French Corner (已結業)

係香港食過唔少連鎖小丸子店，大部份都係油立立，淋芝芝， 但呢間既小丸子真係冇得輸! 老闆堅持小丸子係即製， 你永遠唔會食到攤到凍哂，一 pat野既脂肪。 小丸子皮脆內嫰，口感一流，餡料係生菜絲同八爪魚粒，雖然佢唔係多料，你咬完睇返粒小丸子會發現入面都有幾大個洞裝空氣，但係配上紫菜沙律醬同燒汁有種微妙既平衡，就算食完加大版既八粒，都唔會覺得好膩，有種 不遲也不早 剛剛好既感覺不過店鋪主要做學生哥生意，通常6點半到就賣哂準備收檔，有好幾次我都摸左門釘，想食都係要假期先黎到

黎到深水埗，一定要試下呢檔小丸子，可以話俾大家聽，呢檔野會顛覆你對街頭小丸子嘅睇法。首先佢製作一D都唔會求其，筆者食過好多次，沙律醬每次都係唧花，唔會求其同你唧，同如果你想即製，可以試下同佢講。呢度嘅小丸子唔會好厚粉，唔會只係得D粉味，粉漿個味係薄薄一陣，然後會食到入面章魚同佢D配料嘅味，唔會好似一般街邊檔咁，得粉味，好似食緊麵包咁。個燒汁同沙律醬份量剛剛好，唔會搶哂小丸子嘅味。總之，街頭小食呢D野，你唔試過係唔會知有幾掂！用餐日期:3/3/2019是餐費用:$18味道:9.5/10環境:8/10性價比:9/10

依間小丸子店已經由中學食到依家食左6.7年每次去到西九都會按耐唔住而買左因為實在太好食！依家嘅小丸子同街外好不同雖然較街外嘅size細粒小小 而餡料亦都冇咁多但佢嘅小丸子外皮係食過咁多間小丸子店最香脆即使係放耐左小小依然keep到而且佢係堅持即叫即做 吾會前定一啲擺係到等人買所以即使開店咁耐佢依然保持到水準要知道餡料質素只要商家肯付岀相對價錢就可以提升但小丸子外皮講嘅就係技術同心思了而且舖頭仲有其他吾同口味嘅窩夫亦係好唔錯的

深水埗出名多平民美食，呢間係西九龍中心8樓美食廣場既小店，係我每次經過都必食的。呢度最出名係章魚小丸子，記得最初只係買$12蚊6粒，而家$12蚊4粒，但依然係好抵食。 每一粒都係熱辣辣，夠多醬汁。窩夫亦會翻熱，沾上朱古力or花生醬，十分滋味，只需$10

呢間小店好細間同埋藏左係foodcourt度佢多數夜晚唔會開 朝早晏就先會開😂一見到佢開 諗都唔洗諗即刻去買個黎食☺️感我地就買左朱古力窩夫❤️佢係即叫即整 所以一攞上手好暖咬落去又脆再加埋啲溶緊既朱古力醬 好好味😋食完之後 好有衝動想食多個因為太好味👍🏻唔單止連鎖店 小店我地都要多啲支持架😊

相信大家都知章魚小丸子質素好參差😅 港🐷見到呢間舖都開左好耐 同埋keep住有人排隊 一於就試下 估唔到又真係幾特別😙-----------章魚小丸子 ( $10/4粒 $15/6粒 $20/8粒)港🐷係第一次幫襯 就叫左4粒試試先🤔 啱啱整好嘅小丸子香噴噴 都幾大粒 粉漿唔會太厚太實😀 每粒都有一粒章魚腳仔 中間比較空心 但外面做到脆卜卜 咬落唔似平時食嘅咁淋🤓 加埋沙律醬同燒汁超掂 仲有唔少紫菜 熱辣辣都幾好食 除番開$2.5一粒都幾抵😆 推介大家去開記得試下😛-因為多人買嘅關係 都等左15分鐘 可以周圍行下先😂 另外見到都多人食窩夫 下次有機會再食😆

食完雪糕後意猶未盡，與朋友到美食廣場行個白鴿轉！本想食班戟，可惜再次沒有開。看見不遠處，店的角落忽然聚集一堆人，原來都是輪候著小丸子～與朋友試試4粒小丸子加窩夫。黃梅醬比利時窩夫 - 熱騰騰！窩夫食落內脆外軟，挺鬆化～黃梅醬份量不少，酸酸味味，頗醒胃解膩！朋友的飄雪朱古力窩夫 - 同樣外脆內軟，朱古力醬蘸滿整個窩夫，甜度適中不會黏口！鱆魚小丸子 - 等了20分鐘，終於可以食到～小丸子熱辣辣軟綿綿，內裡的鱆魚頗彈牙，加上紫菜碎及沙律醬，味道不再單調！

西九龍中心尋食之旅2:原本想來吃miss pancakes，可是第二次來也沒開店，唯有轉戰其他小食店~ 看見角落的french corner蠻多人排隊買小丸子與窩夫，我也要試試為甚麼這麼多人著迷於此。小丸子供不應求，店主不停地燒~因為不想吃太飽，所以只買了10元4顆小丸子。 這小丸子塗上日式沙律醬和燒汁，頗大顆的，上面撒了不少紫菜片，看了很開心。裡面包著一顆肥肥的章魚塊~ 日式沙律醬吃起來剛好，不太酸，小丸子吃起來很有嚼勁，好滑好彈呀~ 四顆一下就瓜分光光，哈哈。窩夫口味也有很多選擇。這飄雪朱古力窩夫只是十元~ 入口時朱古力醬還蠻濃郁的，溫熱的窩夫吃起來不會太硬太乾，外層香脆，內裡鬆軟。特別的是剛入口濃厚的朱古力味，一入喉時嘴尖，舌尖停留的香氣被吞噬後，嘴感覺有點空虛。朋友的黃梅果醬窩夫也不錯，濃濃的香氣撲鼻而來， 果醬含在嘴巴裡慢慢化開，非常滑順 ，天然的味道，酸酸甜甜，十分滋味。

其實平時行開都見到好多後生食佢既小丸子,但每次想食都已經食飽飽,今日難得放假,又經過,忍唔住要試下龍與鳳估唔到真係冇另我同老公失望鋪頭應該係由2夫妻經營,男既負責整小丸子,女既負責收錢整格仔餅可能因為係啲學生放學既原因,我同老公排隊等左一陣隊先落到單,我地叫左$20@9粒小丸子,睇到佢做法同平時出面食唔同。小丸子燒完就放落油到炸,我同老公睇到就o晒咀,心諗:肯定好油好難食,有啲失望好喇,姐姐夾左小丸子後就加醬,加紫菜,貌相其實真係好唔錯,粒粒金黃色咁好喇,我地搵左張枱坐低就食,嘩,真係一個字。冇諗過炸過之後仲比平既小丸子好味,外皮炸過後變得好脆,但裏面一啲都唔會油,小丸子啲粉同料既比例剛剛好,食落口感同味道都一流。個醬汁再加埋紫菜味道同小丸子的味道十分配合我地2個人食晒9粒,都已經好飽飽喇~一次會試埋佢個格仔餅

店名：：French Corner地址 : 深水埗欽州街37號西九龍中心8樓美食廣場8F13號舖好味指數：8／10價錢：$20／9粒章魚小丸子位於西九龍八樓美食廣場內，專賣小丸子窩夫，店子小小，光顧客人卻極多。已經是第n次來吃（每次泥開西九龍都忍唔住食）, 就算要等20分鐘都心甘情願，小丸子🍡新鮮製作，配上燒汁沙律紫菜。外皮脆卜卜，咬落唔漿唔腍，粉既比例控制得好好，難怪咁多人幫襯。 

經過好多次都成日到人排隊,次次都想食又驚肥 琴日陪同事下午茶,終於忍唔住走左去買lu 好味,我點既係朱古力味,但老闆娘聽錯左我話花生醬味,佢係咁saysorry話整過個比我,我話唔駛浪費啦,咩味我都冇所謂,佢堅持話要加返啲朱古力醬上去 誠意真係已經100分 講返個waffle,佢係預先整好左幾個waffle放汁邊,有客要就放返個機加熱,個朱古力醬標榜比利是朱古力,咁食落真係幾滑,又唔會太甜,再加埋熱辣辣既格仔餅,味道真係好襯。個格仔餅都做得好鬆軟,唔會硬~淋左醬仲食到個waffle好脆好熱 $9一個真係超抵 !因為我果個老闆娘加埋花生醬,我個人覺得唔加會仲好味,加左花生醬個感覺好漏,可能係本身麻麻好花生味~下次一定要試埋佢個小丸子,我剛剛睇返啲食評好似好掂咁

一個伯伯同一個嬸嬸睇舖嘅小店，叫左6粒八爪魚丸，都只係15蚊，今時今日真係算好抵食，等左10分鐘，見到個賣相就好驚訝，完全估唔到會係來自呢個小店嘅出品，啱啱整起熱辣辣，淋上燒汁、紫菜碎同沙律醬，香得來又好有視覺效果，一入口係驚為天人，令我諗起係大阪食到嗰隻，如果佢做返細粒少少，個口感同味道應該會有過之而無不及。下次去親呢區都會來食！

去開這兒都知道…這店很受歡迎,很容易就變了要拿籌。今次我又再來了。叫了客九粒章魚丸…章魚丸入面的章魚不大粒,有其他雜菜有正宗沙律、紫菜、燒汁配撘這個價錢這個味道已經令人滿意。(每次都熱辣辣,仲好吃過龍X美食D章魚丸) 

大概四、五年沒來西九龍吧！ 知道西九多了不少食店進駐， 好奇心驅使下決定前來拜訪。西九的美食廣場與香港一般大型商場不同，這裏未有大集團的襲斷，卻有著一份莫名的親切感。French Courner-名字不知會否與小店的位置有關，位於美食廣場的角落。不過店舖售賣的並非是法國食品。 主要售賣比利時窩夫及章魚小丸子兩款小吃。比利時窩夫-$8/件： 窩夫可選多款口味， 選擇了飄雪朱古力醬。 窩夫並非即叫即制的， 選擇了口味後， 老闆娘把窩夫放入機內加熱，再淋上朱古力醬及灑上糖霜。不消2分鐘， 老闆娘向我端上熱烘烘的窩夫。熱力令窩夫飄出誘人的麵粉香。口感實在， 外層微脆。窩夫並沒未重放窩夫機裏熱而變得乾身難嚥。相反，內裏仍是鬆軟綿軟的蛋糕狀。蛋味濃郁，配上朱古力溶醬， 口味更是提升。French courner由兩夫婦一手經營， 價錢相宜，但食品質素並未因成本而降低。香港百物騰貴，8元的驚喜， 在French Courner可找到。

繼早前到赤柱吃過貴價的比利士烈日窩夫後，這次來到深水埗的小店，看到大大個保溫箱內放有一個個窩夫，牌子上寫著多款口味，有：原味，飄雪，花生醬，牛奶花生醬，甜牛奶，純朱古力及飄雪朱古力等多個味道，選擇不少呢，每個$8，還可+$3-5換購飲品朱古力窩夫$8這次就選了一個較為普通的朱古力窩夫～老闆於櫃內取出窩夫後，再放到窩夫機肉，再次加熱，然後再塗上朱古力醬，用小紙袋盛載著再遞上手上的窩夫蠻熱呢～外表吸引，每個邊位上也充滿著厚厚的朱古力醬。咬下去時，帶點微脆，但不太鬆軟，沒有彈性，麵粉感覺有點粗糙，沒甚麼香味。而配上朱古力醬，甜度適中，但朱古力頗油呢. . .小紙袋上印滿了油漬，說不上有質素. . .但$8一塊，一分錢一分貨，是扺吃的