G Room Bar & Lounge

營業中

休息中

第一次激到要寫食評經openrice訂了 1000$套餐1.19:00訂的枱，最快20:00才有頭盤。 上菜極慢，食物溫度都凍晒🤪🤪🤪2.食物質素，懷疑同旁邊glasshouse（$201-401）同一個廚房，換左個環境變（$401-801）餐廳。很普通。3.出餐次序亂黎，我簡左tasting menu ，食左主菜（鵪鶉）先上湯。亂咁黎😡😡😡，食食下主菜又無啦啦上埋個甜品。4. 環境一般，有兩個大電視機播放各地圖片。如果真係好想試下，建議黎叫個甜品🍮（幾十蚊）就夠。就我以上經驗，對我都係幾差既體驗。未有意慾再黎呢間餐廳😫😫😫唔好經openrice book果1000$餐了 好伏

經Gaia app見到佢有個下午茶優惠買一送一（$298）每次經過商場見到呢間餐廳好靚 難得有優惠就入去試下原來呢間餐廳係屬於glass house好好彩嗰一日去到係冇人 幾乎可以講係包場我哋叫咗個下午茶set 前菜係Parma ham多士Tea set入邊有魚子醬pancake 炸魷魚 蝦多士 炸單骨雞翼 炸雞軟骨 四件cake甜品仲有一件小窩夫坐喺呢個環境食嘢係幾舒服，電子螢幕會不停轉換例如有四季嘅變化，威尼斯人河景，中國長城，草原呢個價錢嚟講係真係物超所值嘢食嘅種類係好多，最後係食唔晒啲嘢味道都還不錯唯一唔好嘅就係未必隨時隨地都有職員喺度招呼你不過佢地都好頻繁過黎睇你食野進度 再去上下一道食物

Nothing right with the food first of all but nothing really special either , if u are looking for a nice place for your instagram then ya , it’s a god place to be chosen . But if you are looking for something that tastes amazing maybe it’s not going to be the first choice of yours . I mean, nothing it’s really bad with the food but it s not worth for its price .Pasta, not al dental, normal and just tastes like what a home cook can cook at homes Steak, again, nothing too fancy about it , just pan

諗住結婚週年同老公食西餐，去唔到旅行，就揀左呢個可以360度睇唔同國家風景既餐廳，氣氛、服務同食物質素都好好😍 仲要埋單完全唔貴！本身望落都以為食餐晚飯要4位數，點知叫左兩個main course同加埋甜品都係$8xx😆 又飽又抵食、Manager Omar勁nice!!! 幫我地影相又令，仲好好人幫我地成日轉風景，又介紹左個好好食既綠茶梳乎厘😋 真心推薦😋👍🏻

上星期book左食晚飯，去到冇待應企喺門口，客人自出自入的。餐廳座位唔多，得幾張枱，平日晚上都有三枱。未黎之前睇過環境好似幾靚，嚟到之後發覺地方唔大，但螢幕就好大，好似360°圍住，長期望住個螢幕其實隻眼好攰😅食物款式都幾多，價錢偏貴，而且份量太少… (冇心機影相，得一幅😶)最離譜係食物要等成粒鐘先上菜，而且冇侍應會留低，因為啲侍應喺隔離間Glasshouse走來走去，發現連食物都係嗰邊攞過嚟… 由於餐廳地方唔大，好容易聽到隔籬枱講咩，聽到一家大細都話好伏，食完嗱嗱臨走😂 。講真，食物質素唔差，但係點解唔去隔籬嗰間Glasshouse呢？ G Room 價錢又俾嗰邊貴少少，服務又冇，真心冇理由會再來🥲。

又約左朋友慶祝生日🎂今次搵左K11 Musea 呢間西式餐廳🍴聽說非常之啱打卡慶生，一於黎試吓先😊😊餐廳位置比較隱蔽，準時晚上7點到達一枱都未有，入到去好似一間VIP Room面積唔大，大約有三十個位左右，但有好大個LED 屏幕，好似去咗環遊世界咁，有唔同既景色，例如：紅葉🍁、雪景、莊園、海底世界等等，猶如响世界各地食緊晚餐，好正呀🤩脆炸鵪鶉脾配西班牙青椒 $128 ⭐️⭐️⭐️⭐️細細既鵪鶉脾平時少食，炸得脆脆，D肉又幾嫩滑烤意大利煙燻芝士配烤車厘茄 $168⭐️⭐️⭐️⭐️烤過既車厘茄暖暖地比平時生食既仲甜和烤芝士味道好夾香烤西班牙乳豬配迷你青椒 $338 ⭐️⭐️⭐️⭐️有6件，乳豬外脆內軟配埋旁邊的雪梨片一齊食，就唔怕滯喇~燒龍蝦及和牛横隔肌 $428 ⭐️⭐️⭐️⭐️焗法國黄油春雞配黑松露意大利飯 $358⭐️⭐️⭐️吉士棒配紅莓雪葩 $118 ⭐️⭐️⭐️⭐️整體來講：雖然全晚只有一個店員招呼比較忙碌，但成餐飯都食得好開心，好似一齊去左旅行咁，朋友話嘢食比預期好食喎👍🏻😋

今日同朋友慶生，又去咗熟悉嘅 K11 度 搵靚餐廳食飯，今次揀咗一間好特別嘅餐廳，餐廳面積唔係好大，佢係屬於旁邊另外一間餐廳 Glass House，感覺好似一個 VIP Room，又好似係佢另一個品牌咁，入到去呢間餐廳食飯，好似還遊世界，感受著春夏秋， 因為佢四面都係 LED 顯示屏，會有唔同嘅景色，食飯嘅時候，就好似去咗歐洲嘅莊園，又好似去咗北方嘅雪地，感覺好正！今次我買咗好多有西班牙味道嘅菜式，例如西班牙乳豬，乳豬皮燒得好脆肉質仍好嫩滑，另外嗌咗燒春雞意大利飯，燒龍蝦及和牛橫膈肌，牛扒燒得唔錯，印象最深刻係前菜，最好味係泰式油甘魚薄切，酸酸地好好食，另外有西班牙燒鵪鶉髀，細細仔卜卜脆，另外仲有意大利烤芝士，好特別，主角甜品係吉士棒配紅莓雪葩，好值得推介！

食環境, self-Service?! - K11 Musea G Room Bar & Lounge今次小🐷同小仙子去打卡餐廳Chill下，首先個門口有d 隱蔽，搵左一陣發現呢間G房喇🤭Book左食下午茶，等左一陣都唔見人，終於見到人，唔知係咪因為平日，我哋包場"環遊世界"😅成間房得幾張枱，我哋任坐就揀個靚位影影影喇📸呢度下午茶都幾特別，有Ham同魚子醬食架，幾款炸物我就覺得個蝦多士同蠔唔錯😌甜品方面，有四款cake 同埋兩件waffle，我就覺得麻麻喇，諗起對面Rosewood d 甜品實在無得比啊😜今次經Openrice 訂枱upgrade 左杯Sangria🍷溫馨提示：間房好難搵到侍應，見到有人就要落哂order 同埋叫佢幫你影相喇😌

去食呢間野真係要好～～～得閒先好去！是咁的～我同女友五點半到左，落完單一直等…等到6點3都未帶野食！邊邊果枱五點到都未帶野食。同侍應追左兩次就講個set 係會等耐啲，咁我地就cancel轉食散叫。都等到6點7先上個左湯。旁邊有家人遲過等地都到左個pizza….6點45上左意粉，6點五十五上埋個意大利飯。熱水叫左兩次先有人攞嚟。個景係靚，不過有1-2段片個剪接位好跳，好似lag一下咁有少少影響感受。野食係好食既，夠層次感都夠暖。雞好好食！可惜無時間慢慢食。可一，不可再

開頭真係俾佢啲相吸引咗入嚟，原來中伏本身間餐廳已經細，客人唔算多，員工態度服務差，等第一碟餸等成粒鐘先上，平安夜諗住食啲好啲quality嘅餐廳，完全係失望，成個 experience 勁差，強烈建議唔好幫襯！同隔籬枱距離超近，基本上係好似一齊食飯咁個廚房係同隔離餐廳share用，員工又唔夠，服務態度完全有問題，黑口黑面冇水洗面食物就質素一般，價錢唔係特別平，比+1服務費都俾得唔舒服一句講晒，完全唔會再幫襯

不少人趁着年尾「清算」假期，連同法定假日，拼湊成一個悠「長」假期，方便出國旅行。相信大家最近打開社交媒體，已紛紛發現一眾親朋好友們拿着行李、身處世界各地旅行的照片，實在叫那些於聖誕期間只能成為「留下來的人」大感羨慕！位於K11 Musea的「G Room Bar」是Gaia Group旗下一間主打以地中海菜色為範本、並注入馬來西亞、日本等亞洲風味的環球Fusion菜餐廳。要數上餐廳的最特別之處，必定是「特大360度曲面LED屏幕」，以超高清形式播放世界各地的名勝古跡及自然風景，猶如身臨其境，帶來嶄新的用餐體驗。即使短期內未能出國旅行，大家也能拍下一堆「極呃Like」的美照，放上社交平台一樣吸睛！環境：✨餐廳門面非常低調神秘，色澤深沉，走進去是一個被「特大360度曲面LED屏幕」環抱的空間，閃爍的天花設計在灰白色系傢俬的襯托下，更能突顯科技時尚感，成為獨一無二的藝術空間。服務：✨當天晚市人流多，樓面職員較忙，但上菜時間令人滿意，用餐時間很足夠。筆者是日晚上享用「Tasting Menu For 2」，每位$600。First Bites🍄 牛肝菌黑松露配水晶麵包✨擺盤令人眼前一亮，放置在

11 Musea商場一直比我嘅感覺係高貴又帶點神秘嘅感覺，好想入去探索一下。位於五樓有一間西亞Fusion菜新派餐廳，將馬來西亞及日本等亞洲風味融入地中海食譜。餐廳喺商場直入到尾嘅位置，有一個小門口入去。餐廳面積唔大，但一踏入餐廳就被360度電視螢幕吸引住，用餐期間電視上嘅風景會轉換，帶你環遊世界，而餐廳音樂亦花咗小心思，會跟據電視場景轉換🎼今次同袁太嚟食，我地叫咗6-course套餐。嚟食之前有略略睇過其他人食評，大約話餐廳唔夠人同上菜速度慢，但我哋又唔覺wo，餐廳其實面積唔大，當晚有一至兩位侍應，而上菜速度都快，每食完一樣已經上另一道菜，我估餐廳有用心聆聽意見👍🏻牛肝菌黑松露配水晶麵包用一個精緻嘅玻璃盒上菜，賣相已經好吸引，牛肝菌配黑松露炒得好香，連脆卜卜麵包好好味脆炸鵪鶉脾配西班牙青椒鵪鶉脾炸得剛剛好，肉質juicy，無需配醬汁已經夠香口，青椒唔苦連埋鵪鶉脾一齊食幾夾日本鮑魚海膽炒意粉呢個有驚喜，用紫蘇葉一齊炒，食落好有鑊氣，有中西Fusion感覺。鮑魚切得夠薄，連同海膽同意粉一齊食有口感得黎又有鮮味布拉塔芝士沙律配無花果及杏仁呢個沙律我好鍾意，用上淡味嘅布拉塔芝士同無花果，配酸

👍🏻 牛肝菌黑松露配水晶麵包由首飾盒般的容器展開序幕 期待感up up🆙底下麵包口感其實像薄脆 擔配上面creamy非常嘅牛肝菌黑松露醬 好滋味！👍🏻 布拉塔芝士沙律配無花果及杏仁 呢款沙律🥗我同朋友評分都極高 蔬菜、無花果等好新鮮 布拉塔芝士屬比較淡味但口感清爽 醬汁用咗雜莓 所以整體味道係酸酸甜甜 很是開胃🙆‍♀️ 👍🏻 脆炸鵪鶉脾配西班牙青椒本以炸過嘅鵪鶉脾會好韌 但呢度竟然係皮脆肉嫩 建議搭配少少西班牙青椒🤏🏻 辣味勁過癮🤲🏻 👍🏻 日本鮑魚海膽炒意粉海膽綿滑 海味濃郁🌊好貼心已經將鮑魚切片 食嗰陣好方便 意粉主要調味為欖油及辣椒🌶️充滿香氣 👍🏻 香烤西班牙乳豬配迷你青椒乳豬份量都幾多 烤乳豬嘅豬皮部分好成功 脆而不膩 肉質嫩滑且保留到肉汁🐽配菜可嘅辣味及甜味 令此菜變得輕盈👍🏻 燒龍蝦及和牛橫隔肌 龍蝦香氣十足🦞肉內透露淡淡燒過香氣 熟

無諗過一間餐廳裏面可以穿梭唔同環境一時浪漫醉人 一時去到水族館 等一會又去到了London 過一會又到日本 同世界各地不同地方 成間餐廳個氣氛都有所不同 呢度嘅環境同埋音樂氣氛籠罩之下特別有情調 叫咗一個二人餐慢慢享受 我平日夜晚去 人不多 食得好舒服Tasting menu for 2 $600 per person 菜式都好Fusion 屬於新派餐廳將亞洲風味融入地中海食譜 呢度適合情侶用餐或者朋友生日慶祝價錢都好值得 ♥︎牛肝菌黑松露配水晶麵包多汁牛肝菌黑松露 配上脆又有些煙韌嘅包 最靚係好似一個Jewlery box present 好精美作為starter 另外對今次嘅用餐充滿期待♥︎Sweet corn cream soup都幾鍾意濃郁嘅粟米湯 ♥︎Fig Salad 沙律菜好新鮮配上黑醋汁 Parma ham on top ♥︎脆炸鵪鶉脾配西班牙青椒 都係小食 炸得酥脆 每人2隻份量都算多♥︎日本鮑魚海膽炒意粉 用上新鮮嘅日本鮑魚 意粉炒得剛剛好 ♥︎香烤西班牙乳豬 配迷你青椒 脆卜卜嘅外皮 有啲醬汁伴碟 唔油膩 好清

一間浪漫約會餐廳, 環境昏暗有情調，仲有360度LED Wall 景打卡，每10min 轉一次景，一邊食一邊欣賞，餐廳整體唔算大間Tasting Menu for Two $600/1ppFirst Bites -牛肝菌黑松露配水晶麵包 賣相精緻又好味，好香黑松露，麵包仲好鬆脆Small Bites （2選1）-甜粟米忌廉湯配西班牙火腿-布拉塔芝士沙律配無花果及杏仁個湯好濃郁，甜甜粟米味/沙律好多配菜，有無花果、杏仁、芝士、西班牙火腿、新鮮又好夾Medium Bites脆炸鵪鶉脾配西班牙青椒炸到岩岩好唔會油膩，肉仲好嫩滑PASTA日本鮑魚海膽炒意粉賣相吸引，海膽份量十足，鮑魚爽口彈牙，但海膽唔太新鮮MAIN （3選2）香烤西班牙乳豬配迷你青椒燒龍蝦及和牛橫隔肌西班牙乳豬皮脆內嫩，真係好好食❤️龍蝦啖啖肉，仲有五份熟牛肉，牛味濃郁帶有嚼勁 ❤️Dessert開心果芝士蛋糕❤️好香開心果和芝士味，唔會太甜