Garden Bar & Restaurant

營業中

休息中

朋友介紹話有間餐廳打卡唔錯，咁就黎左「Garden bar & restaurant」探一探究竟，黎到就覺得環境唔錯，清清靜靜，播著輕鬆音樂，燈光幽暗，好適合傾偈。醉鴨舌 $78酒味完全滲入鴨舌內，而且鴨舌勁滑，食到停唔到😋松露什菌薄餅$148真係好多菇菇，又好多松露，配上沙律醬餞底，薄餅是薄脆片，配搭得幾好食😋白酒忌廉煮青口配水晶麵包 $128佢話換個蒜蓉包比我哋，蒜蓉包幾香，皮脆，青口肉就比較細，忌廉味比較出。炸薯條配松露醬 $48熱辣辣食係最好，份量好多，食唔晒添😅

同事介紹呢間係尖沙咀新開既西餐廳好抵食🥰今晚就約左一齊食，餐廳新開張應該無幾耐，裝修同設計都好新淨。幾鍾意佢地既森林設計，岩晒港女打卡❤️❤️.食物方面都似酒吧格局，除左小食都有主食，廚房係半開放式，可以間接睇到廚師煮咩😋.🍴椒鹽雞軟骨$48價錢抵食既小食，外酥內脆雞軟骨，口感豐富，加上椒鹽樸實簡單的調味，減輕左油膩感，岩晒餸酒。.🍴烤熟成有骨豬肉眼$268類似斧頭扒，夠厚實，油花分佈平均，肉與脂肪的比例perfect，入口仲會滲出濃郁肉汁，連骨位置既肉味更濃味。.🍴乳豬腩片配橄欖油蒜片辣椒意粉$108 真係好抵食既西餐，蒜片辣椒乳豬腩片意粉香氣十足，意粉質感偏向煙韌，配上橄欖油，加埋落左辣椒，蒜片的惹味加上辣椒既香，好惹味。.飲料價錢都唔貴，可能始終係呢條街比較偏遠少少，所以啲人未行到嚟呢度，價錢先可以咁抵食👍🏻 希望下次黎都可以keep到水準😋

餐廳主打田園風格，裝潢佈置簡約清新，店內放置了墨綠色的梳化，配以綠油油的植物牆，搶眼之餘也適合打卡！香炸魷魚鬚 ($48)魷魚鬚酥脆可口，口感超彈牙，香口惹味，佐酒一流。香烤魷魚一夜干 ($48)魷魚外乾內濕，富有彈性，經風乾熟成，味道更香濃。白酒忌廉煮青口配水晶麵包 ($128)青口口感幼滑，入口奶味香濃亦帶有陣陣酒香，用麵包蘸汁醬來享用，更是美味。香煎北海道帶子配黑松露忌廉闊蛋麵 ($238)闊蛋麵口感煙韌有彈性；帶子煎至外層香脆帶焦糖色，內裡嫩滑軟綿，鮮甜彈牙，黑松露則為菜式添上獨特香味，香濃美味。

今日做完Facial 諗住搵下有咩地方醫肚，見呢間餐廳幾有氣氛就入去試下，裏面環境裝修明顯係for打卡😂哎也，食物方便應該係我食過酒吧餐廳中最好的，因為通常飲酒地方都係啲小食，而且做法簡單，冇什麼特別，估唔到好好味。松露雜菌薄餅$148個皮真係非常非常之脆，夠晒薄身，一嚟已經聞到好香嘅黑松露味，食落有濃郁嘅芝士同埋野味洋蔥，每一啖都非常之香濃，正！❣️乳豬腩片配欖油蒜片辣意粉$108睇落個意粉冇乜特別但係食落真係又係非常驚喜，香蒜加微辣非常野味，與豬腩片嫩滑，肥瘦適中，麵條軟硬啱啱好。小食方面，椒鹽雞軟骨$48必備㗎啦，炸得非常香脆，豚肉奄列$78 蛋煎得剛剛好，中間流心軟滑。唯獨是係醬汁多咗少少🙈

朋友好鍾意捐窿捐罅搵嘢食，呢日佢約我喺尖沙咀食飯，竟然要我陪佢一齊周圍行，發掘新餐廳😆，佢呢間餐廳望吓嗰間又入去睇吓，過咗大約30分鐘，終於決定喺呢度食，我梗係唔反對啦，因為我已經行到有啲腳軟😆朋友負責點菜，呢間酒吧餐廳竟然有滷水食物，朋友又竟然點咗😆，食完滷水雞翼滷水豆腐，跟住食 pasta 同 pizza，感覺非常有趣😆😋，朋友點咗：- $48嘅「鹵水雞翼」：肉超腍，一叉叉落隻雞翼中間，竟然分開咗兩半，可以想像腍得幾厲害- $48嘅「醉雞翼尖」：少少辣，鍾意食雞翼尖嘅一定好 enjoy - $38嘅「鹵水豆腐」：豆腐皮有少少煙韌，豆腐肉充滿滷水汁，幾惹味- $168嘅「鮮海膽蟹肉闊蛋麵」：煮得幾 creamy - $138嘅「海鮮薄餅配千島醬9“」：薄餅皮真係做到超級薄

9 0 後 的 味 蕾尖沙咀嘅餐廳真係多到眼花撩亂，好多時都係見到裝修得靚靚地就入去，呢間餐廳就裝修得好骨緻啦，專登整咗一個森林打卡Area，用咗Modern嘅Bar design，坐得好舒服、好有氣氛嘅！.嘢食方面餐廳大玩中西合璧.📸滷水拼盤有鴨舌、雞腎、雞翼、豆腐，滷水汁唔咸、材料全部醃得好入味、鴨舌好淋好滑、豆腐係外脆內軟既質地、雞翼大隻、鴨腎夠軟.📸海膽蟹肉闊蛋麵海膽鮮甜、忌廉味唔重、意粉比較結身、奶味唔會太重、食完都唔會好濟.📸青口奶味唔重、醬汁偏酸酸哋、麵包外脆、中間好鬆軟、岩點醬汁.

話咁快又到星期六，老友搵左一間係尖沙咀，裝修得好有氣氛的Bar & Restaurant 食個晚飯😋🥗招牌沙律，內有雨衣甘藍、沙律菜，蕃茄仔，色彩繽紛，開胃之選。🫔滷水豆腐，賣相靚滷水汁好入味，外脆內裏的豆腐就滑嘟嘟。🐷烤熟成有骨豬眼肉，勁厚而且真係烤得好香，完全做到表皮香口而內裡粉嫩，肉汁一流，口感十足而調味適中，配菜亦都唔馬虎，有炸薯條，蔬菜唔係普通白烚，誠意十足!🍝乳豬腩片配欖油蒜片辣椒意粉，豬腩肉配上惹味意粉，豬肉片稍微煎香，蒜片辣椒嘅互相配合，令意粉無論係味道同口感上都有所提升，爽口彈牙、確實抵食又好味🤓- 輕輕鬆鬆又過左一個輕鬆愉快嘅晚上，和昨天講再見。

Happy Friday 梗係要飲番杯輕鬆一下，所以嚟咗尖沙咀Garden Bar & Restaurant 貪佢又可以食嘢又可以飲嘢，而且餐廳環境特別有情調，除了布置成綠色花園外，還有開窗位好啱喜歡戶外又怕熱的朋友。單骨雞翼呢個睇怕係最啱送啤酒的小食，單骨炸得外脆內嫩，容易進食和𦧲骨。白酒忌廉煮青口配水晶麵包上台就聞到帶有陣陣的酒香，加上香濃忌廉和青口，味道十分配合。香脆的水晶麵包點白酒忌廉汁，麵包吸收濃郁的白汁，超好味😋烤熟成有骨豬肉眼經過熟成的豬扒，厚切也非常鬆軟爽口，肉味濃郁。伴碟的薯條香脆不油膩，拿來送啤酒一流。

Garden bar 充滿田園氣息，☘️綠色的花牆加上暈黃吊燈，坐在沙發長枱，像置身於綠野仙蹤，是夢幻的打卡位。吧枱的落地玻璃窗，透入天然光，點一杯Cocktail，令人放鬆恬靜。紅酒燴羊膝$238 羊膝燴至內𥚃嫩紅，肉質軟綿，咀嚼之間，香盈的肉汁縈繞，紅酒汁淡淡酒香，肉汁倍感惹味。以多款食材搭配: 紅蘿蔔粒及薯仔，燴到清甜、綿糯，十分吸引。海鮮薄餅配千島醬9吋 $138Pizza上鋪滿豐富的配料： 青口、鮮蝦、洋蔥等，披薩入口脆卜卜，彈牙鮮蝦，洋蔥香甜多汁，配上濃郁千島醬，滋味滿足。滷水豆腐$38豆腐脹卜卜，口感外脆內軟，滷水汁非常入味，帶微微香辣，🥢令純樸豆香加上惹味感覺。

呢間綠悠悠嘅酒吧餐廳，裝修靚之餘仲好好feel🌱見到唔少人都同情侶來拍拖，實在係好浪漫呀！等緊嘢食嘅途中你仲可以去旁邊嘅打卡位影好多靚相，位置都算闊落令人坐得好舒服。醉鮑魚（$108）兩大隻啖啖肉，最重要嘅係仲幫你切好一片片，完全係方便到極致，鮑魚酒味不濃但入味軟腍。千島海鮮薄餅（$138）係仲好脆嘅薄皮做底，千島汁冇得輸～乳豬腩片配欖油蒜片辣椒意（$108）味道較清淡，配上濃味蒜蓉包可中和一番！

今日同朋友去尖沙咀食飯，就搵咗呢間酒吧傾計+食野😚😚鋪頭環境幾靚，仲有個打卡既千秋位添,好符合佢個garden 既名🌱🌱鱈魚乾 ($38)🐟🐟烤到脆脆地又幾香，個蛋黃醬仲加左少少七味粉，幾有誠意，傾計可以一邊食下幾方便鹵水雞腎 ($48)🐣🐣又一個送酒小食，雖然今次朋友唔飲得酒我地都冇叫，但都係想食下d 小食，雞腎有好微既辣味，都幾好食鮮海膽蟹肉闊蛋麵 ($168)🍝🍝成個pasta 都好creamy 😍😍個白汁痴到好多蟹肉，個闊蛋麵勁掛汁好好食，加上表面既海膽夠新鮮幾鮮甜👍👍白酒忌廉煮青口配水晶麵包 ($128)🥂好香好好食既青口，白酒忌廉汁一直係絕配，好大碟青口都勁快比我地清哂，再加埋用麵包吸哂d 汁唔浪費😝😝📍 Garden Bar & Restaurant (尖沙咀)尖沙咀柯士甸路7-9號煥利商業中心地下A號舖 #香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #food #foodie #foodstagram #foodblogger #berryfoodie #berry尖

平時放完工都會好想食好野同埋去啲靚既餐廳打卡，今次男朋友就搵咗係尖沙咀一間西餐滿足我打卡既意慾。餐廳除咗有好多種類既西餐之外，仲有好多吾同類型既酒，岩晒hapoy friday既dinner連下場。餐廳有一個corner係專比人打卡，咁我當然都有影埋一份，嗌杯酒坐係度影張相，真係幾靚同埋chill架。😋日式炸豆腐依個豆腐真係整得好好食，因為佢外面個層吾係個隻炸粉好厚、好脆個種，而係好soft，配合番豆腐本身好滑既感覺，加上碟底有啲日式醬油，真係好match。😋 海膽蟹肉闊蛋麵首先要讚下啲海膽先，因為好多餐廳既海膽都會吾夠新鮮而好腥，但今次既海膽都無腥味。而啲闊蛋麵既質感有少少似啲手工麵，所以好有咬口，吾係平時淋晒既。😋 紅酒燴羊膝羊膝真係煮得好淋好入味，而紅酒既味道岩岩好，吾會搶過咗本身既羊味。

尖沙咀食市林立，今次決定帶謙謙見識下酒吧打卡好地方😊，亦幫謙謙影左幾張靚相。呢到除左有個好正的打卡位外，唔好睇表面以為只係酒店，其實仲有dinner 食架， 我和謙謙就叫左以下幾款：⚛ 香炸魷魚鬚 ～ 魷魚鬚好酥脆仲要爽口彈牙，令人想追住食。⚛ 單骨雞翼 ～ 即炸單骨雞翼，如果可以加一點七味粉就更惹味。⚛ 海鮮薄餅配千島醬 ～ 估唔到佢個底係咁超薄脆片的， 有青口海蝦在上層又幾好喎。⚛ 鮮海膽蟹肉闊蛋麵 ～ 一湯匙就盛起海膽送入口，好濃郁好回味那份鮮甜， 蟹肉拌勻係蛋麵內， 連住一口過幾正。

尖沙咀搵間可以慢慢坐下食下，環境唔錯又唔多人的餐廳，依間正合我意。餐廳地方闊落燈光柔和，仲有兩處打卡位可呃like。而美食選擇多元化，明明西式餐廳竟然有日式小食，好奇怪，不過好味就得了~鱈魚乾 $38鱈魚乾鬆脆香口，啖啖鮮味，一片接一片真的停不了口。日式炸豆腐 $48豆腐炸得金黃酥脆入口即化，索晒醬汁，與木魚花一起食，一件一口鮮味滿足。乳豬腩片配欖油蒜蓉辣椒意大利麵 $108意粉份量唔少，粉條較粗口感軟硬適中，充滿蒜香味。乳豬腩片肥瘦均勻肉嫩，整體味道唔錯。法式香烤蝴蝶春雞 $168雞肉肉質非常嫩滑好juicy，熟度剛好咬落一啲都唔un，雞皮塗上的醬汁更是超美味。伴碟粗薯條炸得一點都唔油膩，食落唔熱氣。Before 12 $48味道似有氣檸檬汽水，好易入口，杯邊掛住檸檬皮作裝飾之餘，每次飲都聞到清香的檸檬味。 Happy Ending $48友人一聽個名就點左，以菠蘿汁、青檸汁及梳打水調配，底部有熱情果肉，味道非常清新，果然有種happy ending感覺。

與朋友一起慶祝生日，當然要一間有氣氛的餐廳於是嚟咗Garden Bar and Restaurant ，一間很Green 的酒吧西餐廳，超多打咭位，而且有嘢食又有酒飲，最重要餐廳唔會太嘈，很合適聊天傾心事。香烤魷魚一夜干第一次吃一夜干魷魚，魷魚味比新鮮的濃郁，配搭Wasabi沙律醬非常惹味，很不錯的前菜小吃。海鮮薄餅配千島醬千島海鮮批應該是大人小朋友都喜歡的，甜甜酸酸好開胃，最喜歡就是他薄薄的餅底，好像梳打餅一樣超脆口。紅酒配羊膝羊膝炆得很入味，羊膝完全吸收紅酒和洋蔥的香味和甜味，味道層次豐富，肉質腍滑，配法包一流。