每次飲完都只會留咗玄米茶個種苦澀味係口。🥲可以一試不過去過一次我就唔會再去PS 唔好只係睇相，因為個價值已調整咗，加咗價嘅情況每個都明。不過100幾食以上食物，個人而言，性價比都幾低下😂另外，唔關食物時，咁啱隔離枱坐咗3個年輕人講嘢都好大聲下，我由入坐聽佢哋講中學男女同學到大學，演唱會之類都聽晒。講真都幾煩，我已經戴耳機都仲可以聽到😂，可能佢哋係想分享俾我知啦🤷‍♀️唔係針對年輕人，而係想大家去食嘢見朋友，開心之餘都比少少尊重其他人🥹

係ig 睇左啲foodie post所以先黎，講到話手工意粉，al dente，醬汁香滑，啲麵掛汁。全部都唔係😵 首先樓面個姐姐粗魯又無禮貌，講野199。 落單既時候話要2個忌廉白汁豬肉生蛋意粉+水果茶，個姐姐話：而家煮緊一個。 我同我個friend 一頭問號，然後問：咁即係無得叫個生蛋意粉？ 姐姐再答：唔係，不過而家煮緊一個。 我同我個friend 繼續一頭問號，問：咁即係點？另一個遲啲上都得。姐姐話：無得後上。我地繼續一頭問號，問：咁即係咩意思？ 咁即係有得叫定無得叫？姐姐話：喔…即係你地唔介意等啦落單落到咁都係第一次水果茶黎到，係好淡好淡既酸甜水果茶，好唔好飲見人見智，我就覺得唔好飲好啲個意粉黎到，份量勁細，啲麵質絕對唔係al dente！！係硬lol 無乜麵粉香味。個汁水汪汪咁一啲都掛唔到上個意粉到又無乜味。個豬肉就淨係得香草味… overall成碟野勁失望，唔好食仲帶左個friend 去食…勁失望

女人街兩旁食店林立，其中就有一間主打手工意粉及手工薄餅，全部自家製作非常有心思!!👨‍🍳- 雙重芝士·肉醬自家手工闊麵 HK$128 🍝經典味道出色手工意粉!!自家製手工意大利闊麵散發迷人蛋香，外層口感柔軟滑順，中心爽口有嚼勁。肉醬由牛肉及豬肉混合，味道香濃且油潤，搭配大量芝士，奶香及肉香相互融合，超好食!!- 日本太陽蛋菠菜·車打芝士自家手作薄餅 HK$106 🍳🍕新派日式口味有驚喜!!薄餅餅底非常香脆，每一寸都覆蓋著濃郁車打芝士!!太陽蛋熟度剛好超流心，蛋味濃郁!!菠菜新鮮且帶有甘甜香氣，整體味道豐富又感覺健康!!- 薯仔沙律 HK$32 🥔🥗日式味道!!軟滑香甜薯仔粒及薯蓉混合青瓜、紅蘿蔔及洋蔥等爽口配料，味道清新，口感豐富!!

人生第一次為一間餐廳留低cm🙏🏻今日見到ig上面介紹呢間手工意粉，覺得賣相都好吸引，於是決定過嚟試，開啟中伏之旅。首先就係餐牌都幾油，跟住侍應嘅服務無話差，但係都無話好。跟住就係重頭戲，叫咗個忌廉汁意粉同埋蕃茄汁意粉，加咗個蘑菇忌廉湯。忌廉汁意粉食落去只係去到正常，真正出事嘅係蕃茄汁意粉同埋蘑菇忌廉湯。蕃茄汁意粉只有一個酸字，成兜嘢之有蕃茄嘅酸味，已經接近唔係食物嘅水平。食到一半真係想放棄唔食，最後覺得唔想浪費都係食晒。蘑菇忌廉湯仲過分，聞落去嘅時候好香，但賣相有啲似嘔吐物。一飲，佢無論係口感定係味道都出事，佢口感太澀，叫蘑菇忌廉羹會更加合適，跟住佢嘅味道好奇怪，最重嘅唔係蘑菇或者忌廉嘅味道，完全食唔出嗰種係咩味，可能係我孤陋寡聞。呢個蘑菇忌廉湯已經唔係屬於食物嘅範疇。希望有人睇到我呢篇cm，救得一個得一個🙏🏻

佢開舖嘅時候好多人排隊，所以今次搵咗平日夜晚去食，唔使排隊就可以入。門口就可以睇到係手工制嘅意粉，以前未食過仲以為佢係韓國菜，點知係有心思嘅小店做手工制意粉。舖頭唔算好大，睇落去應該得三個職員，廚房同兩個服務員，唔使等位，但係都有八九成滿客人不斷地來。第一個叫咗醃肉蛋意粉，芝士加松露粒好好食，個意粉唔係好熱，所以隻蛋撈勻之後唔會熟到即刻出現蛋白，好融入個自家製忌廉醬入面，咁啱我哋嗰隻蛋黃好大隻，食完仲有好多汁喺個碗度，建議好似我哋咁用嚟點埋其他嘢食，因為係手工制意粉，所以係偏挺身嘅版本，要睇個人口味鍾唔鍾意食呢款pancake有鹹嘅亦都有甜嘅，我哋今次叫咗鹹嘅款式，上面係滑雞蛋，我就係攞咗佢嚟點埋意粉嘅忌廉汁，味道更加昇華。一路食佢都仲係滑蛋。最後叫咗個車打芝士醃肉火箭菜薄餅，由於係小店，所以佢真係即叫即整，如果大家要食薄餅可能就要耐心等吓或者一早叫咗先。依隻醃肉就同意粉嘅一樣，由於朋友在加多咗一份車打芝士，所以芝士味道超級濃郁，亦都會偏向飽肚薄餅屬於薄批類似餅乾款。建議大家嚟到都可以試吓唔同口味。

1月踏入2024年，最岩約身邊朋友見面食飯，今次去左旺角小店，地址吾算難搵，餐廳吾大 ，但簡潔乾淨。叫左兩個套餐，一個小食同一個甜品❤️全部都係自家制，價錢都好大眾，好有誠意嘅餐廳😝叫左忌廉汁醃肉，日本生雞蛋手作闊麵，留意番呢個餐只限堂食，可能因為有生雞蛋關係🤭 所以上桌後要自己盡快撈勻，本身都已經好多汁好creamy，撈完後更增添一份蛋香，醃肉方面亦都好入味，肉質薄薄的吾會太厚，口感亦都吾會太韌，手作闊麵都好彈牙，果然係餐廳嘅主打👍另一個就叫左個pizza，菠菜葉,車打芝士、馬蘇里拉芝士手作薄餅 ，size比想像中大份，皮屬於係薄底，熱辣辣食，食落口感非常柔軟，加上滿滿嘅菠菜葉同芝士，濃濃芝士拉絲中帶啲清新感覺烤焗芝士雞塊外層食落好香脆，溫度仲係熱辣辣，入面肉質都係好嫩焦糖脆脆蛋糕吾會太大份量，味道吾會太甜，但脆脆都算多，一啖蛋糕一啖焦糖脆脆👍隨套餐付送有水果茶 ，淡淡嘅味道，吾會太甜

旺角女人街不嬲多嘢食，今次試一間主打手工意粉同Pizza嘅FooDo。上網Search發現係藝人林秀怡開，質素應該有保證。今次比較想食意粉，所以同朋友都揀兩款唔同嘅意粉share食：蕃茄汁鳳尾虎蝦、菠菜葉配手作闊麵闊麵充滿蛋香，麵質結實，食得出係手作！蕃茄汁都好開胃惹味，落單時可以要求加辣，我地加左都唔算好辣。特別一讚虎蝦，肉質爽口彈牙，幾好食忌廉汁醃肉、日本生雞蛋配手作闊麵卡邦尼加蛋汁真係冇得輸，勁Creamy! 而手工意粉都好掛到汁，同醬汁好夾，另外醃肉食得出都係自己用豬肉醃成，唔會好似出面咁落煙肉，都幾有個性。加錢試左溏心蛋同薯仔沙律。溏心蛋生熟度啱啱好，滷得好入味，而薯仔沙律都係日式居酒屋style，將醃青瓜、洋蔥切碎再拌入薯仔沙律之中，幼滑得嚟帶啲口感。意粉套餐免費配水果茶，入口唔甜，感覺幾健康。平時食手工意粉閒閒地都百幾二百蚊一碟，呢度食只需要100蚊左右，仲送埋野飲，性價比相當高，行過旺角真係要試下。

一直好想食手工意粉🍝平時食開快熟除咗手工意粉，仲有手工薄餅、甜品最近因應天氣寒冷，出咗湯飯寫明係無味精無添加全自家製，好有誠意▶️ 蕃茄汁鳳尾虎蝦配手作闊麵 ($76)用上新鮮蕃茄，充滿蕃茄渣🍅味道天然但唔酸，啱晒我呢啲蕃茄控上面有三隻蝦，咬落爽口🦐略嫌鹹咗啲，不過撈埋意粉食OK嘅手作闊麵扁身，似蛋麵咁黃，口感煙韌有嚼口😋好好食，明顯比預製新鮮扁身面積大所以好黐蕃茄醬🥫我覺得如果可以加啲蘑菇或洋蔥作配菜會更好食，依家個意粉有啲寡 (好彩意粉質感夠好味)▶️ 醃肉、菠菜葉、車打芝士手作薄餅 ($96)唔係常見圓轆轆嘅Pizza，呢個係不規則嘅長方形🍕薄餅皮超薄，食得出係用自家製麵團，冇乜發酵所以唔似麵包蓬鬆質感反而幾脆身同有啲酥皮口感上面簡單放上芝士、菠菜葉同醃豬肉芝士唔會太鹹🧀豬肉醃得入味，半肥瘦同樣如果配料豐富啲會更好味😗(記得要趁熱食啊)▶️ 日漬溏心蛋 ($13)溏心蛋好入味，鹹中帶甜蛋黃晶瑩剔透，似gel咁黏黏哋意外地好食，推介！▶️ 凍冷泡玄米茶跟套餐送嘅飲品🍵玄米味香無添加糖，健康又解渴-手工闊麵的確好好味🤤配上香濃新鮮自製蕃茄醬，健康又美味Pizza都唔錯嘅唯獨配料上面可以更豐富

之前有朋友食過, 推薦這間手工餐廳。剛好朋友學完唱歌所以來試試。餐飲雖然不是在旺角最旺的地方, 但都好近, 所以地點其實挺方便。小食叫了炸雞, 糖心蛋及漬青瓜, 青瓜好酸爽, 超開胃, 開胃小菜一流。糖心蛋有一定水準, 可放心食用不伏。炸雞很不錯, 炸皮就薄薄, 幾乎沒有, 雞肉很厚實, 裡邊保有水分, 吃時感覺香口好味。餐湯是白湯, 菌香味好重, 而且很CREAMY得來又不會膩。奶的分量控制不錯, 所以又香又濃。主菜叫了手工意粉跟薄餅。手工意粉因為不是平日機造出來, 所以麵粉的質感很厚質, 不會覺很鬆散, 而且蕃茄醬汁很鮮, 酸度適中, 挺開囿, 配上彈口的鳳尾蝦, 口感一流。又不會很賺。接著薄餅的皮很薄, 是薄批, 上邊鋪有蕃茄及豚肉, 選的肉都是半肥瘦, 所以咬時感覺好JUICY, 上邊有芝士灑上辣粉, 開胃惹味。另外點了2杯餐飲, 及甜品。蛋糕很有水準, 上邊脆脆是餐廳自制, 可以外買, 跟朋友都買了。這個甜品力推!這裡地點方便,價錢又地道, 說真的, 味道又可~是不錯選擇!

同朋友去旺角女人街行街，之後就去咗呢間充滿聖誕裝飾佈置嘅西餐小店。我哋叫咗一個意粉一個薄餅，仲有跟每一份主食送嘅水果茶，再加咗小食，一碗湯兩個人share。a7忌廉汁日本魷魚、菠菜葉配手作意大利意粉 $126 少少🤏辣 🍝意粉有鹹蛋芝士味，感覺似係手工意粉，質料都幾彈牙嘅。芝士汁加菠菜同埋魷魚🦑，口感有種歐陸海鮮，再加田園嘅風味，魷魚爽滑，成個意粉味道都幾特別！🤤c4 波菜葉、車打芝士、日本太陽蛋手作薄餅 $104薄餅係麵包底，大大塊菠菜，食落去有一層軟林林嘅車打芝士，太陽蛋就可以用蛋汁淋上面，味道鹹鹹地幾好食。😊烤焗芝士雞塊 $48 🧀🍗啱啱焗好，雞肉入邊夾咗芝士，味道香濃。+$13加配 薯仔洋蔥青瓜甘荀沙律細份，但係入邊有洋蔥、青瓜、甘筍、三種蔬菜嘅口感同埋味道，搭配薯蓉感覺清新。跟餐送嘅水果茶，有啲淡淡的水果味，但係唔會太甜嘅，所以幾好飲。$18 蘑菇湯，湯入邊好多蘑菇碎，淡淡都係蘑菇忌廉湯味道。佢啲座位設計適合三五知己一齊食。

難得約到朋友，放工當然要去食啲好嘢食。嚟咗附近呢一間手工意粉舖頭，諗住試吓佢嘅手工意粉，因為朋友鍾意食手工意粉。臨近聖誕，舖頭都多咗唔少聖誕裝飾，見到花咗唔小心思。我哋叫咗一個日本忌廉汁魷魚菠菜手工意大利粉，再加菠菜葉，車打芝士日本太陽蛋薄餅。仲加配咗個薯仔沙律同芝士焗雞塊。要讚吓個芝士焗雞塊先，首先芝士味非常濃郁，亦都覺得表皮夠脆，咬落去唔會剩係得粉！薯仔沙律除咗有薯仔之外仲加咗蘿蔔粒同埋蔬菜絲，唔會太肥加咗好多牛奶或者cream，覺得自己好健康。要大贊呢一個日本忌廉汁菠菜意粉，手工意粉夠晒彈牙，食落去完全感受到嗰種手作嘅誠意，夠晒掛汁值得推介！至於個薄餅餅皮都夠薄，太陽蛋加菠菜嘅配搭夠晒特別，仲好貼心幫我哋已經切開咗容易食。最後呢個唔使錢就已經包咗嘅水果茶反而係驚喜之一，唔會苦澀推介！

餐廳佔地唔大，座位尚算濶落，裝修簡約舒服😌招牌有隻好Sharp醒嘅為食鬼👻是日點了 《忌廉汁鳳尾虎蝦手作闊條麵》，忌廉汁香濃，手打麵用上高品質嘅食材，日本麵粉/雞蛋🥚每日新鮮壓制，口感頗啱我，煙韌彈牙再偏硬少少😍《蕃茄汁烤焗芝士雞塊配飯》香濃蕃茄汁配上惹味芝士雞塊，外皮金黃香脆，入口Juicy多汁！份量剛好～～而飯後甜品，點了《焦糖脆脆蛋糕🎂》Size 唔大，但足夠2人Share～～蛋糕入口Creamy 最緊要唔甜👍🏻👍🏻配埋焦糖脆脆，一個完美嘅配搭！！食完都唔會漏！有驚喜嘅一個蛋糕😍所有套餐都會有杯凍水果茶/ 冷泡玄米茶🍹水果茶：好Fresh，唔太甜，都幾香🤭🍵玄米茶：茶葉含有成分濃度較低，沖泡出來也不會苦澀，茶有玄米香味，清新！

用心小店值得支持，呢間位於旺角既Foodo，意粉、薄餅同甜品都係自家製作，感覺到店家嘅用心。午市套餐免費配搭一杯凍水果茶，價錢以手作嚟計相當合理。✨香辣新鮮牛肉•自家製蕃茄乾·菠菜葉•手作闊麵 $126最近推出嘅新菜式，香辣同惹味之選。牛肉肉味香濃，手作闊麵條條分明，比一般意粉更加有嚼勁。對於我嚟講辣度較高，配搭凍水果茶啱啱好😝 ✨忌廉菠菜葉·芝士配手作闊麵 $67賣相已經相當吸引，滿滿既芝士令人充滿食慾😍 忌廉味道十足，菠菜葉可以中和膩感，兩個人叫多啲幾款share就啱啱好。

呢間小店位於旺角，堅持使用高品質食材，麵條採用日本麵粉同雞蛋，每日新鮮壓製而成～ 另一大招牌係薄餅，麵團亦係全自家製，經冷藏發酵，果然係誠意之作，絕對值得到訪一試！平日晚上都好full，提提大家要等齊人先可以入座，用餐時間60分鐘，當初擔心製作時間會好耐唔夠時間食，結果好快就上碟，即叫即整，熱辣辣，冒曬煙，絕對唔會好似出邊嗰啲整定先🤣闊麵叫咗兩款口味，一款以忌廉汁作調味，配上菠菜葉同芝士，另一款係番茄汁，搭配醃肉同芝士，一開始更喜歡前者，又creamy又掛汁，食吓食吓發現有啲膩結果就轉咗去蕃茄🤣 番茄較清淡，勝在味道唔算好假，闊麵有驚喜，口感煙韌，比想像中更軟，老少咸宜！手作薄餅同樣出色，要咗菠菜葉、車打芝士同馬蘇里拉芝士，芝士味香濃，好鬼邪惡，批邊香脆餅底煙韌，偏薄皮，忍唔住一啖接一啖！

幾年前都黎Foodo食過！開心水準都keep到~平日六點幾已經差唔多半滿😌叫左一個紅醬意粉，一個白醬意粉，是日湯品，焗雞，同蕨餅。個湯勁重磨菇味，見到一粒粒菇菇粒，好足料，值得一試。另外焗雞都估佢唔到，有少少其貌不揚但竟然唔老又多汁仲皮仲係脆！另外推薦蕃茄汁醃肉手作麵！全部野都好夾，肉咸醬鮮意粉彈牙👌🏻👌🏻我覺得好食過忌廉汁蝦意粉🤣最後個蕨餅充滿驚喜，真係做到cafe咁既質素，雖然得四塊，其實都幾大塊，加上滿滿黃豆粉，入口好滿足😌😌