Freshness Burger (已結業)

第一次食, 店面都幾舒服, 又有位, 不過呢度都係試一次好了…個飽又真係比其他fast food 大… d料又ok, 肉汁都幾多…不過… 食完就知佢落左好多味精… 食完之後好口渴…比其他fast food 更口渴… 好食都唔會食… 因為… 成60蚊一個burger 餐… 我個人覺得太貴了…

同兩位公子行完佢哋至愛嘅反X城, 要揾地方醫肚, 我就提議去食Burger, 反正他們都未試過這間! 行到門外, 看見開放式的鋪位裝修得唔錯, 好啱d年青人, 我們三人找了個空位坐下. 店內的員工笑容滿面, 招呼有禮, 我就order咗: 吉列明治沙律- 沙律菜都幾新鮮, 醬汁相當日式, 至於個吉列, 幾好味, 但食咗都唔知裹面係乜? 法蘭克福熱狗- 個飽勁唔掂 太軟! 配菜洋葱碎及酸瓜碎太多, 茄汁根本加唔到入去, 食起上嚟好論盡! 一路食, 配料一路跌... 幸而條熱狗腸都幾好味! 特級牛肉鮮堡- 好奇怪, 食第一啖後見到塊牛肉好似有內層咁, 充滿着肉汁在內, 咬落口好juicy! 配料亦好新鮮! 叫咗杯熱Cappuccino & Iced Cocoa - 杯咖啡好香, 唔錯! 凍可可就不得而知, 因兩位公子無講. 整體都ok! 但可以做得好d嘅

好一段日子前曾經O係海運FB 任職過, 所以間唔中都會想去食下, 當然大部份BURGER/SIDE ORDER已經食過哂所以去到都真係食果份懷念。食番我長期鍾意食既招牌包, 和風肉汁鮮堡都係幾好的, 但唔講得上好好食, 薯角又係, 正常味道同行朋友食左classic cheese 佢話只係okay(其實如果唔係怕太full,我會食double cheese, juicy好多)但果個芝士煙肉薯皮, 真係幾正 之前未食過的夠熱, 芝士夠香口正到一黎即刻食左相都影唔切我見到MENU 賣都係 $19, 我會再食囉...真係正 不過杯iced lemon tea完全冇味...的確係有改變既空間

10粒星滿分和風肉汁鮮鮮堡COMBO X 27*******7 和風肉汁鮮堡, 南瓜包軟夾正, 新鮮tomato一大件, 但個包唔夠大, 件牛肉被肉汁搶味而且都唔大添, 大食既會唔夠食, 結論, 可以一試, 但我會選triple O~9*********9 跟合風沙律, 睇落都幾多, 不過食落就唔多夠, 所有什菜都新鮮6******6 正常既一杯柚子茶記住選南瓜包既包再加 $10 加大碼喎~!5粒星滿分侍應 - 5*****5分 非常樂意講解homemade 南瓜包同普通芝麻包既分別, 同時又建議加 $10可享大呎碼既小食及野飲.音樂 – 都幾大聲, 傾計就要大聲 D 啦厠所 – 冇去到, 所以無評分

早兩日落銅鑼灣行街, 食左兩餐晚飯 (light dinner), 因為貪心, 想一餐食兩樣唔同的食物先去freshness burger食個照燒雞肉鮮堡餐, 首先要讚係個地方真係好乾淨企理, 坐位好舒服! 但食物就唔算好特別, 個雞肉包跟一杯可樂, 賣到$36, 價錢唔平, 但係雞肉的teriyaki 汁唔夠味, 我覺得淡左d, 生菜絲就唔係太juicy, 有乾的感覺!teriyaki汁, 係一樣好令人lam 利的醬汁, 一定要多同埋夠甜先好食, 但係呢個雞堡就一般, 唔夠重手, 不過因為環境唔錯, 其實又唔係難食, 所以都可以俾個ok佢

承蒙openrice的支持,於年頭得到了$50的frenshess burger優惠劵,久久仍未使用.早前又獲贈$100.總值$150現金劵,可以大吃大喝一番.照燒雞肉漢堡 - 和風味十足的照燒汁,感覺不似是吃漢堡.雞扒肥美嫩滑,除了照燒汁,還有加了沙律醬的生菜絲,感覺很充實.麵包是健康十足的南瓜包,雖然吃不出有南瓜味,但包身軟棉棉的,很討好.吉列明治鮮堡 - 吉列炸豬肉,做得不及專門店的吉列好.吉列被醬汁弄得很淋,不夠香脆,不及照燒雞肉味道好.脆薯格 - 沒有炸得很金黃,個人比較愛香口的食物,所以這次感覺一般.肉桂奶茶 - 不愛肉桂的味道,加上這奶茶茶味不濃,奶又過多,稀稀的,不太討好.焦糖布丁 - 焦糖很甜,由於在底的關係,而我吃的時候又忘了撈底,結果吃到最後,甜味叫我有點吃不消.布丁很挺,蛋味濃而厚,做得比漢堡更出色.很久沒有吃過freshness burger,在他剛開業的時候吃過數次,後來太多漢堡店的泛現而被遺忘.在眾多漢堡店來說,他的價錢不算很貴,但味道卻又不夠突出,所以未能叫人一試難忘.最後要再謝openrice的優惠劵,食評拖了很久,有點不好意思.

而家無左餐,每個burger+$24先有野飲有小食,仲要無得再+$5要抹茶鮮奶!靜悄悄加價!超級唔開心呀!今次要左照燒汁牛肉堡:菜厚過個飽,牛肉超級薄(幫手減肥?),而且唔juciy,都係classic最好!corn soup:幾creamy,好飲~Purin:要左原味,幾香滑,有蛋味,我鐘意~Tiramisu cup:$18無諗過咁細杯,不過幾好味,唔漏~柚子茶:+10加大,真係好大杯,正常味(但係無得飲抹茶鮮奶,好唔開心!)我諗我有一排都唔會再去

周圍都減價, 連freshness burger 都當街當巷派 $10 coupon, 於是同男友兩個人去食我買o左個雙層夏威夷鮮堡, 而男友呢, 就揀o左個脆魚鮮堡食, 可惜今次留低o左個電話喺部車度, 影唔到相, 但係我個夏威夷漢堡, 真係好好食呀塊菠蘿好大塊, 仲幾甜, 蕃茄幾新鮮, 兩塊漢堡扒夾住塊菠蘿, 再比塊芝士同蕃茄加生菜夾住, 個口大多一倍都無辦法一啖咬哂男友個脆魚堡我食o左一啖, 塊魚柳好熱, 辣親我個口添, 魚柳表皮幾香脆, 都好味!本來要六十幾蚊, 而家平十蚊, 抵番哂

下晝去左皇室堡行街, 經過Freshness Burger 買左個特級牛肉芝士鮮堡食, 加埋汽水一杯, $46!! 屬於中上價錢味道都唔錯, 漢堡扒有肉汁的, 有肉汁的扒牛肉味通常不輕, freshness 的都不例外, 芝士, 生菜, 大塊蕃茄, 洋蔥, 一層一層的搭上, 個口咁細點咬得哂? 只有逐塊拆開嚟食各樣材料都新鮮味美, 但, 唯一的缺點係, 個包唔係好夠熱, 唔知點解, 塊扒都熱, 但個麵包只係室溫左右而已, 影響了成個包的味道

4月27日, 今次再黎食freshness burger, 因為上次食完之後病咗, 所以決定以後唔食! 不過真係敵不過金錢, openrice寄來了一百大元coupon…… 所以又再一次唔信邪食多次. 上次我肯定係杯粟米湯出事, 今次死都唔叫粟米湯~ ::: Double Hawaiian + Drink ::: $52睇product shot好似好大個, 不過叫完黎到個包其實係好扁平~ 分別有2塊漢堡扒, 1塊菠蘿, 1塊蕃茄, 加埋d生菜芝士~食落感覺都唔錯, 漢堡扒係好日式咁係搽上照燒汁, 菠蘿都食到新鮮味, 唔係罐頭嘅~ 整體都係唔錯~ 不過賣$52就真係唔值…::: Teriyaki + Cheese & Bacon Munch Skin + Drink ::: $51如果我地知道Double Hawaiian 係用照燒汁就一定唔嗌呢個啦! 2個都係照燒汁漢堡扒, 所以感覺呢個無咁豐富, 好求其咁得一塊扒加d生菜絲, 可能mc記齋漢堡包都多料過佢… 而個焗薯皮唔夠熱, 芝士凝固咗, d煙肉粒又凍嘅, 難食……真係為咗coupon而食… 比$3有兩個餐真係無野好講, 不過如果

早前接過老公放工後來這裡吃晚飯, 老公不想吃她們的漢堡, 所以點了牛扒意粉餐, 賣相真的好一般, 牛扒跟大家樂的沒兩樣, 意粉就更加難吃, 伴碟蔬菜又粉又唔新鮮, 整個餐最好的是杯汽水, 不吃完全沒有損失, Freshness Burger 真的沒有一樣食物能討老公的歡心。 我因不想吃薯條, 所以只點了特級雙層牛肉芝士漢堡, 這個比較像樣, 整個漢堡很高身, 女孩子吃有點難度, 沒有大嘴巴不知從何吃起, 一口咬下, 肉汁和油水大量傾瀉而出, 即時相當狼狽, 但奇怪的是這些大量的肉汁和油水瞬間即逝, 因為全給麵包吸索了, 後來發現麵包某些部份是又腍又濕, 感覺不太好就是了。漢堡扒色澤有點奇怪是灰白色, 牛肉味是有的, 但還是較喜歡Burger King 的華堡多一點。這款漢堡是這店最貴價的, 我亦認為是這店最好吃的包包, 但與同是來自日本的Mos Burger 相比, 我覺得Mos Burger 的漢堡包更具誠意, 更值得吃。其實真的沒有再來幫襯的理由, 因為現在比她做得好的漢堡包店有很多, 除非又有免費的贈卷啦。

早上十一點半黎, 冇乜人. 因為裏面有梳化, 所以比一般快餐店坐得舒服.印象中睇過開飯好似話麻麻地, 所以冇試太多野. 試左個 ~Teriyaki Chicken Burger: 包裝個design好好. 揭開後包裝紙變成三角形, 包住個包底部, 食時唔會跌到周圍都係. 包較軟. 有略略toast過. 雞幾滑. 汁其實係沙律醬, teriyaki sauce可以話只係舊雞浸過, 所以唔太夠味. 生菜就好過份, 完全冇蔑過. 有啖成十塊一齊. 洋荵切成小粒. 跌來跌去. 唔切好過切.漢堡包店來講服務算唔錯. 包整完會有人羅過黎. 整體亦算幾多人serve.總結: 雖然環境唔錯. 但個包本身唔會令我返來再食過. 但未試過可以試下.

特級牛肉芝士鮮堡$33,包好鬆軟,牛肉大塊好厚,只是無乜肉味,肉汁豐盛,由於洋蔥太生,我不太喜歡.如果有熟洋蔥會比較好.吉到明治鮮堡$36,這包無乜特別,豬肉味唔夠,炸得唔夠鬆脆.加了和風薯角,薯角好香,炸得香脆又唔會炸唔透和好濃,就算凍了都唔會好濃,最欣賞唔會下太多油見到都怕.扣除OPENRICE50元後,只需補多38元.多謝openrice

首先真的很多謝Openrice，因為很坦白的說，沒有那些優惠卷，我真的不曉得自己會不會再來光顧的，因為現在香港的漢堡選擇實在是多得很了。拿了一百元的優惠卷，和女友吃一個「便宜」的午市快餐，兩個人點了兩個餐，我也是順應美國的快餐文化，吃漢堡包，當然要喝可樂了，而女友選了抹茶牛奶，小吃選了芝士煙肉焗薯皮及和風沙律分吃，而包選了特級牛肉芝士鮮堡及雙層夏威夷鮮堡。可樂不好喝，是現場打氣的貨式，罐裝好喝過它萬倍，也別談樽裝了，而抹茶牛奶是出奇的好喝，除了有濃濃的抹茶味外，牛奶的作用也是令這飲料更順滑的。小吃也是可以的，因為和風沙律之中的雜菜新鮮，雖則醬汁是沒有什麼驚喜的酸醋汁，但所以也沒理由難吃吧；芝士煙肉焗薯皮的芝士不香，但也是不能要求太多的了，而薯皮焗得乾身而不焦，有點脆而中心粉，加上香濃的煙肉味，也不錯。到了重頭戲漢堡包了，先說特級牛肉芝士鮮堡，以沾了芝麻的包身，夾着一塊厚過麥記一點的漢堡扒，加上薄薄的一塊芝士、洋蔥、蕃茄及生菜，咬下是非常的Juicy，不知是否它要履行自己店名的意思，要Fresh，但Fresh基本上不能跟Juicy簡單的劃一個等號，包身被浸至軟腍，其他材料再好也失敗了。而

30-4-2009作為「港女」, 見身上的 cash coupons 就快到期, 當然要「發揮」「用得唔好0徙」「本性」, 呢日夜晚同朋友 dinner 到銅記分店用晒佢.叫了 Classic Cheese Burger combo, 跟 iced cappuccino, 另散叫一份 onion rings (total $71) 獨食:-- onion rings: 內裡洋蔥就頗香甜又有點汁, 但炸粉好厚, 夠脆但又勁多油, 食完感覺麻麻.- burger: 樣衰, 但食味比樣更衰 -- 牛肉 patty 肉味淡淡的, 品質麻麻都算, 仲要煎得乾0鞋, 好在有點 tartare sauce「濕潤」0下; 芝士係 cheddar 色水的一塊無味0野, 又係「卡夫」? 包身頗濕, 軟撻撻, 唔得; 最倒胃就係蔬菜, 蕃茄叫 ok, 洋蔥就一疊 grill 都無 grill 過的「塔」0係度, lettuce 片片大大塊亂作一團, 混入求其唧兩0下的 ketchup 及無味 mustard, 成個食0既 process 可以用「捱」字0黎形容. 好差的一個 burger, 大家千祈