Four X Four (已搬遷) 新店位置

港人生活 離不開一日一啡今日難得外出take break 去左four-four 個人中意佢地logo 商內佈置裝修由佈局至餐具都有風格格調長時間係裡面chill chill應該都幾正今次點左健康多小蕃茄的微辣厘茄蟹肉意粉平平地lunch set 換來滿滿蕃茄及蟹肉蟹肉入口鮮甜 配上多汁茄 意粉有彈性 不會過熟軟淋淋 帶微微的辣汁 刺激舌頭 幾好幾好友人十分傳統brunch 要食件sandwich沙嗲醬芝士牛肉三文治碎牛配上芝士 牛肉的熱到芝士半溶放上脆熱的厚多士上面 自己放埋塊菜 入口食落有層次 沙律菜又夠清新 雖然有提供麻醬 但唔用更好因為個秘製沙嗲醬已經超好食總結一下價值幾好 佈置舒服 食物不錯不過建議餐廳 薯角餐下次可以跟埋茄醬咁就更perfect了

同事推介黃店cafe,當然要去支持店內有很多文宣，裡裡外外都有～～小店不大，只有十多個位，廚房也很近，可以見到廚師們入面炮製美食Lunch time 到訪，menu 雖選擇不算多，但每款都吸引選了c餐配白咖啡粟米蓉湯，有粒粒半溶碎粟米，甜甜的賣相吸引，蟹肉好香濃，又有芝士配搭，加起來更香濃，而車厘茄中和一下味道，味道不錯很大杯白咖啡，如果更香滑就更好啦☺️店員都很有禮貌，服務不錯，吃食這個午餐很滿足離開👍

湯比較淡口味～我落左啲胡椒～以黃店黎講，呢度意粉算好味！麵條有口感，我點左黑醋mushroom pasta，如果可以多啲菇就更好～個waitress不斷落錯單，又計錯單，係咪對後生女唔可以有要求😂 黎得小店試下飲杯咖啡chill下先☕️不過留意返！！意粉嘅份量唔多，女仔餓起上黎/男人食未必夠飽架，同埋呢度無做晚市

想去這間「Four X Four 」很久了，今日下午有空，就專誠走到上徑口村hea一趟下午茶！「Four X Four」由四位80後年輕人合營，早在6月9日大遊行已在社交平台發聲；店前亦貼滿反送中文宣和設有連儂牆，是大圍的知名黃店！下午茶時段，套餐低至48元。據聞蟹肉出名，於是就點了微辣車厘茄蟹肉意粉配凍柚子蜂蜜，78元免加一。點餐後，店員先送上凍柚子蜂蜜。喝一口，冰涼透心，非常潤喉！再多等一會，微辣車厘茄蟹肉意粉亦上枱了！意粉有些硬身，不太辣，易入口！蟹肉真材實料，每一啖意粉都沾滿了蟹肉，正到爆！注意：年輕人很著重生活，所以「Four X Four」不設夜市，每日下午五點半關門。

顯徑開了新咖啡店，是早上開的，早餐時間就來試試。平時早起身，特別留意早上七八點開門既餐廳。八點幾來到，2個人有位。店內座位不算多，亦有提供室外座位。開店無耐，咖啡店已有熟客仔👍🏻晨早嘆杯咖啡☕️未行到門口已經聞到咖啡香歐陸早餐 $42輕型份量級味道不過不失蟹肉法包配醬油忌廉汁 $58這個有驚喜，蟹肉份量放滿整片法包忌廉汁厚實，忌廉好香！兩個人食晒後，覺得唔夠飽😂下次都會再來，住附近，味道不錯👍🏻11:30有午餐供應，有五款選擇。

要留意返小店係開0800-1700，無做晚市唔好摸門釘🙈 有分早餐，午餐，下午餐茶，每個時段淨係提供幾個set簡，所有食物每日都限量供應，同埋有多款咖啡☕️ 我就簡佐lunch去食🤭 每份set會包佐餐湯(蕃茄湯🍅勁濃郁)同飲品～.燒西班牙豬肉法包配秘製沙嗲醬蘑菇炒蛋及薯角 $88一上碟已經勁吸引😍 法包整得岩岩好脆卜卜，唔會話好難咬🙈 上面舖佐層我至愛既滑嘟嘟蘑菇炒蛋，仲有好邪惡既西班牙豬肉整得都好嫩🤭 個沙嗲醬幾特別唔會話好膩會好辣，而且仲落佐啲香草🌿落去調味，口感超級豐富仲好juicy🥰 細啲個口都食唔晒～ 沙律🥗帶少少酸甜既水果汁好清新😚 薯角有蛋黃醬點 咬下咬下就食晒🥺.什菌配醬油忌廉汁扁意粉 $85（加$10要佐溫泉蛋🤭）一上碟見到隻蛋咁動L已經覺得好邪惡😍 再加埋濃厚既忌廉汁簡直無得輸🥰 一食落口果然好creamy，攪埋隻蛋食味道更加濃郁😍 仲有我至愛既蘑菇，食食下已經輕鬆清盤🤭.另外餐飲+10轉玫瑰🌹cuppuciuuo 咖啡☕️，見到玫瑰花瓣同泡沫已經覺得好治療🥰 飲落除佐香濃既咖啡味仲有淡淡既玫瑰花香💛 .總結，難得係屋企附近有間文青cafe😍 次次經過都見到要排隊，雖

環境、食物、氣氛都好正，今日食左個歐陸早餐加白咖啡，杯咖啡香濃得嚟仲好香，完全吾苦，食完即刻有個good morning。裝飾同音樂都配搭得好好。老闆們仲係一班後生嘅靚仔

一早入大圍探朋友順便食番個All day breakfast 裝修好靚非常舒服,木系色調好有書卷文青氣息。12:00幾可以靜靜地嘆早餐香濃蕃茄湯勁豐富颜色鮮艷好有食慾好有蛋香，Rose cappuccino ☕️☕️☕️☕️咖啡味香濃，加上玫瑰花瓣淡淡清香，有意外驚喜❤️情特別好

經過大圍順便揾間cafe食下嘢hea下咁啱揾到一間好隱蔽嘅cafe叫咗碟煙肉扁意粉同一杯mocha味道好有驚喜 扁意粉最怕好乾身或太多汁同太鹹 呢碟調味啱啱好咖啡味道夠濃郁 今餐好滿足下次試下all day breakfast先

朋友住呢頭，過黎搵佢順便食個TEA，佢話呢間CAFÉ係附近難得有嘅西式餐廳（沿途行過去呢間CAFE好似見係茶餐廳多），所以就同我過黎TEA TEA舖頭嘅木系復古裝修幾靚，不過因為間店唔大，我地星期六下午兩點幾去食就要等半個鐘左右😃我地見係屋村入面的小CAFÉ，原本對食物質素都冇太高嘅expectation，但原來D野食唔單止賣相唔錯，味道都幾有水準，好有驚喜值得一試啊朋友叫左一個西班牙豬意粉，而我就叫左蟹肉法包，法包超脆，蟹肉又唔會咸度適中，配嘅忌廉醬油燒汁（唔記得個名Exactly係咩）甜甜地，成件事岩晒雖然呢度嘅食物選擇唔多（好似每個時段得5-6款左右，而且其中一款係All Day Breakfast），但好味又睇得就夠晒啦

多謝網友介紹這間cafe ，之前想去好耐，可惜我放工去到已經收舖，佢哋沒有做晚餐，唯有今日放假再去，點知整間舖坐滿人，要等，不過都係等左3-4分鐘！其實一坐低看著個餐牌，真係有選擇困難症。有我最喜愛的薯角及意粉，最終選擇食薯角，配埋秘制醬汁簡直一流，我又食哂d 醬汁！份量剛好，合適細食人士。是日餐湯番茄湯，夠味得來真係有番茄味，飲品都夠哂大抔！其實佢哋飲品都有好多選擇，但留意有部分飲品要加錢！佢哋野食好快賣晒，要去真係要鬥快架！

Four x four是一間不起眼的小店，位於大圍的上徑口村。偶爾經過，也沒有看到它。最近有住顯徑的朋友推介這家小店，我才知道它的存在，去吃個午餐！小店有十多個坐位，午餐繁忙時間需搭枱。數款lunch set都頗為吸引，包括all day breakfast, burger 和意大利粉，這些lunch set 還包括湯和飲品！這天我選了西班牙豚肉扁意粉，午餐有餐湯、主食和一杯熱薑蜜。餐湯份量比較少，但味道適中。西班牙豚肉扁意粉有點驚喜無論是豚肉、意粉、汁，都做得好好，有高級西餐廳的質素！因為這個高質素的主食，我一定會再光顧這間小店！這個lunch set 價錢為HK$78+10%, 在村屋/屋邨地區好像有點貴，不過論價值，是物有所值！推介各位來大圍幫襯！

一入到去就見到個私人連儂牆，而對面就係狗署，請過街坊食放題果種，係呢個咁危險嘅環境仲繼續表態支持良知抗爭，真係好難得。件法包都好好食，唔會太漏料都足，白咖啡我唔係幾慣陣味所以冇飲曬😂老闆加油💪💪💪

顯徑無咩好嘢食，來來去去都係茶記難得開左間小清新cafe，仲要有好多朋友推介趁放假特登來試下叫左個set lunch，pasta+飲品+餐湯 $88pasta叫左醬油忌廉西班牙豬肉扁意粉+溫泉蛋（食完先記得影相😛）味道相當唔錯，醬汁香濃，個扁意粉都煮得啱啱好個番茄湯幾驚喜，番茄味好濃，酸酸甜甜好開胃Mocha唔算驚為天人，不過區內算好超水準價錢合理又好味，服務都好好重點係門外貼滿香港加油poster，食得特別安心落街食飯新選擇😋

本身屋邨比較少飲杯野休息既地方，一啲連鎖快餐廳已經好多人，再加上周圍既吵鬧聲，放假果時想chill下都真係唔易。好似呢間4x4，雖然店鋪唔大但係就簡簡單單有種舒服😌享受既感覺，當然屋邨黎講消費係比較高，但係不失為脫離煩囂既地方。一個All day breakfast 加杯 coffee/tea，一樂也。暫時睇落早餐午餐都唔算太多選擇，希望之後會推出更加多既野食同野飲。呢啲小店（非連鎖店）已經買少見少，如果唔想俾大財團吞併真係要多多支持。