Gastrobox by Okapi Cafe (已結業)

星期二的西貢，清閒自在，比週末可愛得多。心情不俗放工揸車去食飯，到達呢間精緻嘅小餐廳。環境佈置頗有心思。樓底很高，空間感不錯。餐檯唔用檯布、用餐紙，感覺比較casual 唔拘謹。坐低先奉上開水，無問你「sparkling or still」，讚一個。菜單比較簡單，A4紙 2 版寫晒。其實簡單啲，對我這種選擇困難症也是很方便的。奉送麵包。合格。叫了幾款食物 for share。小份 Smoke salmon ceasar salad，清新。門口推介的白汁青口，好得！個汁好好味，送麵包一流，最後我地當湯咁飲。個青口好新鮮、好 juicy 、唔腥。正。肉眼牛扒，好驚喜。我地點了 medium rare，非常準確，好多肉汁。肉味濃，非常嫩滑、無渣。明顯廚師有落心機整。在非扒房地方、$300蚊左右食到呢個 quality，12 盎司夠晒分享，好開心。義大利飯。落芝士非常重手。可能咁係正宗，但係香港人覺得有小小太 heavy。是日揸車、飲零度可樂。紅酒留俾朋友飲。總體感覺不錯。人均消費 400多，可以番叮。

放假同男朋友去左西貢行下relax下，好耐入西貢Lu~然後晚餐揀左呢間餐廳食。環境好靚💕.烤特級安格斯肉眼牛扒(12安士)$318牛扒好大塊！牛味濃，幾juicy , 高質呀！牛扒汁都好味，薯條炸得脆身，塊蕃茄整得好好味🤤有埋西蘭花，呢份薯菜好健康👍🏻.香煎比目魚拼芝士蟹肉大啡菇 $238又係好大份！比目魚好滑，芝士大啡菇好juicy , 入面既蟹肉好足料！仲有好大pat好味既薯容，好正！呢個主菜非常飽肚🤣英式野豬香腸伴巴馬臣芝士及蘑菇$88兩款腸都好味！仲有少少牛油少雜菌同沙律菜，豐富美味🤤.大黃蘋果金寶 $68一上菜就聞到好香喇！口感香脆，又多蘋果粒，好好味😍

Chill可以去到幾盡，我同瓊姐今日去到西貢 Gastrobox by okapi cafe 食一個兩個鐘嘅靚lunch。先來一個干邑龍蝦湯，湯味濃郁，而且愈飲愈濃味。沙律就叫了芝士番茄煙三文魚蟹肉沙律，超fresh 。之後再嚟一個英式炸魷魚圈配炸薯條，香脆美味。主菜係白酒忌廉煮青口配蒜蓉包，青口粒粒都飽滿，忌廉香醇， 蒜蓉包香脆，好好味呀～另外煎虎蝦配黑松露意大利飯， 虎蝦超爽彈牙， 黑松露意大利飯粒粒有咬口，滋味無窮。餐廳環境十分舒適， 有如置身於懷舊英式大廳，食住飯傾住計，十分chill，Chill住過一個Happy Friday !!

西貢食肆臨立，海鮮和泰國菜或許是多數人的選擇，但今次這餐廳實在值得一試。環境一流，歐陸式的裝修，很有情調。食物水準亦很不錯！是晚點了：燒春雞：肉質鮮嫩無比！好正好滑！龍蝦湯：濃郁美味！焗田螺：美味但多了些配料我個人麻麻。煮青口：個汁真心正！很大盆！很好味！有得儲里數平日又有折，而且可以上網訂位！抵食！方便！推薦！

由於今日做嘢關係去咗西貢，諗你諗去都唔知食咩好，以前聽朋友講西貢海鮮係非常出名，經過見到呢間西餐廳又有海鮮食就諗都冇諗就入咗去啦！餐廳嘅裝修比較高格調，擺有好多唔同類型嘅裝飾品，蘑菇湯飲落去比較creamy，菇味較重～法國燒春雞配蜜糖介末籽醬燒春雞燒得剛剛好，皮香肉滑，配上蜜糖介末醬，好juicy呀～香煎珍寶虎蝦配黑松露意大利飯虎蝦大大隻，好入味，意大利飯有特色，飯粒較硬～炸薯條薯條係我最愛的厚切，唔算好油，但夠脆！

西貢一向都譽為香港後花園之稱，假日都有很多人入去輕鬆下。到西貢市中心平時都會揀食海鮮為主，今次我們兩個人反而想試下其他的餐廳， 就決定到Gastrobox。餐廳裝修擁有歐陸式風情， 配高貴復古的格調，柔和的燈光帶給客人舒服輕鬆的感覺。 進入餐廳坐低不久，店員已經為我們送上餐前法包，非常窩心。之後我們點了Cold Seafood Platter ( S ) $348，Grilled Angus Striploin $280，Wild Mushroom Cheese Risotto $138。餐前法包 ~ 一碟有四塊法包， 如果溫度可以熱少少，牛油容易啲溶透落麵包度會比較好味。Cold Seafood Platter ~ 海鮮拼盤我點了細size， 但都已經有好多海鮮，龍蝦，長腳蟹，鮮蝦，螺，帶子。 味道鮮甜，配埋餐廳特製海鮮醬一起食用，yummy!Wild Mushroom Cheese Risotto ~ 飯每粒都煙煙韌韌，還有很重的芝士香味，好creamy。Grilled Angus Striploin ~ 牛扒反而有根，本身肉質是新鮮的，但我點5成熟，感覺煮耐了一點， 如果可以控制

難得有一日放假，同爸爸好有閑情逸致咁入西貢行吓，沿着海濱行，見到一間好有英倫色彩嘅西餐，就決定入嚟食返餐豐富嘅英國菜！入到餐廳，以為自己真係去咗旅行，留底兩層高，有鹿角吊燈，仲有一個仿火爐，擺設亦十分有心思。坐低冇幾耐，店員遞上熱辣辣嘅餐包，細細件一兩啖就食完，唔會影響胃口，之後店員仲問我地需唔需要添，服務周到。田螺入好軟身，輕易能夠咬開，烤焗過嘅芝士亦都脆卜卜，入口香濃，同軟綿綿嘅薯蓉形成強烈對比，口感豐富。一定要讚下沙律菜有幾新鮮，食落爽口清甜，仲有些少煙肉粒和麵包粒作點綴。重點係煙三文魚高質素，食落有輕微的煙燻木味，口感嫩滑，鹹味適中，剛好襯托出新鮮三文魚的鮮味，整份沙律有足足三大片。三文魚睇落製作簡單，但細節亦有心思。三文魚扒好厚身，入面好做事，證明烹調時間剛好，特別欣賞忌廉香草醬汁，醬汁打得好滑，滲出香濃的习草香味，同三文魚係完美配搭。真係冇估到羊仔𩣑咁大份！仔細睇，唔難見到呢度會有足足四隻大羊架體積，上面鋪了香草和蒜容碎，香濃氣味撲鼻而來！叫咗七成熟，裏邊仍然保持粉紅，肉汁流晒出嚟，羊穌味唔算太突出，廚師也沒有用太多調味料醃制，反而突出肉嘅鮮味，配合黑椒芥茉醬汁，整體惹味，

西貢可以話係另一片樂土，舒適怡人，偶爾入黎行下都唔會悶。歡樂嘅新年假期過後，西貢街頭依舊平靜，行到萬年街，留意到有間門面幾高級嘅西餐廳，原來係GASTROBOX，之前經過尖沙咀同西環分店都已經感到興趣，今次既然黎到門口，一於食餐新年飯應下節啦！可能比較晏嘅關係，呢一晚竟然俾我地包場了店內環境裝修、佈置都十分優雅而且仲帶一點傳統復古風格，令人感到非常舒適。正當我地努力研究餐牌嘅時候，店員已經緩緩送上餐飽，法飽滲出微微香味，而且仲暖架首先叫咗干邑龍蝦湯，龍蝦味道相當濃郁，而特別之處係落咗干邑去煮，所以飲落會有好輕微嘅甘味，唔似平時飲開嘅咸龍蝦湯，但係兩者係好夾架！湯入面仲有粒蝦肉，肉質都好爽口彈牙之後叫咗份英式蘋果酒炸魷圈，份量相當之多，而且好熱辣辣，心急人士要小心燙口魷魚圈炸得好脆口，唔會過咸，忍唔住愈食愈多另外要讚下薯條，份量都好多，唔會炸過龍，而且唔使點茄醬都好食跟住叫咗份烤特級安格斯T骨牛扒拼野豬香腸，由於係16安士嘅關係，都幾大塊幾厚配菜份量都唔少，特別一提個番茄好甜一點酸味都冇，上面仲有蒜蓉添！主角T骨牛扒就當然好味道，濃郁牛味，叫咗七成熟唔會太鞋颯颯，亦都唔會太乾，可見廚師烹

自從結咗婚之後就少咗好多同老公行街拍拖嘅機會，今日特登從遊舊地，入咗西貢行吓！夜晚就嚟咗呢一間gastro box意大利餐廳浪漫下餐廳唔算好大，但係的骰得來，環境好好，好似以前同老公去歐洲旅行嘅外國餐廳咁！落單之後侍應就第散咗熱辣辣新鮮麵包，牛油切得好的骰，本身就帶咸味，係一個幾好嘅餐前小食老公直接用啱啱嘅麵包外來點呢一個黑松露蘑菇湯，勁濃嘅菇味，超愛呢個湯飲得出裏便係用咗大量嘅菇整成！田螺焗薯蓉，有冇發現依家啲餐廳好似少咗呢一味菜咁，但係其實好多人都好鍾意食㗎薯蓉好細緻，就連田螺都好入味！老公叫咗五成熟12安士肉眼扒，真係好夠份量！直情大過我塊面！五成熟啱啱好！好濃嘅牛肉味！薯條並唔係街邊嗰啲坑紋薯條，反而新鮮炸起食得出有心思！我自己就叫咗分羊架，羊架一邊另外用芥末籽薄荷葉等等調味，好重羊肉味，不過愛羊嘅我梗係唔濃唔食啦！最後上碟嘅係甜品Apple crumble!! 餅皮焗得好鬆脆新鮮熱辣！入邊有蘋果肉！唔會太甜配上雲呢拿醬，好完美真係好難喺香港搵到呢個質素嘅蘋果批！我老公話每年結婚紀念都要帶我你再食多次喎

趁放假約好友去西貢食下意式西餐，餐廳環境有特色，歐陸風情感覺，裝潢佈置都好有格調，復古藍配金屬風，配上燈光柔和舒服，餐廳都算迷你，放左約8張檯，適合三五知己或者同家人相聚。上菜前有4塊法包、牛油味好香，但比較難溶。食前菜之前有龍蝦湯，口感creamy，龍蝦味濃郁，有一隻鮮蝦，感覺唔錯。前菜揀左Caesar salad配Parma ham，有d ham既脆脆碎，口感更豐富。海鮮揀左個香煎比目魚拼芝士蟹肉大啡菇，魚好滑，口感幾好，大啡菇好juicy, 蟹肉好多，配埋芝士夠晒味。主菜揀左烤特級安格斯西冷牛扒，5成熟，整琴岩岩好粉紅色肉身，加少少汁好好味。甜品係法式焦糖燉蛋，層焦糖係凍既，內裡燉蛋就暖笠笠，好香滑。

咁啱有discount,特登去試食，食咗兩個tea set, 一個薯角，味道一流。薯角炸得啱啱好，嘢食夠哂新鮮，Tea set 都好味。餐廳環境都唔差，坐得好舒服。值得推薦，希望下次有機會再試試其他嘢食。

好喜歡去西貢走走，除了人傑地靈可遠離繁囂外，更有很多具特色而有質素的餐廳，這間西餐廳便是其中之一，無論食物質素和服務均有保證，留下了深刻而美好的印象。餐廳環境十分華麗雅緻，感覺高尚又有氣氛，裝潢設計富有格調，充滿英倫古典風，跟外面相比，完全是兩個世界似的，在餐廳坐著好有避世的放鬆感覺，給客人一個喘息空間。餐廳的服務佳，店員殷勤款待，上菜速度快，又經常加水、更換餐具等，招呼周到。餐牌上的食物款式不少，最意想不到的是以如此高級的環境下，價錢竟然頗親民，跟普通西餐廳相比不算昂貴，果真物超所值。黑松露野菌忌廉湯，湯質好濃好傑身，內有很多蘑菇粒，蘑菇味香濃。蕃茄水牛芝士煙三文魚蟹肉沙律賣相精美，煙三文魚肥美厚肉，一大團的蟹肉份量好多，沙律菜新鮮爽脆，再加配芝士，各樣配合得宜，大開胃口。英式蘋果酒炸蝦好有特色，炸蝦大隻啖啖肉，彈牙爽口，蝦肉中滲透出甘醇酒味，好特別。白菌焗田螺非常足料，田螺大粒又夠軟身，也不會像一般劣質的乾爭爭，而且底下更配有香滑的薯蓉，加上大量白菌和醬汁，吃得滋味。香煎鵝肝意大利飯，鵝肝大件又厚身，煎得恰到好處，滑溜又充滿油香。意大利飯軟硬適中，醬汁超級濃郁又creamy，但又不

聖誕又就快到，男友帶我提早慶祝過聖誕🎄！😺今晚帶左我去浪漫西貢西餐慶祝。呢間有幾間分店，男友揀左平時少去，又浪漫d氣氛好d既西貢分店食飯。🙂餐廳就係海鮮街附近，好昜搵到。入到去環境好靚，好有外國餐廳feel.播住聖誕歌，好有氣氛，坐得好舒服🤗選擇好多，最後見到呢份兩人套餐都幾抵食，就揀呢份喇！先來一份餐包🍞多士烘得熱熱的，加上牛油很香脆。沙律可選煙三文魚或鵝肝。我地揀左鵝肝 😍哇！好大盤沙律🥗比平常既前菜沙律大得多！有兩塊大鵝肝，煎到外面很脆卜卜，一切開啲鵝肝油流哂出黎。正！😍食落有入口溶化既感覺！好味。沙律菜落了黑醋汁，食落酸酸地好開胃！😋餐湯:龍蝦湯☕味道非常濃郁，重龍蝦味。很鮮味！是日餐湯:甘筍忌廉湯，相對比龍蝦湯 味道無咁濃味，飲落好creamy,帶點甘筍既甜香味🥕🥕main course:3選2聖誕大餐點可以少得牛扒🐂烤安格斯西冷牛扒 配 紅酒汁 好大塊，有10安士。多肉汁好重牛味。再沾少少紅酒汁，更加惹味！配菜亦好多，有大大條既粗薯條🍟好香脆！烤特級黑豬扒 12安士 配芥末子燒汁🐽呢度既野食都好大份，食到好飽。豬扒有啲肥膏，再烤一烤。逼哂啲味出黎。好香好煙韌！而個芥末子燒

今晚Happy Friday ,男朋友話想入西貢食下野吹下海風，趕走上班的勞累。初時以為佢會例牌又係帶我食海鮮，點知原來佢book左依間咁浪漫既西餐廳。 餐廳有兩層，淺藍色格調我喜歡，牆上歐式掛畫、加上柔和音樂，給人平靜舒服的感覺。除了喜歡那歐陸風的裝潢，餐廳的食物亦有一定水準，值得推介。-職員安排座位後，先奉上脆多士-🌟Soup :當晚天氣少少凍，吹了一陣海風後，想飲碗暖湯。和男友各自挑選了一款1️⃣是日餐湯:紫薯忌廉湯 $48作為紫薯控，又怎能抗拒這款呢紫薯味道出，亦夠香夠甜，而且質感濃郁，不會水浠浠。-2️⃣黑松露野菌忌廉湯 $68磨菇湯一向係男友最愛的一款西餐湯這個黑松露野菌濃湯冇得輸！足料磨菇🍄，味夠香。入口品嚐到磨菇碎有口感；而且湯既質感唔會杰身。喝完兩碗暖笠笠的湯，有種幸福感-🌟Appetitzer1️⃣白菌焗田螺 $78嘩！那層厚厚濃郁的焗芝士多麼的吸引田螺很爽口，味略帶咸香，配上底部的香滑薯蓉，味蕾的享受。-🌟Main Course 1️⃣法國春雞配蜜糖芥末籽醬 $208這款主菜需等候大約20分鐘的製作時間，但是絕對值得的。慢工出細貨，慢煮烹調令雞肉滑嫩多汁，皮夠脆🤤；一點也不鞋口。

今日朋友約我晚飯，朋友又有車，所以入西貢搵野食，本身都諗住食海鮮，但泊車之後行過一間西餐廳，比佢門口廣告板上的青口吸引左，所以就入去坐低！餐廳裝修不錯，臨近聖誕都有少少節日氣氛，成間餐廳感覺好舒服~望一望個餐牌！湯、前菜、主菜、配菜、甜品，每樣都有幾款可供選擇，而價錢都唔算太貴！之後我地兩個就開始討論食咩⋯⋯期間waitress走過嚟，我就問佢有咩推介，佢話可以試下青口及黑毛豬！但我朋友想食牛，所以我地就點左以下幾款！第一道來的就係青口😬「白酒忌廉香草青口配蒜蓉包」，waitress放低後一打開蓋，忌廉的香味隨之而來，好香！青口好juicy，完全唔乾身，雖然唔係好大隻，但配上白酒忌廉的汁好match！蒜蓉包亦不錯！選擇正確😬有驚喜！第二道菜嚟嘅係「白菌焗田螺」，佢用薯蓉配洋蔥及煙肉混合墊底，田螺上面用菇、白菌、少少芝士焗，味道唔太濃，份量亦適中！之後係「soup of the day」，南瓜湯，唔稀！南瓜完全溶化，抵讚👍🏻味道亦香濃！之後係主菜！先嚟「安格斯西冷牛扒」我地揀左7成熟，都係好juicy，不過就韌咗些少。再嚟的是「卡邦尼意粉」，夠穩陣⋯哈哈！味道不錯，不會太鹹！材料亦足夠！