Goobne Chicken (屯門時代廣場北翼)

營業中

休息中

一入到嚟就有位睇落去年紀好細嘅樓面員工，佢除咗同我講韓文unyohaseyo，仲次次都講多一句多謝晒唔該晒，呢啲我諗真係由細培養到大嘅禮貌嚟㗎，佢好貼心囉，一望到我支飲管爛咗就換支飲管俾我，同時落單又係佢，每次講嘢佢語氣都十分之好，睇得出呢位樓面員工做嘢都幾上心，唔似其他人咁，識得自動波又好好語氣，其實依家飲食業真係好少做嘢嘅員工仲可以咁認真為每一個人去服務，可能其他人有多啲呢啲嘅機會見識得到，但係我真係第一次遇到咁精力充沛嘅員工妹仔，咁有質素嘅服務態度，我真係第一次遇到，明明只係簡簡單單去食個嘢，野食價錢又都唔係話好貴，但係啲服務質素就好似去咗五星級酒店咁，唔知下次仲會唔會遇到嗰位樓面員工呢？等我食下佢嘅服務態度🤣🤣🤣！

岩岩食左兩個午餐，食物水平一平。樓面質素好好，係有一位資深啲講韓文嘅同事態度極為差。樓面同事唔小心收錯錢，怪責埋我唔睇單。黑晒口面，又比說話我哋聽，又不停話個樓面同事。食完一次唔敢再食

UFO芝士無骨雞火鍋價錢係HKD268有6款雞可以揀2款✌🏻揀左果味蒜香烤雞同甜辣烤雞🍗睇幅相以為兩個人應該岩岩好一送上黎啲雞比幅圖仲大隻左！！我見好多食客都要打包返屋企繼續食(･_･;用左三款芝士做拉絲效果 芝士味好香🧀兩款烤雞都焗到脆卜卜 外脆內嫩呀👍🏻！！！！男友評分 Goobne比其他韓國連鎖店都好食😋Total 16件雞全部KO！！！！！！！！！！！！！！！！！！！！！！！！

前傳：首先講吓呢間啲服務先，原先食嘢成個過程都冇乜嘢，但一小時後，店員無端端攞張單俾我哋（我哋冇叫到埋單）入座時都冇說明話有限時就覺得好奇怪，感覺佢哋有點趕客走，喳喳林想做第二轉咁，但我哋都未食完㗎😠之後出去埋單啦，有個韓國佬企喺收銀度西口西面，完全冇笑容不特止，碌完我張咭後係「飛」返落張枱度，係「飛」，超級冇禮貌，多謝都冇聲，以後唔會幫襯😡入內見到有「杜內相親」套餐宣傳牌，都冇食到，因為一心想食UFO芝士火鍋。呢間新開嗰時食過一次，當時已想食芝士火鍋，但就話冇貨，今次終可食到～🛸UFO 芝士火鍋（無骨）$268揀咗果味醬油蒜香烤雞同甜辣烤雞味。用咗瑪蘇里拉芝士，車打芝士，Grana Padano芝士，呢三種慢慢將溶化，芝士熱溶之後可以點烤雞食，滿滿既芝士包住烤雞，芝土控大愛呀！But芝士食起來唔夠香，烤雞皮都脆嘅，好食但冇乜特別，芝士太過拉絲關係要用手扯開先至會斷開😅🥚韓式雞蛋卷 $148雞蛋卷入面包住青瓜、餐肉、海苔、醃紅蘿蔔和芝士。雞蛋卷食落有少少甜味，另個韓式泡菜醬汁只係微辣。有9件，件件都好厚身，食一二件已好飽肚。🍹芒果沙冰 $58個杯太細，D沙冰又滿瀉咁滯，未飲已經流晒落張

太耐冇去旅行，特別掛住日本同韓國嘢食！早兩日入屯門送貨，見到屯市有間烤雞店，就決定入去一試。店舖唔算大，座位只有四十多個！一入去，店員就主動介紹星期一到五有抵食lunch set，有飯、面，烤雞，任你選擇👍🏻所以服務態度正常！今日唔算肚餓，所以就叫咗一個Lunch set，會附送魚糕湯、沙律，仲會送汽水或熱茶！整體來講， lunch set份量都多，尚算扺食！決定下次再叫烤雞試試😆因為都幾多人叫，賣相唔錯！不過當日天氣太熱，就額外叫咗一杯藍橙沙冰，賣相吸眼，份量都多。

難得平日放假，呢間喺屯門開左咁耐都未試過喺度堂食，只試過一次外賣炸雞，咁就去食lunch, 差不多兩點，舖內得幾枱，大把吉枱，兩個人要求坐四人枱，但服務員就話就算坐四人枱都要拉開中間，咩玩法？！算啦，咁坐二人枱囉！叫兩個午餐share, 叫左甜辣炸雞同牛肉蓋飯，炸雞就話得無骨？！話只係menu未update, 算啦又試下囉（我鐘意食有骨）。送餐到，前菜沙律難食、沙律面既多士粒係林，咬兩啖放底；魚蛋湯正常；炸雞到 - 伴碟薯條係淋，唔知未炸脆定放到淋，唔熱既，咬一啖放低；炸雞無骨係用雞扒劈開幾舊，唔脆、唔香、唔夠熱，甜辣汁唔會出事，因為都係撈落去，食兩件雞肉已經夠，完全唔推介，炸雞係要食有骨，無骨一啲都唔香，又唔明點解散叫就有有骨，午餐點就話得無骨。講到服務，就大把吉枱都要焗坐細枱已經唔滿意，之後每次叫佢哋執走啲碗碟都好似唔願咁，炸雞一放低已經佔左半張枱，再嚟埋個飯枱面已經無位... 仲有最重要係成日有啲野飛來飛去，飛去kimchi,酸蘿蔔，話佢知有野飛落去叫佢收走，只係話換個碟比我，我唔係想要過碟野，我只係唔想見到隻野，有野飛下飛下代表舖頭唔夠乾淨，佢究竟知唔知。整體嚟講呢間可以唔再去

宜家啲人成日會咁講「好耐無去旅行，好掛住邊度邊度呀」！而我今日忽然都好想食韓國炸雞🍗，左揀右揀就揀咗喱間，不過今日繼續叫外賣重點想食炸雞，所以喺喱間嘢就只叫左「（有骨）蜜糖蒜香炸雞」外賣始終比堂食差少少，唔太熱，微暖（外賣🥡嘅缺點）我食炸雞係鐘意有掛汁款，今次就是我預期這款。汁有點濃，帶黑醋色，雞上面有蒜片，但食唔到蒜味，有蜜糖甜味，但整個汁嘅顏色比我想像中深色左，唔似係蜜糖蒜香🧄。雞食落仍有點脆，讚👍🏻但食到底果幾件就開始有點咸所以炸雞跟一盒酸蘿蔔係完全正確✅整體來講，雞嘅肉質好味，唔嚡，仍有點嫩。份量算多，但價錢略貴。可惜今次這款口味不是我杯茶下次一定會再試其他味道。

近排大熱嘅社內相親申夏莉屋企就係經營呢間炸雞店🍗好吧!我仲係社內相親套戲未出到黎🤣講返間餐廳先,餐廳坐位都闊落嘅🪑店員態度都正常✨🔺蜜糖蒜香烤雞🍯$205有得揀無骨同有骨🙌🏻今次揀咗無骨😙總共有16舊烤雞💦每舊雞都好大舊同掛上蜜糖😋仲有d蒜片係旁邊🧄整體黎講係好食嘅同好大份🥰🔺番茄奶油炒年糕🍅$155呢個個汁偏辣但都開胃🌶食落有d似卡邦尼🤣配料包括有年榚,魚片同意粉✨份量都頗大份🙌🏻好飽肚😆🔺韓式海鮮湯$158呢個相對較清淡💦包括有蝦🦐青口,蛋🥚大量菜🥬木耳同蒜🧄湯飲落有麻油味但個人覺得太清淡唔太岩我食😂🔺芒果沙冰🥭$58呢杯好清新✨芒果味都好夠🥭而且好大杯😆真係由頭飲到走🤣

等等等等等星期日中午黎食UFO芝士火鍋， 用餐時間90分鐘。 等左大半個鐘都冇野食黎，後過我地入黎果啲客全部都有野食， 見唔對路， 催左兩次最後成一個鐘先有野食黎。 大家都真係要等咁耐？🤡

又到左要食韓國嘢嘅時候喇，呢一間餐廳嘅UFO芝士火鍋真係極度之邪惡但係又好好食！成個大大件嘅UFO芝士火鍋都只係$268 ，真係好好食同埋好抵食！側邊係可以自己揀嘅烤雞肉！我自己好鍾意食呢一度嘅蜜糖味道，真係甜得來再加埋芝士嘅香味真係好吸引！中間就係滿滿嘅芝士啦，芝士嘅香味再加埋呢度雞肉嘅香味，真係好有韓國嘅特色！

訂嗰時話七點有得攞，遲成半個鐘都未有得攞，話執緊都執成3個字！後過我嗰啲都攞晒啦。如果唔可以七點，就唔好顯示七點有得押吅手，早知要等成個鐘，我就唔落單自取啦！！！！！差差！！！！！！！！！！！！！！！！！！！！！！！！！！！！！！

Order左無骨雞，比錯咗有骨雞，仲要味都唔同，打開果刻灰左，好唔開心，其餘兩項食物都係好食嘅，係個雞令到我覺得失望囉，咁都可以比錯貨…下次買要自己check ，確定冇錯先拎走

呢間唔同於其他嘅韓式炸雞 韓式烤雞呢個都已經聲譽貫通韓國同香港 我地今次就冇繼續食佢嘅UFO芝士火鍋 兩個人嘅話真係食唔到🤣所以我地嗌左一份半半烤雞同埋一份韓式炸醬炒年糕 想試下韓式中餐口味～🥠炸醬炒年糕💰135呢度嘅定價都偏高 不過份量又唔會特別少 都相對符合性價比 由於我地成日食辣醬炒年糕 所以今次想試下典型韓式炸醬味😆有一個金黃嘅太陽蛋鋪係炸醬年糕同麵上面 可以篤穿撈勻D蛋黃同醬汁會更佳香甜 而年糕周圍其實仲有好多麵 變左係炸醬麵🤣雖然唔係特別多醬嘅個隻但係都夠濃味！麵嘅口感唔係公仔麵亦都唔係普通拉麵 而係半紅薯粉半拉麵嘅口感 比較有韌勁 而且都好索汁年糕唔係長型嘅橢圓形年糕 而係好似mini版枕頭咁🤣入面唔軟糯 反而比較硬身 所以唔係特別入味 出面個層就好有炸醬味 另外都有好多好大塊嘅魚餅 大塊得來就好索汁 所以呢個相對來講會比較鹹D 整體如果未試過炸醬味都算可以一試！🍗韓式BBQ醬醃燻烤雞+蜜糖香滑烤雞💰238雖然不比炸雞咁雞皮酥脆 但係烤雞反而皮都烤得脆身 薄得來又唔會嫌佢肥 而且成隻雞都淋滿BBQ同蜜糖醬係超級入味！仲有配多兩碟蜜糖芥末醬同埋BBQ醬 如果嫌唔夠都可以再點

17：37落咗單, 預計可取餐時間18：00同實際攞餐時間18：58相差差不多一小時, 呆等, 現場沒有任何職員理會你,三番四次追單下, 先發現漏單😡！店舖完全無能力招架所有訂單, 擠埋一堆人等外賣,危險過堂食！指定菜式7折, 但其它食品價錢高於menu原價, 總價錢仲高於親身去舖頭買外賣8折價,一樣要呆等, 我為何要用apps落單買外賣. 韓國人職員服務態度差, 收錢會同客人講嘢, 客人追單就當唔識聽廣東話,懶得啋你

第五波疫情隨時大爆發，政府又來晚市禁堂食，無奈ing 😑😑咁唯有外賣啦！之前喺荃灣分店食過一次炸雞同蛋卷，都很不錯，而屯門呢間開左咁耐都未幫襯過，今晚又想食啲香口野，所以揀左goobne 嘆一嘆！叫左炸醬炒年糕同無骨蜜糖蒜香烤雞，加配台式手搖茶，今晚超飽超滿足，抗疫也要開心吃😊😊無骨蜜糖蒜香烤雞我本人非常喜歡，味道甜甜的，但不會甜到漏，烤雞外脆內軟，仲要冇骨可以大口大口吃😋😋至於炸醬炒年糕，原來係炸醬麵加年糕加魚糕，忘記左影相😅味道算ok啦，雖然係外賣，買到返去食果時都已經相距半個鐘嘅事，但係打開竟然仲有少少煙，暖暖地，可能因為外賣關係焗得耐左，啲麵同年糕好淋好脹，相信堂食應該會好食好多…希望快啲可以回復正常啦🙏🏻🙏🏻