GAIJIN

營業中

休息中

女朋友生日食好啲，咁啱社交平台發現呢間唔錯嘅西餐廳，位於銅鑼灣，食完行陣都得👍上網問清楚開瓶費可以叫一杯免一枝，切餅費就本身免嘅招牌好日式Omakase feel生日就點Lobster Set Dinner for two $798頭盤3選2：蟹餅蟹味足，蟹肉量多，多到有點鬆散頭盤3選2：龍蝦沙律用上芒果沙律醬，非常清新開胃湯2選1：龍蝦湯非常濃郁，係深紅色嘅湯，加咗好少嘅忌廉裝飾，加咗少少蟹肉，正👍澳洲龍蝦拼肉眼扒龍蝦燒得香脆，但肉質稍微鬆散，唔似波士頓咁爽彈，配上右邊嘅芒果醬。肉眼扒成數準確，唔厚但大塊，肉汁豐富，有少少嚼勁甜品一份：心太軟好正外脆內軟，加埋雪糕冰火一流當晚爆場有30客左右，只有店員3名，但係服務出色，每道菜都會睇時間同情況去上菜，感受到西人嘅幾個鐘食一餐飯嘅享受

慶祝屋企人生日今次我哋黎左GAIJIN, 登龍街樓上舖位黎, 環境唔算細, 坐到十枱多少少~ 我就早一星期book定, 見openrice仲有折tim~~好精緻嘅一碟櫻花蝦溫泉蛋沙律-配日本胡麻沙律醋汁。睇中左有溫泉蛋而嗌，啲沙律菜好嫩綠脆口，仲有我最愛嘅蕃茄！櫻花蝦豐富左個口感，真係唔錯嘅配搭👏香蒜欖油大蝦意粉好大一碟，我鍾意意粉夠彈牙，香蒜欖油非常非常香，味道滿意度係滿分！！大蝦肉質彈牙，高質！另加單點甜品-法式焦糖燉蛋。焦糖整得脆薄，蛋燉得滑嫩同蛋香味真係好出！甜品都係高質🥹

銅鑼灣人氣法國餐廳—GAIJIN，餐廳格調以幽暗簡約風為主調，整體充滿氛圍感，而且性價比高，屬於一間隱世高質西餐廳🍴 Set dinner 包括餐湯、主菜兩款、甜品及餐飲，特別推介炭燒美國頂級安格斯肉眼扒配紅酒燒汁，肉眼扒肉質煎得粉嫩，配上特製紅酒燒汁，令肉質味道香濃入味～ 而另一款主菜，鮮蝦欖油蒜片天使麵，蝦肉煎得香口，配上橄欖油蒜香既油脂，令天使麵更出色更好味道，整體黎講係一間幾唔錯既樓上西餐廳😋

LOBSTER SET FOR TWO✨ Starter - 香煎法國鵝肝 & 法式蟹餅前菜三選二，我地揀左鵝肝同埋蟹餅煎到金黃色既鵝肝，味道香濃油份係啱啱好油膩感幾乎係零，拌碟都只係有一細粒甜水果，並唔需要用上法包或者甜蘋果原原本本咁食到鵝肝自己獨有既味道法式蟹餅完全用蟹肉製成，無添加任何麵粉之類黏合。外表炸到鬆脆，一口食落去充滿住蟹肉既鮮香味，好正🙌✨ Soup - 蟹肉龍蝦湯 & 法式洋蔥湯蟹肉龍蝦湯超級濃郁，一羹落去濃稠既龍蝦湯包住左隻羹咁濃郁既龍蝦湯真係好難得，味道超香，呢個龍蝦湯試難忘呀法式洋蔥湯味道香濃，夠晒熱辣辣上面既芝士溶化又包住法式麵包，一齊食真係好好feel✨ Main Course - 焗原隻澳洲龍蝦伴美國肉眼扒配紅酒汁大大隻真龍蝦，終於唔係波士頓龍蝦啦！相比市面上大部分都係用波士頓龍蝦，呢份真龍蝦肉味道完全係另外一個層次，龍蝦肉口感同樣彈牙，但係味道更為香濃鮮甜，就連龍蝦膏既味道都更香👍🏻肉眼扒厚身而且口感一流，熟成度處理得好準確☺️有少部份筋位，不過煙韌有口感。另外我非常欣賞佢地呢個main course既安排作為二人遠，龍蝦一人半隻，份量合理既肉眼扒，性價比

已光顧兩次，這次帶同家人一行三人再次光顧，食物質素很好，很有水準，生蠔拼盤很新鮮，叫了二人餐，号外加了牛扒，柚子蝦沙律和焦糖燉蛋，兩杯白酒，整體食飯有水準，職員會每一度菜也幫忙換碟，這是一間一而再再而三幫襯的餐廳。

今次嚟到銅鑼灣用餐，位置方便，座位舒適，環境幾舒服，今次店員推介之下試咗呢款2人餐🪄鮮蝦柚子沙律口鮮蝦柚子沙律，鮮蝦同埋柚子沙律嘅比例都做得唔錯，第一次試呢個配搭🪄蘑菇忌廉 蔬菜湯濃郁蘑菇忌廉湯，飲起上嚟帶點蘑菇甜味而忌廉湯口感幼滑，而蔬菜湯就似平時飲嘅羅宋湯🪄慢煮西班牙黑毛豬鞍配帶子黑毛豬鞍厚肉，以慢煮方式烹製鎖住肉汁，切開肉質粉嫩軟腍，仲帶點油脂香，而帶子煎得剛剛好鮮甜嫩彈🪄直通粉配煙三文魚風乾蕃茄露笋煙韌彈牙直通粉，掛上適量香草橄欖油，卷成玫瑰花狀的煙三文魚擺設幾好，脂肪條紋分佈平均，嫩滑帶點煙薰味入口甘香，酸甜蕃茄乾，爽脆蘆筍做配菜🪄心太軟配雪糕心太軟切開流心，甜度適中，仲有香濃朱古力流心配上蛋糕口感，切開流心效果一絕濃濃朱古力流出，再配埋雲呢拿味雪糕口感豐富冰火交融🚩GAIJIN（銅鑼灣）銅鑼灣登龍街28號永光中心9樓#addifoodie #addifoodie銅鑼灣#foodie #hongkongfood #香港美食 #吃喝好去處 #週末好去處 #goodfood #周圍食 #情侶美食 #HKcouple #foodiecouple #美食 #香港美食 #香港餐廳推介

呢間西餐第一次食就愛上咗，食物高質，每道菜都好吸引dinner set由starter, salad, soup, main, dessert 都有😋🍴香煎法國鴨肝配梅酒蘋果鴨肝油香十足，但食落不算太油膩，好豐富嘅口感，好鐘意😋特別地配上梅酒蘋果粒，可解油膩感🉐🥗暖帶子蕃茄沙律好鐘意佢嘅擺盤，十分精緻，帶子微微香煎過，軟滑又新鮮，配上蕃茄、沙律汁，口感清新🉐🥣雜菜湯🥣忌廉湯兩款都好好飲，又rich，must have item🐷慢煮西斑牙黑毛豬鞍配帶子豬鞍厚身，煎得香，肉質好稔，近骨位更香，另外帶子煎得剛好，又軟又滑，夠鮮甜👍🏻🉐🍝鮮蝦蒜片欖油天使麵天使麵幼身煮得有欖欖油香氣，蝦算大隻煎得香口，整體好食🉐🍫心太軟配雪糕最後仲有甜品😋心太軟好正，蛋糕外脆內軟，朱古力味起濃郁，入面好多朱古力漿，配雲尼拿雪糕好好食🉐另有coffee or tea ☕️ 💰$568/ 2 dinner set

香煎法國鴨肝配梅酒蘋果真係入口即溶，滿口油香，梅酒蘋果嘅清新可以平衝到個油香暖鮮蝦柚子沙律個sauce好味，蝦肉彈牙，柚子增添左清新感雜菜湯呢個雜菜湯比較似洋蔥湯，係比較清嘅雜菜湯南瓜忌廉湯Creamy得黎，有新鮮南瓜嘅甜味炭燒美國頂級安格斯肉眼扒配紅酒燒汁Medium-rare嘅肉眼扒，燒得啱啱好，肉質嫩得黎，好juicy，炭燒味都好出鮮蝦蒜片欖油天使麵呢度嘅蝦係好好食👍🏻呢個dish嘅蝦係香煎，彈牙之餘多份香口心太軟配雪糕外型有少少似富士山😆流心效果都唔錯，配埋雲呢拿雪糕，一冷一熱，口感就更加豐富🍽️Dinner Set for Two $568 另外嗌左兩杯特飲🍹芒果乳酸梳打呢杯比較甜，乳酸味好濃🐬藍天梳打呢杯比較清新，有啲似波子汽水

第二次食Gaijin,上次嚟係食dinner今次黎就食lunch😬唔算太肚餓，所以兩個人只係order左以下野食，啲位好大，環境舒服到可以慢慢坐，好悠閒嘅weekend呀☺️櫻花蝦溫泉蛋沙律配日本胡麻沙律醋汁  (Starter）：夏日炎炎食沙律真係好爽，實在冇諗過佢係咁靚咁大份，櫻花蝦為整個沙律增添咗啲鮮味！胡麻沙律醋汁令人超開胃，超正呀！！！寶雲酥比目魚配芒果芥茉汁，又係冇諗過個比目魚都幾大嚿，而且肉質比預期中要鮮嫩，個面煎得好香好香，仲有少少嘅雜菜配料喺側邊，充滿蛋白質又好食，真心好推介!

原本只係為左影相打卡而過嚟，對食物質素冇乜太大嘅要求，但係真心估唔到啲食物咁有質素同咁抵食，未嚟過嘅朋友仔真心推介過嚟試吓2人set $568全包，好多野食好豐富：1️⃣暖帶子蕃茄沙律2️⃣炭燒美國頂級安格斯肉眼扒配紅酒燒汁3️⃣直通粉配煙三文魚風乾蕃茄蘆筍4️⃣心太軟帶子蕃茄沙律前菜好開胃，蕃茄好多汁，配帶子好夾～～～安格斯肉眼扒勁大塊，5成熟，勁juicy唔難咬開,切開中間見到啲油花好靚！！直通粉上嘅三文魚極之多！除左卷左花形，係成碟意粉都仲有好多碎三文魚，真心足料有誠意！個汁好香好夾，勁好食。心太軟都做得好出色好流心🫶🏻食到好滿足☺️☺️

近日到訪一間銅鑼灣法國的餐廳，性價比非常之高，服務周到。晚市有二人套餐，亦都可以散叫，種類繁多。煙三文魚沙律，三文魚沙律色彩繽紛，蔬菜新鮮，搭配的沙律醬清爽，是一個極佳的開胃菜。蒜蓉麵包外脆內軟，蒜香四溢脆口。每一片麵包均勻地塗上了香濃的蒜蓉醬，略帶焦香，非常適合搭配湯品享用。松露湯，松露湯濃郁而絲滑，散發出淡淡的松露香氣，令人醉。湯底的鮮美與松露的獨特氣味相融合，為食客帶來奢華的享受。蕃茄湯，以新鮮蕃茄為主料，味道酸甜適中，十分開胃。湯的質感醇厚，搭配蒜蓉麵包吃格外美味，是一個不錯的選擇。大蝦意粉，蝦肉新鮮且大，味道鮮美，搭配的意粉煮得恰到好處，既有嚼勁又吸附了濃郁的醬汁。三黃雞的皮脆肉嫩，白白滑滑，加入了一些香料，增添了風味。每一口都能感受到雞肉的鮮美，非常誘人。最後甜品部份的蘋果批雪糕，外皮酥脆，內裡蘋果餡香甜可口，配上香滑的雪糕，口感對比令人驚喜。

位於銅鑼灣鬧市中的樓上餐廳，可能冇乜宣傳，星期六中午都唔係太多人。餐廳環境有西餐氛圍，廁所乾淨很讚。餐牌set lunch選擇夠全面，附送嘅餐包夠熱好好食。加錢叫咗個龍蝦湯，好夠味又有龍蝦肉。店員知道我哋share，廚師自動幫我哋分碗非常細心。主食叫咗意粉，麵條處理得好好夠乾身又al Dente。另外叫咗個豬扒，低溫慢煮keep到肉質夠嫩滑。最後叫咗個心太軟，呢個有驚喜，外脆內軟個餡又唔會死甜。整體食物好店員服務殷勤，會翻桌。寫食評係覺得佢可以值得有多d客😃

最近聽家姐講佢食過Gaijin話好食, 我又唔執輸約左男朋友黎食😛😛男朋友都幾著重餐廳環境嘅人，我就冇咩所謂嘅，不過佢一上到黎都話覺得環境又幾好！呢碟係男朋友嗌嘅扒原隻澳洲龍蝦 ($480),另一碟就我嗌嘅黑松露牛肝菌意大利飯 ($158), 當然我地都係share食嘅😌澳洲龍蝦大到嚇親我😲原來會比咁肥美大隻咁荀架咩！！！食落肉質又好彈牙好新鮮，出符意料地抵食喎！黑松露牛肝菌意大利飯味道非常的香濃！飯粒軟硬度適中，啖啖黑松露味道又啖啖都有牛肝菌，好好食🥹🥹最後提議男朋友不如下星期再黎🥹

銅鑼灣不嬲都多好西，今次聽聞呢間餐廳推出咗一份新菜單！所以決定去試下兩人套餐，估唔到驚喜連連STARTER香煎法國鴨肝配梅酒蘋果前菜已經係驚艷，鵝肝煎得香脆又重油香，軟綿可口！鮮蝦柚子沙律蝦大大隻又彈牙MAIN COURSE炭燒美國頂級安格斯肉眼扒配紅酒燒汁主菜嘅牛排煮到啱啱熟，同醬汁亦搭配得宜直通粉配煙三文魚風乾蕃茄露笋除咗面頭嘅煙三文魚之外，仲有mix咗煙三文魚碎，撈埋幾好食～Overall黎講係一間幾抵食嘅西餐廳

見到Gaijin啲相啲野食擺盤全部都好精美，好吸引到我同朋友黎試下。入到餐廳，覺得環境已經好打卡able🤭座位又好闊落，打造得好舒服嘅環境。焗原隻蒜頭法包$48法包層層疊咁擺好，香脆又大塊！除左本身已經充滿蒜香嘅包，仲有原隻蒜頭比你加落個包食，蒜香愛好者真係不能錯過😍😍慢煮三文魚扒配芒果芥末香草汁$248個汁我好欣賞，芥末同芒果原來咁夾架🫢配落嫩滑三文魚度真係十萬個好食！塊三文魚好靚，自身油脂極香🤩黑松露牛肝菌意大利飯 $158 黑松露味好香濃，牛肝菌好多舊，真心足晒料！risotto稠度煮得剛剛好，食落超綿滑入味😍🥰